Shared Smile Org.

01/06/2026

24/04/2026

We're very proud of you, our former SK Chair. Camile Platero 👏✨

Kilalanin ang Ikalawang Kabataang pasok sa Piling Nominado ng Dangal ni G*t Tayaw 2026 - Parangal Para sa mga Natatanging Kabataang Liliweño. Para sa Kategoryang - Kabataang Propesyonal.

Narito ang isang dalagang tunay na maipagmamalaki ng Barangay Ilayang Palina, si Camile Joy B. Platero, dalawampu’t pitong taong gulang, anak nina Ginoong Rodel Platero at ng yumaong Ginang Roselyn Platero. Sa kasalukuyan, siya ay matagumpay na nagtatrabaho sa SM Development Corporation bilang Construction Management Supervisor, patunay ng kanyang sipag, talino, at dedikasyon sa propesyong kanyang pinili.

Sa murang edad ay marami na siyang natamong tagumpay at pagkilala. Kabilang dito ang pagiging Philippines Most Outstanding Young Civil Engineer & Inspiring SK Chairwoman and Humanitarian Advocate of the Year sa 5th National Dangal ng Lahi Awardee sa Baguio City noong 2023. Siya rin ang National SK QuranTeach Project Author na itinampok sa iba’t ibang media at radyo noong 2021. Naging Laguna Youth Parliament Delegate at Majority Floor Leader siya noong 2020, at nagsilbi ring SK Chairperson ng Barangay Ilayang Palina mula 2018 hanggang 2023. Dagdag pa rito ang kanyang pagiging Pangulo ng Youth Development Task Force – Liliw Chapter mula 2016 hanggang 2017. Ilan pa sa kanyang mga karangalan ang pagiging finalist sa Most SK Covid Response on Pandemic, Youth Development Affairs of Laguna 1st Youth Talk Guest, Provincial Secretary ng KKDAT Laguna Chapter, at miyembro ng Gawad Kalinga Luzon.

Si Camile Joy B. Platero ay namumukod-tangi sapagkat mula sa pagiging isang ordinaryong kabataan, siya ay hinubog ng panahon, pinatatag ng serbisyo, at pinanday ng malasakit sa kapwa. Sa kabila ng mga tagumpay, nananatili siyang mapagkumbaba at patuloy na pinipiling maglingkod, magbahagi, at magbigay inspirasyon sa komunidad. Siya ay patunay na ang bawat simpleng gawa ng kabutihan at bawat maliit na hakbang tungo sa pagbabago ay may kapangyarihang mag-iwan ng bakas na tatagal sa puso ng marami. Isang huwarang kabataang Liliweña na tunay na dapat ipagmalaki.

Siya na kaya ang tatanghaling kauna unahang Dangal ni G*t Tayaw 2026 - Mula sa Kategoryang -Kabataang Propesyonal? Ating sabay sabay na tunghayan sa nalalapit na Araw ng Parangal sa Darating na April 29,2026 Miyerkules 9:00 AM at LILIW TOWN PLAZA.





*tTayaw

15/04/2026

Ilayang Palina represents for Dangal ni G*t Tayaw 2026 para sa Natatanging Kabataang Liliweño sa Mataas na Paaralan.

Pagbati, Angel Elle Consignado! 👏

Kilalanin ang ikatlong Kabataang pasok sa Piling Nominado ng Dangal ni G*t Tayaw 2026 - Parangal Para sa mga Natatanging Kabataang Liliweño. Siya ay si Bb. Angel Elle D. Consignado, labing-siyam na taong gulang mula sa Barangay Ilayang Palina. Siya ay anak nina Gng. Elna D. Consignado at G. Leo C. Consignado. Sa kasalukuyan, siya ay isang mag-aaral na nagtapos sa Laguna Senior High School at ngayon ay nagpapatuloy ng kanyang pag-aaral sa Batangas State University – The National Engineering University, Alangilan Campus.

Sa larangan ng pamamahayag, kinikilala si Angel Elle bilang isang mahusay at dedikadong kabataan. Siya ay naging National Schools Press Conference Qualifier at kinilala bilang SDO Laguna Most Outstanding Campus Journalist Awardee. Tatlong beses siyang naging Division Schools Press Conference Champion at anim na beses namang naging Regional Schools Press Conference Qualifier. Naging Editor-in-Chief siya ng The Cadence at Associate Editor-in-Chief ng The Capitol, na kapwa kabilang sa mga nangungunang pahayagang pampaaralan sa SDO Laguna. Bukod dito, siya rin ay tumanggap ng mga Leadership Awards at nagsilbing Division Youth Formation Program Implementer noong 2023.

Maaaring sa simula ay hindi siya naiiba sa iba, ngunit sa pamamagitan ng kanyang patuloy na pagsusumikap, dedikasyon, at malasakit, unti-unti niyang nahubog ang kanyang sarili. Bilang isang mamamahayag at lider-estudyante, ginamit niya ang kanyang kakayahan hindi lamang para sa sariling tagumpay, kundi upang maging boses at inspirasyon ng kapwa kabataan. Ang kanyang mga tagumpay ay bunga ng gabay ng kanyang pamilya, mga g**o, at komunidad—kaya nananatili siyang mapagpakumbaba at bukas sa patuloy na pagkatuto. Bilang isang kabataang Liliweño, pinipili niyang magsikap nang may integridad at malasakit, at gamitin ang kanyang kaalaman upang makapaglingkod sa abot ng kanyang makakaya.

Siya na kaya ang tatanghaling kauna unahang Dangal ni G*t Tayaw 2026 - Mula sa Kategoryang Mataas na Paaralan? Ating sabay sabay na tunghayan sa nalalapit na Araw ng Parangal sa Darating na April 29,2026 Miyerkules 9:00 AM at LILIW TOWN PLAZA.





*tTayaw

13/04/2026

🙌

29/03/2026

🫡🥳🫶🏻

Binabati ka namin sa iyong tagumpay, Kapamilya!

08/03/2026

Bilang isang babae, ipinagmamalaki ko ang lakas, sipag, at determinasyon na dala natin sa mundo. Patuloy tayong magningning. ✨ Happy International Women’s Day! 💜