LTO LIPA District Office R4A

25/09/2026

15/09/2026

𝐀𝐁𝐈𝐒𝐎 𝐒𝐀 𝐏𝐔𝐁𝐋𝐈𝐊𝐎

Nais ipabatid ng Land Transportation Office (LTO) na muli nang magagamit ang Land Transportation Management System (LTMS) at maaari nang ipagpatuloy ang mga transaksyon dito ngayong araw, Setyembre 15, 2026.

Patuloy na isinasagawa ng technical team ng ahensya ang pagmo-monitor sa sistema upang matiyak ang maayos at tuloy-tuloy na paghahatid ng serbisyo.

Maraming salamat sa inyong pang-unawa.

14/09/2026

𝐀𝐁𝐈𝐒𝐎 𝐒𝐀 𝐏𝐔𝐁𝐋𝐈𝐊𝐎

Ipinapaalam ng Land Transportation Office (LTO) na pansamantalang magiging offline ang system ng ahensya at maaaring magkaroon ng pansamantalang pagkaantala ng pagproseso ng mga transaksyon ngayong araw, Setyembre 14, 2026, bilang bahagi ng isinasagawang transition mula sa Stradcom LTO-IT System patungo sa Land Transportation Management System (LTMS).

Humihingi ang LTO ng pang-unawa ng publiko sa anumang abalang maaaring idulot ng pansamantalang pagkaantala. Magbibigay ang ahensya ng karagdagang abiso sa sandaling maging maayos na ang sistema at maaari nang ipagpatuloy ang mga transaksyon.

Maraming salamat sa inyong pang-unawa at pakikiisa.

12/09/2026

𝐋𝐓𝐎 𝐂𝐇𝐈𝐄𝐅, 𝐈𝐏𝐈𝐍𝐀𝐆-𝐔𝐓𝐎𝐒 𝐀𝐍𝐆 𝐌𝐀𝐇𝐈𝐆𝐏𝐈𝐓 𝐍𝐀 𝐏𝐀𝐆𝐏𝐀𝐏𝐀𝐓𝐔𝐏𝐀𝐃 𝐍𝐆 𝐏𝐀𝐆𝐋𝐈𝐏𝐀𝐓 𝐒𝐀 𝐋𝐓𝐌𝐒; 𝐏𝐀𝐆𝐆𝐀𝐌𝐈𝐓 𝐍𝐆 𝐒𝐓𝐑𝐀𝐃𝐂𝐎𝐌 𝐋𝐓𝐎-𝐈𝐓 𝐒𝐘𝐒𝐓𝐄𝐌, 𝐈𝐇𝐈𝐇𝐈𝐍𝐓𝐎 𝐍𝐀

Iniutos ni Land Transportation Office (LTO) Chief, Assistant Secretary Markus V. Lacanilao, sa lahat ng kinauukulang tanggapan ng ahensya ang agarang paghinto sa paggamit ng LTO-IT System ng STRADCOM sa mga 𝗹𝗮𝗵𝗮𝘁 𝗻𝗴 transaksyon at ang mahigpit na pagpapatupad ng 𝗲𝗸𝘀𝗸𝗹𝘂𝘀𝗶𝗯𝗼𝗻𝗴 𝗽𝗮𝗴 𝗴𝗮𝗺𝗶𝘁 𝗻𝗴 Land Transportation Management System (LTMS).

Ang direktiba ay alinsunod sa kautusan ng Office of the Ombudsman na naglalayong ihinto ang paggamit ng LTO-IT System ng STRADCOM at tiyakin ang paggamit ng LTMS sa mga transaksyon ng ahensya.

Sa ilalim ng Memorandum No. MVL-2026-207 at Memorandum No. MVL-2026-208, ipinag-utos ang agarang paghinto sa paggamit ng LTO-IT System sa Enhanced Driver’s License System (EDLS) Pilot Sites at sa 42 designated Temporary Offsite Printing Offices (TOPOs).

Saklaw din ng direktiba ang pagproseso ng Certificate of Stock Report (CSR) at New Registration of Motor Vehicles, Motor Vehicle Renewal of Registration, lahat ng Driver’s License transactions, at Miscellaneous Transactions.

Kabilang sa mga transaksyon sa Driver’s License na sakop ng direktiba ang renewal, new application, duplicate o replacement, at change of information.

Ang lahat ng nasabing transaksyon ay dapat nang eksklusibong iproseso sa LTMS.

Inatasan din ni Asec. Lacanilao ang mga kinauukulang tanggapan na makipag-ugnayan sa mga kaukulang opisina ng LTO Central Office upang matiyak ang maayos at tuloy-tuloy na transition, kabilang ang kinakailangang system configuration, user access, at iba pang operational requirements.

Anumang system limitation, technical issue, o operational difficulty na mararanasan sa panahon ng transition ay dapat agad i-report sa Management Information Division (MID) upang mabigyan ng agarang kaukulang aksyon.

“Patuloy nating inaayos at pinapahusay ang mga sistema ng LTO upang maging mas mabilis, maayos, at maaasahan ang ating serbisyo. Ang paglipat sa LTMS ay mahalagang bahagi ng ating pagsisikap na magkaroon ng mas episyenteng proseso at mas mahusay na serbisyo para sa ating mga motorista,” ayon kay Asec. Lacanilao.

Binigyang-diin ng LTO Chief na mahigpit na ipatutupad ang mga direktibang ito upang matiyak ang maayos at tuloy-tuloy na paglipat sa LTMS, kasabay ng pagpapanatili ng episyente at maaasahang serbisyo sa publiko.

09/09/2026

𝐀𝐁𝐈𝐒𝐎 𝐒𝐀 𝐏𝐔𝐁𝐋𝐈𝐊𝐎

Mananatiling bukas ang mga tanggapan ng Land Transportation Office (LTO) ngayong araw, Setyembre 10, 2026, upang patuloy na maihatid ang kinakailangang serbisyo sa publiko.

Alinsunod sa Memorandum Circular No. 135, ang mga tanggapan ng LTO ay magpapatuloy sa kanilang regular na operasyon.

Para sa mga may kinakailangang transaksyon, maaari pa ring magtungo sa pinakamalapit na tanggapan ng LTO. Gayunman, hinihikayat ang publiko na unahin ang kanilang kaligtasan, lalo na sa mga lugar na nakararanas ng malakas na pag-ulan o pagbaha.

Pinapayuhan ang mga kliyente na manatiling updated sa mga opisyal na anunsyo ng LTO para sa anumang pagbabago sa operasyon.

20/08/2026

𝐍𝐈𝐍𝐎𝐘 𝐀𝐐𝐔𝐈𝐍𝐎 𝐃𝐀𝐘 𝐎𝐍𝐒𝐈𝐓𝐄 𝐂𝐀𝐑𝐀𝐕𝐀𝐍

📢 𝙁𝙍𝙀𝙀 𝙏𝘿𝘾 & 𝙀𝙓𝙏𝙀𝙉𝘿𝙀𝘿 𝙎𝙀𝙍𝙑𝙄𝘾𝙀𝙎 𝙏𝙃𝙄𝙎 𝙁𝙍𝙄𝘿𝘼𝙔 & 𝙎𝘼𝙏𝙐𝙍𝘿𝘼𝙔!

Malugod na inihahatid ng 𝐋𝐓𝐎 𝐂𝐀𝐋𝐀𝐁𝐀𝐑𝐙𝐎𝐍 𝐚𝐧𝐠 𝐍𝐈𝐍𝐎𝐘 𝐀𝐐𝐔𝐈𝐍𝐎 𝐃𝐀𝐘 𝐄𝐏𝐀𝐓𝐑𝐎𝐋 𝐎𝐍𝐒𝐈𝐓𝐄 𝐂𝐀𝐑𝐀𝐕𝐀𝐍 na gaganapin ngayong 𝗔𝘂𝗴𝘂𝘀𝘁 𝟮𝟭 𝘁𝗼 𝟮𝟮, 𝟮𝟬𝟮𝟲 (𝗙𝗥𝗜𝗗𝗔𝗬 & 𝗦𝗔𝗧𝗨𝗥𝗗𝗔𝗬) kung saan bukas ang mga sumusunod na tanggapan ng LTO para sa mga nais makapagproseso ng kanilang mga transaksyon sa LTO, at makapag handog ng 𝐥𝐢𝐛𝐫𝐞𝐧𝐠 𝐓𝐇𝐄𝐎𝐑𝐄𝐓𝐈𝐂𝐀𝐋 𝐃𝐑𝐈𝐕𝐈𝐍𝐆 𝐂𝐎𝐔𝐑𝐒𝐄 (𝐓𝐃𝐂) sa mga nag nanais na kumuha ng Student Permit.

📅 Friday & Saturday
⏰ Regular Office Hours

𝙋𝙖𝙧𝙖 𝙨𝙖 𝙢𝙜𝙖 𝙜𝙪𝙨𝙩𝙤𝙣𝙜 𝙢𝙖𝙜-𝙖𝙫𝙖𝙞𝙡 𝙣𝙜 𝙡𝙞𝙗𝙧𝙚𝙣𝙜 𝙏𝘿𝘾 𝙢𝙖𝙖𝙧𝙞𝙣𝙜 𝙥𝙪𝙢𝙪𝙣𝙩𝙖 𝙨𝙖 𝙢𝙜𝙖 𝙣𝙖𝙨𝙖𝙗𝙞𝙣𝙜 𝙤𝙥𝙞𝙨𝙞𝙣𝙖 𝙗𝙖𝙜𝙤 𝙢𝙖𝙜 𝟎𝟖:𝟎𝟎 𝐀𝐌 𝙪𝙥𝙖𝙣𝙜 𝙢𝙖𝙠𝙖𝙥𝙖𝙜 𝙧𝙚𝙜𝙞𝙨𝙩𝙚𝙧 𝙥𝙖𝙧𝙖 𝙙𝙞𝙩𝙤.

Maraming salamat sa inyong pang-unawa at patuloy na pakikipagtulungan.


❤️