SCALE UP calabarzon

29/11/2025

𝙉𝘼𝙏𝙄𝙊𝙉𝘼𝙇 𝙎𝘾𝘼𝙇𝙀 𝙐𝙋 𝙔𝙀𝘼𝙍-𝙀𝙉𝘿 𝘼𝙎𝙎𝙀𝙎𝙎𝙈𝙀𝙉𝙏 𝘼𝙉𝘿 𝙋𝙇𝘼𝙉𝙉𝙄𝙉𝙂 𝙒𝙊𝙍𝙆𝙎𝙃𝙊𝙋 𝙎𝘼 𝙏𝘼𝙔𝘼𝘽𝘼𝙎 𝘾𝙄𝙏𝙔, 𝙌𝙐𝙀𝙕𝙊𝙉

November 24-28, 2025

Matagumpay na ginanap sa Tayabas City, Quezon ang National SCALE UP Year-End Assessment and Planning Workshop hosted by SCALE UP Region 4A at pinangasiwaan ng DA - Bureau of Agricultural Research. Dinaluhan ito ng mga implementers mula sa Region 2, 4A, 8, 9, at Province of Agusan del Sur, kasama rin ang mga kinatawan mula sa Region 3 at 10.

Sa naturang aktibidad, nag present ang mga implementing regions ang kanilang accomplishments, significant findings, challenges, at ways forward upang mas mapalakas at mapabuti pa ang implementasyon ng programa sa darating na taon.

Inimbitahan din ng SCALE UP 4A ang mga farmers mula Tayabas City, Pagbilao, Atimonan, at Plaridel, Quezon upang magbahagi ng kanilang patotoo at karanasan tungkol sa programa, na nagbigay ng mahalagang pananaw para sa mas epektibong pagpapatupad nito.

-Calabarzon

25/11/2025

: Day 1 of the 2025 National Year-end Assessment and Planning Workshop of the 𝗦𝘂𝘀𝘁𝗮𝗶𝗻𝗮𝗯𝗹𝗲 𝗖𝗼𝗺𝗺𝘂𝗻𝗶𝘁𝘆-𝗕𝗮𝘀𝗲𝗱 𝗔𝗰𝘁𝗶𝗼𝗻 𝗥𝟰𝗗𝗘 𝗳𝗼𝗿 𝗟𝗶𝘃𝗲𝗹𝗶𝗵𝗼𝗼𝗱 𝗘𝗻𝗵𝗮𝗻𝗰𝗲𝗺𝗲𝗻𝘁, 𝗨𝗽𝗹𝗶𝗳𝘁𝗺𝗲𝗻𝘁, 𝗮𝗻𝗱 𝗣𝗿𝗼𝘀𝗽𝗲𝗿𝗶𝘁𝘆 (𝗦𝗖𝗔𝗟𝗘 𝗨𝗣) 𝗣𝗿𝗼𝗴𝗿𝗮𝗺 in Nawawalang Paraiso, Tayabas City, Quezon Province.

Through this workshop, the participants will evaluate the project's achievements against its targets, propose solutions for implementation challenges, and discuss ways to enhance the SCALE UP Program in preparation for the 2026 implementation.

15/11/2025

FARMERS’ FIELD DAY NG SCALE UP PROGRAM SA TAYABAS CITY AT PAGBILAO, QUEZON 🧑‍🌾

Ipinagdiwang noong ika-13 at ika-14 ng Nobyembre ang matagumpay na Farmers’ Field Day sa Tayabas City at Pagbilao, Quezon, bilang bahagi ng nagpapatuloy na pagpapatupad ng SCALE UP Program.

Layunin ng aktibidad na maipakita at maibahagi ng ating farmer-cooperators at lead farmers ang mga makabagong teknolohiya at iba’t ibang interbensyong kanilang ipinatupad sa kani-kanilang mga sakahan. Mula sa maisan, palayan, hanggang sa taniman ng balinghoy o cassava, tampok ang mga bunga ng kanilang sipag, tiyaga, at paggamit ng mga inobasyong hatid ng programa.

Naging inspirasyon ang kanilang mga kuwento ng tagumpay at positibong pagbabago sa ani at kita. Taos-pusong pagpupugay ang ibinibigay sa dedikasyon at pakikiisa ng mga magsasakang aktibong sumusuporta at nakikilahok sa pagpapatupad ng programa.

08/11/2025

FARMERS’ FIELD DAY NG SCALE UP PROGRAM SA ATIMONAN AT PLARIDEL, QUEZON 🧑‍🌾

Isinagawa noong ika-6 at ika-7 ng Nobyembre ang matagumpay na Farmers’ Field Day sa mga bayan ng Atimonan at Plaridel, Quezon, bilang bahagi ng patuloy na implementasyon ng SCALE UP Program.
Layunin nito na maibahagi at maipakita ng ating mga farmer-cooperators at lead farmers ang mga makabagong teknolohiya at iba’t ibang interbensyon na kanilang ipinatupad sa kani-kanilang sakahan. Mula sa gulayan, kakawan, hanggang sa palayan, tampok sa aktibidad ang mga resulta ng kanilang pagsisikap at pag-angkop sa mga teknolohiyang hatid ng programa.

Naging inspirasyon ang kanilang mga kwento ng tagumpay at positibong pagbabago sa kanilang ani at kita. Lubos na pagpupugay ang ipinapaabot sa dedikasyon at kooperasyon ng mga magsasakang aktibong nakikilahok sa implementasyon ng programa.

12/10/2025

Ating pasalamatan ang mga magsasakang Pilipino bilang haligi ng ating seguridad sa pagkain at inspirasyon sa bawat ani. Mula sa DA-PhilRice Los Baños, taas-kamay kaming bumabati at nagpapasalamat sa inyong sipag at dedikasyon.

Patuloy ang ating pagtutulungan para sa pagpapaangat ng kabuhayan at kaalaman ng ating mga magsasaka tungo sa mas masaganang bukas.

12/10/2025

21/09/2025

FIELD MONITORING AT FARM VISITATION NG SCALE UP PROGRAM

Noong Setyembre 15–19, isinagawa ang field monitoring at farm visitation sa mga bayan ng Pagbilao, Atimonan, Lopez, Plaridel, at Tayabas City, Quezon, bilang bahagi ng patuloy na implementasyon ng SCALE UP Program.

Layunin ng aktibidad na suriin ang kalagayan ng mga sakahan ng ating mga farmer-beneficiaries, kabilang ang mga palayan, maisan, gulayan, at cacao farms. Pinagtuunan ng pansin ang growth stages ng mga pananim, gayundin ang pag-detect ng mga posibleng peste at sakit ng halaman.

Nagbigay rin ng kaukulang rekomendasyon ang team sa mga magsasaka upang mapigilan at masugpo ang mga natukoy na pesteng insekto at sakit. Malaking pasasalamat ang ipinapaabot sa mga Agricultural Technicians at Lead Farmers mula sa bawat munisipyo sa kanilang aktibong partisipasyon at suporta. Taos-puso ring pasasalamat sa mainit na pagtanggap ng ating mga magsasaka sa kanilang mga sakahan.

Patuloy ang SCALE UP Program sa pagsuporta at pagtutok para sa mas produktibo at mas ligtas na agrikultura sa lalawigan ng Quezon.

06/09/2025

Pagsasanay sa Produksyon ng Hito at Tilapia sa Tayabas City, Quezon

Isa sa mga layunin ng SCALE UP Program ay ang mapalakas ang kabuhayan ng mga magsasaka sa pamamagitan ng fish farming bilang alternatibong pagkakakitaan, lalo na sa panahong hindi aktibo ang pagtatanim. Ginanap noong Setyembre 4, 2025 ang seminar na dinaluhan ng mga magsasaka mula sa Tayabas City, Pagbilao, at Atimonan, Quezon.

Mga eksperto mula sa Office of the Provincial Agriculturist – Fisheries Division na sina G. Alex Del Carmen at G. Ariel Loreto ang naging tagapagsalita. Tinalakay nila ang tamang pagpili ng isda, paghahanda ng palaisdaan, pagpapakain, pag-aani, at marketing strategies.

Sa pagtatapos ng seminar, nabuo ang samahan ng mga kalahok na tinawag na “Quezon Catfish Association”. Ipinahayag naman ng Office of the Provincial Agriculturist na patuloy nilang susuportahan ang grupo sa pamamagitan ng teknikal na gabay at iba pang tulong para sa ikatatagumpay ng kanilang produksyon.

06/09/2025

SCALE UP Program | Training on Package of Technologies for Rice, Corn, and Cassava Production Isinagawa noong Agosto 28–29, 2025 ang Training on Package of Technologies on Rice, Corn, and Cassava Production sa bayan ng Pagbilao at Lungsod ng Tayabas, Quezon. Layunin ng training na ito na mapalawak ang kaalaman ng mga magsasaka sa makabagong teknolohiya at epektibong pamamaraan sa produksyon ng palay, mais, at kamoteng kahoy. Pinangunahan ang pagsasanay ng mga eksperto mula sa DA-Quezon Agricultural Research and Experiment Station (QARES) na sina Ms. Zara P. Caringal at Mr. Paul Angelo Papiña, na nagbahagi ng mahahalagang kaalaman at praktikal na teknolohiya para sa mga pangunahing pananim. Binisita rin ang aktibidad ni Mayor Angelica Portes-Tatlonghari ng Pagbilao, na nagbigay-inspirasyong mensahe sa ating mga magsasaka. Kanyang binigyang-diin ang kahalagahan ng aktibong partisipasyon sa mga ganitong pagsasanay at ang aplikasyon ng natutunan upang mapabuti ang kabuhayan ng mga magsasaka.

20/06/2025

Onsite Monitoring ng SCALE UP Program sa Quezon Province | June 17–19, 2025

Isinagawa ang onsite monitoring ng SCALE UP Program noong June 17–19 sa mga bayan ng Tayabas City, Pagbilao, Atimonan, Plaridel, at Lopez sa lalawigan ng Quezon. Pinangunahan ito ng mga kinatawan mula sa DA-DA - Bureau of Agricultural Research na sina Ms. Mira Luz P. Umandap at Engr. Kit Ignatius Marticio, kasama ang Project Leader ng programa na si Dr. Dario M. Huelgas at ang buong SCALE UP Team.

Sa aktibidad na ito, binisita ang mga palayan, gulayan, maisan at kakawan ng mga lokal na magsasaka upang makita ang mga epektibong teknolohiya at makabagong pamamaraang nagpapaunlad sa kanilang pagsasaka.

Aktibong nakibahagi ang mga Lead Farmer Technicians, Farmer Facilitators, at kanilang mga farmer-cooperators mula sa bawat bayan. Malugod nilang ibinahagi ang mga positibong pagbabago sa kanilang mga sakahan bunga ng mga kaalaman at teknolohiyang naihatid ng SCALE UP Program.