DAR Batangas Provincial Office

05/08/2026

ABISO MULA SA DEPARTMENT OF AGRARIAN REFORM

Alinsunod sa Memorandum Circular No. 122 S. 2026, ipinaaalam sa publiko na suspendido ang operasyon ng DAR Central Office at ng mga DAR Regional at Provincial Offices na matatagpuan sa mga lugar na saklaw ng nasabing Memorandum Circular ngayong Huwebes, Agosto 6, 2026.

Dahil dito, pansamantalang hindi magkakaroon ng serbisyo ang mga tanggapan ng DAR sa mga sumusunod na lugar:

• National Capital Region (NCR)
• Ilocos Sur
• La Union
• Benguet
• Pangasinan
• Abra
• Zambales
• Kalinga
• Mountain Province
• Ifugao
• Ilocos Norte
• Apayao
• Nueva Vizcaya
• Tarlac
• Nueva Ecija
• Bataan
• Pampanga
• Bulacan
• Rizal
• Cavite
• Batangas
• Laguna
• Occidental Mindoro

Ang mga transaksyon sa mga apektadong tanggapan ay ipagpapatuloy sa susunod na regular na araw ng trabaho.

Pinapayuhan ang publiko na ipagpaliban muna ang kanilang pagpunta sa mga nabanggit na tanggapan at patuloy na subaybayan ang mga opisyal na anunsyo ng Department of Agrarian Reform.

05/08/2026

Tatlong kawani ng Department of Agrarian Reform (DAR) Batangas ang nanumpa bilang ganap na Municipal Agrarian Reform Program Officer (MARPO) sa isinagawang oath taking sa Tagaytay City, Cavite, ngayong ika-5 ng Agosto.

Sila ay sina Nestor M. Maranan ng DARMO Cluster I, Luz D. Landicho ng DARMO Cluster III, at Zenen G. Caguimbal ng DARMO Cluster V.

Malugod na pagbati sa ating mga MARPO. Nawa’y maging mas makabuluhan at matagumpay ang bagong yugto ng inyong paglilingkod.

05/08/2026

Nagsagawa ng market survey ang Kumapit Farmers Association (KFA) sa Tanauan City Trading Post, pinakamalaking bagsakan ng gulay sa CALABARZON, bilang bahagi ng Farm Business School (FBS) noong ika-30 ng Hulyo.

Layunin ng aktibidad na matukoy ng samahan ang mga napapanahong produkto, kasalukuyang presyo ng mga ito, at pangangailangan ng mga mamimili. Gagamitin ng KFA ang mga nakalap na datos sa pagbuo ng epektibong plano sa pagnenegosyo at pag-aaral ng tamang takbo ng kalakalan.

Nagsilbing gabay ang Department of Agrarian Reform (DAR) Batangas Program Beneficiaries
Development Division sa aktibidad bilang bahagi ng patuloy na suporta sa Agrarian Reform Beneficiaries’ Organizations tungo sa pagiging mas mahusay na farmer-entrepreneurs.

03/08/2026

03/08/2026

Ipinamahagi ng Department of Agrarian Reform (DAR) Municipal Office - Cluster IV ang Certificate of Land Ownership Award (CLOA) para sa 11,282 metro kuwadradong lupang sakahan ni Mark Jasper Tan sa Brgy. Poblacion, Bauan, Batangas, noong ika-30 ng Hulyo.

Ang pamamahagi ng CLOA ay bahagi ng patuloy na programa ng DAR na tiyakin ang seguridad sa pagmamay-ari ng lupa ng mga Agrarian Reform Beneficiaries at suportahan ang kanilang pangmatagalang kabuhayan at pagsasaka.

Pinangunahan ni MARPO Exur John Gozos ang paggawad ng CLOA, na tinanggap ni Marilou Cuasay bilang awtorisadong kinatawan ng benepisyaryo.

03/08/2026

PANOORIN | Ibinahagi ni G. Apolonio Mendoza, 86 taong gulang at isa sa mga matagal nang benepisyaryo ng Department of Agrarian Reform (DAR) mula sa Jaybanga, Lobo, Batangas, ang kaniyang taos-pusong pasasalamat sa patuloy na serbisyo ng ahensya sa ilalim ng pamumuno ni Secretary Conrado Estrella III.

Ayon kay G. Mendoza, sa pamamagitan ng proyektong Support to Parcelization of Lands for Individual Titling (SPLIT), nagkaroon ng higit na katiyakan sa pagmamay-ari ng lupa, mas matatag na kabuhayan, at mas magandang kinabukasan hindi lamang para sa kaniyang pamilya kundi para rin sa daan-daang Agrarian Reform Beneficiaries sa Jaybanga.

30/07/2026

Patuloy na ipinakikita ng mga Pilipino ang kanilang tiwala sa mga programa at serbisyong hatid ng Department of Agrarian Reform (DAR).

Sa pinakahuling nationwide "Boses ng Bayan" survey, nakakuha si DAR Secretary Conrado M. Estrella III ng 81.7% Index of Governance (IOG), na naglagay sa kanya sa hanay ng mga nangunguna at pinakapinagkakatiwalaang miyembro ng Gabinete sa bansa.



Follow us: https://twitter.com/dargovph
http://instagram.com/dargovph https://www.tiktok.com/ https://www.youtube.com/c/dargov

30/07/2026

Nagsagawa ng pagpupulong at planning session ang Department of Agrarian Reform (DAR) Batangas Support to Operations Division (STOD) upang pagtibayin ang mga pangunahing gawain ng dibisyon para sa natitirang bahagi ng 2026 at simulan ang paghahanda ng panukalang badyet para sa FY 2027, noong ika-29 ng Hulyo sa Lipa City.

Tinalakay sa pagpupulong ang pagtalaga ng mga tungkulin ng bawat kawani, pagbuo ng kalendaryo para sa mga susunod na aktibidad, at mga hakbang upang higit pang mapahusay ang operasyon ng dibisyon.

Bilang bahagi ng pagtitipon, nagsagawa rin ng workshop ang mga kawani upang tukuyin ang mga aktibidad, programa, at inisyatibang makatutulong sa mas maayos at episyenteng pagbibigay ng suporta sa iba pang dibisyon ng tanggapan. Sinuri rin ang kakayahan at mga responsibilidad ng bawat kawani upang matiyak ang maayos na pagtupad sa kanilang mga tungkulin at maisulong ang Complete Staff Work sa dibisyon.

Sa pangunguna ni OIC-Chief Administrative Officer Atty. May Peña, layunin ng STOD na higit pang mapalakas ang koordinasyon, mapabuti ang mga proseso, at matiyak ang mas mahusay na paghahatid ng serbisyo sa loob ng tanggapan.

28/07/2026

28/07/2026

Sa , binigyang-diin ni Pangulong Ferdinand R. Marcos Jr. na ang patuloy na pamamahagi ng mga titulo ng lupa sa mga benepisyaryo ng repormang pansakahan ay magbibigay sa mas maraming magsasaka ng tiyak na pagmamay-ari ng lupa, mas matatag na kabuhayan, at mas malaking pagkakataong mapaunlad ang kanilang sakahan.