21/09/2026
𝐏𝐑𝐈𝐃𝐄 𝐎𝐅 𝐋𝐎𝐎𝐂 | 𝐑𝐄𝐀 𝐃𝐄𝐋𝐀 𝐓𝐎𝐑𝐑𝐄, 𝐆𝐑𝐀𝐍𝐃 𝐖𝐈𝐍𝐍𝐄𝐑 𝐒𝐀 𝐖𝐎𝐌𝐄𝐍 𝐅𝐢𝐒𝐇𝐄𝐫 𝐂𝐎𝐍𝐆𝐑𝐄𝐒𝐒 𝟐𝟎𝟐𝟔
Isang karangalan para sa Bayan ng Looc ang tagumpay ni Mrs. Rea Dela Torre ng Tambo Fisherfolk Association, Barangay Ambil Tambo, Looc, Occidental Mindoro, matapos niyang tanghaling GRAND WINNER sa Coastal Culture Show – Lakambini ng Baybayin sa kauna-unahang Women FiSHEr Congress 2026, na ginanap noong Setyembre 15–16, 2026 sa Quezon City.
Sa temang “Kababaihan, Lakas ng Pangisdaan,” binigyang-diin ng pagtitipon ang mahalagang papel ng kababaihan sa sektor ng pangisdaan—hindi lamang bilang katuwang sa kabuhayan, kundi bilang mga lider, tagapagtaguyod ng kultura, at aktibong bahagi ng pagpapaunlad at pagpapatatag ng mga pamayanang baybayin.
Bilang kinatawan ng FishCoRe Project – FMA Coordinating Unit (FCU) MIMAROPA, buong husay na ipinamalas ni Mrs. Dela Torre ang kultura at pagkakakilanlan ng mga coastal community sa pamamagitan ng kanyang makulay at malikhaing pagtatanghal. Ang kanyang pagkapanalo ay nagbibigay-pugay sa talento, kakayahan, at mahalagang kontribusyon ng mga women fisherfolk ng Looc at ng buong MIMAROPA Region.
Buong pagmamalaking binabati ng Pamahalaang Bayan ng Looc, sa pangunguna ni Hon. Marlon V. Dela Torre, kasama si Vice Mayor Abelardo “Joel” F. Tria, Jr. at ang buong Sangguniang Bayan, si Mrs. Rea Dela Torre sa karangalang kanyang iniuwi para sa ating bayan.
Taos-pusong pasasalamat din sa BFAR-MIMAROPA, FishCoRe Project, at sa lahat ng naging bahagi ng Women FiSHEr Congress 2026 sa pagbibigay ng pagkakataon at plataporma upang higit na kilalanin, marinig, at mapalakas ang boses ng mga kababaihan sa sektor ng pangisdaan.
Congratulations, Mrs. Rea Dela Torre! Ipinagmamalaki ka ng Bayan ng Looc!
Kababaihan, Lakas ng Pangisdaan!
“𝐋𝐎𝐎𝐂 𝐀𝐫𝐚𝐧𝐠𝐤𝐚𝐝𝐚: 𝐀𝐚𝐧𝐠𝐚𝐭 𝐚𝐧𝐠 𝐌𝐚𝐬𝐚, 𝐁𝐚𝐬𝐭𝐚 𝐓𝐚𝐲𝐨’𝐲 𝐒𝐚𝐦𝐚-𝐬𝐚𝐦𝐚!”
