10/03/2026
Bilang bahagi ng patuloy na paghahanda para sa epektibong pagpapatupad ng mga sub-project sa ilalim ng KALAHI - CIDSS Panahon ng Pagkilos: Philippine Community Resilience Project (PCRP), nagsagawa ang Area Coordinating Team (ACT) ng Market Survey para sa mga Contractors, Suppliers, at Service Providers sa Municipality of Looc, Province of Romblon.
Isinagawa ang aktibidad noong Pebrero 19, 2026, at pinangunahan ni Technical Facilitator Julie Ann F. Forio sa tulong ni Municipal Finance Analyst (MFA) Mary Rose Alto. Layunin ng nasabing gawain na makakalap ng mahalagang impormasyon mula sa mga rehistrado at potensyal na contractors, suppliers, at service providers na maaaring maging katuwang sa pagpapatupad ng mga sub-project sa mga komunidad.
Sa isinagawang market survey, nakipag-ugnayan ang team sa iba’t ibang lokal na negosyo at service providers na may kakayahang magbigay ng mga kinakailangang materyales at serbisyo para sa mga proyekto ng komunidad. Kabilang dito ang mga establisyementong may kaugnayan sa construction supplies, hardware materials, equipment rentals, at iba pang serbisyong maaaring suportahan ang implementasyon ng mga sub-project.
Sa pamamagitan ng aktibidad na ito, napalalakas ang koordinasyon sa pagitan ng proyekto at ng mga lokal na service providers habang pinapalawak ang database ng mga kwalipikadong contractors at suppliers. Mahalaga ang hakbang na ito upang matiyak ang transparency, patas na kompetisyon, at kalidad sa procurement at implementasyon ng mga sub-project.
Ang market survey ay isang mahalagang bahagi ng paghahanda ng PCRP upang matiyak na may sapat at kwalipikadong service providers na susuporta sa implementasyon ng mga proyektong naglalayong mapalakas ang katatagan ng mga komunidad laban sa epekto ng climate change at iba pang sakuna.
Sa patuloy na pakikipagtulungan sa iba’t ibang sektor, nananatiling nakatuon ang PCRP sa pagsusulong ng mga programang naglalayong makamit ang mas matatag, ligtas, at maunlad na mga komunidad.
❤️
