12/08/2026
TANONG NG BAYAN | Paano nakakatulong ang e-Legis Reference System sa mga lokal na pamahalaan?
Nakasaad sa DILG Memorandum Circular 2026-041, ang e-Legis Reference System ay inisyatibo ng Vice Mayor's League of the Philippines (VMLP) kasama ang Center for Local and Regional Governance (CLRG) ng University of the Philippines - National College of Public Administration (UP-NCPAG) upang magtatag ng isang sentralisado at komprehensibong repository ng lokal na batas ng mga lungsod at munisipalidad sa buong bansa.
Ito ay isang online at AI-driven na plataporma na madaling ma-access at naglalaman ng mga lehislatibong impormasyon gaya ng mga:
✅ Lokal na ordinansa
✅ Resolusyon
✅ Iba pang pag-iisyu ng lehislatibong impormasyon
Pinapadali ng e-Legis Reference System ang paggawa at pamamahala ng mga lokal na lehislatibo dahil ito ay maaring gawin online. Dahil dito mababawasan ang mga manwal na proseso, ito rin ay magbibigay ng sentralisadong akses sa mga lehislatibong talaan.
Hinihikayat ng DILG ang mga punong lokal sa pamamagitan ng kanilang Sanggunian na magpasa ng mga elektronikong kopya ng kanilang mga lokal na ordinansa, resolusyon, at iba pang pag-iisyu ng lehislatibong impormasyon upang mailagay ito sa Sistema.
Basahin ang buong Memorandum Circular sa link na ito: https://tinyurl.com/bdzvujjb
