Local Government Unit of Lucban Quezon

02/06/2026

Ngayong araw ng Martes, ika-2 ng Hunyo 2026, ay matagumpay na isinagawa ang pamamahagi ng 𝟮𝗻𝗱 𝗤𝘂𝗮𝗿𝘁𝗲𝗿 𝗡𝗮𝘁𝗶𝗼𝗻𝗮𝗹 𝗦𝗼𝗰𝗶𝗮𝗹 𝗣𝗲𝗻𝘀𝗶𝗼𝗻 𝗣𝗮𝘆𝗼𝘂𝘁 𝗳𝗼𝗿 𝗜𝗻𝗱𝗶𝗴𝗲𝗻𝘁 𝗦𝗲𝗻𝗶𝗼𝗿 𝗖𝗶𝘁𝗶𝘇𝗲𝗻𝘀 ng Bayan ng Lucban, mula sa DSWD Field Office IV-A, sa pamamagitan ng buong suporta ng ating kagalang-galang na Punong Bayan, Mayor Agustin "Tenten" Villaverde, katuwang ang Sangguniang Bayan sa pangunguna ni Vice Mayor Marvin Loui Villaseñor.

Idinaos ang naturang aktibidad sa Barangay Ayuti Covered Court, kung saan ang 𝗶𝘀𝗮𝗻𝗴 𝗹𝗶𝗯𝗼'𝘁 𝘁𝗮𝘁𝗹𝗼𝗻𝗴 𝗱𝗮𝗮𝗻 𝗮𝘁 𝗱𝗮𝗹𝗮𝘄𝗮𝗺𝗽𝘂'𝘁 𝘁𝗮𝘁𝗹𝗼𝗻𝗴 (𝟭,𝟯𝟮𝟯) 𝘀𝗲𝗻𝗶𝗼𝗿 𝗰𝗶𝘁𝗶𝘇𝗲𝗻𝘀 mula sa iba’t ibang barangay ang tumanggap ng kanilang social pension bilang bahagi ng programang pinansyal na tulong ng pamahalaan para sa mga nakatatanda.

Patuloy na isinusulong ng Lokal na Pamahalaang Bayan ng Lucban, katuwang ang DSWD, ang programang ito upang matiyak na ang bawat nakatatanda ay nabibigyan ng karampatang tulong at pagkalinga mula sa pamahalaan.

02/06/2026

Isinagawa kagabi, ika-1 ng Hunyo 2026, ang 𝗠𝗼𝗻𝘁𝗵𝗹𝘆 𝗦𝘆𝗻𝗰𝗵𝗿𝗼𝗻𝗶𝘇𝗲𝗱 𝗖𝘂𝗿𝗳𝗲𝘄 𝗠𝗲𝗲𝘁𝗶𝗻𝗴 alinsunod sa direktiba ng ating butihing Punong Bayan, Mayor Agustin "Tenten" Villaverde, katuwang ang Sangguniang Bayan sa pangunguna ni Vice Mayor Marvin Loui “Avin” Villaseñor, at sa pamumuno ni Konsehal Mike Borines bilang Tagapangulo ng Lupon sa Katahimikan, Kaayusan, at Kaligtasang Pangmadla.

Sa nasabing pagpupulong, tinalakay ang mahahalagang usapin kaugnay ng pagpapatupad ng mga tungkulin at responsibilidad noong ginanap ang Lucban San Isidro Labrador Pahiyas Festival 2026. Binigyang-pansin din ang mga nararapat na hakbang upang matugunan ang usapin ng maiingay na tambutso ng mga sasakyan sa bayan.

Sa pamamagitan ng patuloy na pagtutulungan ng mga barangay at ng Lokal na Pamahalaang Bayan ng Lucban, mas lalo pang paiigtingin ang mga hakbangin para sa kaayusan, kapayapaan, at kaligtasan ng bayan.

01/06/2026

📢 𝗣𝗔𝗕𝗔𝗧𝗜𝗗

Ipinaaalam sa lahat na ang Office of the Provincial Veterinarian ay magsasagawa ng 𝗙𝗿𝗲𝗲 𝗩𝗲𝘁𝗲𝗿𝗶𝗻𝗮𝗿𝘆 𝗠𝗲𝗱𝗶𝗰𝗮𝗹 𝗠𝗶𝘀𝘀𝗶𝗼𝗻 sa darating na 𝗶𝗸𝗮-𝟳 𝗻𝗴 𝗛𝘂𝗻𝘆𝗼 𝟮𝟬𝟮𝟲 (𝗟𝗶𝗻𝗴𝗴𝗼) sa 𝗟𝗶𝘄𝗮𝘀𝗮𝗻𝗴 𝗥𝗶𝘇𝗮𝗹, Lucban, Quezon.

Kabilang sa mga serbisyong ipagkakaloob ay ang libreng spay at neuter (pagkakapon), konsultasyon, at anti-rabies vaccination para sa mga alagang hayop.

Para sa mga nagnanais na mapagkalooban ng libreng spay at neuter, hinihikayat ang lahat na magtungo sa 𝗠𝘂𝗻𝗶𝗰𝗶𝗽𝗮𝗹 𝗔𝗴𝗿𝗶𝗰𝘂𝗹𝘁𝘂𝗿𝗲’𝘀 𝗢𝗳𝗳𝗶𝗰𝗲 para sa 𝗽𝗿𝗲-𝗿𝗲𝗴𝗶𝘀𝘁𝗿𝗮𝘁𝗶𝗼𝗻. Paalala po na 𝗹𝗶𝗺𝗶𝘁𝗮𝗱𝗼 𝗹𝗮𝗺𝗮𝗻𝗴 𝘀𝗮 𝗹𝗶𝗺𝗮𝗺𝗽𝘂𝗻𝗴 (𝟱𝟬) 𝘀𝗹𝗼𝘁𝘀 ang maaaring mapagkalooban ng serbisyong ito at 𝗶𝘀𝗮𝗻𝗴 (𝟭) 𝗮𝗹𝗮𝗴𝗮𝗻𝗴 𝗵𝗮𝘆𝗼𝗽 𝗹𝗮𝗺𝗮𝗻𝗴 𝗯𝗮𝘄𝗮𝘁 𝗽𝗲𝘁 𝗼𝘄𝗻𝗲𝗿 ang maaaring iparehistro.

Narito ang mga pangunahing kwalipikasyon para sa libreng spay at neuter:
• Kinakailangang nabakunahan na ng anti-rabies ang alaga nang hindi bababa sa dalawang (2) linggo bago ang iskedyul ng pagkakapon; at
• Hindi lalampas sa labinlimang (15) kilo ang timbang ng alagang hayop.

Narito ang mga kinakailangang detalye para sa pre-registration:
Name of Owner:
Address:
Contact Number:
Kind and Breed of Pet:
Name of Pet:
Age of Pet:
S*x of Pet:
Date of Latest Anti-Rabies Vaccination:
Weight of Pet:

Inaanyayahan din ang lahat na basahin at sundin ang mga nakasaad na mahahalagang paalala para sa gaganaping Spay and Castration (o Pagkakapon) upang matiyak ang maayos, ligtas, at matagumpay na pagsasagawa ng programa para sa kapakanan ng ating mga alagang hayop.

Maraming salamat po sa inyong pakikiisa at suporta sa pagsusulong ng responsableng pag-aalaga at pangangalaga sa kalusugan ng ating mga alagang hayop. 🐾

01/06/2026

Kasalukuyang isinasagawa ngayong araw, ika-1 ng Hunyo 2026, sa Bulwagang Benito Pilar Yao ang Solo Parents Family Day Special 2026 na may temang “Bag ng Pangarap,” isang school supplies distribution para sa mga anak ng humigit-kumulang isang daan at limampung (150) solo parent sa bayan ng Lucban.

Dumalo rin sa programa ang ating butihing Punong Bayan, Mayor Agustin "Tenten" Villaverde, upang personal na ipahayag ang kanyang patuloy na suporta at pagkilala sa mahalagang papel ng mga solo parent sa komunidad.

Patuloy na maghahatid ng mga programang nagbibigay-suporta at pag-aaruga sa bawat pamilyang Lucbanin ang ating Pamahalaang Lokal.

01/06/2026

𝗙𝗟𝗔𝗚 𝗥𝗔𝗜𝗦𝗜𝗡𝗚 𝗖𝗘𝗥𝗘𝗠𝗢𝗡𝗬
Isinagawa ngayong Lunes, ika-1 ng Hunyo 2026, ang Flag Raising Ceremony na pinangunahan ng Municipal Treasurer's Office, Business Permits and Licensing Office (BPLO) at Public Market kasama ang Sangguniang Barangay Igang sa pamumuno ni Kapitan Marcelino Sales at Sangguniang Barangay Mahabang Parang sa pamumuno ni Kapitan Alfonso Saludares Jr.

Sa naturang programa, iginawad ng Sangguniang Bayan ang mga kapasiyahan bilang pagkilala at pagbati sa Southern Luzon State University sa pamumuno ni Dr. Frederick Villa, Pangulo ng SLSU, at sa College of Allied Medicine sa pamumuno ni Dr. Rosalinda A. Abuy, PhD, bilang pagkilala sa kanilang natatanging tagumpay sa larangan ng edukasyon. Kabilang dito ang pagkamit bilang 2nd Top Performing School sa February 2026 Philippine Nurses Licensure Examination, 2nd Top Performing School sa November 2025 Midwifery Licensure Examination, at Top 5 Performing School sa December 2025 Radiologic Technologist Licensure Examination. Kinilala rin sa nasabing programa ang dalawang indibidwal na nagbigay ng karangalan at karagdagang inspirasyon sa Bayan ng Lucban sa pamamagitan ng kanilang mahahalagang tagumpay.

Samantala, inanunsyo ni Kagawad Chino Villaverde ang mga nakatakdang aktibidad para sa pagdiriwang ng Pride Month ngayong buwan bilang bahagi ng patuloy na pagsusulong ng pagkakaisa, at pagkilala sa iba’t ibang sektor ng komunidad.

31/05/2026

Flag Raising Ceremony

29/05/2026

Isinagawa kahapon, ika-28 ng Mayo 2026, ang Awarding of Prizes para sa mga nagwagi sa iba’t ibang kategorya ng patimpalak bilang bahagi ng pagdiriwang ng Lucban San Isidro Pahiyas Festival 2026.

Ang seremonya ay naging pagkilala sa husay, talento, at aktibong pakikilahok ng ating mga kababayan na nagbigay-buhay at higit na nagpasigla sa isa sa pinakamahalagang tradisyon ng ating bayan.

Taos-pusong bumabati at nagpapasalamat ang Lokal na Pamahalaang Bayan ng Lucban sa lahat ng nakiisa at lumahok sa pagdiriwang. Ang inyong suporta at pakikibahagi ay patuloy na nagpapatibay sa mayamang kultura at pagkakaisa ng bayang Lucban.

28/05/2026

Lucban San Isidro Pahiyas Festival 2026
Awarding of Prizes

28/05/2026

📢 𝗣𝗔𝗕𝗔𝗧𝗜𝗗 📢
Sa mga nakiisa at nanalo sa ating Pahiyas Festival Competitions, ang Awarding of Prizes ay gaganapin sa:
🗓 𝗠𝗮𝘆𝗼 𝟮8, 𝟮𝟬𝟮6
🕗 3:30 PM
📍 𝗦𝗮 𝗵𝗮𝗿𝗮𝗽 𝗻𝗴 𝗕𝗮𝗵𝗮𝘆 𝗣𝗮𝗺𝗮𝗵𝗮𝗹𝗮𝗮𝗻
Pakitandaan:
✅ Magdala ng 𝗩𝗮𝗹𝗶𝗱 𝗜𝗗
✅ Dalhin ang Certificate/Tarp
Maraming salamat at magkita-kita po tayo! 🎊

📢 𝗣𝗔𝗕𝗔𝗧𝗜𝗗 📢

Sa mga nakiisa at nanalo sa ating Pahiyas Festival Competitions, ang Awarding of Prizes ay gaganapin sa:

🗓 𝗠𝗮𝘆𝗼 𝟮8, 𝟮𝟬𝟮6
🕗 3:30 PM
📍 𝗦𝗮 𝗵𝗮𝗿𝗮𝗽 𝗻𝗴 𝗕𝗮𝗵𝗮𝘆 𝗣𝗮𝗺𝗮𝗵𝗮𝗹𝗮𝗮𝗻

Pakitandaan:
✅ Magdala ng 𝗩𝗮𝗹𝗶𝗱 𝗜𝗗
✅ Dalhin ang Certificate/Tarp

Maraming salamat at magkita-kita po tayo! 🎊