SLSU Office of the Student Regent

SLSU Office of the Student Regent The sole representation of all students in the SLSU Administration and the Board of Regents (BOR), the highest decision-making body in the university.

Above all, Genuine Service for the Students.

[SA HARAP NG PANUNUPIL, DI KA PASISIIL: PAGGUNITA SA PAMANA NI BENIGNO "NINOY" AQUINO JR.]Tuwing ika-21 ng Agosto, ginug...
21/08/2026

[SA HARAP NG PANUNUPIL, DI KA PASISIIL: PAGGUNITA SA PAMANA NI BENIGNO "NINOY" AQUINO JR.]

Tuwing ika-21 ng Agosto, ginugunita ng sambayanang Pilipino ang Araw ni Benigno "Ninoy" Aquino Jr., isang pambansang pag-alala sa buhay, paninindigan, at sakripisyo ng isa sa mga pinakamahalagang personalidad sa kasaysayan ng pakikibaka para sa demokrasya sa Pilipinas. Bilang dating senador at pangunahing kritiko ng rehimeng Marcos, naging matatag si Ninoy sa kanyang panawagan para sa pananagutan ng pamahalaan, paggalang sa karapatang pantao, at pagpapanumbalik ng mga demokratikong institusyon. Matapos ang mga taong pagkakabilanggo at sapilitang pananatili sa ibang bansa, pinili niyang bumalik sa Pilipinas noong Agosto 21, 1983, sa kabila ng mga babalang maaaring malagay sa panganib ang kanyang buhay. Sa kanyang paglapag sa dating Manila International Airport, siya ay pinaslang, isang pangyayaring yumanig hindi lamang sa bansa kundi maging sa pandaigdigang pamayanan.

Ang kanyang kamatayan ay naging hudyat ng panibagong yugto ng paglaban ng sambayanang Pilipino. Ang pagdadalamhati ng milyon-milyong mamamayan ay unti-unting naging kolektibong paninindigan laban sa pang-aabuso, katiwalian, at panunupil. Ang mga kilos-protesta, panawagan para sa katotohanan, at pagkakaisa ng iba't ibang sektor ng lipunan ay nagbunga ng mapayapang EDSA People Power Revolution noong 1986, isang makasaysayang pangyayaring muling nagpanumbalik ng demokrasya sa bansa at naging huwaran ng mapayapang paglaban sa buong mundo.

Sa kasalukuyang panahon, nananatiling makabuluhan ang paggunita kay Ninoy Aquino hindi lamang bilang pag-alala sa kanyang kamatayan, kundi bilang pagkilala sa mga pagpapahalagang kanyang isinabuhay. Ang kanyang tanyag na paniniwalang, "The Filipino is worth dying for," ay patuloy na nagsisilbing paalala na ang pagmamahal sa bayan ay nangangailangan ng tapang, katapatan, at kahandaang ipaglaban ang katotohanan, kahit pa ito ay may kaakibat na personal na sakripisyo. Ang kanyang pamana ay hindi nasusukat sa mga monumento o aklat ng kasaysayan, kundi sa patuloy na pagpapaalala na ang kalayaan at demokrasya ay hindi dapat ipagwalang-bahala, sapagkat ang mga ito ay bunga ng pakikibaka at sakripisyo ng mga naunang henerasyon.

Sa paggunita ng Araw ni Ninoy Aquino, nawa'y magsilbi itong pagkakataon upang muling pagnilayan ang kahalagahan ng aktibong pakikilahok sa lipunan, pagtatanggol sa katotohanan, at pangangalaga sa mga demokratikong pagpapahalagang siyang pundasyon ng isang malaya at makatarungang bansa. Higit kailanman, nananatiling mahalagang ipaunawa sa bawat Pilipino lalo na sa kabataan, na ang kasaysayan ay hindi lamang alaala ng nakaraan, kundi gabay sa paghubog ng kinabukasang nais nating makamtan.

Panulat ni: Ivy Laine Antenor
Paglalapat ni: Hanz Kirby Francia



[PAGPUPUGAY PARA SA IKA-148 NA KAARAWAN NG ATING DATING PANGULONG MANUEL LUIS QUEZON]Ang araw na ito ay higit pa sa wala...
19/08/2026

[PAGPUPUGAY PARA SA IKA-148 NA KAARAWAN NG ATING DATING PANGULONG MANUEL LUIS QUEZON]

Ang araw na ito ay higit pa sa walang pasok na araw—ito ay pag alala kung sino tayo bilang mga Pilipino. Sa araw na ito, binibigyang dangal natin ang kaarawan ni Pangulong Quezon, ang taong nangarap na magkaroon tayo ng sariling pagkakakilanlan at boses bilang isang mamamayan sa Pilipinas.

Tinaguriang "Ama ng Wikang Pambansa," si Quezon ang taong naghikayat at nagtulak na magkaroon tayo ng wikang magbubuklod sa ating bayan. Sa kaniyang administrasyon, ipinaglaban niya ang kasarinlan ng Pilipinas laban sa mga Amerikano, binigyang karapatang bumoto ang mga kababaihan, at nagbigay halaga sa kapakanan ng mga ordinaryong manggagawa. Ang kanyang mga naging paglilingkod, pagtataguyod sa katarungang panlipunan, at mahahalagang kontribusyon ay nananatiling buhay na pamana, isang pambansang pagkakakilanlan na patuloy nating pinakikinabangan at pinapahalagahan hanggang sa kasalukuyan.

Bilang mga estudyante ng lalawigan na ipinangalan sa kanyang karangalan, ang Araw ng Quezon ay hindi lamang isang simpleng bakasyon o bahagi ng kasaysayan. Ito ay isang inspirasyon at paalala sa ating malaking tungkulin sa lipunan, lalo’t higit dahil ang tapat na paglilingkod at makabuluhang pamumuno ay mga pangunahing pagpapahalaga ng ating pamantasan na dapat nating isabuhay.

At bilang mga kabataan, nawa’y patuloy nating isabuhay ang mga pagpapahalagang iniwan ng mga nauna sa atin para sa ikauunlad ng ating lalawigan at ng buong bayan.

Higit sa lahat, taos-pusong paglilingkod sa mga mag-aaral.

Panulat nina: Joshua Yael Faller at John Christian Pizarra
Paglalapat ni: Hanz Kirby Francia




[APAT NA ARAW NG PASOK: SENSING FORM SA PAGITAN NG ENERGY CONSERVATION AT KALIDAD NG PAGKATUTO]Noong Marso 2026, bilang ...
17/08/2026

[APAT NA ARAW NG PASOK: SENSING FORM SA PAGITAN NG ENERGY CONSERVATION AT KALIDAD NG PAGKATUTO]

Noong Marso 2026, bilang tugon sa mga hamon sa enerhiya at pagtaas ng presyo ng langis sa pandaigdigang merkado, ipinatupad ng pamahalaan ang pansamantalang four-day workweek sa mga sakop na tanggapan ng pamahalaan bilang bahagi ng mas malawak na hakbang para sa energy conservation. Sa ilalim ng Memorandum Circular No. 114, kabilang sa mga sakop ng direktiba ang mga State Universities and Colleges, habang binibigyang-diin ang pangangailangang mabawasan ang energy consumption at ma-optimize ang paggamit ng pampublikong resources.

Sa konteksto ng Southern Luzon State University, ang hakbang na ito ay nagbunga ng pagbabago hindi lamang sa iskedyul ng operasyon ng unibersidad, kundi maging sa pang araw-araw na karanasan ng mga mag-aaral. Ang apat na araw na pasok ay may kaakibat na mga benepisyo sa pagtitipid ng enerhiya, subalit kasabay nito ay ang pangangailangang suriin kung paano nito naaapektuhan ang academic workload, oras ng pagkatuto, kalidad ng face-to-face instruction, at pangkalahatang kapakanan ng mga mag-aaral.

Sa gitna ng mga pagbabagong ito, patuloy ding naririnig ang panawagan para sa pagbabalik ng Friday face-to-face classes. Gayunpaman, ang usaping ito ay hindi dapat mauwi lamang sa tanong kung apat o limang araw ba ang mas nararapat. Higit na mahalagang maunawaan kung ano ang tunay na nararanasan ng mga mag-aaral sa ilalim ng kasalukuyang sistema, ano ang nakatutulong, ano ang nagiging hamon, at ano ang mga pagbabagong kinakailangan upang mapanatili ang balanse sa pagitan ng energy conservation at kalidad ng edukasyon.

Bilang kinatawan ng mga mag-aaral, ang SLSU – Office of the Student Regent (OSR) ay naghahain ng Sensing Form upang sistematikong makuha ang inyong mga saloobin, karanasan, at pananaw hinggil sa pagpapatupad ng apat na araw na pasok. Layunin nitong bigyang-daan ang bawat mag-aaral na maipahayag ang epekto ng kasalukuyang iskedyul sa kanilang academic workload, learning experience, personal na iskedyul, at well-being.

Makikita sa ibaba ang link ng sensing form:
LINK HERE
https://forms.gle/e5Mub3oyzwH139Mk7

Ang mga tugon na makakalap ay magsisilbing mahalagang batayan ng OSR sa pagbuo ng mga rekomendasyon at panukalang polisiya, gayundin sa mga makabuluhang konsultasyon at pakikipagdayalogo kasama ang administrasyon ng Unibersidad hinggil sa pagpapatuloy, pagbabago, o pagbabalik sa dating sistema ng iskedyul.

Hindi sapat na magkaroon ng polisiya; kinakailangan ding masukat kung paano ito nararanasan ng mga taong direktang naaapektuhan nito. Hindi sapat na pag-usapan ang boses ng mga mag-aaral, kailangang marinig ito.

Kaya naman, hinihikayat namin ang bawat iskolar ng bayan na makilahok. Ibahagi ang inyong karanasan. Ipaabot ang inyong saloobin. Maging bahagi ng prosesong humuhubog sa mga desisyong may direktang epekto sa inyong edukasyon at kapakanan.

Ang lahat ng impormasyong inyong ibabahagi ay pananatilihing mahigpit na kumpidensyal at gagamitin lamang para sa dokumentasyon, konsultasyon, at pagbuo ng mga rekomendasyon at panukalang polisiya.

Sapagkat ang tunay na representasyon ay hindi lamang pagsasalita para sa mga mag-aaral, ito ay pakikinig sa kanila, pag-unawa sa kanilang karanasan, at paninindigang dalhin ang kanilang tinig sa mga lugar kung saan ito dapat marinig.

Makilahok. Magsalita. Maging bahagi ng pagbabago.

https://docs.google.com/forms/d/e/1FAIpQLSeb9k6q10Tfo1q5_Z_5hWKpAdSDjOU6ICJI1tHBijA_g4Mdhg/viewform?usp=header

Above all, genuine service for the students.

https://pco.gov.ph/news_releases/president-marcos-orders-temporary-4-day-workweek-in-some-govt-agencies/

Panulat ni: Ivy Laine Antenor
Paglalapat ni: Vin Cruzado



[WIKANG BUMUBUKLOD, KULTURANG BINUBUHAY: WIKANG FILIPINO BILANG TATAG NG PAGKABANSA]Muling ipinagdiriwang ngayong buwan ...
05/08/2026

[WIKANG BUMUBUKLOD, KULTURANG BINUBUHAY: WIKANG FILIPINO BILANG TATAG NG PAGKABANSA]

Muling ipinagdiriwang ngayong buwan ng Agosto ang Buwan ng Wikang Pambansa, isang taunang paggunita na nagbibigay-pugay sa Wikang Filipino bilang mahalagang haligi ng ating pambansang identidad, mayamang kultura, at kolektibong kasaysayan.

Higit pa sa isang kasangkapan sa pakikipagtalastasan, ang wikang Filipino ay nagsisilbing buhay na salamin ng ating lahi. Tagapag-ingat ng mga kuwentong humubog sa ating pagkatao, tagapagdala ng mga pagpapahalagang ipinasa ng mga naunang henerasyon, at tulay na nag-uugnay sa bawat Pilipino sa kabila ng pagkakaiba-iba ng wika, kultura, at paniniwala. Sa bawat salitang ating binibigkas, isinusulat, at isinasabuhay, patuloy nating pinayayabong ang isang pamana na hindi kailanman matutumbasan ng paglipas ng panahon.

Sa gitna ng mabilis na pagbabago ng mundo at patuloy na paglaganap ng iba't ibang wika at kultura, nananatiling mahalaga ang pagpapahalaga at paggamit sa sariling wika. Ang pagtataguyod sa Wikang Filipino ay hindi pagtalikod sa pandaigdigang pag-unlad, kundi pagkilala na ang isang bansang may matatag na pagkakakilanlan ay nagsisimula sa mamamayang may pagmamahal at pagmamalaki sa sariling wika. Ito ang wikang humuhubog sa ating pag-iisip, nagbibigay-buhay sa ating panitikan at sining, at nagsisilbing daluyan ng malayang pagpapahayag at makabuluhang talakayan.

Bilang isang institusyong nakatuon sa paglinang ng kaalaman, kahusayan, at paglilingkod, kaisa ang Southern Luzon State University sa pagpapalaganap ng pagpapahalaga sa Wikang Filipino bilang wika ng edukasyon, pananaliksik, at makabayang kamalayan. Nawa'y magsilbing paalala ang pagdiriwang na ito na ang ating wika ay hindi lamang bahagi ng ating nakaraan, kundi isang buhay na pamana na patuloy na humuhubog sa ating kasalukuyan at magiging gabay sa paglikha ng isang mas maunlad at makatarungang kinabukasan.

Sa paggunita ng buwan ng wikang pambansa, nawa'y maging inspirasyon ito sa bawat isa na patuloy na gamitin, pahalagahan, at ipagmalaki ang Wikang Filipino, sapagkat sa bawat salitang ating binibigkas, isinusulat, at ipinapamana, pinatitibay natin ang diwa ng ating pagka-Pilipino at ang pagkakaisang nagbubuklod sa sambayanan.

Panulat ni: Ivy Laine Antenor
Paglalapat ni: Vin Cruzado




[PAGKAKAISA PARA SA KALIKASAN | SLSU, NAKIISA SA INTER-AGENCY TREE GROWING YEAR 3 SA MT. BANAHAW]Nakiisa ang Southern Lu...
04/08/2026

[PAGKAKAISA PARA SA KALIKASAN | SLSU, NAKIISA SA INTER-AGENCY TREE GROWING YEAR 3 SA MT. BANAHAW]

Nakiisa ang Southern Luzon State University (SLSU) sa Licup Family's Inter-Agency Tree Growing Year 3, isang inisyatibang pinangunahan ni Hon. Nelson C. Licup, ang Private Sector Representative (PSR) ng SLSU Board of Regents (BOR) at ng kaniyang pamilya na naglalayong isulong ang pangangalaga sa kalikasan sa pamamagitan ng sama-samang pagkilos ng iba't ibang ahensya, organisasyon, at sektor ng komunidad. Idinaos ang aktibidad sa paanan ng Mount Banahaw de Lucban nitong Agosto 2.

Bilang bahagi ng patuloy na pagsusulong ng adbokasiya para sa pangangalaga ng kapaligiran, nakibahagi ang mga kinatawan ng unibersidad sa pagtatanim ng mga punla bilang simbolo ng kanilang paninindigan sa pagpapanatili at pagpapanumbalik ng likas na yaman. Ang bawat punlang naitanim ay hindi lamang ambag sa rehabilitasyon ng kagubatan kundi sumasalamin din sa kolektibong pananagutan ng bawat mamamayan sa pagbuo ng isang mas luntian at mas matatag na kinabukasan.

Kabilang sa mga dumalo sa nasabing aktibidad ang panibagong Student Regent Wesley Palines, kabalikat ang ilan pang miyembro ng opisina na nagpakita ng kanilang suporta sa mga programang naglalayong palakasin ang kamalayang pangkalikasan at hikayatin ang aktibong pakikilahok ng kabataang mag-aaral sa mga gawaing pangkomunidad.

Sa pamamagitan ng pakikilahok sa mga inisyatibang tulad nito, muling pinagtitibay ng Southern Luzon State University ang pangako nitong maging katuwang sa pangangalaga ng kalikasan at sa pagsusulong ng mga gawaing may pangmatagalang positibong epekto sa kapaligiran. Higit sa isang simpleng pagtatanim ng puno, ang aktibidad ay nagsilbing paalala na ang tunay na pagbabago ay nagsisimula sa sama-samang pagkilos at sa pagtatanim ng malasakit para sa kasalukuyan at sa mga susunod na henerasyon.

Panulat ni: Ivy Laine Antenor
Paglalapat at larawan nina: Jenny Santos at Vin Cruzado



[HIGIT SA ANIM NA DEKADA NG HUSAY: SLSU TUNGO SA MAS MATATAG NA KINABUKASAN]Ipinagdiriwang ng Southern Luzon State Unive...
03/08/2026

[HIGIT SA ANIM NA DEKADA NG HUSAY: SLSU TUNGO SA MAS MATATAG NA KINABUKASAN]

Ipinagdiriwang ng Southern Luzon State University (SLSU) ang ika-62 anibersaryo ng pagkakatatag nito, isang makasaysayang paglalakbay na sumasalamin sa animnapu't dalawang taong walang humpay na paglilingkod sa larangan ng edukasyon, pananaliksik, ekstensiyon, at inobasyon. Mula sa pagiging isang institusyong nakatuon sa paglinang ng kaalaman hanggang sa pagiging isa sa mga pangunahing pamantasang pang-estado sa rehiyon, patuloy na isinusulong ng SLSU ang misyong makapaghatid ng dekalidad, inklusibo, at makabuluhang edukasyon na tumutugon sa patuloy na nagbabagong pangangailangan ng lipunan.

Sa pagdiriwang ngayong taon na may temang "SLSU ACHIEVEs @ 62: Pinagbuklod ng Husay at Serbisyo tungo sa Inklusibong Pagbabago," muling binibigyang-diin ng pamantasan ang kahalagahan ng pagkakaisa bilang pundasyon ng patuloy nitong pag-unlad. Higit pa sa paggunita sa mga nakamit na tagumpay, ang anibersaryo ay nagsisilbing pagkilala sa sama-samang pagsisikap ng mga mag-aaral, alumni, g**o, kawani, administrador, at mga katuwang ng unibersidad na naging mahalagang bahagi ng paghubog sa identidad at tagumpay ng SLSU sa loob ng mahigit anim na dekada. Ang kanilang dedikasyon at malasakit ang nagbigay-daan upang patuloy na makapaglingkod ang pamantasan hindi lamang sa akademya, kundi maging sa mga komunidad na kanyang pinaglilingkuran.

Habang ipinagdiriwang ang isa na namang makabuluhang yugto sa kasaysayan ng pamantasan, pinagtitibay rin ng Southern Luzon State University ang pangako nitong manatiling tahanan ng kahusayan, integridad, at serbisyong may malasakit. Sa pagharap sa mga hamon ng makabagong panahon, patuloy nitong isasabuhay ang adhikaing makalikha ng mga propesyunal, lider, at mamamayang may kakayahang mag-ambag sa pag-unlad ng bansa at ng pandaigdigang lipunan. Tunay ngang sa loob ng animnapu't dalawang taon, nananatiling buhay ang diwa ng SLSU, isang pamantasang pinagbuklod ng husay, pinatatag ng serbisyo, at patuloy na humuhubog ng mga buhay para sa isang mas inklusibo at sustenableng kinabukasan.

Maligayang Ika-62 Anibersaryo, Southern Luzon State University!

Panulat ni: Ivy Laine Antenor
Paglalapat ni: Vin Cruzado

@62


[OFFICIAL CALL FOR VOLUNTEERS: ACADEMIC YEAR 2026–2027]As a new academic year begins, the SLSU Office of the Student Reg...
29/07/2026

[OFFICIAL CALL FOR VOLUNTEERS: ACADEMIC YEAR 2026–2027]

As a new academic year begins, the SLSU Office of the Student Regent (OSR) invites dedicated students to join its official student representation and governance team.

As the sole representative body of the students within the Board of Regents, the highest policy-making authority of Southern Luzon State University, the OSR remains steadfast in its mandate to ensure that student perspectives are actively represented in institutional decision-making.

To fulfill our commitment to continuous service enhancement and effective student governance, the office is recruiting principled individuals who share our vision of transparent leadership and dedicated service to the student body.

OPEN POSITIONS:
🎯Layout Artist
🎯Project manager
🎯Photographer
🎯Researcher/Writer
🎯Logistic personnel
🎯Secretary
🎯Technical team

All bona fide SLSU students are eligible to apply by completing the official application form:

Application Period: Applications will be accepted until August 2, 2026 only.

🔗 Submit Application via Google Forms:https://forms.gle/eUZhhpsnbbQottn2A

Above all, Genuine Service for the Students.

Written by: Ivy Laine Antenor
Layout by: Vin Cruzado



[OFFICIAL OATH-TAKING OF SSCF PRESIDENT WESLEY PALINES AS THE NEW SLSU STUDENT REGENT TO THE BOARD OF REGENTS]Wesley Jyl...
27/07/2026

[OFFICIAL OATH-TAKING OF SSCF PRESIDENT WESLEY PALINES AS THE NEW SLSU STUDENT REGENT TO THE BOARD OF REGENTS]

Wesley Jyllian D. Palines of the College of Arts and Sciences (CAS) has officially assumed her role as Southern Luzon State University’s (SLSU) Student Regent. She formally took her oath of office during the 161st Regular Board of Regents meeting held today, 27th of July at the Commission on Higher Education (CHED) Central Office, C.P. Garcia Ave. Diliman, Quezon City for the Academic Year 2026–2027.

As the designated voice of the student body on the governing board, Palines will advocate for student priorities while collaborating with university officials and campus student leaders. Her leadership aims to ensure institutional policies consistently safeguard student welfare through compassionate, honest, and dedicated representation for the entire green rangers community.

Above all, genuine service for the students.

Written by: Ivy Laine Antenor
Layout by: Vin Cruzado



[BOR MEETS TODAY]The SLSU Board of Regents (BOR) is holding a regular meeting of the SLSU Board Finance, Administrative ...
09/07/2026

[BOR MEETS TODAY]

The SLSU Board of Regents (BOR) is holding a regular meeting of the SLSU Board Finance, Administrative and Academic Committee today, July 9, 2026, 9:00 a.m. via Zoom meeting.



[BEYOND THE REGALIA: CELEBRATING THE GRADUATING STUDENT LEADERS OF THE OFFICE OF THE STUDENT REGENT]There are journeys m...
25/06/2026

[BEYOND THE REGALIA: CELEBRATING THE GRADUATING STUDENT LEADERS OF THE OFFICE OF THE STUDENT REGENT]

There are journeys measured by grades, and there are journeys measured by the lives touched along the way.

Today, we honor not only students who have completed their academic pursuits, but individuals who chose to dedicate a portion of their collegiate lives to a purpose greater than themselves. As members of the Office of the Student Regent, they carried the privilege and responsibility of representing the student body, becoming bridges between the voices of students and the halls of decision-making, advocates of welfare, and stewards of meaningful change.

Leadership is often seen through accomplishments, programs, and initiatives. Yet behind every achievement are sacrifices that seldom make their way into reports and records: the long hours spent addressing concerns, the countless meetings attended, the difficult conversations undertaken, the responsibilities carried alongside academic demands, and the personal comforts set aside in pursuit of service. These are the quiet acts of dedication that define true leadership, not the pursuit of recognition, but the willingness to serve even when no applause is heard.

Throughout their years in the university, these graduating student leaders stood as witnesses to both triumphs and challenges. They celebrated victories with the students they represented and remained steadfast during moments of uncertainty. They listened when voices needed to be heard, spoke when issues demanded attention, and acted when circumstances called for courage. Through every endeavor, they embodied the principle that leadership is not about being above others, but about standing among them and working for their collective good.

The story of their service is woven into the larger narrative of student representation. It is found in every concern elevated to the administration, every initiative that sought to uplift student welfare, every dialogue that encouraged participation, and every effort that reminded the student body that their voices matter. Though many of these contributions may not always be visible, their impact will continue to resonate long after their graduation.

As they leave the university, they take with them more than a diploma. They carry lessons learned through service, resilience forged through challenges, friendships built through shared advocacy, and values strengthened through years of commitment. The classrooms may have taught them knowledge, but service taught them empathy. Their studies prepared them for professions, but leadership prepared them for a lifetime of responsibility toward others.

Graduation marks neither an ending nor a farewell to service. Rather, it is a transition, a passing of the torch and the beginning of a new chapter where the principles they upheld within the university can be carried into communities, workplaces, institutions, and society at large. The impact of a student leader does not end upon leaving campus; it continues wherever integrity, compassion, and advocacy are practiced.

To our graduating members, know that your legacy extends beyond the positions you held and the projects you completed. It lives in the students whose concerns were heard, in the initiatives that improved campus life, in the future leaders you inspired, and in the enduring belief that meaningful change begins when ordinary individuals choose to serve.

The Southern Luzon State University – Office of the Student Regent (SLSU - OSR) extends its deepest gratitude and warmest congratulations to our graduating student leaders. Thank you for your years of dedication, your steadfast commitment to student representation, and your unwavering belief in the power of collective action. The institution is better because of your service, and the student body is stronger because of your leadership.

As you step into the next phase of your journey, may you continue to lead with humility, serve with compassion, and pursue excellence with purpose. May the values that guided you as student leaders remain constant companions wherever life may take you.

The tassels have been turned, the diplomas earned, and the chapter completed, but the legacy of service you leave behind will continue to inspire those who follow.

Congratulations, graduates. The future awaits, and it is brighter because of leaders like you.

🎓✨

“Leadership is temporary, but the impact of service endures.”



Address

Quezon Avenue
Lucban
4328

Website

Alerts

Be the first to know and let us send you an email when SLSU Office of the Student Regent posts news and promotions. Your email address will not be used for any other purpose, and you can unsubscribe at any time.

Shortcuts

Share

Category