10/04/2026
Lubos po ang aming pasasalamat sa matagumpay na pagsasagawa ng Oplan Galugad noong Abril 10, 2026, ganap na 12:00 ng hatinggabi pataas, na pinangunahan ng Lucena CCPS sa pangunguna ni PLT Richard B. Misolas sa ilalim ng superbisyon ni PLTCOL Ryan M. Hernandez, katuwang ang Sangguniang Barangay ng Barangay Domoit sa pamumuno ni Hon. Ruel Trinidad.
Kasama rin sa matagumpay na operasyon sina Kagawad Amfrill Jael at Kagawad May Abastillas, sa tulong ng ating masisipag na Barangay Tanod, bilang bahagi ng pinaigting na SAFE CITIES Anti-Criminality Campaign Program.
Naging pokus ng operasyon ang heightened police visibility, area domination, saturation patrols, house-to-house visits, community engagement, at information dissemination upang higit pang mapalakas ang seguridad ng ating komunidad. Nagbigay rin ng mga paalala at babala sa mga lumabag sa lokal na ordinansa gaya ng curfew, paglabas sa kalsada nang walang pang-itaas, paninigarilyo at pag-inom sa pampublikong lugar, at pagtatapon ng basura kung saan-saan.
Ang mga magkakaugnay na hakbang na ito ay patunay ng ating sama-samang layunin na maiwasan ang krimen, matukoy ang banta sa seguridad, maipatupad ang mga ordinansa, at mapanatili ang kaligtasan ng bawat residente sa pamamagitan ng whole-of-nation approach.
Maraming salamat po sa Lucena PNP, sa pamunuan ng barangay, at sa lahat ng nakiisa. Sama-sama nating panatilihing ligtas, disiplinado, at mapayapa ang Barangay Domoit.
