18/07/2026
๐๐๐๐ ๐๐ ๐๐๐๐๐๐๐ ๐๐ ๐๐๐๐๐, ๐๐๐๐๐๐๐ ๐๐ ๐๐๐๐๐๐๐๐๐ ๐๐ ๐๐๐ ๐๐๐๐๐๐๐๐๐๐ ๐๐ ๐๐ร๐๐, ๐๐๐๐๐๐
Bilang pagtupad sa direktiba ni Pangulong Ferdinand โBongbongโ R. Marcos Jr., at sa gabay nina Department of Transportation Acting Secretary Atty. Giovanni Z. Lopez at LTO Chief, Assistant Secretary Markus V. Lacanilao na panatilihing ligtas, maayos, at disiplinado ang paggamit ng mga kalsada, patuloy na pinapalakas ng LTO CALABARZON ang pagpapatupad ng mga batas at regulasyong pangtransportasyon.
Sa pamumuno ni LTO CALABARZON Regional Director Elmer J. Decena, mas pinaigting ng rehiyon ang kampanya laban sa mga colorum na sasakyan at iba pang paglabag sa mga umiiral na batas at alituntunin sa transportasyon.
Ngayong araw, apat na colorum na closed van truck ang nahuli sa isinagawang law enforcement operation ng LTO CALABARZON kaninang madaling araw sa Mamplasan, Biรฑan City, Laguna.
Pinangunahan ng LTO Cabuyao District Office sa pamumuno ni Officer-In-Charge Cloyd Deo Librea ang operasyon sa pakikipagtulungan ng Regional Law Enforcement Service (RLES), kung saan natuklasan ang iba't ibang paglabag ng mga nahuling sasakyan.
Kabilang sa mga naitalang paglabag ang pagpapatakbo ng colorum na sasakyan, paggamit ng hindi rehistradong sasakyan, pagpapakita ng pinaghihinalaang pekeng Official Receipt (OR), pagmamaneho nang walang balidong driverโs license, paggamit ng improvised na plaka na walang kaukulang awtorisasyon, at mga depektong may kaugnayan sa kaligtasan gaya ng sirang headlight at pudpod na mga gulong.
Bunsod nito, agad na nag-isyu ang mga enforcer ng kaukulang Temporary Operatorโs Permit (TOP) at ipina-impound ang apat na closed van truck. Isasailalim ang mga ito sa tamang proseso bago iendorso sa LTO Central Office para sa kaukulang disposisyon.
Ayon kay RD Decena, magpapatuloy ang LTO CALABARZON sa mahigpit na pagpapatupad ng batas laban sa mga colorum at iba pang lumalabag sa mga regulasyon.
โPatuloy nating palalakasin ang ating mga operasyon upang mapanagot ang mga lumalabag sa batas. Ang mga colorum na sasakyan ay nagdudulot ng panganib hindi lamang sa kanilang mga pasahero kundi pati na rin sa iba pang gumagamit ng kalsada. Mahigpit naming hinihikayat ang lahat ng operator at motorista na sumunod sa mga umiiral na batas at tiyaking ligtas at legal ang kanilang mga sasakyan bago bumiyahe.โ
Muli ring pinaaalalahanan ng LTO CALABARZON ang lahat ng may-ari at operator ng sasakyan na tiyaking sumusunod sa mga umiiral na batas at regulasyon upang mapanatili ang kaligtasan ng mga motorista at kaayusan sa mga lansangan.
