Municipality of Mabitac

05/08/2026

AUGUST 6, 2026 | WALANG PASOK

WALANG PASOK SA MGA TANGGAPAN NG GOBYERNO AT KLASE SA LAHAT NG ANTAS SA AGOSTO 6

Alinsunod sa Memorandum Circular No. 122, suspendido ang trabaho sa mga tanggapan ng pamahalaan at klase sa lahat ng antas sa:

📍 National Capital Region (NCR)
📍 Ilocos Sur
📍 La Union
📍 Benguet
📍 Pangasinan
📍 Abra
📍 Zambales
📍 Kalinga
📍 Mountain Province
📍 Ifugao
📍 Ilocos Norte
📍 Apayao
📍 Nueva Vizcaya
📍 Tarlac
📍 Nueva Ecija
📍 Bataan
📍 Pampanga
📍 Bulacan
📍 Rizal
📍 Cavite
📍 Batangas
📍 Laguna
📍 Occidental Mindoro

Ang mga ahensyang ang tungkulin ay ang paghahatid ng basic at health services, kahandaan at pagtugon sa sakuna at kalamidad, at/o iba pang mahalagang serbisyo ay magpapatuloy sa kanilang operasyon.

05/08/2026

Good luck, Team Mabitac!🥒💪🏼

𝐑𝐞𝐚𝐝𝐲 𝐭𝐨 𝐑𝐞𝐩𝐫𝐞𝐬𝐞𝐧𝐭. 𝐏𝐫𝐨𝐮𝐝 𝐭𝐨 𝐛𝐞 𝐟𝐫𝐨𝐦 𝐌𝐚𝐛𝐢𝐭𝐚𝐜!
1st Solid Ninong Arvin Manguiat Pickleball Inter-Town Tournament

Sa bawat serve, rally, at puntos na kanilang paglalaruan, kasama nila ang suporta at panalangin ng buong komunidad. Anuman ang maging resulta ng torneo, ang pinakamahalaga ay ang kanilang tapang na humarap sa hamon, ang kanilang pagkakaisa bilang isang koponan, at ang kanilang determinasyong ibigay ang lahat ng kanilang makakaya.

𝙈𝙀𝙉'𝙎 𝘿𝙊𝙐𝘽𝙇𝙀 𝘿𝙄𝙑𝙄𝙎𝙄𝙊𝙉
RENNIER KATIGBAK
JOEBERT ACTA
Reserve: ANDY PREGINAL

𝙒𝙊𝙈𝙀𝙉'𝙎 𝘿𝙊𝙐𝘽𝙇𝙀 𝘿𝙄𝙑𝙄𝙎𝙄𝙊𝙉
ALLYANA MAE RAZ
ANGELA PAULA BANAAG
Reserve: DONNA CARMEN PREGINAL

Sama-sama nating suportahan ang ating Team Mabitac habang sila ay nakikipagsabayan sa mga mahuhusay na manlalaro mula sa iba't ibang bayan. Ipakita natin ang ating buong suporta at ipanalangin ang kanilang ligtas, maayos, at matagumpay na paglahok sa torneo.

Laban, Team Mabitac! Ipagmalaki natin ang ating bayan at ipakita ang ating galing sa loob ng court. 🏓🥒💙

#𝘛𝘦𝘢𝘮𝘔𝘢𝘣𝘪𝘵𝘢𝘤 #𝘗𝘶𝘴𝘰𝘯𝘨𝘔𝘢𝘣𝘪𝘵𝘢𝘤 #𝘗𝘪𝘤𝘬𝘭𝘦𝘣𝘢𝘭𝘭𝘛𝘰𝘶𝘳𝘯𝘢𝘮𝘦𝘯𝘵 #𝘓𝘢𝘣𝘢𝘯𝘔𝘢𝘣𝘪𝘵𝘢𝘤 #𝘚𝘱𝘰𝘳𝘵𝘴𝘮𝘢𝘯𝘴𝘩𝘪𝘱 #𝘔𝘢𝘣𝘪𝘵𝘢𝘤𝘗𝘪𝘤𝘬𝘭𝘦𝘣𝘢𝘭𝘭𝘊𝘭𝘶𝘣

05/08/2026

August 5, 2026

LTO Caravan sa Mabitac Day 1 — Libreng Theoretical Driving Course (TDC) para sa unang 400 applicants ng student permit.

Ang ating Lokal na Pamahalaan ay nagpapasalamat sa Land Transportation Office (LTO) para sa libreng TDC na pinagkaloob sa mga kababayan nating nag-aapply ng driver’s license.

Samantala, ang application at renewal ng rehistro ng sasakyan at driver’s license ay gaganapin po sa August 7-8, 2026 sa ating Municipal Grounds sa Barangay Nanguma mula 8:00 ng umaga hanggang 5:00 ng hapon.

Ang lahat po ay hinihikayat na samantalahin ang pagkakataon ito na mismong LTO na ang nagpunta sa ating bayan para sa isang ligtas na pagmamaneho.

05/08/2026

Congratulations, PESO Mabitac !🎉

04/08/2026

28/07/2026

𝐀𝐑𝐁𝐎𝐑 𝐃𝐀𝐘 𝐂𝐄𝐋𝐄𝐁𝐑𝐀𝐓𝐈𝐎𝐍 𝟐𝟎𝟐𝟔

Nakiisa ang Lokal na Pamahalaan ng Bayan ng Mabitac sa pagdiriwang ng Simultaneous Arbor Day Celebration, ngayong araw, Martes, Hulyo 28, 2026, sa pamamagitan ng pagtatanim ng mga puno sa Brgy. San Antonio Mabitac, Laguna.

Ang bawat punlang naitanim ay sumisimbolo ng ating sama-samang pananagutan sa pangangalaga ng kalikasan at sa pagtataguyod ng isang mas luntian, mas ligtas, at mas maunlad na kinabukasan para sa susunod na henerasyon.

27/07/2026

𝐋𝐚𝐮𝐧𝐜𝐡𝐢𝐧𝐠 | 𝐌𝐨𝐫𝐚𝐥 𝐑𝐞𝐜𝐨𝐯𝐞𝐫𝐲 𝐏𝐫𝐨𝐠𝐫𝐚𝐦

Matagumpay na naisagawa ang Launching ng Moral Recovery Program na may temang “Hubog Kabataan, Moralidad Ingatan.” sa Brgy. Masikap, Mabitac, Laguna.

Sa pangunguna ng Mabitac Pastors Association, katuwang ang Lokal na Pamahalaang Bayan ng Mabitac naging makabuluhan ang pagtitipong ito na naglalayong palakasin ang moral na pagpapahalaga, mabuting asal, at responsableng paghubog sa ating mga kabataan.

Isa sa mga tampok ng programa ang Exhibition Game sa pagitan ng TEAM MAVS at TEAM MABS, na nagbigay ng kasiyahan at inspirasyon sa mga manonood. Higit pa sa isang basketball game, ito ay nagsilbing simbolo ng pagkakaisa, sportsmanship, at suporta sa adhikaing hubugin ang kabataang may mabuting asal at matibay na pagpapahalaga.

Pasasalamat sa lahat ng mga kabataan, magulang, mga pastor, mga opisyal, at mamamayang nakiisa at naging bahagi ng matagumpay na gawaing ito. Nawa'y magsilbi itong panimula ng mas matatag na pagtutulungan para sa paghubog ng isang henerasyong may integridad, disiplina, at pagmamahal sa kapwa.

21/07/2026

𝟒𝟖𝐭𝐡 𝐍𝐚𝐭𝐢𝐨𝐧𝐚𝐥 𝐃𝐢𝐬𝐚𝐛𝐢𝐥𝐢𝐭𝐲 𝐑𝐢𝐠𝐡𝐭𝐬 𝐖𝐞𝐞𝐤 (𝐍𝐃𝐑𝐖) 𝐢𝐬 "𝐑𝐢𝐠𝐡𝐭𝐬 𝐅𝐢𝐫𝐬𝐭, 𝐋𝐞𝐠𝐢𝐬𝐥𝐚𝐭𝐢𝐨𝐧 𝐅𝐨𝐫𝐰𝐚𝐫𝐝”

Matagumpay na isinagawa ngayong Hulyo 21, 2026 ang pagdiriwang ng Ika-48 Pambansang Linggo ng Karapatan ng mga Taong may Kapansanan sa Roadside 601 Restaurant, Brgy. Paagahan Mabitac, Laguna.

Lubos ang pasasalamat ng Pamahalaang Bayan ng Mabitac sa pakikiisa at suporta nina Mayor Alberto S. Reyes, Vice Mayor Ronald I. Sana, Federation President, at sa MSWD Office, na patuloy na nagsusulong ng mga programa at serbisyong nagbibigay ng pagkakataon at kapakanan para sa ating mga kababayang may kapansanan.

Nawa'y magsilbi ang pagdiriwang na ito bilang inspirasyon upang higit pang mapagtibay ang ating sama-samang adhikain na bumuo ng isang komunidad na may pantay na oportunidad, at tunay na inklusibo para sa lahat.