Janessa Maligaya de Ramayo

03/06/2026

TIGNAN | Ang DILG Magallanes, sa tulong at pakikipagtulungan ng Lokal na Pamahalaan ng Magallanes, ay nagsagawa ng mga paunang gawain para sa pagpapatupad ng Top Tanod Awards 2026. Kaugnay nito, nagpulong ang Municipal Tanod Awards Committee na binubuo ng Magallanes Police Station, Magallanes Fire Station, Local Disaster Risk Reduction and Management Office (LDRRMO), Office of the Mayor, at MAWCO–Civil Society Organization (CSO) upang talakayin ang implementasyon ng nasabing programa sa antas ng mga barangay.

Kabilang sa mga naging paksa ng pagpupulong ang mga alituntunin sa pagpapatupad ng programa at ang iskedyul ng mga kaukulang gawain at aktibidad para sa maayos na pagsasagawa ng Top Tanod Awards sa taong 2026.

03/06/2026

May 26, 2026 | Ang Pag-aalay ng Bulaklak sa Mahal na Ina – Flores de Maria 2026 💐

Kasama ang mga kawani at opisyal ng LGU Magallanes, tayo ay nakiisa sa banal na misa at pag-aalay ng bulaklak bilang pagpupugay at pagpaparangal sa Mahal na Birheng Maria sa pagdiriwang ng Flores de Maria 2026.

Ang gawaing ito ay sumasalamin sa ating pananampalataya, debosyon, at pasasalamat sa Mahal na Ina na nagsisilbing gabay at inspirasyon sa ating pang-araw-araw na buhay. Nawa’y patuloy tayong pagpalain ng kanyang pagmamahal at pagkalinga, at manatiling matatag sa pagkakaisa at paglilingkod sa ating kapwa. ❤️💙

02/06/2026

02/06/2026

June 01, 2026 | Division Brigada Eskwela Kick-Off Hosted by the Municipality of Magallanes 📚

Isang karangalan po para sa Bayan ng Magallanes na maging punong-abala sa idinaos na Division Brigada Eskwela Kick-Off 2026 ng Kagawaran ng Edukasyon. Muli nitong ipinakita ang kahalagahan ng pagkakaisa, bayanihan, at pagtutulungan ng buong komunidad para sa mas maayos at matagumpay na pagbubukas ng panibagong taon ng pag-aaral.

Taos-puso po ang aming pasasalamat sa ating mga naging panauhin at katuwang sa programang ito:

• Dr. Rosemarie D. Torres – Schools Division Superintendent
• Antonio Faustino – Assistant Schools Division Superintendent
• Ms. Diana Topacio – SGOD Chief
• Councilor Derek Matro – Bayan ng Tanza
• Councilor Sheryll Langit – Bayan ng Tanza
• Mayor Lamberto Bambao- Official – Bayan ng Ternate
• Rolando Dili – NAPSHI President

Maraming salamat din po BM Jasmin Maligaya-Bautista sa inyong palaging pag suporta.

Maraming salamat din po sa lahat ng mga g**o, school personnel, mga magulang, volunteers, at stakeholders mula sa Magallanes at sa buong Lalawigan ng Cavite na naging bahagi ng makabuluhang gawaing ito.

Sa lahat po ng ating mga kaguruan, taos-puso ang aking pagbati sa pagsisimula ng panibagong taon ng pagtuturo. Nawa’y patuloy nating gabayan at hubugin ang ating mga kabataan tungo sa mas maliwanag na kinabukasan.

Sama-sama po nating itaguyod ang dekalidad, makabago, at progresibong edukasyon para sa bawat batang Caviteño.

02/06/2026

🤍🤍🤍

01/06/2026

01/06/2026

📢 MAWCO MALASAKIT AMNESTY PROGRAM 📢

Bilang patuloy na pagsuporta at pagpapakita ng malasakit sa ating mga kasapi, inilulunsad ng Magallanes Women’s Club Multi-Purpose Cooperative (MAWCO) ang isang espesyal na programa na naglalayong magbigay ng panibagong pagkakataon para sa mas maayos at mas magaan na ugnayan sa kooperatiba.

Ang programang ito ay bahagi ng ating adhikain na palakasin ang pagkakaisa, pag-unawa, at pagtutulungan ng bawat miyembro. Sa pamamagitan nito, binibigyan natin ng pagkakataon ang bawat isa na makapagsimula muli at mapalakas ang kanilang partisipasyon sa ating samahan.

Sa MAWCO, naniniwala kami na ang bawat miyembro ay mahalaga at may mahalagang papel sa ating patuloy na paglago bilang isang kooperatiba. Kaya’t sama-sama nating itaguyod ang kultura ng malasakit, pagkakaisa, at responsableng pakikibahagi.

Maraming salamat sa inyong patuloy na tiwala, suporta, at pakikiisa sa lahat ng ating mga programa. 💚

01/06/2026

🚨 𝐀𝐋𝐄𝐑𝐓𝐎 𝐌𝐀𝐆𝐀𝐋𝐋𝐄Ñ𝐎 | 𝐒𝐈𝐌𝐔𝐋𝐀 𝐍𝐀 𝐀𝐍𝐆 𝐏𝐀𝐍𝐀𝐇𝐎𝐍 𝐍𝐆 𝐇𝐀𝐁𝐀𝐆𝐀𝐓 🌧️

Mga kababayan, opisyal nang nagsisimula ang panahon ng Habagat (Southwest Monsoon) na maaaring magdala ng malalakas na pag-ulan, pagbaha sa mabababang lugar, at pagguho ng lupa sa mga bulubunduking bahagi ng ating bayan.

✅ Ugaliing magdala ng payong o kapote
✅ Siguraduhing malinis ang mga kanal at daluyan ng tubig
✅ Bantayan ang mga anunsyo mula sa LGU at mga kinauukulang ahensya
✅ Maghanda ng emergency kit at mga mahahalagang dokumento
✅ Iwasan ang pagtawid sa baha at pananatili sa mga mapanganib na lugar

Ang kaligtasan ng bawat isa ay nakasalalay sa ating kahandaan at pagtutulungan. Manatiling mapagmatyag at sumunod sa mga abiso ng lokal na pamahalaan.

🌧️ Maging handa, maging alerto, at mag-ingat sa panahon ng Habagat!

31/05/2026

May 29, 2026 | Maraming salamat po sa Department of Education – Schools Division Office of Cavite Province sa pag-anyaya sa inyong lingkod sa 2026 AGAPAY: Stakeholders’ Summit and State of the Division Address.

Isang malaking karangalan ang maging bahagi ng pagtitipong ito na kumikilala sa mahalagang papel ng mga katuwang ng edukasyon sa patuloy na paghubog ng mas maliwanag na kinabukasan para sa ating mga kabataan.

Ang ganitong mga inisyatiba ay patunay na sa pamamagitan ng pagkakaisa, pagtutulungan, at sama-samang adhikain, mas napapalakas natin ang kalidad ng edukasyon at serbisyong naihahatid sa ating mga komunidad.

Muli, taos-puso po ang aking pasasalamat sa pamunuan ng DepEd Cavite sa pagkilala at pagtitiwala. Nawa’y magpatuloy ang ating matibay na ugnayan at sama-samang pagsusulong ng edukasyong may kalidad para sa bawat batang Caviteño. 💙❤️