31/07/2026
Ang Ligtas Tigdas 2026 o Measles-Rubella Supplemental Immunization Activity with Vitamin A Supplementation (MR-SIA VAS) ay ang pambansang kampanya ng Department of Health (DOH) na isasagawa mula Agosto 10–28, 2026 upang maprotektahan ang mga batang edad 6–59 buwan laban sa tigdas at tigdas-hangin.
Mahalagang katuwang ng DOH ang Philippine Pediatric Society sa kampanyang ito sa pamamagitan ng pagbibigay ng tamang impormasyon tungkol sa bakuna, paghikayat sa mga magulang na pabakunahan ang kanilang mga anak at pagsuporta sa mga gawaing naglalayong mapataas ang vaccination coverage para sa mas ligtas at malusog na komunidad.
