Sikat Magsaysay, Misamis Oriental

19/08/2026

𝙈𝘼𝙂𝙎𝘼𝙔𝙎𝘼𝙔 𝙎𝙋𝙊𝙍𝙏𝙎 𝘾𝙇𝙐𝘽 𝙍𝙀𝙂𝙄𝙎𝙏𝙍𝘼𝙏𝙄𝙊𝙉 𝘿𝙍𝙄𝙑𝙀 𝙄𝙎 𝙉𝙊𝙒 𝙊𝙋𝙀𝙉!

Aduna na ba moy sports group o sports club nga nagkinahanglan ug suporta?

Panahon na aron ipa-register ang inyong grupo. Pinaagi sa registration, makatabang kini sa LGU sa pag-ila sa inyong organisasyon ug mahimong lakang aron maapil sa mga umaabot nga programa, training, ug uban pang suporta alang sa sports development.

I-scan ang QR Code o i-click ang registration link sa ubos aron makasugod.
https://forms.gle/xDaqJCFUEXtkvsRM9

16/08/2026

Magsaysay’s Pride! Congrats, Sofiah Pagara! You made us all proud 🩷 Magsaysay ngani.

🥇GOLD MEDALISTS -🇵🇭Khylem Progella & Sofiah Pagara. 🏆
FIVB Beach Pro Tour (Korea)
Saludo kami sa inyo, mga Alas! 🫡

16/08/2026

Salamat sa pag comment sa akong post about sports. Right now ga draft kog framework para mas ma tabangan ang mga athletes sa Magsaysay nga ga dula ug “dili kaayo sikat” na sports. Labina sports nga wala gyuy support. From your comments naa koy pipila na pwede nato sugdan.
✅ Table Tennis
✅ Softball/Baseball
✅ Soccer/Football
✅ Takraw
✅ Archery
✅ Pickleball
✅ Swimming
✅ Running
✅ Badminton
✅ ML
✅ Chess
For BASKETBALL and VOLLEYBALL naa man tay pirmi support from SK Feds and the SB. Kaning naa sa lista akong pwede i prioritize.
❓Unsay buhaton NAMO sir?
✅ Naay duha ka butang.
1. Find athletes (atleast 15) and create your group. Make a facebook messenger GC.
2. Elect your officers. President padulong sa treasurer.
❓Dawbe kay established naman mi sir. Unsay buhaton?
✅ I comment diri or i message ko sa inyong:
1. Group name with fb group page.
2. List of members
3. Set of officers
❓Unsay buhaton sa side sa LGU?
✅ Pag nabuhat na inyong grupo. We will add you to the list of official sports group. Kung first mo sa Magsaysay, pwd mo namo buhaton nga official Magsaysay sports club.
❓Unsa pay mahatag support sa LGU?
✅ Dili ni sure tanan pero mao ni lista sa support na pwd ma hatag:

1. Ma establish inyong orgs with constitution and bylaws.
2. Tabangan mo ma register sa National Youth Commission. Sometimes naa ni funding madawat.
3. Ma tabangan mo mag establish sa inyong courts.
4. Ma tabangan mo ma provide ug mga gamit like net, tables, rackets etc. Dili ma excite, dli ni tanan ma hatag pero maningkamot ta.
5. Maka tabang mi mangita ug coach ug mag bayad sa training for a certain period.
6. Maka tabang mi ug plano sa inyong clinics and tournaments.
7. Maka tabang mi ug course thru sa inyong mga SK para ma tagaan mog fundings for your group.
8. Puhon2, maka ambag ambag mi sa mga competitions nga inyong apilan in the future.
Dali ra ka storya si Mayor Charlie basta sports so maningkamot mi matabangan mo.
So kung disidido gyud mo, i plastar na inyong grupo and contact us.
Bira! 🙂

14/08/2026

𝘾𝙇𝘼𝙎𝙎 𝙎𝘾𝙃𝙀𝘿𝙐𝙇𝙀 𝙐𝙋𝘿𝘼𝙏𝙀 𝘼𝙈𝙄𝘿𝙎𝙏 𝙃𝙄𝙂𝙃 𝙃𝙀𝘼𝙏 𝙄𝙉𝘿𝙀𝙓
August 14, 2026 - Friday

Ang atong Municipal DRRM Council Chairman, Mayor Charlie Buhisan uban sa atong Municipal DRRM Officer Neil B. Obedencio, RN, SB Chairman Committee on Education Shalako L. Uba, School Heads, Principals, School Directors and Magsaysay College President nag himo ug usa ka consultative meeting karong adlawa Agosto 14, 2026 aron ma bansay-bansay ang LONG TERM APPROACH sa kasamtangang problema sa ka init sa panahon nga masiguro usab ang pagpadayon sa paghatag ug kalidad nga edukasyon sa atong mga kabataan.

Mao kini ang bunga sa panagtigom diin nasulat nasab kini pinaagi sa usa ka Executive Order (EO) No. 230 s. 2026 nga makita sa comment section.

Ang maong EO epektibo na sugod ugmang adlawa, Sabado Agosto 15, 2026 hangtod kini bakwion. (The Executive Order shall take effect beginning August 15, 2026 and shall remain in force until lifted.)

IMPORTANTE NGA SULOD SA MAONG EXECUTIVE ORDER

1. Ang elementarya ug sekondarya nga mga tulonghaan (pribado ug publiko) mo conduct ug face-to-face o in-person classes sulod lamang sa alas siete sa buntag (7AM) hangtod lamang sa alas onse y media sa buntag (11:30AM) ug kanselado na dayon ang in-person classes alas dose sa udto (12 noon) hangtod na sa alas kwatro sa hapon (4PM).

2. Ang kolehiyo nga tulonghaan mo conduct ug face-to-face o in-person classes sulod lamang sa alas siete sa buntag (7AM) hangtod lamang sa alas onse y media sa buntag (11:30AM) ug kanselado na dayon ang in-person classes alas dose sa udto (12 noon) hangtod na sa alas kwatro sa hapon (4PM). Motiwas dayon ug in-person classes alas kwatro sa hapon (4PM) hangtod lamang sa alas nuebe sa gabii (9PM).

Atong sayran nga ang "peak" o pinaka init nga bahin sa adlaw anaa man sa alas dose sa udto hangtod alas kwatro sa hapon mao nga ato kining gilikayan nga mga oras ug gilaoman nga ang mga studyante anaa sa ilang panimalay sulod niining mga orasa.

Higpit usab nga gibawal ang OPEN GROUND ACTIVITIES sulod sa tibook adlaw para sa kaayohan sa panglawas sa atong mga studyante,magtutudlo ug mga personahe sa tulonghaan.

Anaa usab sulod sa maong Executive Order ang gitawag nga MANDATORY HYDRATION SCHEDULE diin gi aghat ang tanang anaa sa tulonghaan sa pagdungan ug inom sa tubig matag alas nuebe sa buntag pinaagi sa pagpatingog sa School bell para ma siguro nga maayo ang hydration status sa mga studyante, magtutudlo ug tanang personahe sulod sa tulonghaan.

Daghang Salamat ug Amping Kanunay 🙏

14/08/2026

13/08/2026

𝗜𝗡𝗜𝗧 𝗞𝗔𝗔𝗬𝗢? 𝗔𝗬𝗔𝗪 𝗜𝗣𝗨𝗚𝗢𝗦 𝗔𝗡𝗚 𝗟𝗔𝗪𝗔𝗦.

Grabe na ang kainit karon, ug dili kini angay pasagdan nga mura lang og ordinaryong adlaw. Kung magsugod na og kalipong, pagkaluya, kusog nga panghupong, o pagbati nga dili na komportable ang lawas, paminawa kini ug pahuway dayon.

Ang pagpadayon bisan kapoy na ug sobra na ang kainit dili sukod sa kalig-on. Mas maayo ang pagrelax kaysa sa ma-heat stroke. Likayi ang dugay nga pagpa-init sa adlaw, pag-inom og igo nga tubig, ug pangitaa ang bugnaw o landong nga lugar kung kinahanglan.

Sa ingon niini nga kainit, ang kahibalo ug pag-amping mas importante kaysa pagpugos sa kaugalingon. Bantayi ang imong lawas, ug ayaw hulata nga ang kainit maoy mopugos kanimo sa pagpahunong.

📞 Para sa mga emerhensiya:
MDDRMO: 0997 789 7444
PNP: 0997 451 9919
BFP: 0995 388 9668
RHU: 0992 566 8178

STAY HYDRATED. STAY COOL. STAY SAFE, MAGSAYSAYNON

12/08/2026

𝘼𝙉𝙉𝙊𝙐𝙉𝘾𝙀𝙈𝙀𝙉𝙏 | 𝙒𝘼𝙇𝘼𝙔 𝙆𝙇𝘼𝙎𝙀

Aron mapanalipdan sa negatibong epekto sa panglawas tungod sa kainit sa panahon ang mga studyante, magtutudlo ug mga personahe sa eskwelahan batok sa heat index nga muabot sa 43°C, gipahibalo ang tanan nga gisuspende ang klase sa tanang lebel, publiko ug pribadong nga mga eskwelahan, sa Munisipyo sa Magsaysay, Misamis Oriental karong Agosto 13–14, 2026 (Thursday ug Friday).

Giawhag ang tanang residente nga mag-amping batok sa grabeng kainit pinaagi sa kanunay nga pag-inom og igo nga tubig, paglikay sa dugayng pagpabilin ilawom sa init nga adlaw, ug pagsubay sa mga opisyal nga pahibalo gikan sa lokal nga kagamhanan.

📞 Para sa mga emerhensiya:
MDDRMO: 0997 789 7444
PNP: 0997 451 9919
BFP: 0995 388 9668
RHU: 0992 566 8178

12/08/2026

12/08/2026

𝗥𝗘𝗘𝗟𝗦 | 𝗟𝗚𝗨 𝗧𝗔𝗚𝗢𝗟𝗢𝗔𝗡 𝗕𝗘𝗡𝗖𝗛𝗠𝗔𝗥𝗞𝗦 𝗟𝗚𝗨 𝗠𝗔𝗚𝗦𝗔𝗬𝗦𝗔𝗬 𝗧𝗢 𝗦𝗧𝗥𝗘𝗡𝗚𝗧𝗛𝗘𝗡 𝗗𝗜𝗚𝗜𝗧𝗔𝗟 𝗚𝗢𝗩𝗘𝗥𝗡𝗔𝗡𝗖𝗘

12/08/2026

𝗟𝗔𝗡𝗧𝗔𝗪𝗔 | 𝗟𝗚𝗨 𝗧𝗔𝗚𝗢𝗟𝗢𝗔𝗡 𝗡𝗔𝗚𝗕𝗘𝗡𝗖𝗛𝗠𝗔𝗥𝗞 𝗦𝗔 𝗟𝗨𝗡𝗚𝗦𝗢𝗗 𝗦𝗔 𝗠𝗔𝗚𝗦𝗔𝗬𝗦𝗔𝗬 𝗔𝗥𝗢𝗡 𝗠𝗔𝗣𝗔𝗟𝗜𝗚-𝗢𝗡 𝗔𝗡𝗚 𝗗𝗜𝗚𝗜𝗧𝗔𝗟 𝗚𝗢𝗩𝗘𝗥𝗡𝗔𝗡𝗖𝗘

Hulyo 30, 2026

LGU MAGSAYSAY - Mainiton nga gidawat ni Dalangpanan Mayor Hon. Charlie B. Buhisan ang mga bisita gikan sa Local Government Unit (LGU) of Tagoloan, Misamis Oriental atol sa ilahang pag-benchmark nga gihimo kaniadtong Hulyo 30, 2026, adlawng Huwebes, sa Sangguniang Bayan (SB) Session Hall, Town Hall, Poblacion, Magsaysay, Misamis Oriental.

Ang mga opisyales gikan sa LGU Tagoloan gipangulohan ni Ma’am Elizabeth P. Obaobo, Department Head sa Human Resource Management Office (HRMO), uban si Ma’am Marie Liza L. Dadel, HRMO III/Admin Officer V, inubanan sa elahang HRMO Staff.
Ang benchmarking activity nagtumong sa pagkat-on ug pag-angkon sa mga maayong pamaagi sa digital governance ilabina sa paggamit sa Document Management and Archiving System or DMAS, Government Integrated Archiving Management System or GIAMS, ug ang Optimum HR System.

Atol sa maong activity, gipresentar ni Sir Philip Neri Caseres, HRMO III sa LGU Magsaysay ang paggamit sa Optimum HR System lakip ang personnel profile management, istruktura sa Human Resource Management Office (HRMO), ug ang digitalization roadmap sa lokal nga panggamhanan.

Gidemonstrar usab ni Sir Jerome Gerona, Municipal ICT Officer Designate ang operasyon ug sistema sa DMAS ug GIAMS isip kabahin sa padayon nga pagpalambo sa digital nga serbisyo ug records management sa LGU Magsaysay. Huot nga gihisgotan usab ni Ma’am Nilda Udarbe, Dalangpanan Coordinator sa Magsaysay ang mga importanteng impormasyon, proseso, ug kasinatian nga nakatabang sa malampusong implementasyon sa mga digital systems sa LGU Magsaysay.

Gipakita sa maong benchmarking activity ang paningkamot sa Lungsod sa Magsaysay ubos sa liderato ni Dalangpanan Mayor Hon. Charlie B. Buhisan sa pagpalambo sa digital governance pinaagi sa paggamit sa teknolohiya alang sa mas episyente ug epektibong pagserbisyo publiko. Ang pagpaambit sa mga pamaagi ug mga inisyatibo sa digitalization nagpalig-on usab sa koordinasyon ug pagtinabangay tali sa mga lokal nga panggamhanan aron sa paghatag ug episyente ug kalidad nga serbisyo para sa publiko.

Gisulat ni Dinmel John Supatan