18/03/2026
𝗣𝗨𝗕𝗟𝗜𝗖 𝗔𝗗𝗩𝗜𝗦𝗢𝗥𝗬 | 𝗙𝗢𝗨𝗥-𝗗𝗔𝗬 𝗖𝗢𝗠𝗣𝗥𝗘𝗦𝗦𝗘𝗗 𝗪𝗢𝗥𝗞 𝗪𝗘𝗘𝗞
Gipahibalo sa LGU MAGSAYSAY ang pagpatuman sa Per Executive Order No. 216, Series of 2026, nga naglatid sa mga lakang alang sa energy ug fuel conservation, lakip na ang pag-adopt sa compressed four-day work week. Kini nga lakang gihimo isip tubag sa padayon nga pagsaka sa global fuel prices ug pagsuporta sa mga direktiba sa national government aron masiguro ang husto ug episyenteng paggamit sa enerhiya.
Ubos niini nga kahikayan, ang opisyal nga oras sa trabaho sa tanang municipal offices ipatuman gikan Lunes hangtod Huwebes, alas 7:00 sa buntag hangtod alas 6:00 sa gabii, aron makumpleto ang 40 ka oras sa usa ka semana. Ang Biyernes pagahimoon nga non-working day, gawas sa mga opisina nga naghatag og essential public services nga magpadayon sa ilang operasyon aron malikayan ang pagkabalda sa serbisyo sa publiko.
Gipahinumdoman ang tanan nga ang maong executive order naglangkob usab sa istriktong pagpatuman sa fuel ug energy conservation measures, lakip ang husto nga paggamit sa government vehicles, pagminimize sa non-essential travel, ug pagpalig-on sa digital operations. Ang kooperasyon sa matag empleyado ug sa komunidad gikinahanglan aron maseguro ang epektibo nga implementasyon niini ug ang padayon nga paghatag og kalidad nga serbisyo publiko.
