Magsaysay Pride

Magsaysay Pride We are an LGBTQIAA++ Group based in Magsaysay, Misamis Oriental

Aduna na kitay savings account sa Antrecco. ☺️ Puhon-puhon magkuha na ang Magsaysay Pride ug BIR permit para maka sugod ...
04/08/2026

Aduna na kitay savings account sa Antrecco. ☺️ Puhon-puhon magkuha na ang Magsaysay Pride ug BIR permit para maka sugod na ang organization sa atong negosyo nga maghatag ug trabaho sa mga LGBT and allies sa lungsod sa Magsaysay.

🌈 How Inclusivity Looks Like (HILL) Workshop📅 Hunyo 10, 2026Usa ka dako nga lakang padulong sa mas inklusibo ug gender-r...
05/07/2026

🌈 How Inclusivity Looks Like (HILL) Workshop
📅 Hunyo 10, 2026

Usa ka dako nga lakang padulong sa mas inklusibo ug gender-responsive nga edukasyon ang nahimo pinaagi sa How Inclusivity Looks Like Workshop, diin aktibong miapil ang mga lider ug representante sa nagkadaiyang student organizations sa Magsaysay College.

Atol sa workshop, gipaminaw ang mga tingog sa mga estudyante ug nagtinabangay sila sa paghimo og mga rekomendasyon ug polisiya nga makapalig-on sa usa ka kampus nga luwas, patas, ug bukas alang sa tanang estudyante, bisan unsa pa ang ilang SOGIESC, kahimtang sa kinabuhi, o kagikan.

Ang mga ideya ug polisiya nga namugna niini nga workshop pagatun-an aron mahimong kabahin sa girebisang Student Manual sa Magsaysay College, isip usa ka konkretong lakang sa pagpalambo sa usa ka institusyon nga naghatag og patas nga oportunidad ug pagrespeto sa matag estudyante.

Dako ang among pasalamat kang Ms. Angelica B. Bolotaolo gikan sa PCW sa paghatag sa iyang panahon ug kahanas para ani na activity. Sa tanan usab student organizations nga mihatag sa ilang panahon, kahibalo, ug mga ideya, salamat sa inyo. Ang tinuod nga inklusibong palibot magsugod pinaagi sa pagpaminaw, pagtinabangay, ug paglihok isip usa ka komunidad.

✨ Magpadayon ta sa pagtukod og Magsaysay College nga ang matag estudyante mobati nga sila gipaminaw, gidawat, ug gipabilhan.

🎨🌈 MGA KOLOR SA PAGLAUM, PAGDAWAT, UG PAGHIUSA 🌈🎨Sa duha ka adlaw nga kalihokan niadtong Hunyo 10 ug 11, 2026, nahimong ...
20/06/2026

🎨🌈 MGA KOLOR SA PAGLAUM, PAGDAWAT, UG PAGHIUSA 🌈🎨

Sa duha ka adlaw nga kalihokan niadtong Hunyo 10 ug 11, 2026, nahimong mas maanindot ang Kibungsod Bus Terminal Pedestrian Lane pinaagi sa atong Pride Pedestrian Painting Activity.

Dili lang kini ordinaryong pagpintal sa pedestrian lane. Kini usa ka simbolo sa atong komitment sa pagtukod og komunidad nga naghatag og luna alang sa tanan, bisan unsa pa man ang ilang s*xual orientation, gender identity, gender expression, o s*x characteristics.

Ang matag kolor nga atong gipintal nagrepresentar sa mga istorya sa kalig-on, paglaum, gugma, ug pagpakigbisog sa atong LGBTQIA++ community. Ang matag brush stroke usa ka pahinumdom nga ang inclusivity dili lang pulong kundili usa ka aksyon nga atong ipakita matag adlaw.

Daghang salamat sa mga partisipante sa How Inclusivity Workshop ug sa mga nitambong sa Barangay-Based SOGIE Orientation nga naggahin sa ilang panahon, kusog, ug talento aron mahimong kabahin niining maayong inisyatiba. Pinaagi sa inyong pag-apil, nahimo natong usa ka buhing simbolo sa pagdawat ug pagrespeto ang usa ka lugar nga adlaw-adlaw nga giagian sa daghang katawhan.

Sa matag lakang nga mahitabo ibabaw niining pedestrian lane, hinaut nga kini mahimong pahinumdom nga ang Magsaysay nagpadayon sa paglakaw padulong sa usa ka mas patas, mas inklusibo, ug mas mahigugmaong kaugmaon para sa tanan. 🏳️‍🌈✨







🌈✨ PAGDALA SA KAHIBALO NGADTO SA KATILINGBAN! ✨🌈Usa sa mga tumong sa Magsaysay Pride mao ang pagsiguro nga ang edukasyon...
17/06/2026

🌈✨ PAGDALA SA KAHIBALO NGADTO SA KATILINGBAN! ✨🌈
Usa sa mga tumong sa Magsaysay Pride mao ang pagsiguro nga ang edukasyon bahin sa SOGIESC dili lang mapabilin sa sentro sa lungsod, kondili maabot hangtod sa matag barangay. Mao nga karong tuiga, atong gipahigayon ang usa ka Barangay-Based SOGIE Orientation uban sa atong mga kaabag sa Magsaysay Sangguniang Kabataan Federation.
Niadtong Hunyo 10, 2026, nagtapok sa Victoriano Ratilla Senior Sports and Cultural Gym ang mga miyembro sa LGBTQIA++ community gikan sa tanang 25 ka barangay sa Magsaysay aron magtinun-anay, magpaminaw, ug magpakusog sa atong paningkamot alang sa usa ka komunidad nga mas inklusibo ug walay diskriminasyon.
Ang paghisgot sa S*x, S*xual Orientation, Gender Identity and Expression, ug S*x Characteristics (SOGIESC) dili agenda sa pipila lamang—kini usa ka lakang padulong sa pagsabot, pagtahod, ug pagpanalipod sa dignidad ug katungod sa matag usa.
Nagpasalamat kami sa tanang partisipante, SK officials, resource persons, ug mga kaalyado nga mipakita sa ilang suporta. Padayon natong dad-on ang kahibalo ngadto sa matag barangay, tungod kay ang pagdawat ug pagrespeto magsugod sa edukasyon.
🌈 Kay sa Magsaysay, ang matag identidad adunay lugar, tingog, ug katungod nga maminaw ug madungog.






🌈 RAINBOW IN GOVERNANCE PRIDE EXHIBIT🌈Ang gugma sa pag-alagad walay giila nga gender, identidad, o ekspresyon. 💖🏳️‍🌈Karo...
15/06/2026

🌈 RAINBOW IN GOVERNANCE PRIDE EXHIBIT🌈
Ang gugma sa pag-alagad walay giila nga gender, identidad, o ekspresyon. 💖🏳️‍🌈
Karon, Hunyo 16, 2026, atong ablihan ang atong exhibit nga “Rainbow in Governance”, usa ka pagpanghimatuud nga ang mga miyembro sa LGBTQIA++ community ug ang ilang mga kaalyado adunay dakong papel sa pagpalambo sa atong komunidad pinaagi sa liderato, pagkamatinabangon, ug serbisyo publiko.
Atong saulogon ang ilang mga istorya, talento, ug dedikasyon nga nagpadayon sa paghulma sa usa ka Magsaysay nga mas inklusibo, patas, ug mapinanggaon. Kini nga exhibit usa ka pahinumdom nga ang kalain-lain dili kahuyang, kundili usa ka kusog nga nagpalambo sa maayong pangagamhanan.
📅 Hunyo 16, 2026 (Martes)
🕜 1:30 PM
📍 Magsaysay Teen Center, Poblacion, Magsaysay, Misamis Oriental
Duyog kita sa pagsaulog sa mga kolor sa paglaum, pagdawat, ug pag-alagad. Kay sa Magsaysay, adunay lugar ang tanan sa lamesa sa pangagamhanan. 🌈✨





MAGSAYSAY PRIDE FUN FACT! 🌈🎓Kabalo ba mo? Ang Magsaysay College usa sa pipila lamang ka mga kolehiyo ug unibersidad sa M...
15/06/2026

MAGSAYSAY PRIDE FUN FACT! 🌈🎓
Kabalo ba mo? Ang Magsaysay College usa sa pipila lamang ka mga kolehiyo ug unibersidad sa Mindanao nga adunay ✨inclusive uniform policy.✨ Dinhi, gitugotan ang mga estudyante nga magsul-ob sa uniporme nga nahiuyon sa ilang gender identity. Kini mas napahingusgan pinaagi sa implementasyon sa atong Anti-Discrimination Ordinance.
Alang sa daghang mga kabatan-onan nga adunay nagkalain-laing SOGIE, ang uniporme usahay mahimong hinungdan sa kahadlok, kaulaw, o bisan sa paghunong sa ilang pag-eskwela. Apan sa Magsaysay College, mas gihatagan og bili ang katungod sa edukasyon kaysa sa pagpugos sa usa ka uniporme nga dili angay sa ilang gender identity.
Tungod kay ang eskwelahan kinahanglan usa ka luwas nga lugar diin ang matag estudyante mahimong motubo, makakat-on, ug mahimong tinuod sa ilang kaugalingon—nga walay kahadlok ug walay diskriminasyon. ❤️🏳️‍🌈




❤️🌈 A Parent’s Love 🌈❤️Niadtong Hunyo 9, 2026, nasaksihan nato ang usa ka eksibit nga puno sa gugma, pagdawat, ug paglau...
11/06/2026

❤️🌈 A Parent’s Love 🌈❤️

Niadtong Hunyo 9, 2026, nasaksihan nato ang usa ka eksibit nga puno sa gugma, pagdawat, ug paglaum, ang “A Parent’s Love.”

Pinaagi sa mga hulagway ug mga estorya sa mga ginikanan, atong nasabtan nga walay kondisyon ang tinuod nga gugma sa usa ka amahan ug inahan. Bisan unsa pa ang s*xual orientation, gender identity, o expression sa ilang mga anak, ang ilang pagpili mao ang pagpabilin, pagsabot, ug pagmahal.

Sa kalibutan nga usahay puno sa paghukom ug diskriminasyon, ang gugma sa ginikanan mahimong unang luwas nga lugar diin ang usa ka anak mahimong tinuod sa iyang kaugalingon.

Daghang salamat sa mga ginikanan nga maisugong mibarog ug mipadayag sa ilang mga kasinatian. Ang inyong mga tingog nagpahinumdom kanato nga ang pagdawat magsugod sa panimalay, ug nga ang gugma dili kinahanglan og kondisyon aron mahimong tinuod.

Kay usahay, ang pinakahinam paminawon gikan sa atong mga ginikanan mao ang
“Anak tika, ug higugmaon tika sa walay pagduhaduha.”

🌈 Make Every Day Pride
Creating Safe Spaces for LGBTQIA+ Individuals in Schools, Workplaces, and Public Spaces.

++

🌈 ATONG ILA-ILAHON ANG ATONG MGA RESOURCE SPEAKERS SA SOGIE ORIENTATION 2026 🌈Kabahin sa pagsaulog sa Magsaysay Pride 20...
09/06/2026

🌈 ATONG ILA-ILAHON ANG ATONG MGA RESOURCE SPEAKERS SA SOGIE ORIENTATION 2026 🌈

Kabahin sa pagsaulog sa Magsaysay Pride 2026, atong ilhon ang mga miyembro sa Magsaysay Pride nga maghatag og kahibalo ug inspirasyon sa atong SOGIE Orientation karong Hunyo 10, 2026 sa Victoriano D. Ratilla Sr. Culture and Sports Complex.

✨ Paula Pilapil – maghisgot kabahin sa S*x ug Gender, aron mas masabtan nato ang kalainan ug kahulugan niini.

✨ Shyra Ledesma – magtuki sa SOGIE (S*xual Orientation, Gender Identity and Expression) ug sa pagdawat sa nagkalain-laing identidad sa atong komunidad.

✨ Carls Jevi Sato – maghisgot bahin sa Gender Stereotypes ug Diskriminasyon, ug unsaon nato pagbungkag sa mga pagpihig aron makahimo og luwas ug inklusibong palibot alang sa tanan.

📅 Hunyo 10, 2026
📍 Victoriano D. Ratilla Sr. Culture and Sports Complex

Uban nato sila sa pagkat-on ug pagpalambo sa usa ka komunidad nga adunay respeto, pagdawat, ug pag-amuma sa matag usa. Kay ang garbo dili lang alang sa usa ka bulan, kondili usa ka batasan nga atong buhaton matag adlaw.

Tema sa Magsaysay Pride 2026:
“Make Every Day Pride”
Creating Safe Spaces for LGBTQIA+ Individuals in Schools, Workplaces, and Public Spaces.

🌈 Kay ang matag adlaw, adlaw sa pagdawat, pagrespeto, ug pagmahal.


++

Magsaysay Pride Fun Fact:Kabalo ba mo? Nga ang Municipality of Magsaysay ang first and only municipality sa probinsya sa...
08/06/2026

Magsaysay Pride Fun Fact:
Kabalo ba mo? Nga ang Municipality of Magsaysay ang first and only municipality sa probinsya sa Misamis Oriental nga adunay Comprehensive Anti-Discrimination Ordinance?
Yes! Ug dako kini nga tabang sa pag hulma sa atong mga polisiya sulod ug gawas sa lokal nga pangagamhanan. 🏳️‍🌈

Happy Pride! ☺️🏳️‍🌈




Address

Poblacion
Magsaysay
9015

Website

Alerts

Be the first to know and let us send you an email when Magsaysay Pride posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Magsaysay Pride:

Shortcuts

Share

Category