https://www.facebook.com/2543403849022071/

LGU Magsaysay, Purok 2, Poblacion, Magsaysay (2026)

05/10/2026

𝗧𝗨𝗥𝗡𝗢𝗩𝗘𝗥 𝗖𝗘𝗥𝗘𝗠𝗢𝗡𝗬 𝗢𝗙 𝗣𝗥𝗢𝗝𝗘𝗖𝗧 𝗟𝗔𝗪𝗔 𝗔𝗧 𝗕𝗜𝗡𝗛𝗜 🍀🌱

Gipahigayon niadtong September 29–30, 2026 ang Turnover Ceremony sa Project LAWA at BINHI, nga nakabenepisyo sa 150 ka partner beneficiaries gikan sa tulo ka mga asosasyon, nga adunay 50 ka beneficiaries matag asosasyon. Lakip niini ang Sitio Nibong Project LAWA at BINHI Association, Turan Asinan Farmers’ LAWA at BINHI Association, ug Barayong Tribal (Cluster A) Project LAWA at BINHI Association.

Mitambong ug nakigbahin sa maong kalihokan ang MSWDO, PCIC, MAGRO, DSWD, BFAR, OPAG, mga Barangay Officials, Barayong Tribal Council, ug ang mga opisyal ug miyembro sa partner associations isip mga kaabag sa pagpatuman sa programa ug paghatag og suporta ngadto sa mga benepisyaryo.

Pinaagi sa padayong suporta ni 𝗘𝗻𝗴𝗿. 𝗔𝗿𝘁𝗵𝘂𝗿 𝗗. 𝗗𝗮𝘃𝗶𝗻, 𝗠𝘂𝗻𝗶𝗰𝗶𝗽𝗮𝗹 𝗠𝗮𝘆𝗼𝗿, sa Project LAWA at BINHI, mas mapalig-on ang mga inisyatibo nga nagtumong sa paghatag og dugang nga suporta sa panginabuhian, pagkaon, ug kapasidad sa mga pamilya sa Magsaysay. Ang programa naghatag og oportunidad sa mga benepisyaryo nga mapalambo ang ilang mga panginabuhian ug mapalig-on ang ilang kahandaan ug kapasidad sa pag-atubang sa mga hagit sa panginabuhi.

𝗠𝗮𝗴𝘀𝗮𝘆𝘀𝗮𝘆 𝗕𝗜𝗗𝗔 𝗞𝗮, 𝗞𝘂𝘆𝗼𝗴 𝗧𝗮!

💚 🇵🇭

05/10/2026

𝟮𝟰𝗧𝗛 𝗔𝗥𝗔𝗪 𝗡𝗚 𝗕𝗔𝗥𝗔𝗡𝗚𝗔𝗬 𝗣𝗢𝗕𝗟𝗔𝗖𝗜𝗢𝗡

Malipayong gisaulog ang ika-24 nga Araw ng Barangay Poblacion, isip pagtimaan sa panaghiusa, kalamboan, ug padayon nga pagtinabangay sa komunidad.

Ang maong selebrasyon gipangunahan ni 𝗣𝘂𝗻𝗼𝗻𝗴 𝗕𝗮𝗿𝗮𝗻𝗴𝗮𝘆 𝗛𝗼𝗻. 𝗖𝗵𝗿𝗶𝘀𝘁𝗼𝗽𝗵𝗲𝗿 𝗥. 𝗕𝗮𝘆𝗹𝗼𝘀𝗶𝘀 uban sa Barangay Council nga nagkahiusa sa pagtimaan niining makahuluganon nga okasyon. Anaa usab ang presensya ni 𝗠𝘂𝗻𝗶𝗰𝗶𝗽𝗮𝗹 𝗠𝗮𝘆𝗼𝗿 𝗘𝗻𝗴𝗿. 𝗔𝗿𝘁𝗵𝘂𝗿 𝗗. 𝗗𝗮𝘃𝗶𝗻, Sangguniang Bayan Member 𝗞𝗮𝗴. 𝗙𝗲𝗿𝗱𝗶𝗻𝗮𝗻𝗱 𝗘𝘀𝘁𝗿𝗲𝗺𝗼𝘀, 𝗞𝗮𝗴. 𝗥𝗼𝗯𝗲𝗿𝘁𝗼 𝗔𝗺𝗯𝗮𝘆𝗮𝗻 ug 𝗦𝗞 𝗙𝗲𝗱𝗲𝗿𝗮𝘁𝗶𝗼𝗻 𝗣𝗿𝗲𝘀𝗶𝗱𝗲𝗻𝘁 𝗚𝘄𝘆𝗻𝗲𝘁𝗵 𝗠𝗮𝗻𝗹𝗮𝗻𝗴𝗶𝘁.

Dili lamang kini usa ka selebrasyon sa milabay nga mga tuig, kondili usa usab ka pagpamatuod sa panaghiusa ug hiniusang paningkamot sa katawhan alang sa mas malinawon, malamboon, ug mas lig-on nga komunidad. Likod sa krisis na atong gikaatubang tungod sa pag usbaw sa presyo sa produkto sa petrolyo, nagpabilin ang pagkahiusa ug paghigugmaay sa katawhan sa Barangay Poblacion, Magsaysay, Davao Del sur.

Malipayong ika-24 nga Araw ng Barangay Poblacion!
Padayon sa panaghiusa, pagtinabangay, ug paglambo alang sa mas maayong kaugmaon sa Barangay.

𝗠𝗮𝗴𝘀𝗮𝘆𝘀𝗮𝘆 𝗕𝗜𝗗𝗔 𝗞𝗮, 𝗞𝘂𝘆𝗼𝗴 𝗧𝗮!

💚 🇵🇭

01/10/2026

𝗠𝗔𝗕𝗔𝗠𝗔–𝗛𝗔𝗚𝗢𝗡𝗢𝗬 𝗝𝗢𝗕𝗦 𝗙𝗔𝗜𝗥 𝟮𝟬𝟮𝟲

Gipahigayon gahapong adlawa, September 30, 2026, sa Matanao, Davao del Sur, ang MABAMA–Hagonoy Jobs Fair 2026, usa ka hiniusang paningkamot sa upat ka mga munisipyo—Magsaysay, Bansalan, Matanao, ug Hagonoy—aron mas mapaduol ang mga oportunidad sa trabaho ngadto sa atong mga jobseekers.

Kahinumduman nga nipirma og Memorandum of Agreement (MOA) ang upat ka Local Chief Executives isip panugod sa ilang panagtambayayong aron mahimong posible ang maong hiniusang Jobs Fair. Nagpakita og lig-on nga suporta alang sa kalihokan ang atong 𝗠𝘂𝗻𝗶𝗰𝗶𝗽𝗮𝗹 𝗠𝗮𝘆𝗼𝗿 𝗛𝗼𝗻. 𝗘𝗻𝗴𝗿. 𝗔𝗿𝘁𝗵𝘂𝗿 𝗗. 𝗗𝗮𝘃𝗶𝗻, isip kabahin sa paningkamot sa LGU Magsaysay sa pagpalapad sa employment opportunities alang sa mga Kialegnon.

Naghatag usab og ilang mga mensahe ug suporta ang mga lider sa matag munisipyo, lakip si 𝗠𝘂𝗻𝗶𝗰𝗶𝗽𝗮𝗹 𝗠𝗮𝘆𝗼𝗿 𝗛𝗼𝗻. 𝗜𝗿𝗶𝗰𝗸 𝗔𝗴𝗯𝗼𝗻 ug 𝗠𝘂𝗻𝗶𝗰𝗶𝗽𝗮𝗹 𝗩𝗶𝗰𝗲 𝗠𝗮𝘆𝗼𝗿 𝗔𝗿. 𝗛𝗲𝗰𝘁𝗼𝗿 𝗦𝗶𝗮𝗼 sa Matanao; 𝗠𝘂𝗻𝗶𝗰𝗶𝗽𝗮𝗹 𝗠𝗮𝘆𝗼𝗿 𝗛𝗼𝗻. 𝗘𝗱𝘄𝗶𝗻 𝗥𝗲𝘆𝗲𝘀 sa Bansalan, nga girepresentahan ni 𝗦𝗲𝗰𝗿𝗲𝘁𝗮𝗿𝘆 𝘁𝗼 𝘁𝗵𝗲 𝗠𝗮𝘆𝗼𝗿 𝗠𝗿. 𝗠𝗶𝗻𝗱𝗮𝗻𝗶𝘁𝗼 𝗠𝗮𝗻𝗮𝗯𝗮𝗴𝗮; 𝗠𝘂𝗻𝗶𝗰𝗶𝗽𝗮𝗹 𝗠𝗮𝘆𝗼𝗿 𝗛𝗼𝗻. 𝗘𝗻𝗴𝗿. 𝗔𝗿𝘁𝗵𝘂𝗿 𝗗. 𝗗𝗮𝘃𝗶𝗻, 𝗖𝗘 sa Magsaysay, nga girepresentahan ni 𝗦𝗕 𝗠𝗲𝗺𝗯𝗲𝗿 𝗛𝗼𝗻. 𝗔𝗹𝗹𝗮𝗻 𝗖𝗮𝗿𝗮𝗺𝗽𝗮𝘁𝗮𝗻𝗮, Committee Chairman on Labor and Employment; ug 𝗠𝘂𝗻𝗶𝗰𝗶𝗽𝗮𝗹 𝗠𝗮𝘆𝗼𝗿 𝗛𝗼𝗻. 𝗝𝗲𝘀𝘂𝘀 𝗗𝘂𝗿𝗲𝘇𝗮 𝗝𝗿. sa Hagonoy.

Dili usab mahimong malampuson ang maong hiniusang kalihokan kung wala ang koordinasyon ug paningkamot sa mga PESO Managers sa upat ka munisipyo, nga mao sila 𝗟𝗲𝗼𝗻𝗶𝗹𝗲 𝗣. 𝗘𝘀𝗰𝗮𝗿𝗽𝗲 sa Magsaysay, 𝗖𝗼𝗿𝘆 𝗖𝗵𝗮𝘁𝘁𝗼 sa Bansalan, 𝗠𝗶𝗰𝗵𝗮𝗲𝗹 𝗠𝗮𝗿𝗸 𝗗𝗲𝗹𝗮 𝗩𝗶𝗰𝘁𝗼𝗿𝗶𝗮 sa Matanao, ug 𝗔𝗴𝗻𝗲𝘀 𝗟𝗮𝗯𝗮𝗱𝗮𝗻 sa Hagonoy.

Dako usab ang nahimong papel sa DOLE XI–Davao del Sur Field Office, ubos sa pagpanguna ni 𝗣𝗿𝗼𝘃𝗶𝗻𝗰𝗶𝗮𝗹 𝗗𝗶𝗿𝗲𝗰𝘁𝗼𝗿 𝗟𝗲𝗼 𝗔𝗿𝗶𝗲𝗹 𝗣𝗲𝗽𝗶𝗻𝗼, kauban ang mga partner agencies ug participating employers nga mitambong ug mitampo sa paghatag og nagkalain-laing oportunidad sa trabaho alang sa mga jobseekers.

Ang MABAMA–Hagonoy Jobs Fair 2026 usa ka maayong ehemplo sa panaghiusa sa mga lokal nga panggamhanan, mga ahensya sa gobyerno, ug pribadong sektor—aron ang mga jobseekers mas mapaduol sa trabaho, oportunidad, ug mas maayong kaugmaon.

Magkahiusa sa serbisyo, magtinabangay sa oportunidad, ug mag-abli og dalan padulong sa trabaho.

𝗠𝗮𝗴𝘀𝗮𝘆𝘀𝗮𝘆 𝗕𝗜𝗗𝗔 𝗞𝗮, 𝗞𝘂𝘆𝗼𝗴 𝗧𝗮!

💚 🇵🇭

01/10/2026

𝟮𝟴𝗧𝗛 𝗕𝗔𝗥𝗔𝗡𝗚𝗔𝗬 𝗔𝗡𝗡𝗜𝗩𝗘𝗥𝗦𝗔𝗥𝗬 | 𝗦𝗔𝗡 𝗜𝗦𝗜𝗗𝗥𝗢
“𝟮𝟴 𝗞𝗮 𝗧𝘂𝗶𝗴 𝘀𝗮 𝗣𝗮𝗴𝗽𝗮𝘀𝗮𝗹𝗮𝗺𝗮𝘁, 𝗣𝗮𝗻𝗮𝗴𝗵𝗶𝘂𝘀𝗮 𝘂𝗴 𝗦𝗲𝗿𝗯𝗶𝘀𝘆𝗼—𝗦𝗮𝗻 𝗜𝘀𝗶𝗱𝗿𝗼, 𝗣𝗮𝗱𝗮𝘆𝗼𝗻 𝘀𝗮 𝗣𝗮𝗴𝗹𝗮𝗺𝗯𝗼”

Malampusong gisaulog sa Barangay San Isidro ang ika-28 nga Barangay Anniversary niadtong September 30, 2026, nga nagpunting sa pagpasalamat, panaghiusa, ug padayong serbisyo alang sa kaayuhan ug kalambuan sa komunidad.

Mitambong sa maong selebrasyon sila 𝗩𝗶𝗰𝗲 𝗠𝗮𝘆𝗼𝗿 𝗥𝗼𝗻𝗶𝗲 𝗟. 𝗦𝗮𝗿𝗮𝗻𝗱𝗲, mga Sangguniang Bayan Members, ug mga Board Members 𝗞𝘆𝗿𝗮 𝗩𝗮𝗹𝗲𝗻𝘁𝗶𝗻 ug 𝗗𝘆𝗮𝗻𝗲 𝗚𝗶𝗱𝘂𝗾𝘂𝗶𝗼 𝗜𝗱𝘂𝗹𝘀𝗮, kauban ang mga opisyal ug katawhan sa Barangay San Isidro.

Sa iyang mensahe, gipasiugda ni 𝗘𝗻𝗴𝗿. 𝗔𝗿𝘁𝗵𝘂𝗿 𝗗. 𝗗𝗮𝘃𝗶𝗻, 𝗠𝘂𝗻𝗶𝗰𝗶𝗽𝗮𝗹 𝗠𝗮𝘆𝗼𝗿, ang kamahinungdanon sa yano apan makahulugang pagsaulog sa anibersaryo. Matod niya, gihimo nga simple ang selebrasyon aron mapakunhod ang gasto, samtang ang pondo nga unta igahin sa anibersaryo mahimong magamit alang sa mas mapuslanong mga programa ug proyekto, lakip ang Damgo sa Kabukiran.

Gipadayag usab sa Mayor ang iyang pagpasalamat ug pag-ila sa mga opisyal sa Barangay San Isidro pinangulohan ni 𝗞𝗮𝗽. 𝗗𝗮𝗿𝘄𝗶𝗻 𝗗. 𝗡𝗮𝘀𝗶𝗹𝗹𝗮, nga naningkamot aron mapadayon ug malampusong mapatuman ang maong selebrasyon, nga nagpakita sa ilang panaghiusa ug dedikasyon sa serbisyo publiko.

28 ka tuig sa pagpasalamat. 28 ka tuig sa panaghiusa. 28 ka tuig sa serbisyo. San Isidro, padayon sa paglambo!

𝗠𝗮𝗴𝘀𝗮𝘆𝘀𝗮𝘆 𝗕𝗜𝗗𝗔 𝗞𝗮, 𝗞𝘂𝘆𝗼𝗴 𝗧𝗮!

💚 🇵🇭

01/10/2026

OFFICIAL ANNOUNCEMENT
BIDA KA SCHOLARSHIP PROGRAM – COLLEGE LEVEL (SY 2026–2027)- 2nd Batch

The Official List of 2nd Batch Qualifiers for the BIDA KA Scholarship Program – College Level, School Year 2026–2027, has now been released.

👉 Here is the Official List of the Qualifiers: https://docs.google.com/spreadsheets/d/1t1URQ7aCWyIXy1mqko5PUzQq2mqHG0uK-fot5vqMWPQ/edit?usp=sharing

All listed qualifiers are hereby required to attend the Orientation on:
📅 October 5, 2026 (Monday)
🕐 1:00 PM
📍 Pilar Navidad Hall, Municipal Compound, Purok 2, Poblacion, Magsaysay, Davao del Sur

Attendance is mandatory. In cases of valid reasons for absence, qualifiers may send an authorized representative. The orientation will cover about the obligations and requirements of scholarship grantees; hence, participation is essential.

We extend our congratulations to all qualifiers and look forward to your active involvement in this program.

30/09/2026

𝗡𝗘𝗚𝗢𝗦𝗬𝗢 𝗖𝗘𝗡𝗧𝗘𝗥 𝗠𝗔𝗚𝗦𝗔𝗬𝗦𝗔𝗬 𝗦𝗧𝗔𝗞𝗘𝗛𝗢𝗟𝗗𝗘𝗥𝗦 𝗖𝗢𝗡𝗦𝗨𝗟𝗧𝗔𝗧𝗜𝗩𝗘 𝗙𝗢𝗥𝗨𝗠 𝟮𝟬𝟮𝟲

Gipahigayon ang 2026 Negosyo Center Magsaysay Stakeholders Consultative Forum pinaagi sa pagtinabangay sa Department of Trade and Industry – Davao del Sur Provincial Office (DTI-DSPO) Business Development Division ug sa LGU Magsaysay nga gipangulohan ni 𝗘𝗻𝗴𝗿. 𝗔𝗿𝘁𝗵𝘂𝗿 𝗗. 𝗗𝗮𝘃𝗶𝗻, 𝗠𝘂𝗻𝗶𝗰𝗶𝗽𝗮𝗹 𝗠𝗮𝘆𝗼𝗿.

Pinaagi sa maong forum, gipaminaw ang mga sugyot ug panginahanglan sa atong mga sektors aron mas mapanindot pa ang mga programa ug serbisyo alang sa pagpalambo sa lokal nga negosyo sa lungsod.

Mga mitambong ug mipartisipar sa maong tigum;

Gikan sa DTI-DSPO Business Development Division:
• 𝗠𝗮'𝗮𝗺 𝗚𝗹𝗮𝗱𝘆𝘀 𝗝𝗼𝘆 𝗥. 𝗟𝗶ñ𝗼 – Senior Trade and Industry Development Specialist (STIDS)
• 𝗔𝗹𝗲𝘅𝗶𝘀 𝗥𝘆𝗮𝗻 𝗖𝗮𝘀𝘁𝗶𝗹𝗹𝗼𝗻– Negosyo Center Trade and Industry Development Specialist (NC-TIDS)
• 𝗘𝗹𝗹𝗲𝗻 𝗠𝗮𝗲 𝗕𝘂𝗹𝗮𝘁-𝗮𝗴– NC TIDA
• 𝗟𝗮𝗱𝘆 𝗥𝗲𝘅𝗶𝗲 𝗟𝗮𝘂𝗱𝗮– Negosyo Center Magsaysay Special Operations Office I

Mga MSMEs ug Asosasyon:
• 𝗠𝗮𝗴𝘀𝗮𝘆𝘀𝗮𝘆 𝗢𝗿𝗴𝗮𝗻𝗶𝗰 𝗙𝗮𝗿𝗺𝗲𝗿𝘀 𝗢𝗿𝗴𝗮𝗻𝗶𝗰 𝗔𝗴𝗿𝗶𝗰𝘂𝗹𝘁𝘂𝗿𝗲 𝗖𝗼𝗼𝗽𝗲𝗿𝗮𝘁𝗶𝘃𝗲 (𝗠𝗢𝗙𝗔𝗥𝗠𝗖𝗢)
• 𝗠𝗮𝗹𝗮𝘄𝗮𝗻𝗶𝘁 𝗙𝗮𝗿𝗺𝗲𝗿𝘀 𝗠𝘂𝗹𝘁𝗶𝗽𝘂𝗿𝗽𝗼𝘀𝗲 𝗖𝗼𝗼𝗽𝗲𝗿𝗮𝘁𝗶𝘃𝗲 (𝗠𝗔𝗙𝗔𝗠𝗖𝗢)
• 𝗦𝗮𝗻 𝗜𝘀𝗶𝗱𝗿𝗼 𝗠𝗮𝗴𝘀𝗮𝘆𝘀𝗮𝘆 𝗔𝗴𝗿𝗶𝗰𝘂𝗹𝘁𝘂𝗿𝗲 𝗖𝗼𝗼𝗽𝗲𝗿𝗮𝘁𝗶𝘃𝗲 (𝗦𝗠𝗔𝗖)
• 𝗧𝗮𝗰𝘂𝗹 𝗔𝗴𝗿𝗶𝗯𝗮𝘀𝗲 𝗙𝗮𝗿𝗺𝗲𝗿𝘀 𝗮𝗻𝗱 𝗪𝗼𝗿𝗸𝗲𝗿𝘀 𝗔𝘀𝘀𝗼𝗰𝗶𝗮𝘁𝗶𝗼𝗻 (𝗧𝗔𝗙𝗪𝗔)

Mga Kaabag nga Ahensya ug Sektor:
• 𝗟𝗚𝗨 𝗠𝗮𝗴𝘀𝗮𝘆𝘀𝗮𝘆
• 𝗗𝗦𝗪𝗗-𝗦𝗟𝗣 (𝗦𝘂𝘀𝘁𝗮𝗶𝗻𝗮𝗯𝗹𝗲 𝗟𝗶𝘃𝗲𝗹𝗶𝗵𝗼𝗼𝗱 𝗣𝗿𝗼𝗴𝗿𝗮𝗺)

Dako ang atong pasalamat sa DTI sa padayong suporta aron mapadali ang pag-asenso ug pagpalambo sa lokal nga ekonomiya sa Magsaysay!

𝗠𝗮𝗴𝘀𝗮𝘆𝘀𝗮𝘆 𝗕𝗜𝗗𝗔 𝗞𝗮, 𝗞𝘂𝘆𝗼𝗴 𝗧𝗮!

💚 🇵🇭

30/09/2026

𝗜𝗡𝗙𝗢𝗥𝗠𝗔𝗧𝗜𝗢𝗡 𝗔𝗡𝗗 𝗦𝗘𝗥𝗩𝗜𝗖𝗘 𝗖𝗔𝗥𝗔𝗩𝗔𝗡 𝗢𝗡 𝗖𝗛𝗜𝗟𝗗 𝗟𝗔𝗕𝗢𝗥 𝗣𝗥𝗘𝗩𝗘𝗡𝗧𝗜𝗢𝗡 𝗔𝗡𝗗 𝗘𝗟𝗜𝗠𝗜𝗡𝗔𝗧𝗜𝗢𝗡 𝟮𝟬𝟮𝟲

Gipahigayon niadtong September 25, 2026, ang Information and Service Caravan on Child Labor Prevention and Elimination 2026 sa Municipality of Magsaysay, Davao del Sur, usa ka inisyatibo sa Department of Labor and Employment (DOLE) XI nga nagtinguha sa paghatag og impormasyon, serbisyo, ug mga intervention alang sa paglikay ug pagwagtang sa child labor sa komunidad aron maprotektahan ang mga kabataan ug matabangan sila nga makapadayon sa ilang pag-eskwela ug maandam alang sa mas maayong kaugmaon.

Sa iyang mensahe, gipasiugda ni 𝗛𝗼𝗻. 𝗠𝗮𝘆𝗼𝗿 𝗘𝗻𝗴𝗿. 𝗔𝗿𝘁𝗵𝘂𝗿 𝗗. 𝗗𝗮𝘃𝗶𝗻 "𝙣𝙜𝙖 𝙖𝙣𝙜 𝙥𝙖𝙜𝙡𝙞𝙠𝙖𝙮 𝙪𝙜 𝙥𝙖𝙜𝙬𝙖𝙜𝙩𝙖𝙣𝙜 𝙨𝙖 𝙘𝙝𝙞𝙡𝙙 𝙡𝙖𝙗𝙤𝙧 𝙪𝙨𝙖 𝙠𝙖 𝙝𝙞𝙣𝙞𝙪𝙨𝙖𝙣𝙜 𝙧𝙚𝙨𝙥𝙤𝙣𝙨𝙞𝙗𝙞𝙡𝙞𝙙𝙖𝙙 𝙨𝙖 𝙣𝙖𝙩𝙞𝙤𝙣𝙖𝙡 𝙜𝙤𝙫𝙚𝙧𝙣𝙢𝙚𝙣𝙩, 𝙇𝙂𝙐𝙨, 𝙪𝙜 𝙢𝙜𝙖 𝙥𝙖𝙧𝙩𝙣𝙚𝙧 𝙖𝙜𝙚𝙣𝙘𝙞𝙚𝙨, 𝙙𝙞𝙞𝙣 𝙖𝙣𝙜 𝙩𝙪𝙢𝙤𝙣𝙜 𝙙𝙞𝙡𝙞 𝙡𝙖𝙢𝙖𝙣𝙜 𝙖𝙣𝙜 𝙥𝙖𝙜𝙨𝙪𝙡𝙗𝙖𝙙 𝙨𝙖 𝙠𝙖𝙨𝙖𝙢𝙩𝙖𝙣𝙜𝙖𝙣𝙜 𝙠𝙖𝙡𝙞𝙨𝙙𝙖𝙣𝙖𝙣, 𝙖𝙥𝙖𝙣 𝙡𝙖𝙗𝙞 𝙣𝙖 𝙖𝙣𝙜 𝙥𝙖𝙜𝙝𝙖𝙩𝙖𝙜 𝙨𝙖 𝙢𝙜𝙖 𝙠𝙖𝙗𝙖𝙩𝙖𝙖𝙣 𝙤𝙜 𝙝𝙞𝙜𝙖𝙮𝙤𝙣 𝙣𝙜𝙖 𝙢𝙖𝙠𝙖𝙥𝙖𝙙𝙖𝙮𝙤𝙣 𝙨𝙖 𝙞𝙡𝙖𝙣𝙜 𝙥𝙖𝙜-𝙚𝙨𝙠𝙬𝙚𝙡𝙖 𝙪𝙜 𝙢𝙖𝙠𝙖𝙗-𝙤𝙩 𝙖𝙣𝙜 𝙢𝙖𝙨 𝙢𝙖𝙖𝙮𝙤𝙣𝙜 𝙠𝙖𝙪𝙜𝙢𝙖𝙤𝙣. 𝙄𝙮𝙖𝙣𝙜 𝙜𝙞𝙥𝙖𝙨𝙖𝙗𝙤𝙩 𝙣𝙜𝙖 𝙖𝙣𝙜 𝙠𝙖𝙡𝙞𝙨𝙙𝙖𝙣𝙖𝙣 𝙨𝙖 𝙥𝙖𝙢𝙞𝙡𝙮𝙖 𝙪𝙨𝙖 𝙨𝙖 𝙢𝙜𝙖 𝙝𝙞𝙣𝙪𝙣𝙜𝙙𝙖𝙣 𝙣𝙜𝙖 𝙢𝙖𝙝𝙞𝙢𝙤𝙣𝙜 𝙢𝙤𝙨𝙖𝙣𝙜𝙥𝙤𝙩 𝙨𝙖 𝙥𝙖𝙜𝙩𝙧𝙖𝙗𝙖𝙝𝙤 𝙨𝙖 𝙢𝙜𝙖 𝙠𝙖𝙗𝙖𝙩𝙖𝙖𝙣, 𝙗𝙪𝙨𝙖 𝙥𝙖𝙙𝙖𝙮𝙤𝙣 𝙖𝙣𝙜 𝙇𝙂𝙐 𝙈𝙖𝙜𝙨𝙖𝙮𝙨𝙖𝙮 𝙨𝙖 𝙥𝙖𝙜𝙥𝙖𝙡𝙞𝙜-𝙤𝙣 𝙨𝙖 𝙢𝙜𝙖 𝙥𝙧𝙤𝙜𝙧𝙖𝙢𝙖 𝙖𝙡𝙖𝙣𝙜 𝙨𝙖 𝙥𝙖𝙣𝙜𝙞𝙣𝙖𝙗𝙪𝙝𝙞𝙖𝙣 𝙪𝙜 𝙨𝙠𝙞𝙡𝙡𝙨 𝙙𝙚𝙫𝙚𝙡𝙤𝙥𝙢𝙚𝙣𝙩 𝙨𝙖 𝙢𝙜𝙖 𝙥𝙖𝙢𝙞𝙡𝙮𝙖, 𝙡𝙖𝙠𝙞𝙥 𝙖𝙣𝙜 𝙈𝙖𝙭𝙞𝙢𝙞𝙣𝙤 𝙋𝙚𝙡𝙡𝙚𝙧𝙞𝙣 𝙎𝙧. 𝙏𝙚𝙘𝙝𝙣𝙞𝙘𝙖𝙡 𝙖𝙣𝙙 𝙑𝙤𝙘𝙖𝙩𝙞𝙤𝙣𝙖𝙡 𝙄𝙣𝙨𝙩𝙞𝙩𝙪𝙩𝙚 (𝙈𝙋𝙏𝙑𝙄) 𝙪𝙜 𝙖𝙣𝙜 “𝘿𝙖𝙢𝙜𝙤 𝙨𝙖 𝙆𝙖𝙗𝙪𝙠𝙞𝙧𝙖𝙣”, 𝙣𝙜𝙖 𝙣𝙖𝙜𝙩𝙪𝙢𝙤𝙣𝙜 𝙨𝙖 𝙥𝙖𝙜𝙝𝙖𝙩𝙖𝙜 𝙤𝙜 𝙙𝙪𝙜𝙖𝙣𝙜 𝙣𝙜𝙖 𝙤𝙥𝙤𝙧𝙩𝙪𝙣𝙞𝙙𝙖𝙙 𝙪𝙜 𝙢𝙖𝙨 𝙢𝙖𝙖𝙮𝙤𝙣𝙜 𝙖𝙘𝙘𝙚𝙨𝙨 𝙨𝙖 𝙢𝙜𝙖 𝙠𝙤𝙢𝙪𝙣𝙞𝙙𝙖𝙙 𝙨𝙖 𝙪𝙥𝙡𝙖𝙣𝙙 𝙖𝙧𝙚𝙖𝙨."

Nagpakita usab og dakong pag-apil sa maong kalihokan si 𝗩𝗶𝗰𝗲 𝗠𝗮𝘆𝗼𝗿 𝗛𝗼𝗻. 𝗥𝗼𝗻𝗶𝗲 𝗦𝗮𝗿𝗮𝗻𝗱𝗲 ug Committee Chairman on Labor and Employment 𝗛𝗼𝗻. 𝗔𝗹𝗹𝗮𝗻 𝗖𝗮𝗿𝗮𝗺𝗽𝗮𝘁𝗮𝗻𝗮, isip kabahin sa hiniusang paningkamot sa pagpalig-on sa child labor prevention ug employment-related initiatives sa lungsod.

Gitambongan ang maong kalihokan ni 𝗗𝗢𝗟𝗘 𝗫𝗜 𝗥𝗲𝗴𝗶𝗼𝗻𝗮𝗹 𝗗𝗶𝗿𝗲𝗰𝘁𝗼𝗿 𝗔𝘁𝘁𝘆. 𝗗𝗮𝘅 𝗕. 𝗩𝗶𝗹𝗹𝗮𝗿𝘂𝗲𝗹, kauban ang mga partner agencies ug invited guests, lakip si 𝗣𝗖𝗢𝗟. 𝗟𝗲𝗼 𝗧. 𝗔𝗷𝗲𝗿𝗼
represented by 𝗣𝗟𝗧. 𝗙𝗿𝗮𝗻𝗰𝗶𝘀 𝗠𝗮𝗿𝗸 𝗚𝗲𝘁𝗶𝗻𝗴𝘀𝗮𝗻. Aktibo usab ang partisipasyon sa DOLE XI–Davao del Sur Field Office, nga gipangulohan ni 𝗣𝗿𝗼𝘃𝗶𝗻𝗰𝗶𝗮𝗹 𝗗𝗶𝗿𝗲𝗰𝘁𝗼𝗿 𝗟𝗲𝗼 𝗔𝗿𝗶𝗲𝗹 𝗣𝗲𝗽𝗶𝗻𝗼, kauban ang iyang mga staff, ug ang DENR XI, NCMF XI, RPO XI, DSWD XI, DOLE XI, DA XI, ug DOH XI alang sa paghatag og serbisyo ug pagpalig-on sa programa sa child labor prevention and elimination sa lokal nga lebel.

Mitampo usab isip mga resource persons ug speaker sa talk show segment sila 𝗛𝗼𝗻. 𝗔𝗹𝗹𝗮𝗻 𝗖𝗮𝗿𝗮𝗺𝗽𝗮𝘁𝗮𝗻𝗮, 𝗚𝗹𝗲𝗻𝗻 𝗠𝗮𝗿𝗰 𝗥𝗲𝗺𝗼𝗻𝗱𝗲, 𝗟𝗲𝗮𝗵 𝗝𝗮𝗻𝗲 𝗥𝗲𝗱𝗼𝗻𝗮, Social Welfare Officer I, ug 𝗣𝗦𝗦𝗴 𝗡𝗼𝗲𝗺𝗶𝗳𝗮𝗶𝘁𝗵 𝗨. 𝗩𝗮𝘀𝗾𝘂𝗲𝘇, Women and Children Protection Desk, nga mipadayag sa ilang kahibalo ug serbisyo may kalabotan sa proteksyon ug kaayohan sa mga kabataan.

Kabahin usab sa Service Caravan ang nagkalain-laing serbisyo ug kalihokan alang sa mga participants, lakip ang free back massage, medical mission, manicure ug pedicure, magic show, ug gift-giving, nga nakadugang sa kahulogan ug kalampusan sa maong kalihokan.

Ang kalampusan sa maong programa nahimo pinaagi sa lig-on nga koordinasyon sa PESO Magsaysay, ubos sa pagpanguna ni 𝗣𝗘𝗦𝗢 𝗠𝗮𝗻𝗮𝗴𝗲𝗿/𝗖𝗧𝗘𝗖 𝗟𝗲𝗼𝗻𝗶𝗹𝗲 𝗣. 𝗘𝘀𝗰𝗮𝗿𝗽𝗲, kauban ang iyang dedicated staff, ug sa hiniusang paningkamot sa tanang partner agencies ug stakeholders.

Sa hiniusang paningkamot sa gobyerno ug mga partner agencies, atong palig-onon ang proteksyon sa mga kabataan, hatagan sila og higayon nga makapadayon sa pag-eskwela, ug matabangan ang ilang mga pamilya padulong sa mas lig-on ug mas maayong kaugmaon.

𝗠𝗮𝗴𝘀𝗮𝘆𝘀𝗮𝘆 𝗕𝗜𝗗𝗔 𝗞𝗮, 𝗞𝘂𝘆𝗼𝗴 𝗧𝗮!

💚
🇵🇭

30/09/2026

𝗖𝗜𝗩𝗜𝗟 𝗪𝗘𝗗𝗗𝗜𝗡𝗚| 𝗟𝗬𝗥𝗔 𝗚𝗥𝗔𝗖𝗘 𝗔𝗕𝗢𝗡𝗘𝗥𝗢 & 𝗖𝗛𝗥𝗜𝗦𝗧𝗜𝗔𝗡 𝗕𝗔𝗡𝗡𝗢

Usa ka makahuluganon ug malipayon nga seremonyas sa civil wedding nga gisaksihan sa ilang pamilya, mga higala, ug piniling mga sponsors, nagbinayloay og saad sa walay katapusang gugma ug pagtinabangay sila 𝗟𝘆𝗿𝗮 𝗚𝗿𝗮𝗰𝗲 𝗔𝗯𝗼𝗻𝗲𝗿𝗼 𝘂𝗴 𝗖𝗵𝗿𝗶𝘀𝘁𝗶𝗮𝗻 𝗕𝗮𝗻𝗻𝗼.

Ang seremonyas gihimo gahapong adlawa Septiyembre 29, 2026 nga gipangunahan ni 𝗠𝘂𝗻𝗶𝗰𝗶𝗽𝗮𝗹 𝗠𝗮𝘆𝗼𝗿 𝗘𝗻𝗴𝗿. 𝗔𝗿𝘁𝗵𝘂𝗿 𝗗. 𝗗𝗮𝘃𝗶𝗻. Ang maong okasyon nagpamatuod sa kaputli sa ilang paghigugmaay ug sa kalig-on sa ilang panaghiusa isip magtiayon.

Mainiton nga pahalipay sa bag-ong minyo! Hinaut nga ang inyong panag-uban mapuno sa gugma, kalipay, panaghiusa, ug walay katapusang mga panalangin.

𝗖𝗼𝗻𝗴𝗿𝗮𝘁𝘂𝗹𝗮𝘁𝗶𝗼𝗻𝘀 𝗮𝗻𝗱 𝗯𝗲𝘀𝘁 𝘄𝗶𝘀𝗵𝗲𝘀 𝘁𝗼 𝘁𝗵𝗲 𝗻𝗲𝘄𝗹𝘆𝘄𝗲𝗱𝘀!

29/09/2026

𝗟𝗚𝗨 𝗠𝗔𝗚𝗦𝗔𝗬𝗦𝗔𝗬, 𝗗𝗔-𝗣𝗥𝗗𝗣 𝗨𝗚 𝗦𝗠𝗔𝗖, 𝗣𝗢𝗥𝗠𝗔𝗟 𝗡𝗚 𝗠𝗜𝗣𝗜𝗥𝗠𝗔 𝗦𝗔 𝗜𝗠𝗣𝗟𝗘𝗠𝗘𝗡𝗧𝗔𝗧𝗜𝗢𝗡 𝗠𝗔𝗡𝗔𝗚𝗘𝗠𝗘𝗡𝗧 𝗔𝗚𝗥𝗘𝗘𝗠𝗘𝗡𝗧 𝗣𝗔𝗥𝗔 𝗦𝗔 𝗜𝗡𝗧𝗘𝗚𝗥𝗔𝗧𝗘𝗗 𝗟𝗜𝗩𝗘𝗦𝗧𝗢𝗖𝗞 𝗘𝗡𝗧𝗘𝗥𝗣𝗥𝗜𝗦𝗘

Pormal nga gipirmahan sa Local Government Unit (LGU) of Magsaysay, Department of Agriculture Regional Office XI (DA RO XI) – Philippine Rural Development Project (PRDP), ug San Isidro Magsaysay Agriculture Cooperative (SMAC) ang Implementation Management Agreement (IMA) alang sa Integrated Livestock Enterprise, nga nagtumong sa pagpalambo sa livestock industry ug paghatag og dugang nga oportunidad sa mga mag-uuma sa lungsod.

Kahinumduman nga ang proyekto nakadawat na og No Objection Letter No. 1 (NOL 1) gikan sa Department of Agriculture, usa ka importanteng milestone sa pagpadayon sa proyekto. Kabahin usab sa kalihokan ang site inspection sa DA RO XI ug PRDP sa gisugyot nga lugar alang sa slaughterhouse ug milk processing facility, isip kabahin sa mga preparasyon alang sa implementasyon niini.

Sa iyang mensahe, gipasiugda ni 𝗠𝗮𝗰𝗮𝗿𝗶𝗼 𝗗. 𝗚𝗼𝗻𝘇𝗮𝗴𝗮, 𝗣𝗿𝗼𝗷𝗲𝗰𝘁 𝗗𝗶𝗿𝗲𝗰𝘁𝗼𝗿, 𝗥𝗣𝗖𝗢 𝗫𝗜, nga ang mga mag-uuma kinahanglan magpabiling sentro sa maong enterprise. Iyang gidasig ang tanang partner nga palig-onon ang kooperasyon tali sa National Government, LGU, ug mga farmer aron masiguro ang malungtarong pagpadagan sa proyekto.

Gipresentar ni 𝗛𝗲𝗹𝗲𝗻 𝗣. 𝗖𝗮𝗿𝗮𝗺𝗽𝗮𝘁𝗮𝗻𝗮, 𝗥.𝗔𝗴𝗿., MPMIU Head, ang Sub-Project Brief, diin ang proyekto maghatag og slaughtering services ug sterilized milk isip mga nag-unang produkto ug serbisyo.

Samtang, gipatin-aw ni 𝗔𝘁𝘁𝘆. 𝗚𝗶𝗮𝗻 𝗔𝗻𝘁𝗼𝗻𝗶𝗼 𝗔. 𝗠𝗮𝗹𝗶𝗴𝗮𝗱, Compliance Officer, PSO Mindanao, ang mga katungdanan sa matag partido ubos sa IMA, lakip ang financing arrangement nga 60% Loan Proceeds, 20% GOP, ug 20% LGU Equity, ingon man ang responsibilidad sa LGU sa pagmintinar sa proyekto ug pagsunod sa PRDP guidelines.

Sa iyang mensahe, gipahayag ni 𝗠𝘂𝗻𝗶𝗰𝗶𝗽𝗮𝗹 𝗠𝗮𝘆𝗼𝗿 𝗘𝗻𝗴𝗿. 𝗔𝗿𝘁𝗵𝘂𝗿 𝗗. 𝗗𝗮𝘃𝗶𝗻 ang iyang pasalamat sa DA Region XI, PRDP, SMAC, ug sa tanang stakeholders nga mitampo sa pag-uswag sa proyekto.

“𝙆𝙖𝙣𝙞𝙣𝙜 𝙖𝙙𝙡𝙖𝙬𝙖 𝙞𝙢𝙥𝙤𝙧𝙩𝙖𝙣𝙩𝙚, 𝙪𝙨𝙖 𝙣𝙞 𝙨𝙖 𝙢𝙜𝙖 𝙥𝙖𝙣𝙜𝙖𝙣𝙙𝙤𝙮 𝙨𝙖 𝙡𝙤𝙠𝙖𝙡 𝙣𝙜𝙖 𝙥𝙖𝙣𝙜𝙜𝙖𝙢𝙝𝙖𝙣𝙖𝙣 𝙪𝙜 𝙢𝙜𝙖 𝙢𝙖𝙜-𝙪𝙪𝙢𝙖 𝙣𝙜𝙖 𝙣𝙖𝙩𝙪𝙢𝙖𝙣. 𝙈𝙖𝙥𝙖𝙨𝙖𝙡𝙖𝙢𝙖𝙩𝙤𝙣 𝙩𝙖 𝙨𝙖 𝙍𝙚𝙜𝙞𝙤𝙣 𝙓𝙄 𝘿𝘼 𝙪𝙜 𝙨𝙖 𝙢𝙜𝙖 𝙨𝙩𝙖𝙠𝙚𝙝𝙤𝙡𝙙𝙚𝙧𝙨 𝙨𝙖 𝙡𝙪𝙣𝙜𝙨𝙤𝙙 𝙨𝙖 𝙈𝙖𝙜𝙨𝙖𝙮𝙨𝙖𝙮. 𝘼𝙠𝙤𝙣𝙜 𝙥𝙖𝙣𝙜𝙖𝙣𝙙𝙤𝙮 𝙣𝙜𝙖 𝙪𝙣𝙩𝙖 𝙠𝙞𝙣𝙞 𝙢𝙖𝙥𝙖𝙙𝙖𝙮𝙤𝙣 𝙪𝙜 𝙢𝙖𝙠𝙖𝙗-𝙤𝙩 𝙖𝙣𝙜 𝙢𝙜𝙖 𝙩𝙞𝙣𝙜𝙪𝙝𝙖 𝙥𝙖𝙧𝙖 𝙨𝙖 𝙢𝙜𝙖 𝙢𝙖𝙜-𝙪𝙪𝙢𝙖.”

Pormal nga mipirma alang sa Department of Agriculture sila 𝗗𝗶𝗿. 𝗠𝗮𝗰𝗮𝗿𝗶𝗼 𝗗. 𝗚𝗼𝗻𝘇𝗮𝗴𝗮, 𝗗𝗶𝗿. 𝗠𝗮𝗿𝗶𝗲 𝗔𝗻𝗻 𝗠. 𝗖𝗼𝗻𝘀𝘁𝗮𝗻𝘁𝗶𝗻𝗼, 𝗖𝗮𝗿𝗹𝗲𝗻𝗲 𝗖. 𝗖𝗼𝗹𝗹𝗮𝗱𝗼, 𝗖𝗣𝗔, 𝗔𝘁𝘁𝘆. 𝗚𝗶𝗮𝗻 𝗔𝗻𝘁𝗼𝗻𝗶𝗼 𝗔. 𝗠𝗮𝗹𝗶𝗴𝗮𝗱, 𝗝𝗮𝗻𝗲𝘁 𝗙. 𝗗𝗼𝗯𝗹𝗶, 𝘂𝗴 𝗟𝗲𝗹𝗶𝘁𝗵 𝗚𝗮𝗿𝗰𝗶𝗮.

Gikan sa Municipal Implementing Unit (MIU), mipirma sila 𝗘𝗻𝗴𝗿. 𝗔𝗿𝘁𝗵𝘂𝗿 𝗗. 𝗗𝗮𝘃𝗶𝗻, Municipal Mayor; 𝗦𝗮𝗿𝗮𝗵 𝗡. 𝗠𝗲𝗿𝗰𝗮𝗱𝗮𝗹, 𝗖𝗣𝗔; 𝗗𝗮𝗻𝗶𝗹𝗼 𝗠. 𝗢𝗺𝗮𝗴𝘁𝗮𝗻𝗴; 𝗘𝗻𝗴𝗿. 𝗛𝗮𝗶𝗱𝗲 𝗥. 𝗗𝗲𝗹𝗮 𝗧𝗼𝗿𝗿𝗲; 𝗝𝘂𝘃𝘆 𝗡. 𝗟𝗶𝗺𝗷𝗮𝗽; 𝗝𝗼𝘀𝗲𝗽𝗵 𝗩. 𝗣𝗲𝗻𝗼𝗻𝗶𝗮, 𝗘𝗻𝗣; 𝗛𝗲𝗹𝗲𝗻 𝗣. 𝗖𝗮𝗿𝗮𝗺𝗽𝗮𝘁𝗮𝗻𝗮, 𝗥.𝗔𝗴𝗿.; 𝗩𝗲𝘃𝗲𝗻𝗰𝗶𝗼 𝗖. 𝗟𝗮𝗴𝗮𝗻𝘀𝗲; ug 𝗝𝗼𝗲𝘆 𝗠𝗮𝗿𝘁𝗶𝗻

Alang sa San Isidro Magsaysay Agriculture Cooperative (SMAC), mipirma sila 𝗕𝗲𝗹𝗹𝘆 𝗘. 𝗣𝗿𝗲𝘀𝗮𝘀, 𝗦𝗠𝗔𝗖 𝗖𝗵𝗮𝗶𝗿𝗺𝗮𝗻; 𝗔𝗹𝗯𝗲𝗿𝘁𝗼 𝗧. 𝗣𝗮ñ𝗮𝗿𝗲𝘀, 𝗦𝗠𝗔𝗖 𝗩𝗶𝗰𝗲 𝗖𝗵𝗮𝗶𝗿𝗺𝗮𝗻; kauban ang mga SMAC Board of Directors

Kini gisaksihan usab sa atong 𝗕𝗶𝘀𝗲 𝗠𝗮𝘆𝗼𝗿 𝗥𝗼𝗻𝗶𝗲 𝗟. 𝗦𝗮𝗿𝗮𝗻𝗱𝗲, 𝘂𝗴 𝗛𝗼𝗻. 𝗘𝗻𝗿𝗶𝗾𝘂𝗲 𝗩. 𝗘𝘃𝗮𝗻𝗴𝗲𝗹𝗶𝘀𝘁𝗮 isip Chairman sa Committee on Agriculture.

Usa ka pirma karon, usa ka lakang padulong sa mas lig-on nga oportunidad ug panginabuhian alang sa mga mag-uuma sa Magsaysay.

𝗠𝗮𝗴𝘀𝗮𝘆𝘀𝗮𝘆 𝗕𝗜𝗗𝗔 𝗞𝗮, 𝗞𝘂𝘆𝗼𝗴 𝗧𝗮!

💚 🇵🇭

29/09/2026

𝗢𝗡𝗘 𝗠𝗔𝗚𝗦𝗔𝗬𝗦𝗔𝗬, 𝗢𝗡𝗘 𝗣𝗘𝗢𝗣𝗟𝗘, 𝗢𝗡𝗘 𝗗𝗥𝗘𝗔𝗠: 𝟭𝟵𝗧𝗛 𝗞𝗜𝗔𝗟𝗘𝗚𝗡𝗢𝗡 𝗙𝗘𝗦𝗧𝗜𝗩𝗔𝗟 𝗖𝗨𝗟𝗠𝗜𝗡𝗔𝗧𝗜𝗢𝗡

Sa panaghiusa sa katawhan, pagpasigarbo sa atong kultura, ug paglaum alang sa mas masanag nga kaugmaon, malampusong gisaulog sa Lungsod sa Magsaysay ang 𝟭𝟵𝘁𝗵 𝗞𝗶𝗮𝗹𝗲𝗴𝗻𝗼𝗻 𝗙𝗲𝘀𝘁𝗶𝘃𝗮𝗹 𝗖𝘂𝗹𝗺𝗶𝗻𝗮𝘁𝗶𝗼𝗻 𝗣𝗿𝗼𝗴𝗿𝗮𝗺 ubos sa tema nga “𝗢𝗻𝗲 𝗠𝗮𝗴𝘀𝗮𝘆𝘀𝗮𝘆, 𝗢𝗻𝗲 𝗣𝗲𝗼𝗽𝗹𝗲, 𝗢𝗻𝗲 𝗗𝗿𝗲𝗮𝗺” ubos sa liderato ni 𝗠𝘂𝗻𝗶𝗰𝗶𝗽𝗮𝗹 𝗠𝗮𝘆𝗼𝗿 𝗘𝗻𝗴𝗿. 𝗔𝗿𝘁𝗵𝘂𝗿 𝗗. 𝗗𝗮𝘃𝗶𝗻.

Ang selebrasyon pormal nga gisugdan pinaagi sa 𝗥𝗶𝘁𝘄𝗮𝗹 𝘀𝗮 𝗧𝗿𝗶𝗯𝘂, nga gipangunahan ni 𝗠𝘂𝗻𝗶𝗰𝗶𝗽𝗮𝗹 𝗜𝗣𝗠𝗥 𝗕𝗮𝗲 𝗡𝗼𝗿𝗺𝗮 𝗔𝗱𝗹𝗮𝘄𝗮𝗻, 𝗠𝘂𝗻𝗶𝗰𝗶𝗽𝗮𝗹 𝗧𝗿𝗶𝗯𝗮𝗹 𝗖𝗵𝗶𝗲𝗳𝘁𝗮𝗶𝗻 𝗕𝗮𝗲 𝗡𝗼𝗿𝗺𝗮 𝗥𝗶𝘃𝗲𝗿𝗮, uban sa mga miyembro sa Tribal Council. Ang maong ritwal nagpasiugda sa pagpreserbar ug pagpasidungog sa mga tradisyon ug kabilin sa atong mga Lumad nga komunidad, nga nahimong importante nga bahin sa pagkatawo sa Magsaysay.

Misunod niini ang 𝗛𝗼𝗹𝘆 𝗠𝗮𝘀𝘀 nga gipangulohan ni 𝗥𝗲𝘃. 𝗙𝗿. 𝗞𝗿𝗶𝘀𝘁𝗶𝗮𝗻 𝗣𝗲𝘁𝗲𝗿 𝗘𝗱𝘄𝘆𝗻 𝗔. 𝗗𝗼𝗿𝗶𝗹𝗮𝗴, 𝗗𝗖𝗗. Kini nahimong higayon sa espirituhanong pagpamalandong ug pagpasalamat alang sa tanang panalangin, kalampusan, ug panaghiusa nga padayong naglig-on sa katawhan sa Magsaysay.

Human sa Balaang Misa, gipadayon ang pormal nga Culmination Program, diin nagkahiusa ang mga opisyal sa lokal nga panggamhanan, mga lider sa komunidad, tribal leaders, kabatan-onan, ug mga katawhan sa pagsaulog sa usa ka makasaysayanon ug makahuluganon nga kalihokan. Miduyog usab ang Aninipot Band sa programa pinaagi sa musika.

Gitambongan ang maong selebrasyon ni 𝗠𝘂𝗻𝗶𝗰𝗶𝗽𝗮𝗹 𝗠𝗮𝘆𝗼𝗿 𝗘𝗻𝗴𝗿. 𝗔𝗿𝘁𝗵𝘂𝗿 𝗗. 𝗗𝗮𝘃𝗶𝗻 ug 𝗠𝘂𝗻𝗶𝗰𝗶𝗽𝗮𝗹 𝗩𝗶𝗰𝗲 𝗠𝗮𝘆𝗼𝗿 𝗥𝗼𝗻𝗶𝗲 𝗟. 𝗦𝗮𝗿𝗮𝗻𝗱𝗲, uban sa mga miyembro sa Sangguniang Bayan nga sila 𝗘𝗻𝗴𝗿. 𝗥𝗼𝗯𝗲𝗿𝘁𝗼 𝗔𝗺𝗯𝗮𝘆𝗮𝗻, 𝗔𝗹𝗹𝗮𝗻 𝗖𝗮𝗿𝗮𝗺𝗽𝗮𝘁𝗮𝗻𝗮, 𝗗𝗼𝘂𝗴𝗹𝗮𝘀 𝗖𝗼𝗿𝗽𝘂𝘇, 𝗘𝗻𝗿𝗶𝗾𝘂𝗲 𝗘𝘃𝗮𝗻𝗴𝗲𝗹𝗶𝘀𝘁𝗮, 𝗙𝗲𝗿𝗱𝗶𝗻𝗮𝗻𝗱 𝗘𝘀𝘁𝗿𝗲𝗺𝗼𝘀, 𝗖𝗼𝗿𝗻𝗲𝗹𝗶𝗼 𝗕𝗮𝗷𝗲𝗻𝘁𝗶𝗻𝗴, 𝗖𝗼𝗻𝗿𝗮𝗱𝗼 𝗕𝗶𝘀𝗺𝗮𝗻𝗼𝘀, 𝘂𝗴 𝗡𝗲𝗰𝗼𝗱𝗲𝗺𝗼 𝗦𝗮𝗿𝗮𝘂𝗺 𝗝𝗿.

Anaa usab si 𝗠𝘂𝗻𝗶𝗰𝗶𝗽𝗮𝗹 𝗜𝗣𝗠𝗥 𝗕𝗮𝗲 𝗡𝗼𝗿𝗺𝗮 𝗔𝗱𝗹𝗮𝘄𝗮𝗻, 𝗔𝗕𝗖 𝗣𝗿𝗲𝘀𝗶𝗱𝗲𝗻𝘁 𝗖𝗮𝗽𝘁. 𝗗𝗲𝗻𝗻𝗶𝘀 𝗛𝗲𝗹𝗯𝗲𝘀, 𝗦𝗞 𝗙𝗲𝗱𝗲𝗿𝗮𝘁𝗶𝗼𝗻 𝗣𝗿𝗲𝘀𝗶𝗱𝗲𝗻𝘁 𝗚𝘄𝘆𝗻𝗲𝘁𝗵 𝗠𝗮𝗻𝗹𝗮𝗻𝗴𝗶𝘁, ug 𝗠𝘂𝗻𝗶𝗰𝗶𝗽𝗮𝗹 𝗧𝗿𝗶𝗯𝗮𝗹 𝗖𝗵𝗶𝗲𝗳𝘁𝗮𝗶𝗻 𝗕𝗮𝗲 𝗡𝗼𝗿𝗺𝗮 𝗥𝗶𝘃𝗲𝗿𝗮, nga mipakita sa ilang makanunayon nga suporta sa pagpalambo sa kultura, panaghiusa, ug kaayohan sa komunidad.

Gipasidunggan usab sa maong kalihokan ang presensya sa mga opisyal gikan sa Probinsya sa Davao del Sur, lakip si 𝗚𝗼𝘃𝗲𝗿𝗻𝗼𝗿 𝗬𝘃𝗼𝗻𝗻𝗲 𝗥𝗼ñ𝗮 𝗖𝗮𝗴𝗮𝘀, 𝗩𝗶𝗰𝗲 𝗚𝗼𝘃𝗲𝗿𝗻𝗼𝗿 𝗠𝗮𝗿𝗰 𝗗𝗼𝘂𝗴𝗹𝗮𝘀 𝗜𝗩 𝗖𝗮𝗴𝗮𝘀, ug mga Board Members nga sila 𝗞𝘆𝗿𝗮 𝗩𝗮𝗹𝗲𝗻𝘁𝗶𝗻, 𝗠𝗮𝗸-𝗠𝗮𝗸 𝗚𝗮𝗹𝗹𝗮𝗿𝗱𝗼, 𝘂𝗴 𝗗𝘆𝗮𝗻𝗲 𝗚𝗶𝗱𝘂𝗾𝘂𝗶𝗼 𝗜𝗱𝘂𝗹𝘀𝗮.

Human sa pormal nga programa, misunod ang pagsalo-salo sa pagkaon, diin nagkahiusa ang mga partisipante ug mga bisita sa usa ka panagtapok nga puno sa panag-uban, kalipay, ug pagpasalamat. Gisundan kini sa 𝗗𝘂𝗹𝗮 𝘀𝗮 𝗧𝗿𝗶𝗯𝘂, diin nagpasiklaban ang nagkadaiyang tribu pinaagi sa mga tradisyonal nga dula, nga nahimong makalingaw nga pagpakita sa ilang kahanas, panaghiusa, ug garbo sa ilang kultura.

Sa pag-abot sa kagabhion, mipadayon ang selebrasyon ngadto sa usa ka hudyaka sa musika ug panaglingaw, diin gipabibo sa Tatot Band ang gabii. Nahimong higayon kini alang sa mga Kialegnon ug mga bisita nga magtapok, maglipay, ug magsaulog sa malampusong pagtapos sa 19th Kialegnon Festival.

Ang 19th Kialegnon Festival labaw pa sa usa ka selebrasyon. Kini usa ka pagpamatuod nga bisan paman sa simple nga selebrasyon napakita gihapon nato ang tinoud nga diwa niini —ang lig-on nga identity, kultura, tradisyon, ug panaghiusa sa katawhan sa Magsaysay.

𝗢𝗻𝗲 𝗠𝗮𝗴𝘀𝗮𝘆𝘀𝗮𝘆. 𝗢𝗻𝗲 𝗣𝗲𝗼𝗽𝗹𝗲. 𝗢𝗻𝗲 𝗗𝗿𝗲𝗮𝗺.

𝗠𝗮𝗴𝘀𝗮𝘆𝘀𝗮𝘆 𝗕𝗜𝗗𝗔 𝗞𝗮, 𝗞𝘂𝘆𝗼𝗴 𝗧𝗮!

💚 🇵🇭 See less

LGU Magsaysay

05/10/2026

05/10/2026

01/10/2026

01/10/2026

01/10/2026

30/09/2026

30/09/2026

30/09/2026

29/09/2026

29/09/2026

Address

Telephone

Website

Alerts

Contact The Organization

Shortcuts

Share

Category

Listing takedown request