Mayor Ernie Torreliza

20/08/2026

𝗣𝗔𝗚𝗧𝗨𝗚𝗢𝗡 𝗦𝗔 𝗡𝗔𝗦𝗜𝗥𝗔𝗡𝗚 𝗜𝗡𝗧𝗔𝗞𝗘 𝗗𝗜𝗞𝗘 𝗦𝗔 𝗕𝗥𝗚𝗬. 𝗔𝗟𝗔𝗖𝗔𝗔𝗞

Agad na tumugon ang Office of the Provincial Governor (PGO), sa pamamagitan ng Provincial Disaster Risk Reduction and Management Office (PDRRMO), sa kahilingan ng LGU Santa Cruz sa pamamagitan ng MDRRMO kaugnay ng nasirang intake d**e sa Brgy. Alacaak.

Isinagawa ang clearing operation at paglalagay ng kinakailangang materyales sa lugar upang matugunan ang pinsala at makatulong sa agarang pag-aayos ng apektadong bahagi.

Patuloy ang koordinasyon ng LGU Santa Cruz at Pamahalaang Panlalawigan upang matiyak ang tuloy-tuloy na pagtugon at maisagawa ang mga kinakailangang hakbang para sa kaligtasan at kapakanan ng mga residente.

19/08/2026

𝗔𝗚𝗔𝗥𝗔𝗡𝗚 𝗔𝗞𝗦𝗬𝗢𝗡 𝗣𝗔𝗥𝗔 𝗦𝗔 𝗡𝗔𝗦𝗜𝗥𝗔𝗡𝗚 𝗜𝗡𝗧𝗔𝗞𝗘 𝗗𝗔𝗠 𝗦𝗔 𝗕𝗥𝗚𝗬. 𝗔𝗟𝗔𝗖𝗔𝗔𝗞

Kanina, personal po naming binisita at sinuri ang nasirang Intake Dam sa Barangay Alacaak kasama sina MDRRMO Head Xernan Malabanan, Engr. Rommel Fineza, Provincial Engineer, Engr. Kenneth Villar, Provincial Equipment Pool Officer, at PDRRMO Head Mario Mulingbayan.

Sa mismong lugar, nakita at napag-usapan namin ang kalagayan ng Intake Dam at ang mga kinakailangang hakbang upang agad itong matugunan. Mahalaga sa akin na makita mismo ang sitwasyon upang makapaglatag ng angkop at agarang aksyon para sa ating mga kababayan.

Patuloy po tayong makikipag-ugnayan sa Pamahalaang Panlalawigan ng Occidental Mindoro upang matiyak ang kinakailangang suporta at maisagawa ang nararapat na intervention sa lalong madaling panahon.

Sa bawat hakbang ng ating pamahalaan, kaligtasan ng ating mga kababayan ang una at laging magiging prayoridad.

19/08/2026

𝗔𝗟𝗧𝗘𝗥𝗡𝗔𝗧𝗜𝗩𝗘 𝗪𝗢𝗥𝗞 𝗔𝗥𝗥𝗔𝗡𝗚𝗘𝗠𝗘𝗡𝗧𝗦 𝗙𝗢𝗥 𝗚𝗢𝗩𝗘𝗥𝗡𝗠𝗘𝗡𝗧 𝗢𝗙𝗙𝗜𝗖𝗘𝗦, 𝗔𝗟𝗧𝗘𝗥𝗡𝗔𝗧𝗜𝗩𝗘 𝗟𝗘𝗔𝗥𝗡𝗜𝗡𝗚 𝗠𝗢𝗗𝗘𝗦 𝗙𝗢𝗥 𝗦𝗖𝗛𝗢𝗢𝗟𝗦 | 𝗔𝗚𝗢𝗦𝗧𝗢 𝟮𝟬, 𝟮𝟬𝟮𝟲

Alinsunod sa Memorandum Circular No. 131 ng Tanggapan ng Pangulo, ipatutupad bukas, Agosto 20, 2026, sa Bayan ng Santa Cruz ang alternatibong work arrangement para sa mga tanggapan ng pamahalaan at Alternative Learning Modes para sa mga klase sa lahat ng antas, pampubliko man o pribado.

Ang hakbang na ito ay kaugnay ng patuloy na malalakas na pag-ulan dulot ng pinalakas na Habagat, na maaaring magdulot ng pagbaha at panganib sa paglalakbay.

Para sa mga paaralan, makipag-ugnayan sa kani-kanilang g**o at paaralan hinggil sa mga learning arrangements na ipatutupad.

Patuloy namang magbibigay ng serbisyo ang mga ahensyang may kinalaman sa pangunahing serbisyo, kalusugan, disaster preparedness at response, at iba pang mahahalagang serbisyo.

Unahin ang kaligtasan. Manatiling alerto at ligtas!

18/08/2026

𝐁𝐀𝐍𝐃𝐈𝐋𝐘𝐎 | PAGLIKAS SA MGA APEKTADONG LUGAR

Sa atas ni Mayor Ernie Torreliza, nagsagawa ng bandilyo ang mga kinauukulang tanggapan, kasama ang PNP, AFP, BFP, at mga Opisyal ng Barangay Alacaak, upang ipaalam sa publiko ang patuloy na lumalalang sitwasyon sa Old Intake Protection D**e dulot ng Habagat.

Bukas ang Evacuation Center ng Barangay Alacaak para sa mga pamilyang apektado ng pagbaha sa mga sumusunod na lugar:
📍 Subdivision
📍 Sitio Pakilan
📍 Sitio Caibong
📍 Sitio Masaya
📍 Sitio Bisay
📍 Sitio Calungagan

Sa mga residenteng nasa apektadong lugar, hinihikayat ang agarang paglikas at pakikipag-ugnayan sa inyong Barangay Officials.

Unahin ang kaligtasan. Huwag nang hintaying lumala ang sitwasyon.
Hangad namin ang kaligtasan ng bawat isa.

18/08/2026

𝐓𝐀𝐓𝐋𝐎𝐍𝐆 𝐌𝐀𝐍𝐆𝐈𝐍𝐆𝐈𝐒𝐃𝐀 𝐍𝐆 𝐁𝐑𝐆𝐘. 𝐁𝐀𝐑𝐀𝐇𝐀𝐍, 𝐋𝐈𝐆𝐓𝐀𝐒 𝐍𝐀𝐍𝐆 𝐍𝐀𝐊𝐀𝐔𝐖𝐈

SANTA CRUZ, OCCIDENTAL MINDORO — Ligtas nang naibalik sa kanilang mga pamilya at tahanan ang tatlong mangingisda na residente ng Barangay Barahan, Santa Cruz, Occidental Mindoro, matapos silang matagpuan sa karagatan at maihatid sa BFAR Sablayan.

Sina Dennis Asilum, 52; Mark Anthony Asilum, 29; at Emil Tacuyan, 58, ay sakay ng FBCA “Cassandra” nang sila ay mawalan ng komunikasyon matapos mangisda sa karagatan ng Santa Cruz.

Matapos ang isinagawang paghahanap at koordinasyon ng mga kinauukulang tanggapan, matagumpay silang nasundo ng MDRRMO sa BFAR Sablayan at ligtas nang naihatid pabalik sa kanilang pamilya sa Barangay Barahan.

Nagpapasalamat ang pamahalaang bayan sa lahat ng responders at mga indibidwal na tumulong sa paghahanap, koordinasyon, at ligtas na pag-uwi ng tatlong mangingisda.

Sa bawat panahon ng pangamba, patuloy ang pagkakaisa at pagtutulungan para sa kaligtasan ng bawat Santa Cruzan.

18/08/2026

𝐏𝐑𝐄-𝐄𝐌𝐏𝐓𝐈𝐕𝐄 𝐀𝐓 𝐌𝐀𝐍𝐃𝐀𝐓𝐎𝐑𝐘 𝐄𝐕𝐀𝐂𝐔𝐀𝐓𝐈𝐎𝐍, 𝐈𝐏𝐈𝐍𝐀𝐆-𝐔𝐓𝐎𝐒 𝐒𝐀 𝐌𝐆𝐀 𝐀𝐏𝐄𝐊𝐓𝐀𝐃𝐎𝐍𝐆 𝐊𝐎𝐌𝐔𝐍𝐈𝐃𝐀𝐃 𝐒𝐀 𝐁𝐀𝐘𝐀𝐍 𝐍𝐆 𝐒𝐀𝐍𝐓𝐀 𝐂𝐑𝐔𝐙

SANTA CRUZ, OCCIDENTAL MINDORO — Naglabas ang Municipal Disaster Risk Reduction and Management Council (MDRRMC) ng Advisory No. 2, Series of 2026, na nag-uutos ng pre-emptive at mandatory evacuation para sa mga residenteng nasa flood-prone, low-lying areas, at mga lugar na posibleng maapektuhan ng landslide at severe erosion.

Ito ay bunsod ng patuloy na masamang lagay ng panahon dahil sa Tropical Cyclone Fendie, na pinalalakas ng Southwest Monsoon o Habagat.

Inaatasan ang mga residente sa mga nabanggit na lugar na makipag-ugnayan sa kanilang mga Barangay Officials at agad na lumikas patungo sa pinakamalapit na itinalagang evacuation center.

𝐏𝐚𝐚𝐥𝐚𝐥𝐚 𝐧𝐠 𝐌𝐃𝐑𝐑𝐌𝐂: 𝐇𝐮𝐰𝐚𝐠 𝐧𝐚𝐧𝐠 𝐡𝐢𝐧𝐭𝐚𝐲𝐢𝐧 𝐩𝐚𝐧𝐠 𝐥𝐮𝐦𝐚𝐥𝐚 𝐚𝐧𝐠 𝐬𝐢𝐭𝐰𝐚𝐬𝐲𝐨𝐧. 𝐔𝐧𝐚𝐡𝐢𝐧 𝐚𝐧𝐠 𝐤𝐚𝐥𝐢𝐠𝐭𝐚𝐬𝐚𝐧 𝐧𝐠 𝐛𝐚𝐰𝐚𝐭 𝐩𝐚𝐦𝐢𝐥𝐲𝐚.

𝐏𝐚𝐫𝐚 𝐬𝐚 𝐤𝐚𝐥𝐢𝐠𝐭𝐚𝐬𝐚𝐧. 𝐏𝐚𝐫𝐚 𝐬𝐚 𝐥𝐚𝐡𝐚𝐭.

18/08/2026

𝗣𝗔𝗧𝗨𝗟𝗢𝗬 𝗡𝗔 𝗔𝗟𝗧𝗘𝗥𝗡𝗔𝗧𝗜𝗩𝗘 𝗪𝗢𝗥𝗞 𝗔𝗥𝗥𝗔𝗡𝗚𝗘𝗠𝗘𝗡𝗧𝗦 𝗔𝗧 𝗔𝗟𝗧𝗘𝗥𝗡𝗔𝗧𝗜𝗩𝗘 𝗟𝗘𝗔𝗥𝗡𝗜𝗡𝗚 𝗠𝗢𝗗𝗘𝗦 | 𝗔𝗚𝗢𝗦𝗧𝗢 𝟭𝟵, 𝟮𝟬𝟮𝟲

Alinsunod sa Memorandum Circular No. 129 ng Tanggapan ng Pangulo, muling ipatutupad ang naaangkop na alternatibong paraan ng pagtatrabaho sa mga tanggapan ng pamahalaan at Alternative Learning Modes para sa mga paaralan sa Bayan ng Santa Cruz bukas Agosto 19, 2026.

Ang hakbang na ito ay bunsod ng patuloy na malakas na pag-ulan at masamang lagay ng panahon, bilang pag-iingat sa kaligtasan ng ating mga kawani, g**o at mag-aaral.

Hinihikayat ang lahat na makipag-ugnayan sa kani-kanilang tanggapan o paaralan para sa kaukulang abiso at learning arrangements.

Unahin ang kaligtasan. Manatiling alerto at ligtas!

18/08/2026

🏆 𝐒𝐀𝐍𝐓𝐀 𝐂𝐑𝐔𝐙, 𝟑𝐑𝐃 𝐏𝐋𝐀𝐂𝐄 𝐒𝐀 𝐌𝐈𝐌𝐀𝐑𝐎𝐏𝐀 𝐁𝐄𝐒𝐓 𝐂𝐄𝐒𝐓 𝐂𝐎𝐌𝐌𝐔𝐍𝐈𝐓𝐘 𝐀𝐖𝐀𝐑𝐃𝐒!

Isang malaking karangalan para sa LGU Santa Cruz, Occidental Mindoro ang pagkamit ng 3rd Place sa 2026 MIMAROPA RSTW Best CEST Community Awards na ginaganap sa pagdiriwang ng 2026 MIMAROPA Regional Science and Technology Week ngayong Agosto 17-19, 2026 sa Odiongan, Romblon.

Kinilala ang Santa Cruz para sa matagumpay na implementasyon ng solar-powered pumping system na nagbibigay ng maaasahan at ligtas na pinagkukunan ng tubig para sa Alangan Mangyan community sa Sitio Calomintao, Brgy. Alacaak.

Patunay ito na kapag pinagsama ang agham, teknolohiya, at malasakit sa komunidad, nagiging konkretong serbisyo para sa mamamayan. 💙

👏 Mabuhay, Santa Cruz! Congratulations sa lahat ng naging bahagi ng tagumpay na ito!

18/08/2026

17/08/2026

𝗔𝗟𝗧𝗘𝗥𝗡𝗔𝗧𝗜𝗕𝗢𝗡𝗚 𝗔𝗥𝗥𝗔𝗡𝗚𝗘𝗠𝗘𝗡𝗧 𝗦𝗔 𝗣𝗔𝗚𝗧𝗔𝗧𝗥𝗔𝗕𝗔𝗛𝗢 𝗦𝗔 𝗠𝗚𝗔 𝗧𝗔𝗡𝗚𝗚𝗔𝗣𝗔𝗡 𝗡𝗚 𝗣𝗔𝗠𝗔𝗛𝗔𝗟𝗔𝗔𝗡, 𝗔𝗟𝗧𝗘𝗥𝗡𝗔𝗧𝗜𝗕𝗢𝗡𝗚 𝗣𝗔𝗥𝗔𝗔𝗡 𝗡𝗚 𝗣𝗔𝗚𝗞𝗔𝗧𝗨𝗧𝗢 𝗦𝗔 𝗠𝗚𝗔 𝗣𝗔𝗔𝗥𝗔𝗟𝗔𝗡 𝗦𝗔 𝗔𝗚𝗢𝗦𝗧𝗢 𝟭𝟴, 𝟮𝟬𝟮𝟲

Alinsunod sa Memorandum Circular No. 128 ng Tanggapan ng Pangulo, ipatutupad ang alternatibong pagsasaayos sa trabaho para sa mga tanggapan ng pamahalaan at Alternative Learning Modes para sa mga paaralan sa Bayan ng Santa Cruz bukas, Agosto 18, 2026.

Para sa mga paaralan, ang paraan ng alternatibong pagkatuto ay nasa pagpapasya ng mga g**o, batay sa kalagayan at pangangailangan ng kanilang mga mag-aaral. Hinihikayat ang mga mag-aaral at magulang na makipag-ugnayan sa kanilang paaralan para sa kaukulang learning arrangements.

Ang mga tanggapan at ahensiyang nagbibigay ng mahahalagang serbisyo ay magpapatuloy sa kanilang operasyon upang matiyak ang patuloy na paghahatid ng kinakailangang serbisyo sa publiko.

Unahin ang kaligtasan. Manatiling alerto at ligtas!