Cong. Rudy S. Caoagdan, DPA

20/08/2026

RC FARM, USA SA MGA VENUE SA COPRISA MEET 2026 🏆🏃‍♂️

Gipahigayon ang COPRISA Meet 2026 – Cotabato Private School Athletic Association diin miapil ang mga delegado gikan sa Area 1, Area 2, ug Area 3 sa probinsiya sa Cotabato ug niapil sa nagkalain-laing kompetisyon sa sports.

Kabahin sa mga napiling venue ang RC Farm sa Barangay San Vicente, Makilala, Cotabato, diin ipahigayon ang Opening Program ug pipila sa mga sports events sa COPRISA Meet 2026, uban sa ubang napiling mga lugar.

Nagpasalamat ang mga organizers ug mga partisipante kang Congressman Rudy S. Caoagdan, DPA sa iyang pagtugot nga magamit ang RC Farm isip usa sa mga venue sa maong importante nga kalihukan.

Alang kang Congressman Caoagdan, usa ka dungog ang pag-abli sa RC Farm alang sa mga batan-ong atleta ug mga eskwelahan nga nagtinguha nga mapalambo ang sportsmanship, disiplina, panaghigalaay ug talento sa mga kabatan-onan sa Cotabato.

Maayong pag-abot sa COPRISA Meet 2026 sa RC Farm! 🏆👏

15/08/2026

Panaghiusa ug Suporta para sa mga Solo Parents sa Poblacion, Makilala

Malipayon nga gidawat ni Congressman Rudy S. Caoagdan, DPA ang grupo sa mga Solo Parents sa Barangay Poblacion, Makilala, Cotabato nga mibisita kaniya sa RC Farm, Barangay San Vicente.

Gipangulohan ni Mrs. Riazalyn Cua Serag, Presidente sa asosasyon, ang ilang pagbisita aron ipahibalo ang umaabot nga seminar alang sa mga miyembro ug mangayo og suporta alang sa maong kalihokan.

Ang pagtukod sa asosasyon nagpakita sa ilang paningkamot nga magkahiusa ang mga solo parents, magtinabangay sa usag usa, ug mas mapalig-on ang ilang kahibalo, kapasidad ug kahimtang isip mga ginikanan nga adunay dakong responsibilidad sa ilang pamilya.

Andam si Congressman Caoagdan sa pagpaminaw ug paghatag og suporta sa mga inisyatibo nga makatabang sa pagpalig-on sa pamilya ug paghatag og mas maayong oportunidad alang sa mga solo parents sa komunidad.

13/08/2026

Gugma ug Suporta alang sa mga Batan-ong Performers sa Bulakanon High School

BULAKANON HIGH SCHOOL DLC, ANDAM NA SA KALIVUNGAN FESTIVAL 2026!

Samtang nag-andam ang Bulakanon High School Drum and Lyre Corps (DLC) alang sa umaabot nga DLC Competition sa Kalivungan Festival 2026 karong Setyembre 1, 2026, gipakita ni Congressman Rudy S. Caoagdan, DPA ang iyang padayon nga suporta alang sa mga estudyante ug sa mga programa sa edukasyon sa atong distrito.

Nakigkita kang Congressman Caoagdan sila Mr. El Rey A. Legaspi, School Principal; Mr. Richard S. Ruiz, Makilala West District Principal- In- Charge; PTA President Mr. Jhonny B. Melchor; SGC Co-Elected Chairperson Mrs. Erlinda M. Sison; Kagawad Judy R. Mole, uban sa mga magtutudlo sa Bulakanon High School.

Sa maong panagkita, mipasalig si Congressman Caoagdan sa iyang suporta aron makatabang sa mga panginahanglanon sa DLC sa ilang pagpangandam alang sa kompetisyon.

Alang kang Congressman Caoagdan, ang pagtabang sa atong mga kabatan-onan dili lamang bahin sa pinansyal nga suporta, kondili usa usab ka pamaagi sa pagdasig kanila nga magpadayon sa pagpalambo sa ilang talento, disiplina, teamwork ug pagsalig sa kaugalingon.

Uban sa panaghiusa sa eskwelahan, mga ginikanan, komunidad ug mga stakeholders, hinaot nga makapakita ang atong mga batan-ong performers sa ilang pinakamaayo ug mapasigarbo ang Bulakanon High School ug ang lungsod sa Makilala.
Padayon, Bulakanon High School DLC! Ipakita ang talento, disiplina ug garbo sa atong kabatan-onan!

13/08/2026

TESDA PROVINCIAL DIRECTOR, BISITA NI CONGRESSMAN CAOAGDAN SA RC FARM

Mainitong gidawat ni Congressman Rudy S. Caoagdan, DPA si Provincial Director Relly A. Leysa, MPA sa TESDA sa iyang pagbisita sa RC Farm, Barangay San Vicente, Makilala, Cotabato.

Kabahin sa ilang panaghisgot ang pagpalig-on sa mga programa sa technical-vocational education ug skills training, ilabi na ang mga oportunidad nga direktang makatabang sa panginabuhi sa mga Cotabateño.

Lakip niini ang TESDA training nga gi-open sa Barangay Saguing, Makilala, Cotabato, diin gipasiugda ni Congressman Caoagdan nga ang skills training usa ka importante nga pamaagi aron mahatagan ang mga residente og kahibalo ug kahanas nga magamit sa pagpanginabuhi.

Isip kabahin sa iyang oversight function isip miyembro sa Kongreso, padayon si Congressman Caoagdan sa pagpakig-uban ug pagmonitor sa mga programa ug serbisyo sa nagkalain-laing national government agencies, lakip ang TESDA, aron masiguro nga ang mga programa sa gobyerno makaabot ug makatubag sa tinuod nga panginahanglan sa katawhan.

Padayon ang paningkamot alang sa mas daghang oportunidad sa skills training, trabaho ug panginabuhian alang sa mga Cotabateño.

07/08/2026

CAOAGDAN: PADAYON ANG PAGPANALIPOD UG PAGPAKABANA SA MGA BARANGAY NGA ADUNAY DAGHANG IP COMMUNITY

Nagpadayon ang pagpakita sa pagsalig sa katawhan kang Congressman Rudy S. Caoagdan, DPA samtang nagkahiusa ang mga lider sa mga barangay nga adunay daghang Indigenous Peoples (IP) community sa Munisipyo sa President Roxas, Cotabato aron ipadayag ang ilang mga panginahanglan alang sa kalamboan sa ilang mga komunidad.
Gipangulohan ni Barangay Chairman Ogie Dalumbay sa Barangay Kimahuring ang paghangyo alang sa pagtukod sa Multi-Purpose Barangay Hall. Ang Barangay Bato-Bato, ubos sa pagpanguna ni Barangay Chairman Demna Sabidalas, mihangyo usab og dugang nga pasilidad alang sa ilang Health Center, samtang si Barangay Chairman Ariel Ante sa Barangay Lama-Lama nangayo og suporta alang sa completion sa ilang 2-Storey Multi-Purpose Building.

Atol sa panagtigom, gipasabot usab ni Congressman Caoagdan ang kahimtang sa panukalang balaod sa House of Representatives nga nagtinguha sa pag-postpone sa 2026 Barangay ug Sangguniang Kabataan Elections ngadto sa 2028. Iyang giingon nga adunay usab susamang panukala sa Senado nga naghisgot sa pagdugang sa termino sa mga barangay opisyal, apan hangtod wala pa kini mahimong balaod, ang kasamtangang balaod nga nagtakda sa pagpahigayon sa eleksyon maoy ipatuman. Gipasiugda sa kongresista nga ang maong panukala wala gihimo alang sa politikal nga interes kondili aron masiguro nga andam ang gobyerno sa pag-atubang sa mga hagit nga giatubang sa nasud ug aron magamit sa hustong paagi ang pondo sa katawhan.

Labaw sa tanan, gibug-atan ni Congressman Caoagdan nga ang tinuod nga sukdanan sa liderato mao ang pagpakabana, maayong pakigrelasyon sa katawhan ug ang paghatag og patas nga oportunidad sa matag komunidad, ilabi na sa atong mga kaigsoonan sa Indigenous Peoples.

Serbisyo nga walay pili. Kalamboan nga inklusibo. Mao kini ang padayon nga baruganan ni Congressman Rudy S. Caoagdan alang sa tanang katawhan sa Ikaduhang Distrito sa Cotabato.

07/08/2026

House Bill No. 2917, na inakda nina Reps. Sergio C. Dagooc, Presley C. De Jesus, at Rudy S. Caoagdan, at House Bill No. 2918, na inakda nina Reps. Ma. Alana Samantha Taliño Santos, Edwin L. Cruzado, at Raymond Democrito C. Mendoza.

Nagpasalamat naman ang pamunuan ng COTELCO sa mga kongresistang nag-akda at nagsulong ng panukala, gayundin sa iba pang mambabatas na nagpahayag ng suporta sa bagong prangkisa.

𝗣𝗔𝗡𝗔𝗟𝗢 𝗽𝗮𝗿𝗮 𝘀𝗮 𝗺𝗴𝗮 𝗼𝗿𝗱𝗶𝗻𝗮𝗿𝘆𝗼𝗻𝗴 𝗖𝗼𝘁𝗮𝗯𝗮𝘁𝗲ñ𝗼 𝗮𝗻𝗴 𝗽𝗮𝗴-𝗮𝗽𝗿𝘂𝗯𝗮 𝗻𝗴 𝗛𝗼𝘂𝘀𝗲 𝗖𝗼𝗺𝗺𝗶𝘁𝘁𝗲𝗲 𝗼𝗻 𝗟𝗲𝗴𝗶𝘀𝗹𝗮𝘁𝗶𝘃𝗲 𝗙𝗿𝗮𝗻𝗰𝗵𝗶𝘀𝗲𝘀 𝘀𝗮 𝗽𝗮𝗻𝘂𝗸𝗮𝗹𝗮𝗻𝗴 𝗯𝗮𝗴𝗼𝗻𝗴 𝗽𝗿𝗮𝗻𝗴𝗸𝗶𝘀𝗮 𝗻𝗴 𝗖𝗢𝗧𝗘𝗟𝗖𝗢, 𝘼𝙜𝙤𝙨𝙩𝙤 5, 2026.

Ito ang ipinahayag ni COTELCO General Manager Joel V. De Guzman, Jr. matapos aprubahan ng komite ang pinagsamang House Bill No. 2917, na inakda nina Reps. Sergio C. Dagooc, Presley C. De Jesus, at Rudy S. Caoagdan, at House Bill No. 2918, na inakda nina Reps. Ma. Alana Samantha Taliño Santos, Edwin L. Cruzado, at Raymond Democrito C. Mendoza.

Ayon kay GM De Guzman, ang pag-apruba ng komite ay patunay na kinikilala ng mga mambabatas ang mahalagang papel ng rural electrification sa pagpapasigla ng ekonomiya, pagpapaunlad ng mga komunidad, at pagpapabuti ng kalidad ng pamumuhay ng mga mamamayan.

Sa pagdinig, binigyang-diin ni GM De Guzman ang malaking ambag ng COTELCO sa pag-unlad ng lalawigan ng Cotabato sa loob ng halos limang dekada, kabilang ang pagpapalawak ng akses sa kuryente na nagsilbing pundasyon ng paglago ng ekonomiya, imprastraktura, at kabuhayan sa mga lugar na sakop ng kooperatiba.

"𝗔𝗻𝗴 𝗖𝗢𝗧𝗘𝗟𝗖𝗢 𝗳𝗿𝗮𝗻𝗰𝗵𝗶𝘀𝗲, 𝗽𝗮𝗴𝗽𝗮𝘀𝗶𝗯𝗮𝘄 𝘀𝗮 𝗸𝗮𝘁𝘂𝗻𝗴𝗼𝗱 𝘀𝗮 𝗺𝗮𝘁𝗮𝗴 𝗠𝗲𝗺𝗯𝗲𝗿-𝗖𝗼𝗻𝘀𝘂𝗺𝗲𝗿 𝗻𝗴𝗮 𝗶𝗽𝗮𝗯𝗶𝗹𝗶𝗻 𝘀𝗮 𝗼𝗿𝗱𝗶𝗻𝗮𝗿𝘆𝗼𝗻𝗴 𝗖𝗼𝘁𝗮𝗯𝗮𝘁𝗲ñ𝗼 𝗮𝗻𝗴 𝗽𝗮𝗴𝗽𝗮𝗻𝗮𝗴-𝗶𝘆𝗮 𝘀𝗮 𝗲𝗹𝗲𝗰𝘁𝗿𝗶𝗰 𝗱𝗶𝘀𝘁𝗿𝗶𝗯𝘂𝘁𝗶𝗼𝗻 𝘀𝗮 𝗽𝗿𝗼𝗯𝗶𝗻𝘀𝘆𝗮", 𝗚𝗠 𝗗𝗲 𝗚𝘂𝘇𝗺𝗮𝗻.

Nagpasalamat naman ang pamunuan ng COTELCO sa mga kongresistang nag-akda at nagsulong ng panukala, gayundin sa iba pang mambabatas na nagpahayag ng suporta sa bagong prangkisa.

Kasabay ring inaprubahan ng House Committee on Legislative Franchises ang mga panukalang bagong prangkisa ng TARELCO II, SORELCO II, at NORECO II. Inaasahang isusunod na tatalakayin ang mga panukala sa plenaryo ng Kamara para sa susunod na yugto ng proseso ng lehislasyon. #

06/08/2026

Suporta ni Congressman Caoagdan sa mga OFW, Nagpadayon

Gidawat ni Congressman Rudy S. Caoagdan, DPA ang mga miyembro sa OFW Association sa Poblacion Makilala, Cluster 2 sa RC Farm, Barangay San Vicente, Makilala, Cotabato. Gipangulohan ni Mr. Edwin Cagas, gihangyo sa asosasyon ang paggamit sa pasilidad sa RC Farm alang sa ilang umaabot nga anibersaryo. Dali kining gisuportahan ni Congressman Caoagdan isip pag-ila sa dakong papel sa mga OFW sa pagpalambo sa ilang pamilya ug sa nasud.

Padayon ang paningkamot ni Congressman Caoagdan sa pagpalig-on sa suporta sa tanang sektor, ilabina sa mga OFW nga nagpadayon sa ilang sakripisyo alang sa mas maayong kaugmaon.

31/07/2026

𝗞𝗮𝗹𝗮𝗺𝗯𝗼𝗮𝗻 𝘀𝗮 𝗕𝗮𝗿𝗮𝗻𝗴𝗮𝘆 𝗦𝗮𝗿𝗮𝘆𝗮𝗻, 𝗣𝗮𝗱𝗮𝘆𝗼𝗻g Masinati sa katawhan

Padayon ang pag-abot sa mga programa ug proyekto sa kabarangayan samtang mibisita si Congressman Rudy S. Caoagdan sa Barangay Sarayan, President Roxas, Cotabato uban kang Vice Mayor Jonathan Mahimpit aron makigpulong sa mga opisyal sa barangay nga gipangulohan ni Barangay Chairman Renato Lagdamen.

Usa sa mga mahinungdanong nahisgutan mao ang hangyo sa pagtukod sa usa ka 2-Storey Multi-Purpose Hall nga gilauman mahimong dugang pasilidad alang sa mas maayong paghatag sa serbisyo publiko ug pagdumala sa mga kalihokan sa barangay.

Nagpakita kini sa nagkahiusang paningkamot sa lokal ug nasyonal nga liderato aron mapadayon ang kalamboan ug mas mapalapad pa ang mga serbisyo nga maangkon sa katawhan sa President Roxas, Cotabato.

31/07/2026

𝗚𝗶𝘁𝘂𝗺𝗮𝗻 𝗮𝗻𝗴 𝗦𝗮𝗮𝗱; 𝗕𝗮𝗴-𝗼𝗻𝗴 𝟮-𝗦𝘁𝗼𝗿𝗲𝘆 𝗕𝗮𝗿𝗮𝗻𝗴𝗮𝘆 𝗛𝗮𝗹𝗹 𝗚𝗶𝘁𝘂𝗻𝗼𝗹 𝘀𝗮 𝗕𝗮𝗿𝗮𝗻𝗴𝗮𝘆 𝗞𝗶𝘀𝘂𝗽𝗮𝗮𝗻

Usa na usab ka saad ang natuman ni Congressman Rudy S. Caoagdan human opisyal nga gitunol ang bag-ong 2-Storey Multi Purpose Barangay Hall sa Barangay Kisupaan, President Roxas, Cotabato.

Atol sa Turn Over Ceremony, gipahinumdoman ni Congressman Caoagdan ang katawhan nga ang maong proyekto nagsugod gikan sa mga hangyo sa mga residente sa iyang unang mga pagbisita sa barangay. Matud pa niya, sa una niyang pag-anhi sa Kisupaan isip nangandoy nga makaalagad isip Kongresista sa Ikaduhang Distrito sa Cotabato, iyang gipaminawan ang mga panginahanglan sa komunidad ug gihimong kabahin sa iyang mga prayoridad ang pagdala sa mga proyekto alang sa barangay.

“Sa una nakong pag-anhi dinhi ug sa makaduhang higayon nga mibalik ko, klaro kaayo ang inyong mga hangyo. Gisugdan nato ang pagtabang sa sektor sa edukasyon pinaagi sa mga pasilidad sa eskwelahan, ug karon usa na usab ka mahinungdanong proyekto ang atong natuman pinaagi niining bag-ong Barangay Hall,” matud ni Caoagdan.

Gipasalamatan usab niya si Barangay Captain Rooseville Daguman tungod sa iyang dedikasyon ug padayon nga pagpangita og pamaagi aron madala ang kalamboan sa Barangay Kisupaan. Matud pa sa Kongresista, ang maayong panag-uban sa barangay ug sa opisina sa Kongreso maoy nakatabang aron mapadali ang pagpatuman sa proyekto.

Gipasiugda ni Caoagdan nga ang bag-ong 2-Storey Multi Purpose Barangay Hall dili lamang usa ka estruktura kondili simbolo sa epektibo ug matinud-anong pagserbisyo sa gobyerno ngadto sa katawhan.

“Akong panghinaut nga kining bildinga mahimong santuwaryo sa maayong panggamhanan. Dinhi pagadumalahan ang mga programa ug serbisyo nga makatubag sa panginahanglan sa katawhan. Kini mahimong sentro sa pagserbisyo ug simbolo sa usa ka gobyernong duol sa mga tawo,” dugang pa niya.

Sumala kang Caoagdan, ang proyekto maoy usa ka ehemplo sa iyang prinsipyo nga ang serbisyo publiko kinahanglan makita sa konkretong mga buhat ug dili lamang sa mga saad. Busa padayon niyang gipalig-on ang pagdala sa mga imprastraktura, edukasyonal nga pasilidad ug uban pang mga programa nga makatabang sa kalamboan sa matag barangay sa Ikaduhang Distrito sa Cotabato.

Ang maong kalihukan gitambongan ni Vice Mayor Jonathan Mahimpit, mga barangay kapitan sa President Roxas, mga lokal nga opisyal ug mga residente sa Barangay Kisupaan nga nagkahiusa sa pagsaulog sa usa na usab ka mahinungdanong kalampusan alang sa ilang komunidad.