City Treasury of Malabon

14/08/2026

MALABUEÑO, GAANO KALALIM ANG FILIPINO MO?

Mula sa mga kuwentuhan sa tahanan at barangay hanggang sa mga kuwentong bumubuo sa ating kultura at kasaysayan, bahagi ng araw-araw nating buhay ang wikang Filipino.

Ngayong Buwan ng Wika, subukan naman natin kung gaano kalawak ang bokabularyo ng mga Malabueño! 📖

Kaya mo bang hulaan ang kahulugan ng limang salitang ito?

🔹 alimúom
🔹 marahuyò
🔹 pagsamò
🔹 marilág
🔹 gunitâ

Tingnan ang mga pagpipilian sa larawan at i-comment ang inyong sagot.

Abangan sa susunod nating post ang tamang sagot at kilalanin pa natin ang kuwento at kahulugan sa likod ng bawat salita.

14/08/2026

High Tide Alert | Aabot sa 2.0 metro ang high tide ngayong Biyernes, Agosto 14, 2026, sa ika-11:50 ng umaga. Pinapaalalahanan ang lahat na maging handa at alerto sa pagtaas ng tubig sa inyong lugar lalo na ngayong patuloy ang pabugso-bugsong pag-ulan.

13/08/2026

13/08/2026

📢 KAILANGAN NG CEDULA? Madali lang kumuha!

Ang Community Tax Certificate (Cedula) ay isang mahalagang dokumento na madalas kailangan sa iba't ibang transaksyon at aplikasyon. Sa Malabon City Treasury Department, dalawang hakbang lang ang proseso!

✅ Paano kumuha?
1️⃣ Kumuha at punan ng mga tama at accurate na impormasyon ang Data Sheet sa Information Desk, 3rd Floor, Malabon City Hall.
2️⃣ Isumite ang Accomplished Data Sheet sa Window 8 at bayaran ang kaukulang halaga. Pagkatapos nito, makukuha mo na agad ang iyong Community Tax Certificate (Cedula).

⏱️ Processing Time: Humigit-kumulang 5 minuto lamang.

📅 Kailan dapat kumuha?
Mula Enero 1 hanggang Pebrero 28 o 29 ng bawat taon.

⚠️ Kapag lumagpas sa deadline:
May 2% interest bawat buwan sa hindi pa nababayarang halaga. Halimbawa, kung sa Marso kukuha, may 6% na agad na madadagdag sa babayaran.

📌 Tandaan: Ang Cedula ay valid hanggang Disyembre 31 ng kasalukuyang taon lamang.

💙 Maging responsableng mamamayan. Magbayad ng tamang buwis sa tamang panahon upang patuloy nating masuportahan ang mga programa at serbisyong para sa bawat Malabuenyo.

📍 City Treasury Department
3rd Floor, Malabon City Hall
Para sa inyong mga katanungan, maaari kayong bumisita o makipag-ugnayan sa aming tanggapan.

11/08/2026

🫁 Malusog na Baga para sa Mas Aktibong Buhay

Madalas hindi natin napapansin ang ating paghinga, hanggang sa magkaroon ng problema. Kaya mahalagang alagaan ang ating mga baga at huwag hintaying lumala ang mga sintomas bago magpatingin.

Ngayong National Lung Month, nakikiisa ang Pamahalaang Lungsod ng Malabon sa pagpapalawak ng kaalaman tungkol sa mga sakit sa baga at sa kahalagahan ng maagang pagsusuri at pag-iwas.

Sa pangunguna ni Mayor Jeannie Sandoval, patuloy na inilalapit ng lungsod ang mga serbisyong pangkalusugan sa mga Malabueño, kabilang ang libreng chest X-ray na isinasagawa sa iba't ibang barangay upang makatulong sa maagang pagtukoy ng tuberculosis (TB) at iba pang posibleng problema sa baga. Kasabay nito ang pagbibigay ng tamang impormasyon at gabay para sa mga nangangailangan ng karagdagang pagsusuri at pangangalaga.

Ngayong buwan, bigyang-pansin ang kalusugan ng inyong baga. Iwasan ang paninigarilyo, maging alerto sa matagal na pag-ubo at iba pang sintomas, at samantalahin ang mga libreng serbisyong pangkalusugan na inilalapit sa inyong komunidad.

10/08/2026

🚒 MAGKATUWANG SA PAGTUGON SA MGA EPEKTO NG HABAGAT

Patuloy ang pagtutulungan ng Pamahalaang Lungsod ng Malabon at mga national government agency upang agad na matugunan ang mga insidenteng dulot ng patuloy na pag-ulan at epekto ng Habagat.

Nagsagawa ng clearing operations ang Bureau of Fire Protection (BFP) katuwang ang mga kawani ng lokal na pamahalaan at mga barangay personnel sa Panghulo at Potrero upang alisin ang mga nabuwal na punong nakaharang at nakasabit sa mga kable, na maaaring magdulot ng panganib sa mga residente at dumaraan.

Sa Panghulo, agad na rumesponde ang mga tauhan ng BFP upang maisagawa ang clearing operation matapos maitalang bumagsak ang isang puno sa mga cable wire na nakakabit sa poste. Samantala, sa Potrero, isinagawa rin ang clearing operation sa lugar malapit sa St. Peter and John Parish Church, VMN Compound, katuwang ang mga tauhan ng barangay.

🤝 Sa panahon ng kalamidad, mahalaga ang mabilis na koordinasyon at sama-samang pagkilos ng bawat ahensya upang mapanatiling ligtas ang ating mga kababayan.

Bayanihan at maagap na serbisyo para sa bawat Malabueño.

10/08/2026

💙 Patuloy ang Tulong at Serbisyo sa mga Evacuation Center

Patuloy ang pag-asikaso sa mga pamilyang pansamantalang nanunuluyan sa mga evacuation center sa Malabon sa pamamagitan ng pamamahagi ng hot meals, pagkakaroon ng purified water station, at pagbibigay ng medical assistance para sa kanilang mga pangunahing pangangailangan habang nananatili ang epekto ng masamang panahon.

Pinangungunahan ng City Social Welfare and Development Department (CSWDD), sa pamumuno ni Officer-in-Charge Lorelie P. Soriano, RSW, katuwang ang mga barangay at school coordinators, ang patuloy na pag-asikaso sa mga evacuees.

Sa pangunguna ni Mayor Jeannie Sandoval, sinisiguro ng Pamahalaang Lungsod na may agarang suporta at malasakit na maaasahan ang mga pamilyang kinakailangang lumikas para sa kanilang kaligtasan.

📢 Manatiling alerto at patuloy na makinig sa mga opisyal na abiso ng inyong barangay at Pamahalaang Lungsod kaugnay ng lagay ng panahon at kaligtasan sa inyong lugar.

10/08/2026

WALANG PASOK | Agosto 11, 2026 (Martes)

Alinsunod sa direktiba ni Mayor Jeannie Sandoval, mananatiling suspendido ang face-to-face classes sa lahat ng antas, sa mga pampubliko at pribadong paaralan sa Lungsod ng Malabon bukas, Agosto 11, 2026 (Martes) dahil sa patuloy na pag-ulan na dulot ng Southwest Monsoon (Habagat).

Magpapatuloy ang klase sa mga paaralan sa pamamagitan ng Alternative Delivery Mode (online classes).

Pinapayuhan ang lahat na manatiling nakatutok sa mga opisyal na anunsiyo at ulat panahon. Maging alerto, sundin ang mga paalala ng mga kinauukulan, at unahin ang kaligtasan sa lahat ng oras.

Kung may emergency, maaaring makipag-ugnayan sa Malabon Command Center sa mga numerong 8-921-6009, 8-921-6029, 0942-372-9891, o 0919-062-5588. Maaari rin kayong mag-text sa TXTMJS sa 0917-889-8657.