Konsehala Sonia Lim

24/08/2026

Maligayang Kapistahan Apostol San Bartolome 🎉☺️

⛪️ 412 TAON NG PANANAMPALATAYA AT DEBOSYON KAY APOSTOL SAN BARTOLOME

Ngayong Agosto 24, ipinagdiriwang ng Malabon ang ika-412 taong Kapistahan ni Apostol San Bartolome, patron ng lungsod at isa sa Labindalawang Apostol ni Hesukristo.

Sa kanyang buhay bilang Apostol, ipinamalas ni San Bartolome ang katatagan sa pananampalataya, katapatan sa kanyang misyon, at kababaang-loob sa paglilingkod. Buong tapang niyang ipinahayag ang Ebanghelyo at nanatiling tapat kay Kristo hanggang sa kanyang pagiging martir.

Ito ang diwang binibigyang-buhay ng pagdiriwang ngayong taon sa temang “Apostol San Bartolome: Biyaya ng Katatagan, Katapatan, at Kababaang-loob.”

Sa mahigit apat na siglong debosyon, patuloy nawa itong maging paalala sa bawat Malabueño na isabuhay ang pananampalataya sa pamamagitan ng matatag na paninindigan, tapat na paglilingkod, at pusong marunong magpakumbaba at kumalinga sa kapwa.

Viva San Bartolome! Maligayang ika-412 Kapistahan, Malabueños! 🙏💙

24/08/2026

🏘📜 BARITAN DAHIL SA DAMONG “BARET”? TINAJEROS DAHIL SA MGA TAPAYAN? ALAMIN ANG KUWENTO SA PANGALAN NG ATING MGA BARANGAY!

Bawat pangalan ng barangay sa Malabon ay may kuwentong nag-uugnay sa atin sa nakaraan. May mga pangalang nagmula sa halaman at puno, mayroon sa anyo at lokasyon ng lugar, habang ang iba naman ay may kaugnayan sa kabuhayan, pananampalataya, at mga kuwentong ipinasa ng mga naunang Malabueño.

Halimbawa, ang Baritan ay iniuugnay sa baret, isang uri ng damong dating sagana sa lugar at ginagamit na pagkain ng mga kabayo. Ang Tinajeros naman ay nagmula sa tinajas o mga tapayan na dating ginagawa sa lugar. Samantala, ang Tugatog ay tumutukoy sa mataas o nakaangat na lugar, na angkop sa lokasyon nitong mas mataas kumpara sa maraming bahagi ng Malabon.

At hindi lang sila ang may kuwento.

Ngayong Buwan ng Kasaysayan, balikan natin ang pinagmulan ng mga pangalan ng 21 barangay ng Malabon at tuklasin kung paano naitala sa mga pangalang ginagamit natin hanggang ngayon ang dating anyo, pamumuhay, kultura, at kasaysayan ng ating lungsod.

Dahil ang kasaysayan ng Malabon ay hindi lamang matatagpuan sa mga lumang larawan at dokumento. Nasa mga pangalan din ito ng mga lugar na tinatawag nating tahanan.

30/07/2026

SOCA 2026 | Lungsod ng Malabon

Isang progresibo at hitik na pag-uulat ng mga nagawa, ginagawa at gagawin pa para sa lahat ng kapwa Malabueño. Salamat Mayor Jeannie Sandoval sa Isang komprehensibong pag-uulat sa bayan ng Malabon at nawa'y patuloy tayong umusbong at magtulong- tulong sa mas pinatatag pang bukas! 💙☺️

26/07/2026

Isang taos-pusong pagbati sa Iglesia ni Cristo sa kanilang pagdiriwang ng ika-112 taong Anibersaryo ng pagkakatatag nito. ☺️💙

Nawa'y patuloy kayong pagpalain ng Poong Maykapal ng karunungan, lakas, at pagkakaisa sa pagpapatuloy ng inyong mga adhikain at paglilingkod. Hangad namin ang patuloy na kapayapaan, kaunlaran, at tagumpay ng inyong samahan, gayundin ang mas marami pang taon ng paglilingkod at mabuting impluwensya sa lipunan.☺️

27/06/2026

Happy Fiesta - St. Peter and St. John Parish 🎉
Brgy. Potrero Malabon

Kami po ay patuloy nyong gabayan at palakasin sa araw-araw na hamon ng buhay. Salamat po sa patuloy na pagpapala at biyaya. 💙

21/06/2026

Happy Father's Day po 😊💙

Salamat po sa mga ama ng tahanan na walang sawang tumataguyod sa kanilang pamilya at buong puso na nagbibigay ng kalinga at pagmamahal. Saludo po kami sa inyong tatag upang magbigay ng magandang bukas para sa inyong mga pamilya.

Sa aking asawa at anak, Happy Father's Day at mahal ko kayo 😊

14/06/2026

Happy Fiesta - Sacred Heart of Jesus Parish 🎉☺️
Barangay Tugatog

Pasasalamat sa lahat ng biyaya at pag gabay na handog ng kanyang sagradong puso ☺️
Nawa'y tayo patuloy na manalangin na tayo ay pagtibayin at palakasin sa lahat ng Hamon ng ating buhay at bigyan ng puso na mapagmahal at mapagkumbaba.

Sacred Heart of Jesus, have mercy on us 💙

13/06/2026

Happy Fiesta Sr. San Antonio De Padua 🎉
Brgy. Tonsuya Malabon

Kami po ay patuloy nyong gabayan at palakasin sa araw-araw. Salamat sa patuloy na pagpapala Senior.

Viva Sr. San Antonio De Padua! ☺️

13/06/2026

Araw ng Tonsuya 2026
ZumBarangay for All ✨

Magiliw na pag indak at pagkembot ang hatid ng ibat-ibang grupo ng Zumba Ladies mula sa Tonsuya. Hindi lang kasiyahan kung hindi pati healthy lifestyle para sa mga mamamayan ng Brgy. Tonsuya hatid ng ating butihing Kapitana Jean "Pata" Bravo, mga Kagawad at lahat ng kawani ng barangay ☺️

12/06/2026

Maligayang Araw ng Kalayaan! 🇵🇭

Ating isapuso at isabuhay ang kabayanihan ng ating mga bayani at ninuno na lumaban upang makamit natin ang kalayaan na ating tinatamasa sa kasalukuyan. Maraming salamat po sa inyong kadakilaan!