07/11/2023
Isang Maganda at pinagpalang araw po sa bawat isa!✨
Ang halalan ito ay isang magandang karanasan sa bawat isa, na punong puno ng mga aral at masasayang alaala. May mga nabuong pagkakaibigan, at samahan na hindi inaasahan. May mga pangarap at hangaring nabuo, at may mga tinig na napakinggan.
Hindi naging madali ang halalan na ito sa bawat isa, may napagod, nasaktan, nasugatan, naging masaya, nalungkot, kinabahan may mga tensyon at 'di pagkakaunawaan at marahil mayroon din saatin ang nahirapan sa pagpili kung sino ba ang dapat na iboto. Iba't iba at halo halo man ang emosyon na ating naramdaman ito ay patunay lamang na mayroon tayong hangarin at magandang mithiin para sa ating barangay.
Kami po ng AKSYON KABATAAN ay lubos na nagpapasalamat sa suporta, tiwala, sa mga ngiti at sa pagmamahal ng bawat isa, salamat po sa pagsama saamin mula day 1 ng aming campaign hanggang sa mag bilangan ng mga boto ay hindi nyo po kami iniwan.
Una po sa lahat ay nais naming magpasalamat sa ating manlilikha na nagbigay ng lakas, biyaya, pangarap at ng mga taong makakasama namin sa lakbaying ito. Salamat po Lord, Ikaw po ang Siyang Higit sa lahat.✨
Sa ating butihing kapitan Jun Claro, lubos po ang aming pasasalamat sa inyong kabutihan. Salamat po sainyong tiwala, suporta at mga payo ito po ay aming babaunin sa bawat laban na aming gagawin.
Saaming mga magulang, kapatid at kaibigan, Salamat po sainyong pagmamahal at walang katapusang suporta, kayo ang aming naging takbuhan at sandalan sa bawat araw na nag daan, salamat po sainyo.
Sa aming mimi mhina at ate mcdo, Salamat po sa pag bibigay ng inyong 101% na tiwala, suporta, at pagmamahal. Salamat po sa pagbibigay ng inyo oras, sa pakikinig at sa mga pangaral.
At sa mga taong aming nakakasama hindi man po namin mabanggit ang mga pangalan nyo isa isa ay lubos po kaming nagpapasalamat sainyo, sa walang sawang pagsama nyo po sa aming kampanya, sa inyong lakas, boses at sa mga nilaang oras at panahon upang kami ay samahan.
At sainyo pong lahat, baranggay Ibaba. Mahal po namin kayo! Salamat po sa pag tanggap ninyo saamin, sa mga ngiti na inyong ipinakita at sa mga pangarap na inyong ibinahagi saamin.
Ang salitang Salamat po ay hindi sapat, upang ipadama sainyo kung gaano kaming pinagpala dahil sa mga buhay nyo po. Wala po kaming kakayahaan upang ibalik ang kabutihan ng bawat isa po sainyo ngunit naniniwala po kami na ang Lord ang Siyang magbabalik ng biyaya at pagpapala sainyo pong lahat.
Hindi man po kami pinalad ay asahan nyo parin po ang aming aksyon, at ang aming serbisyo para sa kabataan at sa barangay ibaba dahil na niniwala po kami na hindi hadlang ang posisyon upang maglingkod. Asahan nyo parin po ang aming tapat na serbisyo at ang aming hakbang para tumulong at upang sama sama tayong magtagumpay!
Congratulations sa ating bagong halal na Sk Chairman Vien Martin At sa mga Sk Kagawad, masaya kami para sainyo! Asahan ninyo ang aming suporta, gamitin nating oportunidad ito upang ibalik ang tiwalang ibinigay nila saatin, pagsilbihan natin ang bawat isa ng may pagmamahal, gaya ng kung paano nila tayo tinanggap. Pagpapala at dalangin namin ang inyong tagumpay!
Congratulations sa aking mga kagawad Ian Ferrer & Aj Sauza nawa'y ipagpatuloy nyo ang inyong mabuting hangarin para sa ating Kabataan naniniwala kami sainyong kakayahan, proud kami sainyo!
Muli, Kami po ang Aksyon Kabataan. Maraming maraming Salamat po sa inyong lahat!✨
