03/09/2026
NATIONWIDE SIMULTANEOUS SCHOOL SAFETY DRILL • ACTIVE ATTACK INCIDENTS
Ngayong Setyembre 3, 2026, nakiisa ang Pamahalaang Barangay ng Tañong, sa pakikipagtulungan ng Tañong Integrated School, sa isinagawang Nationwide Simultaneous School Safety Drill (NSSSD) na nakatuon sa paghahanda at wastong pagtugon sa mga posibleng Active Attack Incidents sa loob o paligid ng paaralan.
Layunin ng aktibidad na mapalakas ang kahandaan ng mga mag-aaral, g**o, school personnel, at mga katuwang na responders sakaling magkaroon ng insidenteng nagbabanta sa buhay at kaligtasan ng mga nasa paaralan. Binigyang-diin sa pagsasanay ang kahalagahan ng pagiging alerto, pagpapanatili ng kalmado, pagsunod sa mga itinalagang safety protocols, at pakikipag-ugnayan sa mga awtoridad.
Sa panahon ng drill, isinagawa ng school community ang mga itinakdang emergency response procedures, kabilang ang agarang pagpunta sa ligtas na lugar, pagsunod sa mga tagubilin ng school authorities, maayos na paglikas kung ito ay ligtas at ipinag-utos, at pagpapanatili ng disiplina upang maiwasan ang panic at kalituhan.
Naging mahalaga rin ang pakikilahok ng Pamahalaang Barangay ng Tañong sa pamamagitan ng koordinasyon at suporta sa paaralan upang masig**o ang maayos na pagsasagawa ng drill. Ang aktibidad ay nagsilbing pagkakataon upang masukat ang kahandaan, koordinasyon, komunikasyon, at pagtutulungan ng paaralan at barangay sa panahon ng isang emergency situation.
Sa kabuuan, naging matagumpay at makabuluhan ang Nationwide Simultaneous School Safety Drill for Active Attack Incidents. Nakatulong ito upang higit na mapalawak ang kamalayan ng school community tungkol sa kahalagahan ng kahandaan at wastong pagtugon sa mga emergency. Pinagtibay rin ng aktibidad ang ugnayan ng Tañong Integrated School at Pamahalaang Barangay ng Tañong tungo sa paglikha ng isang mas ligtas, handa, at responsableng komunidad ng paaralan.
“Maging Handa, Manatiling Kalmado, at Unahin ang Kaligtasan.”
Pamahalaang Barangay ng Tañong
Lungsod ng Malabon
