Barangay Potrero Malabon

06/05/2026

06/05/2026

‼️‼️‼️ MISSING CAT ‼️‼️‼️

VENCHI LAST SEEN MAY 1, 2026, AT SAMPAGUITA ST. ARANETA VILLAGE

REWARD: PHP. 5,000.00

CALL OR TEXT WITH ANY INFORMATION
09207881776 OR 09276641869

03/05/2026

Barangay Tanods Sunday Activity – Operation Linis 🧹🧡

Maagang kumilos ang ating masisipag na Barangay Tanods ngayong Linggo para sa Operation Linis.

Ang simpleng gawaing ito ay malaking ambag sa kalusugan, kaligtasan, at disiplina ng bawat isa. Patunay na sa sama-samang pagkilos, nagiging posible ang isang malinis at maayos na komunidad. ✨

📌 Paalala sa lahat:
• Mag-segregate ng basura
• Iwasan ang single-use plastic
• Makibahagi sa mga programang pangkalinisan

Tuloy-tuloy lang po tayo sa para sa mas maayos, ligtas, at maunlad na Barangay! 🧡

30/04/2026

𝗜𝘀𝗮𝗻𝗴 𝗣𝗮𝗴𝗸𝗶𝗹𝗮𝗹𝗮 𝘀𝗮 𝗕𝗼𝘀𝗲𝘀 𝗻𝗴 𝗞𝗮𝗯𝗮𝗯𝗮𝗶𝗵𝗮𝗻𝗴 𝗣𝗶𝗹𝗶𝗽𝗶𝗻𝗼! 💜

Ngayong ika-30 ng Abril 2026, ipinagdiriwang natin ang ika-89 na anibersaryo ng makasaysayang plebisito noong 1937. Ito ang araw na pormal na nakamit ng mga Pilipina ang kanilang karapatang bumoto.

Ang inyong boto ay hindi lamang bahagi ng kasaysayan; ito ay simbolo ng inyong kapangyarihan at pagkakapantay-pantay sa ating demokrasya. Sa bawat marka sa balota, patuloy nating pinapalakas ang boses ng bawat kababaihan.

Mabuhay ang mga Pilipinang botante! 🗳️🌷🇵🇭

30/04/2026

Free clinic tomorrow at Atis Covered Court! See u! 💪🏐

28/04/2026

27/04/2026

Coordination Meeting para sa mga Samahang may Kapistahan ngayong Mayo 🎉
📅 April 27, 2026

Ready na ba ang banderitas, sayawan at paliga? 😉

Pero bago ang saya, plano muna para siguradong panalo ang kapistahan!

Dinaluhan ng mga opisyales ng Samahang Magkakapitbahay at Samahan ng mga Kabataan ang coordination meeting para plantsahin ang mga aktibidad ngayong Mayo, para siguradong masaya na, maayos pa, at higit sa lahat, ligtas!

Kasama sa pulong sina Punong Barangay Sheryl C. Nolasco, Brgy. Kag. Mhel Macapagal, Brgy. Kag. Khate Nolasco, SKC Allaiza Mae M. Alamo, at ang ating mga SK Kagawad, solid ang teamwork ng pamunuan at kabataan para sa isang disiplinadong selebrasyon. 💪

🧡 Good news: Buong suporta ang Barangay sa inyong mga aktibidad!

📌 Iba pang napag-usapan (para iwas aberya):
• ⏰ May oras ang paliga — para tuloy ang saya, pero iwas istorbo sa kapitbahay
• 🚫 Bawal ang alak at yosi sa kalsada kahit kapistahan, disiplina pa rin! (Alinsunod sa pagpapatupad ng DILG, PNP, at mga City Ordinance)

Sa huli, ang goal natin: Kapistahang masaya, pero responsable! 🎊 Yung tipong may saya na, may disiplina pa! 🥳

27/04/2026

Pangkaraniwang Sesyon ng Sangguniang Barangay Potrero 🏛️
📅 April 27, 2026

Isinagawa ngayong araw ang Pangkaraniwang Sesyon ng Sangguniang Barangay Potrero kung saan tinalakay ang mga mahahalagang panukala at programa para sa patuloy na kaunlaran ng ating komunidad.

📌 Mga Tinalakay sa Sesyon:

A. Mga Panukalang Ordinansa
• Wellness Zone Ordinance (3rd Reading) – Tagapanukala: SKC Allaiza Mae M. Alamo
▸ Pagtatatag ng Potrero Wellness and Active Mobility Zone upang isulong ang car-free lifestyle, climate resilience, at kalusugan ng komunidad, kasama ang kaukulang pondo at parusa sa mga lalabag.

• Pre-Emptive at Mandatory Evacuation (2nd Reading) – Tagapanukala: Brgy. Kag. Walter D. Guevarra
▸ Pagtatatag ng sapilitang evacuation sa mga high-risk areas tuwing may sakuna, pagtatalaga ng evacuation centers, at pagpataw ng parusa sa hindi susunod.

• Fees on Trucks (1st Reading) – Tagapanukala: Brgy. Kag. Walter D. Guevarra
▸ Pagpapataw ng bayarin sa mga truck na nag-ooperate sa nasasakupan ng Barangay Potrero.

B. Mga Panukalang Resolusyon
• Tagapanukala: Brgy. Kag. Melinda H. Macapagal
▸ Pag-apruba at pag-adopt ng Annual Investment Plan (AIP) para sa Fiscal Year 2027.

• Tagapanukala: Brgy. Kag. Melinda H. Macapagal
▸ Rekomendasyon sa pagbabawas ng oras ng mga paliga sa gabi upang makatipid sa kuryente at mapanatili ang kaayusan at kapayapaan at patuloy na suporta sa implementasyon ng Safer Cities Initiative.

• Tagapanukala: Brgy. Kag. Walter D. Guevarra
▸ Pagpapatibay ng Registry of Barangay Inhabitants and Migrants (RBIM) bilang opisyal na database system ng barangay.

✅ Mahalagang Napagpasyahan:
• Inaprubahan ang Appropriations Ordinance No. 1, Series of 2026, na tinalakay ni Brgy. Kag. Melinda H. Macapagal at ipinrisinta ni Brgy. Treasurer Vanessa Marie Mercado.

Patuloy ang ating Sangguniang Barangay sa paggawa ng mga polisiya at programang maghahatid ng mas maayos, ligtas, at maunlad na Barangay Potrero. 🧡

27/04/2026

Enrollment Day | Potrero Learning Center at Eskwelahang Munti 📚✨

Ngayong araw, April 27, 2026, matagumpay na isinagawa ang enrollment para sa mga daycare center ng Barangay Potrero.

Kabuuang 135 magulang ng ating mga batang Potrero ang nagtungo sa Barangay Hall, upang ipatala ang kanilang mga anak sa Potrero Learning Center at Eskwelahang Munti.

Patuloy nating susuportahan ang maagang pagkatuto ng ating mga bata, dahil naniniwala tayo na sa bawat batang natuturuan, may pamilyang nabibigyan ng pag-asa. 🧡

27/04/2026

🇵🇭 Flag Ceremony | Barangay Potrero

Magandang umaga mula sa ating lingguhang flag ceremony, isang paalala ng ating paninindigan bilang mga lingkod-bayan na maglingkod nang may integridad, disiplina, at malasakit.

Sa mga nakaraang araw, matagumpay nating naisagawa ang iba’t ibang programa tulad ng paggunita sa Mahal na Araw, Medical Mission, Operation Tuli, Senior Citizen Social Pension Payout, Operation Linis, pati ang pagtanggap sa international delegates ng Zero Waste Academy. Naging bahagi rin tayo ng “Yes to Ayos” Launch ng Metropolitan Manila Development Authority, at ang makabuluhang Pawrun with Furrparent.

Ang lahat ng ito ay patunay na kapag nagkakaisa, kaya nating maghatid ng maayos, organisado, at makabuluhang serbisyo para sa ating komunidad.

Patuloy nating paigtingin ang kalinisan, kaayusan, at disiplina, lalo na sa ating adhikaing Zero Waste at “Yes to Ayos.”

✨ Hindi lang ito trabaho, ito ay serbisyo para sa bayan.

Mabuhay ang Barangay Potrero!
Mabuhay ang Pilipinas! 🇵🇭

26/04/2026

26/04/2026

🐾PAW-RUN WITH FURRENTS: SEASON 2 🐾

Isang masayang araw na puno ng pagmamahal para sa ating mga alagang hayop ang matagumpay na naisagawa ngayong araw sa harap ng Barangay Potrero Hall! 🐶🐱

Pinagsama-sama ang kalusugan, kasiyahan, at malasakit sa pamamagitan ng fun run, pet blessing, pet registration, at iba’t ibang aktibidad tulad ng libreng check-up at vaccination, photo booth, at pet merchandise bazaar. 🐾✨

Lubos nating ikinagagalak ang pagdalo at suporta nina Konsehal Nadja Vicencio, PB Sheryl Nolasco, Brgy. Kag. Mhel Macapagal, SK Chairperson Allaiza Alamo, at ng Potrero United Youth Organization (PUYO) na patuloy na kaagapay sa mga programang nagbibigay halaga sa ating komunidad at mga fur babies.

Maraming salamat sa lahat ng nakiisa at mga sponsors. Patuloy nating ipakita ang malasakit hindi lamang sa ating kapwa, kundi pati na rin sa ating mga alagang hayop. 🐾🧡