L E D I P O Malabon

01/09/2026

🚨 ABISO MULA SA KAGAWARAN NG KALUSUGAN (DOH)

MAGING HANDA SA EPEKTO NG HAZE SA KALUSUGAN! 😷

Dahil sa hanging Habagat, umabot na sa ilang bahagi ng Luzon at Visayas ang usok mula sa mga forest fire sa Kalimantan, Indonesia.

Ang haze ay maaaring magdulot ng hirap sa paghinga, pag-ubo, pananakit ng dibdib, pangangati o pagluluha ng mga mata, at maaari ring magpalala ng mga sakit sa baga tulad ng hika.

🔵 Dobleng pag-iingat para sa mga bata, senior citizen, at mga may dati nang karamdaman sa baga o puso.

📌 Mga paalala:
• Magsuot ng mask kung kinakailangang lumabas ng bahay.
• Iwasang manatili nang matagal sa labas kung mataas ang antas ng haze.
• Alamin ang lagay ng air quality sa inyong lugar.
• Agarang humingi ng medikal na atensyon kung makaranas ng matinding hirap sa paghinga o iba pang malubhang sintomas.

Unahin ang kaligtasan at kalusugan ng bawat isa. Manatiling alerto at handa sa banta ng haze.

01/09/2026

Bilang pag-iingat sa posibleng epekto ng mababang kalidad ng hangin, hinihikayat ko po ang lahat na magsuot ng face mask kapag kinakailangang lumabas ng bahay.

Patuloy po na minomonitor ang kondisyon ng hangin sa Malabon at sa iba pang bahagi ng Metro Manila upang makapagbigay ng kaukulang paalala at impormasyon sa ating mga kababayan lalo po sa mga kabataan, senior citizens, buntis, at mga may asthma at may karamdaman puso.

Kung maaari po ay iwasan muna ang matagal na pananatili at mabibigat na gawain sa labas, at manatili sa loob ng bahay kung hindi naman kailangang lumabas.

Posibleng may kaugnayan ang haze o usok sa mababang kalidad ng hangin na nararanasan natin dahil sa mga forest at land fires sa Kalimantan, Indonesia.

31/08/2026

PAGPUPUGAY SA MGA BAYANI NG ATING BAYAN

Ngayong Araw ng mga Bayani, nagbibigay-pugay tayo sa mga Pilipinong nag-alay ng kanilang buhay, tapang, at lakas para sa kalayaan at kinabukasan ng ating bayan.

Ngunit ang kabayanihan ay hindi lamang bahagi ng kasaysayan.

Sa bawat pagtulong, pagdamay, pagiging tapat, at paggawa ng tama, maaari rin tayong maging bayani sa ating kapwa at komunidad.

🇵🇭 Mabuhay ang mga bayani ng kahapon. Mabuhay ang mga bayaning Malabueño ngayon.

31/08/2026

Sama-sama po nating gunitain ang National Heroes Day upang bigyang pagpupugay ang pakikipaglaban ng ating mga bayani para sa kalayaan ng ating bansa.

Ang kanilang mga iniwang aral at hindi matatawarang pagmamahal sa bayan ang isa sa mga nagbibigay sa atin ng inspirasyon upang pagbutihan ang paglilingkod sa publiko.

Maligayang Araw ng mga Bayani!

30/08/2026

ANUNSIYO | Alinsunod sa Proclamation No. 1006 s. 2006, idineklarang regular holiday ng Malacañang ang Agosto 31, 2026, Lunes bilang paggunita sa National Heroes Day (Araw ng mga Bayani).

Kaugnay nito, walang pasok sa lahat ng paaralan at maging sa mga tanggapan ng lokal na pamahalaan. Samantala, mananatili namang operational ang mga opisinang kabilang sa health, emergency at disaster response.

30/08/2026

29/08/2026

Philippine Information Agency (PIA)

29/08/2026

ABISO SA MALAKAS NA PAG-ULAN

🔴 Kasalukuyang nakataas ang Red Rainfall Warning sa Metro Manila dahil sa patuloy na pag-ulan dulot ng Southwest Monsoon o Habagat, base sa pinakahuling update ng PAGASA ngayong Agosto 29, 2026 (Sabado), 11:00 AM.

Inaasahan ang seryosong pagbaha, lalo na sa mga flood-prone at mabababang lugar.

Samantala, nakataas din ang Red Warning Level sa Zambales, Bataan, Pampanga, Bulacan, at ilang bahagi ng Tarlac, Batangas, Cavite, at Rizal, kung saan inaasahan din ang seryosong pagbaha sa mga lugar na madaling bahain.

🟠 Nasa Orange Warning Level naman ang Laguna at ilang bahagi ng Tarlac, Batangas, Cavite, at Rizal, kung saan nagbabanta ang pagbaha sa mga flood-prone areas.

🟡 Nasa Yellow Warning Level ang Nueva Ecija at ilang bahagi ng Quezon at Batangas, kung saan posible rin ang pagbaha sa mga lugar na madaling bahain.

Ayon sa PAGASA, nakararanas din ng mahina hanggang katamtamang pag-ulan na may panaka-nakang malalakas na buhos ang ilang bahagi ng Quezon, na maaaring magpatuloy sa loob ng susunod na tatlong oras.

📢 PAALALA SA LAHAT:
Patuloy na maging alerto at subaybayan ang lagay ng panahon. Iwasang tumawid o dumaan sa mga lugar na binabaha at agad na sumunod sa mga abiso at paalala ng mga awtoridad. Hintayin ang susunod na rainfall warning na ilalabas bandang 2:00 PM ngayong araw.

Manatiling ligtas, alerto at handa, mga Malabueño!

28/08/2026

ABISO SA MALAKAS NA PAG-ULAN

🟠 Kasalukuyang nakataas ang Orange Rainfall Advisory sa Metro Manila dahil sa patuloy na pag-ulan dulot ng Southwest Monsoon o Habagat, base sa pinakahuling update ng PAG-ASA ngayong Agosto 28, 2026 (Biyernes) 3:15 PM

Inaasahan ang pagbaha, lalo na sa mga lugar na flood-prone at mabababang lugar.

Samantala, nakataas ang Red Warning Level sa ilang bahagi ng Pampanga, Bataan, Zambales, Bulacan at Tarlac, na may banta ng seryosong pagbaha sa mga lugar na madaling bahain.

🟡 Nasa Yellow Warning Level naman ang ilang bahagi ng Nueva Ecija, Cavite, Batangas at Laguna, kung saan posible rin ang pagbaha sa mga flood-prone areas.

Ayon sa PAGASA, inaasahan ang light to moderate rains na may panaka-nakang malalakas na pag-ulan sa ilang bahagi ng Laguna sa loob ng susunod na tatlong oras. Posible ring makaapekto ang mga pag-ulan sa mga kalapit na lugar.

📢 PAALALA SA LAHAT:
Patuloy na maging alerto at subaybayan ang lagay ng panahon. Iwasang tumawid o dumaan sa mga lugar na binabaha at agad na sumunod sa mga abiso at paalala ng mga awtoridad. Hintayin ang susunod na rainfall warning na ilalabas bandang 6:15 PM ngayong araw.

Manatiling ligtas, alerto at handa, mga Malabueño!

28/08/2026