11/10/2026
MAY MALALAPITANG TULONG, HUWAG IPAGWALANG-BAHALA ANG IYONG KALUSUGAN
May mga pagbabagong madaling ipagpaliban dahil “baka wala lang.” Pero pagdating sa kalusugan, mahalagang pakinggan ang katawan at magpakonsulta kapag may napansing bukol, pagbabago sa hugis o balat ng suso, kakaibang discharge, o iba pang hindi pangkaraniwang sintomas.
Ngayong Breast Cancer Awareness Month, nakikiisa ang Pamahalaang Lungsod ng Malabon sa temang “Every Story is Unique, Every Journey Matters.” Paalala ito na magkakaiba ang karanasan ng bawat isa, kaya mahalaga ang tamang impormasyon, maagang pagpapatingin, at suportang may pag-unawa at malasakit.
Sa Malabon, hindi kailangang sarilinin ang pag-aalala tungkol sa iyong kalusugan. Maaaring lumapit sa pinakamalapit na health center para sa konsultasyon at tamang gabay. Naroon ang mga health professional na handang makinig, magsuri, at tumulong sa susunod na hakbang kung kailangan ng karagdagang pagsusuri o referral.
Kaya kung may napansing kakaiba, huwag ipagpaliban ang pagpapatingin. Lumapit at magtanong. May serbisyong handang gumabay at umalalay sa iyo sa pangangalaga ng iyong kalusugan 💙
