09/06/2026
MALIMU!
Sa tanan namong kaigsoonan sa Barangay Sapu Padidu ug sa mga kasikbit nga lugar, among gipahibalo nga tungod sa bag-ohay lang nga kusog nga linog nga nakaigo sa Mindanao, daghang pamilya ang naapektuhan sa among barangay. Sumala sa mga report, adunay daghang kabalayan nga nadaot ug adunay mga residente nga wala nay matulogan. Nasinatian usab ang pagkawala sa kuryente, signal sa komunikasyon, ug kakulangan sa limpyo nga tubig nga mainom.
Busa, ang SK Sapu Padidu naghangyo sa tanang may kasingkasing nga motabang ug mohatag sa ilang suporta alang sa mga apektado sa kalamidad. Ang inyong mga donasyon sama sa tubig nga mainom, pagkaon, habol, hygiene kits, ug uban pang kinahanglanon dako kaayong tabang sa mga pamilya nga naapektuhan.
Padayon kita sa pag-ampo alang sa kaluwasan sa matag usa ug sa dali nga pagbangon sa atong komunidad gikan niining kalisod. Gina-awhag usab ang tanan nga magmatngon ug mosunod sa mga pahimangno sa mga otoridad ilabina kon adunay mga aftershock.
Alang sa dugang nga impormasyon ug koordinasyon sa mga donasyon ug relief operations, palihug pakigkontak sa SK Chairperson sa kani nga numero:
09096700138
Magtinabangay kita alang sa mas lig-on ug luwas nga Sapu Padidu.
Daghang salamat ug amping kanunay.
SK Sapu Padidu
