Katipunan Student Movement - Kasama CSSP

Directions Contact the organization

Katipunan Student Movement - Kasama CSSP You are now seeing the timeline of the official page of KASAMA BulSU College of Social Sciences and Philosophy chapter.

BulSUans, LUMAHOK, LUMABAN at LUMAYA!

HINDI LANG PAGGUNITA. PANININDIGAN.Setyembre 21. Hindi ito simpleng petsa sa kalendaryo.Ito ang araw na dapat nating ala...
20/09/2026

HINDI LANG PAGGUNITA. PANININDIGAN.

Setyembre 21. Hindi ito simpleng petsa sa kalendaryo.

Ito ang araw na dapat nating alalahanin kung paano ninakaw sa bayan ang kalayaan, kung paano ginawang sandata ang estado laban sa mamamayan, at kung paano pinatahimik ang mga tumindig.

At habang may mga nagtatangkang baluktutin ang kasaysayan, tungkulin nating magsalita. Magtanong. Manindigan.
Dahil ang Never Again ay hindi lamang sigaw tuwing anibersaryo. Panata itong huwag hayaang maulit ang dahas, pang-aabuso, at pagyurak sa karapatan ng mamamayan.

Hindi kami makakalimot. Hindi kami mananahimik. Hindi kami uurong.

SEPTEMBER 21 | 1 PM | CSSP GROUNDS๏ฟฝ
WEAR BLACK. WALK OUT. REMEMBER. RESIST.

KONSENSIYA NG BAYAN, WALK OUT NA!

๐—•๐—จ๐—ž๐—”๐—ฆ ๐—ก๐—” ๐—Ÿ๐—œ๐—›๐—”๐—  ๐—ฃ๐—”๐—ฅ๐—” ๐—ฆ๐—” ๐—”๐——๐— ๐—œ๐—ก๐—œ๐—ฆ๐—ง๐—ฅ๐—”๐—ฆ๐—ฌ๐—ข๐—ก ๐—ก๐—š ๐—•๐—จ๐—Ÿ๐—ฆ๐—จMahal na Administrasyon ng Bulacan State University,Mas matimbang ba ang m...
07/09/2026

๐—•๐—จ๐—ž๐—”๐—ฆ ๐—ก๐—” ๐—Ÿ๐—œ๐—›๐—”๐—  ๐—ฃ๐—”๐—ฅ๐—” ๐—ฆ๐—” ๐—”๐——๐— ๐—œ๐—ก๐—œ๐—ฆ๐—ง๐—ฅ๐—”๐—ฆ๐—ฌ๐—ข๐—ก ๐—ก๐—š ๐—•๐—จ๐—Ÿ๐—ฆ๐—จ

Mahal na Administrasyon ng Bulacan State University,

Mas matimbang ba ang mga numero sa kalendaryo kaysa sa kaligtasan ng inyong mga iskolar?

Nauunawaan naming may mga akademikong kalendaryong kailangang sundin at may mga araw na kailangang habulin. Ngunit nais naming itanong: sa gitna ng panganib, sino ba ang dapat unang pinoprotektahan ng isang institusyong nagsasabing ang edukasyon ay para sa kabataan? Hindi namin hinihingi ang pagkansela ng klase dahil lamang sa abala. Hinihiling lang namin ang isang administrasyong marunong tumingin lampas sa petsa sa kalendaryoโ€”isang administrasyong kinikilala na may mga estudyanteng kailangang bumiyahe, tumawid sa mga lansangan, at ilagay sa alanganin ang sariling kaligtasan para lamang hindi maiwan sa klase.

Hindi dapat maging kapalit ng pagkatuto ang kaligtasan. Hindi dapat mapilitan ang mga iskolar na mamili kung papasok ba sila o iingatan ang kanilang sarili.

Kaya sa inyo kami direktang nananawagan: gamitin ninyo ang inyong kapangyarihan upang unahin ang kaligtasan ng mga estudyante. Maging malinaw, maagap, at makatao sa inyong mga desisyonโ€”lalo na sa mga panahong hindi na sapat ang simpleng pagsunod sa kalendaryo.

BulSU, para kanino ang mga desisyon ninyo?

Para sa mga numerong kailangang habulin sa akademikong kalendaryo? O para sa mga iskolar na araw-araw ninyong inaasahang haharap sa panganib upang makapasok?

Sapagkat ang semestre ay maaaring habulin. Ang mga araw ng klase ay maaaring baguhin.

Ngunit ang kaligtasan ng inyong mga estudyante ay hindi dapat isugal.

BulSU, para kanino ka ba talaga?

๐”๐๐€๐‡๐ˆ๐ ๐€๐๐† ๐Š๐€๐๐€๐Š๐€๐๐€๐ ๐๐† ๐Œ๐€๐’๐€๐๐† ๐„๐’๐“๐”๐ƒ๐˜๐€๐๐“๐„, ๐๐”๐‹๐’๐” ๐€๐ƒ๐Œ๐ˆ๐, ๐‡๐„๐€๐‘ ๐”๐’ ๐Ž๐”๐“!Mariing inaapela ng KASAMA CSSP ang Joint Memorandum...
06/09/2026

๐”๐๐€๐‡๐ˆ๐ ๐€๐๐† ๐Š๐€๐๐€๐Š๐€๐๐€๐ ๐๐† ๐Œ๐€๐’๐€๐๐† ๐„๐’๐“๐”๐ƒ๐˜๐€๐๐“๐„, ๐๐”๐‹๐’๐” ๐€๐ƒ๐Œ๐ˆ๐, ๐‡๐„๐€๐‘ ๐”๐’ ๐Ž๐”๐“!

Mariing inaapela ng KASAMA CSSP ang Joint Memorandum No. 21, s. 2026 ng Bulacan State University na nag-uutos ng pagpapatuloy ng face-to-face/on-site midterm examinations sa kabila ng patuloy na pagbaha at epekto ng Habagat sa maraming bahagi ng Bulacan.
Nauunawaan namin ang layunin ng pamantasan na panatilihin ang academic integrity. Ngunit hindi maaaring ihiwalay ang akademikong proseso sa aktuwal na kalagayan ng mga estudyante. Sa panahong may mga BulSUan pa ring stranded, nasa evacuation centers, at hindi makatawid dahil sa baha at hindi ligtas na kalsada, hindi sapat na tugon ang pag-aalok lamang ng special examination sa mga hindi makadadalo.

Ayon sa datos, higit-kumulang 5,000 BulSUan ang hindi kayang maka-attend ng klase dahil sa nararanasang sama ng panahon. Sa ganitong sitwasyon, malinaw na hindi pa maituturing na handa ang buong student body para sa midterm examinations. Hindi hinihingi ng mga estudyante ang spoon-feeding ng kanilang mga akademikong responsibilidad. Hinihingi nila ang makatao at makatarungang konsiderasyon sa isang sitwasyong wala silang kontrol. Ang special examination ay hindi kapalit ng ligtas na kondisyon para sa lahat. Ang pagiging โ€œon-siteโ€ ay hindi maaaring maging pamantayan ng kahandaan habang ang ilang estudyante ay hindi man lamang makaalis sa kanilang mga tahanan.

Kaya nananawagan ang KASAMA CSSP sa administrasyon ng Bulacan State University na muling isaalang-alang ang desisyong ito:

- SUSPENDIHIN ANG MGA KLASE HANGGAโ€™T MAY BULSUAN PANG MAIIWAN SA BAHA.
- IPOSTPONE ANG MIDTERM EXAMINATIONS HANGGAโ€™T HINDI PA LIGTAS AT HANDA ANG MGA ESTUDYANTE.

Sa gitna ng kalamidad, dapat unang isinasaalang-alang ang buhay at kaligtasan ng BulSUan. Hindi dapat kailangang mamili ng estudyante sa pagitan ng pagkuha ng pagsusulit at pagprotekta sa sarili at pamilya.

KASAMA CSSP calls on the University Administration: Makinig sa BulSUan. Ipagpaliban ang midterms. Suspendihin ang klase hanggaโ€™t mayroong BulSUan na naiiwan.

We are reaching out to our fellow students, friends, and members of the BulSU community to extend our support to Joshua ...
02/09/2026

We are reaching out to our fellow students, friends, and members of the BulSU community to extend our support to Joshua Tinampay of BSSW 2-A and his family following the loss of his sibling.

As the family prepares for the wake and its related expenses, we humbly ask for your support through this Donation Drive for the Tinampay Family. Any amount, no matter how small, will be greatly appreciated and will help the family during this difficult time.

For donations:
GCash: Jamaica T. | 09635835118

Your prayers, generosity, and kindness will mean so much to Joshua and his family.

๐—›๐—œ๐—š๐—›๐—Ÿ๐—œ๐—š๐—›๐—ง๐—ฆ | KASAMA CSSPSa bawat hakbang ng Kilos-Bulacan, bitbit ng mga Bulakenyo ang galit, panawagan, at pag-asa ng m...
31/08/2026

๐—›๐—œ๐—š๐—›๐—Ÿ๐—œ๐—š๐—›๐—ง๐—ฆ | KASAMA CSSP

Sa bawat hakbang ng Kilos-Bulacan, bitbit ng mga Bulakenyo ang galit, panawagan, at pag-asa ng mga komunidad na matagal nang naghihintay ng tunay na pagbabago.

Mula sa lansangan hanggang sa harap ng Provincial Capitol, umalingawngaw ang panawagan para sa pananagutan sa mga proyektong hindi nagsisilbi sa mamamayan, pagprotekta sa kabuhayan at kalikasan, at agarang pagtugon sa krisis sa baha.

Hindi tahimik ang Bulacan. Hindi mananatiling tahimik ang BulSUan.

Ang laban kontra baha, korapsyon, at pagkasira ng kalikasan ay laban para sa kinabukasan ng bawat Bulakenyo.


31/08/2026

BUSINA LABAN SA KORAP!
KILOS BULACAN! MAGKAISA, MANINDIGAN, AT IPARINIG ANG GALIT NG TAUMBAYAN!

31/08/2026

๐—ก๐—”๐—š๐—”๐—š๐—”๐—ก๐—”๐—ฃ ๐—ก๐—š๐—”๐—ฌ๐—ข๐—ก

Tuluyan nang umuusad ang Kilos-Bulacan mula sa harap ng Motorlandia patungong Provincial Capitol, kasama ang Philippine Movement for Climate Justice, Bigkis Bulacan, BulSU Office of the Student Regent, at iba pang samahan at organisasyon.

Hindi baha lamang ang ating nilalabanan. Katuwang ng bawat rumaragasang tubig ang kapabayaan, korapsyon, at mga proyektong higit na pumapabor sa iilan habang patuloy na isinasakripisyo ang kabuhayan at seguridad ng mamamayan.

Mula sa BulSUan hanggang sa bawat komunidad na paulit-ulit na nilulubog ng baha, malinaw ang panawagan: pananagutan, hindi palusot. Serbisyo, hindi negosyo. Kaligtasan at kabuhayan ng mamamayan, hindi tubo ng iilan.

Ngayon, hindi na lamang tayo nanonood. Naniningil tayo. Nakikilahok tayo. At sama-sama nating ipinapahayag ang tinig ng BulSUan at ng mamamayang Bulakenyo.

Tindig, makiisa, at kumilos. Ang Bulacan ay atin.


HINDI PA HANDA ANG BULSUANs, SUSPEND CLASSES NOW!Mariing kinukundena ng KASAMA BulSU CSSP ang desisyon ng Bulacan State ...
25/08/2026

HINDI PA HANDA ANG BULSUANs, SUSPEND CLASSES NOW!

Mariing kinukundena ng KASAMA BulSU CSSP ang desisyon ng Bulacan State University na ituloy ang face-to-face classes sa kabila ng panawagan ng mga BulSUan na hindi pa ligtas at hindi pa handa ang marami sa pagbabalik sa campus.

Hindi ito simpleng usapin ng attendance. May mga estudyanteng manggagaling sa mga komunidad na lubog sa baha. May mga daang hindi madaanan. May mga pamilyang hanggang ngayon ay naglilinis ng putik sa kanilang mga bahay. At ang sagot ng pamantasan? Face to face Classes.

Mas lalong nakakainsulto ito habang sariwa pa ang usapin sa mahigit โ‚ฑ41 bilyong flood control projects sa Bulacan. Sa isang pagpupulong ngayong araw, kinailangan pang magpaliwanag ni Gov. Daniel Fernando tungkol sa nauna niyang pahayag na hindi niya alam ang tungkol sa mga naturang proyekto. Habang nagtuturuan kung sino ang may alam sa flood control, ang BulSUan naman ang lumulusong sa baha.

Ito ang realidad na hindi kayang tabunan ng memo, announcement, o attendance sheet.
Hindi namin kailangan ng pamantasang marunong lamang magbilang ng absent. Kailangan namin ng pamantasang marunong makinig.

Kung hindi pa kayang tiyakin ang ligtas na pagpasok at pag-uwi ng mga estudyante, walang dapat ipilit na face-to-face.

BulSU, makinig sa mga BulSUan. Huwag gawing basta quotes kapag ang estudyante at kaligtasan ang pinag-uusapan.

๐—›๐—ถ๐—ป๐—ฑ๐—ถ ๐—ฑ๐—ฎ๐—ฝ๐—ฎ๐˜ ๐—ธ๐—ฎ๐—ถ๐—น๐—ฎ๐—ป๐—ด๐—ฎ๐—ป๐—ด ๐—บ๐—ฎ๐—บ๐—ถ๐—น๐—ถ ๐—ป๐—ด ๐—•๐˜‚๐—น๐—ฆ๐—จ๐—ฎ๐—ป ๐˜€๐—ฎ ๐—ฝ๐—ฎ๐—ด๐—ถ๐˜๐—ฎ๐—ป ๐—ป๐—ด ๐—ธ๐—ฎ๐—น๐—ถ๐—ด๐˜๐—ฎ๐˜€๐—ฎ๐—ป ๐—ฎ๐˜ ๐—ฟ๐—ฒ๐—พ๐˜‚๐—ถ๐—ฟ๐—ฒ๐—บ๐—ฒ๐—ป๐˜๐˜€.Sa panahong patuloy ang malalakas na u...
10/08/2026

๐—›๐—ถ๐—ป๐—ฑ๐—ถ ๐—ฑ๐—ฎ๐—ฝ๐—ฎ๐˜ ๐—ธ๐—ฎ๐—ถ๐—น๐—ฎ๐—ป๐—ด๐—ฎ๐—ป๐—ด ๐—บ๐—ฎ๐—บ๐—ถ๐—น๐—ถ ๐—ป๐—ด ๐—•๐˜‚๐—น๐—ฆ๐—จ๐—ฎ๐—ป ๐˜€๐—ฎ ๐—ฝ๐—ฎ๐—ด๐—ถ๐˜๐—ฎ๐—ป ๐—ป๐—ด ๐—ธ๐—ฎ๐—น๐—ถ๐—ด๐˜๐—ฎ๐˜€๐—ฎ๐—ป ๐—ฎ๐˜ ๐—ฟ๐—ฒ๐—พ๐˜‚๐—ถ๐—ฟ๐—ฒ๐—บ๐—ฒ๐—ป๐˜๐˜€.

Sa panahong patuloy ang malalakas na ulan, baha, at panganib sa pagbiyahe, hindi sapat ang simpleng โ€œmay deadlineโ€ bilang sagot sa kalagayan ng mga estudyante. Kung may konsiderasyon sa sitwasyon, dapat may leniency sa requirements, deadlines, at academic demandsโ€”hindi dagdag na pasanin.

Hindi rin dapat nagtatambak ng requirements habang nagtatambak ang ulan. Ang edukasyon ay hindi dapat isinasagawa na parang walang nangyayari sa labas ng classroom. May mga estudyanteng bumibiyahe, bumabaha ang daan, nawawalan ng kuryente o internet, at inuuna ang sariling kaligtasan at pamilya bago ang isang requirement.

At kung may champorado man akong gustong makita sa administrasyon, โ€˜yung champoradong inuuna ang kapakanan ng BulSUans.

Ang tunay na malasakit sa estudyante ay hindi nasusukat sa dami ng requirements na naipasa, kundi sa kung paano pinoprotektahan ang kapakanan ng bawat BulSUan sa panahong higit nilang kailangan ang pag-unawa.

Kapakanan muna bago deadline.
Kaligtasan muna bago requirements.
BulSUans muna.

DEFEND OUR PEOPLE, LANDS, & RESOURCES! SAY NO TO PAX SILICA!Mahigit kalahating milyong Pilipino na ang lumagda sa mga on...
05/08/2026

DEFEND OUR PEOPLE, LANDS, & RESOURCES! SAY NO TO PAX SILICA!

Mahigit kalahating milyong Pilipino na ang lumagda sa mga online petition laban sa Pax Silica, at patuloy pang lumalakas ang panawagan para sa agarang imbestigasyon at pagpapatigil sa mapaminsalang kasunduan.

Habang target ng pamahalaan ng Pilipinas at Estados Unidos na maiselyo ang kasunduan bago ang inaasahang pagbisita ni US President Trump sa ASEAN Summit ngayong Nobyembre, higit na mahalagang maunawaan ang mga implikasyon nito sa ating lupa, kabuhayan, soberanya, at kinabukasan.

Makilahok sa forum at alamin kung bakit lumalawak ang pagtutol ng ibaโ€™t ibang sektor sa Pax Silica, at kung paano natin maisusulong ang pananagutan at tunay na pampublikong konsultasyon.

Makialam. Makilahok. Makibaka.

Address

Malolos

Website

Alerts

Be the first to know and let us send you an email when Katipunan Student Movement - Kasama CSSP posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Katipunan Student Movement - Kasama CSSP:

Shortcuts

Share

Category