http://twitter.com/banyuhay_bulsu

Banyuhay, Malolos (2026)

11/11/2021

SURFACE STEVE ABUA NOW!

Sumama sa pagkilos bukas sa Black Friday Protest at sama-sama nating igiit ang panawagan na ilitaw na ng estado
si Steve Abua! Gayundin ang panawagan na itigil na ang atake sa mga mamamayan at ang patuloy nitong panunupil sa gitna
ng krisis sa kalusugan, ekonomya at politika!

Press Conference | UP Diliman | 9 AM
Protest Action | CHR Grounds | 10:30 AM
Candle Lighting | CHR Grounds | 5 PM

09/11/2021

Iisang Tinig ng Pagkakaisa at Pag-asa para sa Malolenyong LGBTQIA+

Pahayag ng buklod ng mga organisasyong sumusuporta sa pantay na karapatan mula sa Pambansang Pamantasan sa Bulacan at mga organisasyong pang sibil hinggil sa pagpasa ng MALOLOS ANTI-DISCRIMINATION ORDINANCE.

Ang buhay bilang isang LGBTQIA+ sa Pilipinas ay hindi madali. Ang mabuhay nang may takot, pangamba, at hiya sa iyong dibdib ay hindi madaling magapi. Ang mamuhay na mapayapa, huminga na para bang walang pag-aalinlangan; na baka bukas makalawa ay ito na pala ang huli. Hindi batid sa ating lalawigan ng Bulacan at itong lungsod ng Malolos ang mga kabi-kabilang balita ng pambabastos, pantutuligsa, karahasan at sa sukdulan ay pagpaslang sa mga Bulakenyong LGBTQIA.

Ito ay ang repleksyon ng patriarkal na lipunan na ating ginagalawan. Ang lipunan kung saan na ang mga kababayan natin na LGBTQIA+ ay hindi tao ang pagturing; kung sabagay nga ay tinatawag pang mas masahol pa sa hayop. Kung kaya’t ganito ang sinasapit ng ating mga kapatid sa kamay ng masahol na sistema. Sistema ng kahayupan at kawalan ng pakikipag kapwa-tao. Tao po kaming mga LGBTQIA+ at dapat natatamasa ang pantay na karapatan bilang Pilipino at bilang nilikha ng may kapal.

Kung kaya’t kami ay sama-samang sumasamo upang dinggin ang aming tinig. Umaasang sa mga susunod na taon, termino, administrasyon, ay magkaroon ng gobyerno na mas inklusibo at may pantay na pagtingin sa lahat ng uri, kasarian, edad, at estado sa buhay. Isulong na ang MALOLOS ANTI-DISCRIMINATION ORDINANCE. Wakasan na natin ang kultura ng pang-aabuso at pasismo sa ating bansa. Dahil itong ordinansang ito ang magsisilbing unang hakbang ng ating mahal na lungsod upang siguraduhing ligtas, malay, at malaya ang kanyang mga nasasakupan.

Sa nanaig na patriarkal at baluktot na sistema ng lipunan, maging matapang at matatatag sana ang lungsod na ito; upang harapin ang higating hamong nasa harapan ang kawalang-hustisya at lumalalang isyu sa kasarian. Tulad kay David, maliit man kung tutuusin ay magtatagumpay din sa huli.

Akbayan Youth
BulSU Advertising Guild
Banyuhay
Bulakenyos for Equality and Solidarity - BEQS
BulSU CAL Local Student Council
BulSU COED Local Student Council
BULSU SG CSSP Local Student Council
INDIGO
Katipunan Student Movement - Kasama BULSU
LGBTQIA+ for Leni
PANTAY
Pioneer FTM
Sangguniang Kabataan ng Longos
Safe Spaces LHS Now

08/11/2021

Condemn state terror attacks!
Hands off peasants and IPs advocates!

We stand in solidarity with the call to surface Steve Abua. Abua was reported missing after two unknown assailants nabbed him in Lubao, Pampanga at 2 in the afternoon.

The worsening landlessness and poverty in the countryside pushed the likes of Abua to use his degree and education to serve the toiling masses, long abandoned by the state. It is with utter disgust that the murderous and fascist regime continuously targets human rights defenders while people are in dire need of socio-economic support and civil-political rights must remain upheld and protected

Each passing hour since Abua's disappearance has taken a toll not only on his family, but also on the entire peasantry and indigenous peoples of Central Luzon, as well as the country, which he had wholeheartedly served.We call on the CHR, the LGUs in Pampanga, and the state forces to ensure Abua's safety at all cost!

For another innocent life endangered under this regime means thousands of people fighting back in rage.

Stop terror attacks!
Surface Steve Abua!

07/11/2021

ALERT!

Dinakip ng mga hindi kilalang elemento si Steve Abua, isang organisador sa Kilusang Mambubukid ng Pilipinas (KMP). Ang pagdakip ay naganap alas-dos ng hapon kahapon. Hanggang ngayon ay wala pa rin impormasyon sa kinaroroonan ni Abua.

20/10/2021

Ang beki ng bayan, ngayon ay lumalaban!
Lupa, ayuda, at hustisya, ipaglaban!

Kahit anong panunupil ng estado sa magsasaka ay uusbong ang paglaban hangga't hinahayaan nitong maghari ang mapang-aping sistema. Patuloy na kawalan at panga-agaw ng lupa, pambobomba para makapagmina sa lupang ninuno, mga ganid sa palaisdaan. Ang militanteng kasaysayan ng masang anakpawis mula pa kay Andres Bonifacio hanggang kasalukuyan ay ipagpapatuloy kasama ang malawak na masang manggagawa, kabataan, kababaihan sangkabaklaan tungo sa araw na makakamit ang paglaya ng lipunan!

Naninindigan ang Banyuhay BulSU na ang diskriminasyon at abuso sa kasarian ay hindi magwawakas hanggang hindi nawawaksi ang ugat ng macho patriyarkal na kultura — ang malakolonyal at malapyudal na lipunan. Kaya naman, kaisa ang Banyuhay na lalahok sa pagpapalaya ng bansa mula sa kamay ng mapangapi!

Isulong ang tunay na reporma sa lupa!
Ipagtagumpay ang pambansa demokratikong pakikibaka!
Patalsikin si Duterte!

Sumali sa Banyuhay BulSU! Makibeki, wag mashokot!
𝒜𝓃𝑔 𝓁𝓊𝑔𝒶𝓇 𝓃𝑔 𝒷𝒶𝓀𝓁𝒶 𝒶𝓉 𝓁𝑒𝓈𝒷𝓎𝒶𝓃𝒶 𝒶𝓎 𝓈𝒶 𝓅𝒶𝓀𝒾𝓀𝒾𝒷𝒶𝓀𝒶!
https://forms.gle/NXDsQR7qeQwUKVRw6

Sumama sa pagkilos! Oktubre 21, 2021, Huwebes

!

11/10/2021

HUSTISYA PARA SA KAWALANG HUSTISYA SA PAGPASLANG KAY JENNIFER LAUDE!

Nagngingitngit sa galit ang ating komunidad sa pag-alala sa araw na ito kung saan sinapit ng ating kapatid na si Jennifer Laude ang karumal-dumal na pagpatay at sekswal na pangaabuso ni Joseph Pemberton, isang US Marine. Noong 2020, pinatawan ng rehimeng Duterte ng absolute pardon si Pemberton.

Ang danas ni Laude ay hindi isang hiwalay na kaso kundi repleksyon ng macho-patriyarkal na lipunan na siyang dobleng nananamantala sa mga may piniling kasarian at kababaihan. Sa pagawaan, sakahan, coastal, eskwelahan, opisina, habang ginigipit sa kabuhayan ay nakakaranas pa ng diskriminasyon at abuso dahil sa kasarian. Tunay na ang ganitong klaseng maka-lalaking lipunan na nagbibigay sa kanila ng lamang na oportunidad sa kabuhayan, pulitika, at kultura ang siyang ugat ng pang-aabuso sa komunidad at kababaihan. Hangga't walang tunay na hustisyang panlipunan ay hindi makakamit ang kapantayan sa kasarian.

Mariing kinukundena ng Banyuhay BulSU ang rehimeng Duterte sa pangangayupapa nito sa US at pagtalikod sa kaso ni Laude. Higit sa lahat, ang patuloy na pagkabinbin at pagbibingi-bingihan ng rehimen sa danas ng komunidad na ipasa na ang Anti Discrimination Bill!

Isulong ang Anti Discrimination Bill!
Ipagtagumpay ang tunay na pagbabagong panlipunan!

04/10/2021

Bakit palpak ang flexible learning?

3. Lumala ang sexual exploitation sa pagratsada ng hindi makamasang moda sa gitna ng krisis panlipunan.

Sa malalang krisis sa kabuhayan at patuloy na kawalan ng suporta ng estado sa panlipunang serbisyo, desperado ang taumbayan pano itataguyod ang araw-araw, walang awang ipinapasan pa ang flexible learning. Nakakasulasok na sabihing may 'kinabukasan' sa moda at bulag sa dami ng kabataang pinagkaitan ng akses. Sa desperasyon ng kabataan, nililimos na ang para sa gadget at load, na siyang dapat responsibilidad ng gobyerno. Marami ang kinailangan din na magtrabaho, at sa kalunos-lunos na pag-abandona sa atin, marami ang napipilitang ibenta ang katawan para makaraos. Kung bago ang pandemya, batay sa pag aaral ng UNICEF nong 2016 ay Pilipinas ang sentro ng mundo sa online sexual abuse, mas nakakagalit ang inaabot ng kabataan sa ilalim ng flexible learning.

Wala itong pakialam kung ilan ang wala sa paaralan, o kung lalo maghirap ang sektor ng edukasyon para paramihin ang mura at maamong lakas paggawa. Ang kawalan ng plano ng rehimeng Duterte na tugunan ang problema sa pandemya at edukasyon ang lalong magsasamantala sa taumbayan Iraratsada ni Duterte ang personal na mga interes at makakuha ng ganansya sa dayuhan na patuloy na gagatasan ang bansa ng kapital, mura at maamong lakas pag-gawa, at hilaw na materyales.

Dapat na magkaisa ang kabataan para isulong ang karapatan na ligtas makapagbalik iskwela at lumahok sa sigaw ng mamamayan! Kung patuloy tayong binubusabos, pinapatay, pinagkakaitan ng ating mga karapatan, dapat lamang na tapusin na ang paghahari ng papet, kurap, at pahirap na si Duterte!

Ligtas na balik eskwela, ipaglaban!
Patalsikin si Duterte!

Isulong ang tunay na pagbabagong panlipunan!

28/09/2021

BAKIT PALPAK ANG FLEXIBLE LEARNING

Ikalawang rason: palpak at hindi maka-masang mode of learning.

Inilarga ng rehimeng Duterte ang "flexible" learning sa gitna ng sumasambulat na krisis pangkalusugan, ekonomya at pulitika habang naghihirap ang taumbayan. Sa kabila rin ng katotohanang isang atrasadong bansa ang Pilipinas, na malaking bahagi ay kanayunan, at kalakhan ay lubog sa kahirapan, inutil ang pamahalaan na angkinin na abot-kaya ito ng lahat habang wala namang sapat na budget.

Kung sa BulSU, ang tatlong pangakong moda ay malayo naman sa tunay na nangyari:

1) Linusaw ang modular o RPL.
Marami sa BulSUan ang sumugal dito dahil sa hirap ng buhay. Dahil sa kawalan ng pondo, halos hindi ito nagtagal ng isang semestre. Sa mga ulat, may mga kaso na estudyante na mismo ang nagpapaprint. Delay din ang module pays ng mga g**o na karamihan ay kontraktwal. Imbis na tugunan ng Gascon admin, unti unti itong linusaw. Ang iba ay lumipat sa online, o kaya ay nagdrop out.

2) Pahirap at hungkag na asynch/synch classes.
Ayon sa mga ulat, hindi na nasusunod ang dapat 2 beses isang buwan na meeting per subject sa asynch classes. Nagiging synchronous classes at miski ang grading system ay problematiko. Marami rin ang mandatory ang attendance. Samantala, mabigat ang academic at working loads ng kaguruan at estudyante ngunit hindi naman naging dekalidad ang edukasyon, at pawang robot na lang na sumusunod ang sektor.

Habang lugmok ang sektor, ang inaatupag naman ni Gascon ay grandyosong mga building at pagpapasarap sa kanyang opisina. Wala ring mapagpasiyang hakbang ang pamahalaan na wakasan ito at itulak ang ligtas na pagbabalik iskwela. Nananatiling bulag ito sa inaksesibilidad, at nagi-ilusyon na tagumpay ito.

Sa ikalawang taon ng moda, ano pa ba ang aasahang resulta kundi kapalpakan bilang tanging kayang gawin ng pamahalaan? Mula rito, nararapat lamang ang kabataan ay ipaglaban ang karapatan nito sa edukasyon. Ipaglaban ang ligtas na balik iskwela! Walang puknat dapat nito na gisingin ang lumalangoy sa perang rehimen. Samantala, natitiyak ng rehimen na hindi titigil ang taumbayan sa panawagan, kundi isusulong din nito ang pagpapatalsik kay Duterte na siyang numero unong nagpapahirap sa bayan! Maniningil ang lahat ng pinagkaitan ng edukasyon, lupa, trabaho at karapatan!

27/09/2021

BAKIT PALPAK ANG FLEXIBLE LEARNING?

1. Mababang budget sa edukasyon at panlipunang serbisyo.

Parang umulit na bangungot ang ikalawang taon na naman ng palpak na flexible learning. Noong unang taon ng implementasyon, walang suportang iginapang ng kabataan at g**o ang moda samantalang tila nananaginip na inangkin ng CHED ang tagumpay nito. Hindi pa nahihimasmasan mula sa kalampag ng sektor, muli na namang iniratsada sa ikalawang pagkakaton nang walang suporta, walang ayuda, higit sa lahat, walang plano sa ligtas na pagbalik iskwela. Imbis na dagdag na budget, kaltas ang isinampal sa sektor.

Kung bago ang pandemya ay abandonado na ang edukasyon at ipinagkakait sa kabataan, ano pa ngayong pinalala ang inaksesibilidad sa mukha ng pahirap at palpak na flexible learning. Sa katunayan, ang pondo makaangkop dito ay kakarampot na nga, hindi pa naipamahagi lahat ng CHED ang 1.3 billion.

Kagaya ng dekada nang pagabandona sa edukasyon, ganundin sa kalusugan. Kaya naman, nang dumating ang pandemya, hindi kinayang tugunan ito. Ang kainutilan ng pangulo sa tuloy na pagpapabaya ng panlipunang serbisyo sa panahon kung kailan pinakakailangan ito ng taumbayan ay nagpapalala ng krisis sa ekonomya, kalusugan, at edukasyon. Samantala, tuloy na ipinapasa ng rehimeng Duterte sa dayuhan ang panlipunang serbisyo na ginagawa naman nitong negosyo. Tuloy naman ang kurapsyon ng rehimen sa kakarampot na pondo.

Isinisiwalat lamang nito na hangga't ang rehimeng Duterte ay nasa poder, patuloy na lalala ang krisis. Milyon pa ang mamamatay, mawawala ng trabaho, pagkakaitan ng edukasyon dahil sa pangangayupapa nito sa dayuhan. Sa ganitong panahon tayo pinakakailangan ng taumbayan na kumilos, at iwaksi ang bulok na sistema. Tayong mga bading at kabataan ang pag-asa ng bayan. Ipaglaban ang karapatan sa lupa, sahod, trabaho, edukasyon!

Edukasyon ay karapatan!
Ligtas na balik iskwela!
Maglingkod sa bayan, hindi sa dayuhan!
Oust Duterte!

Banyuhay

11/11/2021

09/11/2021

08/11/2021

07/11/2021

20/10/2021

11/10/2021

04/10/2021

28/09/2021

27/09/2021

Address

Telephone

Website

Alerts

Contact The Organization

Shortcuts

Share

Category