Municipality of Malvar

08/04/2026

𝐁𝐚𝐲𝐚𝐧 𝐧𝐠 𝐌𝐚𝐥𝐯𝐚𝐫 | Nagsagawa ng Coordination Meeting at Planning ang mga Department Heads at Focal Persons ng Pamahalaang Bayan ng Malvar bilang paghahanda para sa 𝐒𝐞𝐚𝐥 𝐨𝐟 𝐆𝐨𝐨𝐝 𝐋𝐨𝐜𝐚𝐥 𝐆𝐨𝐯𝐞𝐫𝐧𝐚𝐧𝐜𝐞 (𝐒𝐆𝐋𝐆) 𝐚𝐭 𝐌𝐚𝐭𝐚𝐭𝐚𝐠 𝐧𝐚 𝐁𝐚𝐭𝐚𝐧𝐠𝐚𝐬 (𝐌𝐁𝐀-𝐕𝐒𝐑) 𝐀𝐰𝐚𝐫𝐝𝐬—mga parangal na kumikilala sa mahusay, tapat, at epektibong pamamahala ng mga lokal na pamahalaan.

Nakiisa rin ang Legislative Branch sa nasabing pagpupulong upang alamin kung paano nila masuportahan ang bawat opisina, lalo na sa pangangailangan ng mga ordinansa at resolusyon.

Naging makabuluhan ang pagpupulong, kung saan ipinakita ang bukas na pakikipagtulungan ng bawat tanggapan tungo sa iisang layunin.

Nagbahagi rin ng mensahe si 𝐌𝐚𝐲𝐨𝐫 𝐀𝐝𝐦𝐢𝐫𝐚𝐥 𝐀𝐫𝐭 𝐀𝐛𝐮, na nagbigay-inspirasyon sa mga kawani na patuloy na magtulungan at ipakita ang husay sa paglilingkod. Ayon sa kanya, “Ang tagumpay ng isa ay tagumpay ng lahat.”

Bitbit ang iisang layunin, patuloy na kikilos ang Pamahalaang Bayan ng Malvar nang may integridad, husay, at malasakit sa bawat hakbang ng paglilingkod.

Sa sama-samang dedikasyon ng bawat tanggapan, higit pang paiigtingin ang mga programa at serbisyong tunay na makabuluhan para sa mamamayan tungo sa isang 𝐌𝐚𝐭𝐚𝐭𝐚𝐠 𝐧𝐚 𝐏𝐚𝐦𝐚𝐡𝐚𝐥𝐚𝐚𝐧 𝐚𝐭 𝐌𝐚𝐠𝐢𝐧𝐡𝐚𝐰𝐚𝐧𝐠 𝐌𝐚𝐦𝐚𝐦𝐚𝐲𝐚𝐧.

08/04/2026

31/03/2026

PUBLIC ADVISORY | Work Schedule for Holy Wednesday (April 1, 2026)

Alinsunod sa direktiba mula sa Malacañang, narito ang updated na work arrangement para sa mga kawani ng Pamahalaang Bayan ng Malvar:

​8:00 AM – 12:00 NN: Work From Home Set-up

​Paalala: Ang mga frontline personnel ay kailangan pa ring pumasok on-site upang matiyak ang tuluy-tuloy na serbisyo para sa publiko.

18/03/2026

PUBLIC ADVISORY | Alinsunod sa Proclamation No. 1189, s. 2026, idineklara ang March 20 bilang Regular Holiday upang bigyang daan ang pagdiriwang ng Eid’l Fitr.

Sa ating mga kababayan na may transaksyon sa ating mga tanggapan, pinapaalalahanan po ang lahat na sarado ang mga ito sa araw ng Biyernes. Muli pong magbabalik sa 4-Day Workweek Arrangement simula March 23, 2026.

Happy Long Weekend, Malvareños!

16/03/2026

Ipinababatid ng Lokal na Pamahalaang Bayan ng Malvar sa lahat ng kawani at sa mga mamamayang may transaksyon sa Municipal Hall na magkakaroon ng pansamantalang pagbabago sa oras at araw ng trabaho ngayong linggo kaugnay ng pagdiriwang ng Eid’l Fitr sa March 20, 2026 (Friday), na idineklarang Regular Holiday alinsunod sa Memorandum Order No. AMA-009 na inaprobahan ng ating Punong Bayan, Mayor Admiral Art Abu.

Dahil dito, pansamantalang sinususpinde ang
Compressed Workweek Arrangement.

Sa March 16 hanggang March 19, 2026 (Monday–Thursday),
ang oras ng trabaho sa Municipality of Malvar ay:

8:00 AM – 5:00 PM
(MONDAY – THURSDAY)

Ang pagbabago sa iskedyul ay ipinatupad upang matiyak ang tuloy-tuloy at maayos na paghahatid ng serbisyo ng mga tanggapan sa ating mga mamamayan; kaugnay nito, pinapayuhan ang publiko na planuhin ang kanilang pagpunta sa mga tanggapan alinsunod sa nakasaad na oras at araw.

Maraming salamat po!

12/03/2026

March 12, 2026 | Bilang bahagi ng ating paghahanda at pagpapahalaga sa kaligtasan ng bawat mamamayan, ang buong Pamahalaan ng Malvar ay nakiisa at naging aktibo sa katatapos lamang na First Quarter National Simultaneous Earthquake Drill (NSED). Pinangunahan ito ng ating PNP Malvar, BFP Malvar at pati na rin ang kawani ng LGU Malvar. Ito ay naging posible sa ilalim ng gabay at direktiba ni Sir BGen Leo Macalintal ng MDRRMO.

Ang mahalagang aktibidad na ito ay hindi lamang isang simpleng pagsasanay, kundi isang mahalagang hakbang upang matiyak na ang bawat isa ay may sapat na kahandaan at kaalaman sa oras ng hindi inaasahang sakuna.

Sa bayan ng Malvar, ang kaalaman ang sandigan ng kaligtasan.

12/03/2026

𝐌𝐆𝐀 𝐇𝐀𝐊𝐁𝐀𝐍𝐆 𝐍𝐆 𝐏𝐀𝐌𝐀𝐇𝐀𝐋𝐀𝐀𝐍𝐆 𝐁𝐀𝐘𝐀𝐍 𝐍𝐆 𝐌𝐀𝐋𝐕𝐀𝐑 𝐓𝐔𝐍𝐆𝐎 𝐒𝐀 𝐖𝐀𝐒𝐓𝐎𝐍𝐆 𝐏𝐀𝐌𝐀𝐌𝐀𝐇𝐀𝐋𝐀 𝐍𝐆 𝐆𝐀𝐒𝐎𝐋𝐈𝐍𝐀 𝐀𝐓 𝐌𝐀𝐒 𝐄𝐏𝐈𝐒𝐘𝐄𝐍𝐓𝐄𝐍𝐆 𝐏𝐀𝐆𝐆𝐀𝐌𝐈𝐓 𝐍𝐆 𝐌𝐆𝐀 𝐒𝐀𝐒𝐀𝐊𝐘𝐀𝐍 𝐍𝐆 𝐏𝐀𝐌𝐀𝐇𝐀𝐋𝐀𝐀𝐍.

Ang kasalukuyang mataas na tensyon sa Gitnang Silangan ay inaasahang magdudulot ng pagtaas ng presyo ng petrolyo sa buong mundo. Kaya minabuti po ng Pamahalaang Bayan ng Malvar na gumawa ng mga hakbang upang mabawasan ang masamang epekto nito sa bawat pamilya, sa sektor ng negosyo, at sa takbo ng ating lokal na ekonomiya.

Sa pamumuno ni Mayor Admiral Art Abu, patuloy na kumikilos nang maagap at may malinaw na direksyon ang Pamahalaang Bayan upang matiyak na ang kapakanan ng bawat Malvareño ay napangangalagaan at napaghahandaan.

Kaugnay nito ay ipinatutupad ang mga sumusunod:

• 𝐌𝐚𝐬 𝐌𝐚𝐚𝐲𝐨𝐬 𝐧𝐚 𝐏𝐚𝐦𝐚𝐦𝐚𝐡𝐚𝐥𝐚 𝐬𝐚 𝐏𝐚𝐠𝐠𝐚𝐦𝐢𝐭 𝐧𝐠 𝐒𝐚𝐬𝐚𝐤𝐲𝐚𝐧 𝐧𝐠 𝐏𝐚𝐦𝐚𝐡𝐚𝐥𝐚𝐚𝐧 – Lilimitahan ang paggamit ng mga opisyal na sasakyan sa mga mahahalaga at kinakailangang gawain lamang, kasabay ng pagpapatupad ng carpooling at mas sistematikong pagplano ng mga biyahe.

• 𝐌𝐚𝐡𝐢𝐠𝐩𝐢𝐭 𝐧𝐚 𝐏𝐚𝐠𝐬𝐮𝐛𝐚𝐲𝐛𝐚𝐲 𝐬𝐚 𝐊𝐨𝐧𝐬𝐮𝐦𝐨 𝐧𝐠 𝐆𝐚𝐬𝐨𝐥𝐢𝐧𝐚 – Ipatutupad ang masusing monitoring at kinakailangang pahintulot bago ang fuel withdrawals upang matiyak ang wastong paggamit ng pondo ng bayan.

• 𝐏𝐚𝐠𝐭𝐢𝐭𝐢𝐩𝐢𝐝 𝐬𝐚 𝐊𝐨𝐧𝐬𝐮𝐦𝐨 𝐧𝐠 𝐊𝐮𝐫𝐲𝐞𝐧𝐭𝐞 𝐬𝐚 𝐦𝐠𝐚 𝐎𝐩𝐢𝐬𝐢𝐧𝐚 – Hinihikayat ang responsable at wastong paggamit ng air-conditioning units, ilaw, at iba pang kagamitang elektrikal sa mga tanggapan ng pamahalaan.

• 𝐌𝐚𝐬 𝐏𝐚𝐠𝐠𝐚𝐦𝐢𝐭 𝐧𝐠 𝐃𝐢𝐠𝐢𝐭𝐚𝐥 𝐧𝐚 𝐏𝐚𝐫𝐚𝐚𝐧 – Hangga’t maaari, isusulong ang paggamit ng online meetings at iba pang digital arrangements upang mabawasan ang hindi kinakailangang paglalakbay.

𝐒𝐄𝐑𝐁𝐈𝐒𝐘𝐎𝐍𝐆 𝐏𝐀𝐍𝐆-𝐄𝐌𝐄𝐑𝐆𝐄𝐍𝐂𝐘: 𝐏𝐀𝐓𝐔𝐋𝐎𝐘 𝐍𝐀 𝐇𝐀𝐍𝐃𝐀
Ipinapaalam sa publiko na ang mga frontline emergency services tulad ng mga ambulansya, MDRRMO, PNP, BFP, at iba pang serbisyong pangkaligtasan at pangkalusugan ay mananatiling ganap na operational upang masiguro ang agarang pagtugon sa pangangailangan ng ating mamamayan.

𝐁𝐚𝐲𝐚𝐧 𝐧𝐠 𝐌𝐚𝐥𝐯𝐚𝐫: 𝐓𝐮𝐧𝐠𝐨 𝐬𝐚 𝐌𝐚𝐭𝐚𝐭𝐚𝐠 𝐧𝐚 𝐏𝐚𝐦𝐚𝐡𝐚𝐥𝐚𝐚𝐧 𝐚𝐭 𝐌𝐚𝐠𝐢𝐧𝐡𝐚𝐰𝐚𝐧𝐠 𝐌𝐚𝐦𝐚𝐦𝐚𝐲𝐚𝐧

10/03/2026

📣 𝐀𝐍𝐔𝐍𝐒𝐘𝐎 𝐒𝐀 𝐏𝐔𝐁𝐋𝐈𝐊𝐎: 𝐏𝐚𝐧𝐬𝐚𝐦𝐚𝐧𝐭𝐚𝐥𝐚𝐧𝐠 𝐁𝐚𝐠𝐨𝐧𝐠 𝐎𝐫𝐚𝐬 𝐧𝐠 𝐓𝐫𝐚𝐛𝐚𝐡𝐨 𝐬𝐚 𝐋𝐆𝐔 𝐌𝐀𝐋𝐕𝐀𝐑 📣

Alinsunod sa Executive Order Blg. 5, s. 2026 ng Pamahalaang Bayan ng Malvar, ipatutupad ang Temporary Four-Day Work Week bilang bahagi ng mga hakbang sa pagtitipid ng enerhiya at bilang pagsunod sa direktiba ng Malacañang sa ilalim ng Memorandum Circular Blg. 114, s. 2026, gayundin sa kautusan ng Pamahalaang Panlalawigan ng Batangas sa ilalim ng Executive Order Blg. 7, s. 2026.

🕒 𝐁𝐚𝐠𝐨𝐧𝐠 𝐎𝐫𝐚𝐬 𝐧𝐠 𝐒𝐞𝐫𝐛𝐢𝐬𝐲𝐨 (LGU Offices)
Lunes – Huwebes: 7:00 AM – 6:00 PM / 8:00 - 7:00 PM
Biyernes – Linggo: Walang Pasok (Closed), epektibo ngayong March 10, 2026.

⚠️ Hindi sakop ng bagong schedule na ito ang mga tanggapan na nagbibigay ng basic, emergency, at essential services, tulad ng:
• Municipal Health Office / Rural Health Unit
• Municipal Disaster Risk Reduction and Management Office (MDRRMO)
• Traffic Management Office (TMO)
• Environmental Enforcers / Bantay Kalikasan
• Solid Waste Management and Garbage Collection Services

Ang mga nasabing tanggapan ay magpapatuloy sa kanilang regular na operasyon upang matiyak ang tuloy-tuloy na serbisyo para sa mamamayan.

Hinihikayat po ang mga Malvareño na magplano nang maaga ng kanilang mga transaksyon sa mga tanggapan ng pamahalaang bayan.

Maraming salamat po sa inyong pag-unawa at patuloy na pakikiisa!

08/03/2026

https://www.facebook.com/share/p/1ETS4yhJEy/

28/02/2026

“Move More, Eat Right, Keep Your Heart Light”
Dra. Kierly Villanueva

Bilang bahagi ng Philippine Heart Month, nakiisa ang Bayan ng Malvar sa pangunguna ng Municipal Health Office (MHO), sa pagdiriwang ng makabuluhang aktibidad na ito.

Dinaluhan ito ng mga Barangay Functionaries mula sa labinlimang (15) barangay ng ating bayan. Nagbahagi rin si Dra. Kierly Villanueva ng kapaki-pakinabang na kaalaman kung paano manatiling malusog at makaiwas sa mga sakit.

Nakiisa rin sa pagdiriwang ang ating Alkalde, Mayor Admiral Art Abu, at ang Chairman ng Committee on Health, Konsehal Dra. Delia Tagle.

Nagkaroon din ng libreng ECG screening para sa mga kawani ng LGU Malvar, mga physical fitness activities, at pamamahagi ng Hypertension and Diabetes Club of Malvar (HADCOM) booklet.

Isang Malvar, isang adhikain - malusog na puso para sa lahat. ❤️

27/02/2026

‼️PUBLIC ADVISORY‼️

Malvareños, please be advised that the Malvar Oval will be temporarily closed to the public on the following dates to give way to scheduled activities:

🗓️ February 28 (Final Rehearsal)
• Starting at 7:00 AM onwards

🗓️ March 02 (Event Proper)
• 6:30 AM to 9:00 AM

The facility will be unavailable for public use during these times. We appreciate your understanding and cooperation as we prepare for this event. Thank you!

26/02/2026

Welcome to Malvar, Municipality of Ibaan, Batangas!

Ngayong araw ay nag-benchmark ang Munisipalidad ng Ibaan sa ating bayan para sa 𝐋𝐚𝐤𝐛𝐚𝐲-𝐀𝐫𝐚𝐥: 𝐈𝐦𝐩𝐥𝐞𝐦𝐞𝐧𝐭𝐢𝐧𝐠 𝐌𝐚𝐥𝐯𝐚𝐫’𝐬 𝐒𝐨𝐥𝐢𝐝 𝐖𝐚𝐬𝐭𝐞 𝐌𝐚𝐧𝐚𝐠𝐞𝐦𝐞𝐧𝐭 𝐒𝐲𝐬𝐭𝐞𝐦𝐬 𝐢𝐧 𝐂𝐨𝐦𝐩𝐥𝐢𝐚𝐧𝐜𝐞 𝐰𝐢𝐭𝐡 𝐑𝐀 9003 𝐚𝐧𝐝 𝐑𝐀 11898.

Sa isinagawang Open Forum, malugod na ibinahagi ng kawani ng Pamahalaang Bayan ng Malvar, sa pangunguna nina Ating Bayan Mayor Admiral Art Abu; Sangguniang Bayan Vice Emil Lat; Konsehal Kurt Abu, Chairperson ng Committee on Environmental Protection; ABC President Leo Morcilla; at mga Department Heads, ang mga kaalaman at best practices ng ating bayan sa Solid Waste Management, na mas pinagtibay pa ni Forester Ms. Edith Eusebio.

Nabanggit din dito ang ginagampanang tungkulin ng mga mamamayan ng Malvar, mga Barangay Captains at maging ng mga Stakeholders sa pakikiisa upang ang basura ay mapakinabangan.

Alinsunod sa 10-Point Agenda ni Mayor Abu na “𝐊𝐚𝐥𝐢𝐧𝐢𝐬𝐚𝐧 𝐧𝐠 𝐊𝐚𝐩𝐚𝐥𝐢𝐠𝐢𝐫𝐚𝐧 𝐚𝐭 𝐓𝐢𝐭𝐢𝐲𝐚𝐤𝐢𝐧; 𝐊𝐚𝐥𝐢𝐤𝐚𝐬𝐚𝐧, 𝐀𝐚𝐥𝐚𝐠𝐚𝐚𝐧,” nabanggit ang mga proyekto at programang tutugon sa pangangailangan ng komunidad tulad ng pagsasaayos ng Material Recovery Facility (MRF), pagkakaroon ng dump trucks sa bawat barangay, pagkuha ng third-party hauler para sa pangongolekta ng basura, at marami pang iba.

Sa sama-samang pagkilos ng pamahalaan at mamamayan, pinatutunayan ng Malvar na ang malinis na kapaligiran ay bunga ng disiplina, malasakit, at iisang layunin, para sa isang mas maayos at mas napapanatiling kinabukasan ng ating bayan. 🌱