22/05/2026
𝗔𝗣𝗥𝗨𝗕𝗔𝗗𝗢 𝗻𝗮 𝘀𝗮 𝗰𝗼𝗺𝗺𝗶𝘁𝘁𝗲𝗲 𝗹𝗲𝘃𝗲𝗹 ang panukalang 𝗠𝗮𝗴𝗻𝗮 𝗖𝗮𝗿𝘁𝗮 𝗳𝗼𝗿 𝗕𝗮𝗿𝗮𝗻𝗴𝗮𝘆𝘀 matapos pagtibayin ng Committee on Local Government ng House of Representatives of the Philippines ang substitute bill — hudyat ng patuloy na pag-usad ng panukalang batas para sa kapakanan, proteksyon, at benepisyo ng ating mga barangay officials at workers sa buong bansa.
Naisulong ang serye ng konsultasyon, deliberasyon, at pakikipag-ugnayan sa mga mambabatas at stakeholders upang matiyak na ang panukala ay tunay na tumutugon sa kondisyon ng mga lingkod-barangay. Pinangunahan ito ni Committee Chairman Florencio T. Miraflores at Vice Chairperson Ma. Victoria Co-Pilar, katuwang ang Liga ng mga Barangay sa Pilipinas sa pangunguna ni National President Jessica Dy.
Kasunod ng committee approval, inaasahang ihahain ang panukala sa plenaryo ng House of Representatives of the Philippines para sa Second Reading, kung saan tatalakayin, dedebatehan, at maaaring amyendahan ang mga probisyon ng panukala bago ito umusad sa susunod na yugto ng legislative process.
🫰🏻💙
