ENRO Occidental Mindoro

26/06/2026

𝗣𝗛𝗜𝗟𝗜𝗣𝗣𝗜𝗡𝗘 𝗔𝗥𝗕𝗢𝗥 𝗗𝗔𝗬 𝟮𝟬𝟮𝟲: 𝗘𝗡𝗥𝗢 𝗮𝘁 𝗺𝗴𝗮 𝗞𝗮𝘁𝘂𝘄𝗮𝗻𝗴 𝗻𝗮 𝗗𝗲𝗽𝗮𝗿𝘁𝗮𝗺𝗲𝗻𝘁𝗼, 𝗕𝗮𝗿𝗮𝗻𝗴𝗮𝘆, 𝗮𝘁 𝗔𝗵𝗲𝗻𝘀𝘆𝗮, 𝗡𝗮𝗸𝗶𝗶𝘀𝗮 𝘀𝗮 𝗧𝗿𝗲𝗲-𝗣𝗹𝗮𝗻𝘁𝗶𝗻𝗴 𝗔𝗰𝘁𝗶𝘃𝗶𝘁𝘆 𝘀𝗮 𝗣𝗿𝗼𝘃𝗶𝗻𝗰𝗶𝗮𝗹 𝗕𝗿𝗲𝗲𝗱𝗶𝗻𝗴 𝗙𝗮𝗿𝗺, 𝗕𝗿𝗴𝘆. 𝗠𝘂𝗿𝘁𝗵𝗮, 𝗦𝗮𝗻 𝗝𝗼𝘀𝗲, 𝗢𝗰𝗰𝗶𝗱𝗲𝗻𝘁𝗮𝗹 𝗠𝗶𝗻𝗱𝗼𝗿𝗼

Sa ilalim ng pamumuno ni Gobernador Eduardo B. Gadiano at sa pangunguna ng Environment and Natural Resources Office (ENRO) sa pamamahala ni ENRO Ireneo M. Cortuna, mahigit sa 600 punong kahoy ang matagumpay na naitanim sa Provincial Breeding Farm, Barangay Murtha sa bayan ng San Jose, Occidental Mindoro nitong ika-25 ng Hunyo, 2026.

Ang nasabing aktibidad ay pakikibahagi at paggunita sa pagdiriwang ng Philippine Arbor Day o ang taunang kampanya sa bansa na naghihikayat sa publiko na magtanim at mag-alaga ng mga puno. Nakibahagi at nakiisa sa pagtatanim ang mga kawani mula sa PGOM SAMARICA Sub-office, PGOM Main Office, Barangay Murtha, MENRO San Jose, at NCIP.

Isang maikling programa din ang isinagawa kung saan nagbigay ng mensahe sina; Forester Edwin D. Sansano ang kumatawan kay ENRO Ireneo Cortuna, PGO SAMARICA Executive Assistant II June V. Lee kumatawan kay Gobernador Eduardo Gadiano, at Barangay Captain Felix Gayo ng Barangay Murtha. Isang maikling oryentasyon din ang ibinahagi ni Mr. Perlito Enriquez, Jr., patungkol sa pagtatanim at sa lugar ng pagtatamnan.

Ang mga punlang ginamit sa aktibidad ay nagmula sa Provincial Nursery na naitatag noong 2020 sa inisyatibo ni ENRO Ireneo M. Cortuna bilang bahagi ng patuloy na programa ng tanggapan sa pagpaparami ng mga punla at pagsusulong ng mas luntiang kapaligiran para sa mga susunod na salinlahi.

Sa kabuuan ay naging matagumpay ang isinagawang tree-planting activity sa pamamagitan ng sama-samang pagtutulungan ng lahat ng mga kalahok, na nagpapakita ng kanilang patuloy na suporta sa mga programang pangkalikasan ng Pamahalaang Panlalawigan ng Occidental Mindoro.

𝗦𝗘𝗥𝗕𝗜𝗦𝗬𝗢𝗡𝗚 𝗚𝗔𝗡𝗔𝗗𝗢!
𝗚𝗔𝗡𝗔𝗗𝗢 𝗡𝗔, 𝗠𝗔𝗦 𝗚𝗔𝗚𝗔𝗡𝗔𝗛𝗔𝗡 𝗣𝗔!

18/06/2026

The OMSC community recognizes the strong support and commitment of Hon. Eduardo B. Gadiano to Occidental Mindoro State University, particularly in advancing its mission of providing accessible and quality higher education across its campuses.

His continued partnership has been instrumental in strengthening institutional development and supporting the University’s growth as it embraces its new status.

OMSC extends its appreciation for his dedication to the progress of higher education in the province.

𝐌𝐚𝐫𝐚𝐦𝐢𝐧𝐠 𝐬𝐚𝐥𝐚𝐦𝐚𝐭 𝐩𝐨, 𝐆𝐨𝐯. 𝐄𝐝!

18/06/2026

08/06/2026

𝐄𝐍𝐑𝐎 𝐍𝐚𝐠𝐩𝐚𝐩𝐚𝐭𝐮𝐥𝐨𝐲 𝐬𝐚 𝐊𝐚𝐦𝐩𝐚𝐧𝐲𝐚 𝐩𝐚𝐫𝐚 𝐬𝐚 𝐖𝐚𝐬𝐭𝐨𝐧𝐠 𝐏𝐚𝐦𝐚𝐦𝐚𝐡𝐚𝐥𝐚 𝐧𝐠 𝐁𝐚𝐬𝐮𝐫𝐚 𝐬𝐚 𝐏𝐚𝐠𝐠𝐮𝐧𝐢𝐭𝐚 𝐧𝐠 𝐖𝐨𝐫𝐥𝐝 𝐄𝐧𝐯𝐢𝐫𝐨𝐧𝐦𝐞𝐧𝐭 𝐃𝐚𝐲 𝐚𝐭 𝐏𝐡𝐢𝐥𝐢𝐩𝐩𝐢𝐧𝐞 𝐄𝐧𝐯𝐢𝐫𝐨𝐧𝐦𝐞𝐧𝐭 𝐌𝐨𝐧𝐭𝐡

Ang Pamahalaang Panlalawigan ng Occidental Mindoro, sa ilalim ng pamumuno ni Gobernador Eduardo B. Gadiano at sa pangunguna ng Environment and Natural Resources Office (ENRO) sa pamamahala ni ENRO Ireneo M. Cortuna, ay nakikiisa sa paggunita ng World Environment Day at Philippine Environment Month na ipinagdiriwang tuwing buwan ng Hunyo alinsunod sa Proclamation No. 237, na nagdedeklara sa buwan ng Hunyo bilang Philippine Environment Month.

Bilang bahagi ng pagdiriwang, nagbigay si Forester Edwin Sansano ng isang maikling oryentasyon hinggil sa kahalagahan ng Proclamation No. 237 at sa mga layunin nito sa pagpapalakas ng kamalayang pangkalikasan. Tinalakay rin niya ang mahahalagang probisyon ng Republic Act No. 9003 o ang Ecological Solid Waste Management Act of 2000, kabilang ang wastong paghihiwalay, pamamahala, at pagtatapon ng basura bilang mga pangunahing hakbang sa pangangalaga at pagpapanatili ng malinis na kapaligiran.

Kasabay ng pagbabahagi ng impormasyon at pagpapaalala sa kahalagahan ng responsableng pamamahala ng basura, nagsagawa rin ng pamamahagi ng mga Information, Education, and Communication (IEC) materials na nakatuon sa waste management at waste segregation awareness upang higit na mapalawak ang kaalaman at kamalayan ng mga empleyado ng Pamahalaang Panlalawigan ng Occidental Mindoro.

Isinagawa ang nasabing aktibidad sa PGOM Main Office, PGOM Sablayan Sub-Office, at PGOM SAMARICA Sub-Office bilang bahagi ng patuloy na kampanya ng ENRO sa pagtataguyod ng pangangalaga sa kapaligiran. Layunin nitong mapalalim ang kaalaman ng bawat empleyado at mahikayat ang kanilang aktibong pakikilahok sa wastong pamamahala ng basura, tungo sa pagkakaroon ng isang malinis, maayos, ligtas, at napapanatiling kapaligiran para sa kasalukuyan at mga susunod pang henerasyon.

𝗦𝗘𝗥𝗕𝗜𝗦𝗬𝗢𝗡𝗚 𝗚𝗔𝗡𝗔𝗗𝗢!
𝗚𝗔𝗡𝗔𝗗𝗢 𝗡𝗔, 𝗠𝗔𝗦 𝗚𝗔𝗚𝗔𝗡𝗔𝗛𝗔𝗡 𝗣𝗔!

01/04/2026

Happy Birthday sa ating Ganadong Governador Eduardo B. Gadiano!

27/02/2026

The Provincial Mining Regulatory Board (PMRB) under R.A. 7942 or the Phil Mining Act of 1995 conducted its 1st Quarterly Meeting on February 26, 2026, held at the PAGCOR Building, Capitol Compound. During the meeting the 13 applications for CSAG from various permittees were deliberated.
The Provincial Mining Regulatory Board (PMRB) are the Chairperson Mines and Geosciences Bureau (MGB)-Regional Director Felizardo A. Gacad, JR, represented by Engr. Elmer R. Crisologo, the representative from the NGO Rotary Club of Mamburao, Small Scale Mining Industries (SSMI) and ENRO Secretariat headed by Ireneo M. Cortuna Provincial Department Head of ENRO Office.
Based on the evaluation of the 13 CSAG applications submitted by the permittees, the Board members deliberated and recommended for approval by the Provincial Governor Eduardo B. Gadiano.

SERBISYO GANADO!
GANADO NA MAS GAGANAHAN PA!

24/02/2026

Ngayong araw, nakipag-ugnayan ang Environment and Natural Resources Office (ENRO) sa mga kawani ng Environmental Management Bureau (EMB) at DENR upang makiisa sa Periodic Water Sampling Activity. Ito ay bahagi ng ating patuloy na pagsubaybay at pangangalaga sa kalidad ng ating mga katubigan. Layon nito na masiguro na sumusunod tayo sa RA 9275, o ang Philippine Clean Water Act of 2004, na nag-aatas sa atin na pangalagaan, panatilihin, at ibalik ang ganda at kalusugan ng ating mga tubig-tabang at dagat

24/02/2026

Isinagawa noong Pebrero 19, 2026 sa Provincial Training Center sa Mamburao, Occidental Mindoro ang 1st Quarter Solid Waste Management Board Meeting ng lalawigan.

Pinangunahan ito ni Gobernador Eduardo B. Gadiano na kinatawan ni PEMO Alex Coden. Tinalakay sa pulong ang mahahalagang agenda kabilang ang Institutionalization of Garbage Fee Collection from Households, Amendment/Comment on the Draft Clean and Green Guidelines, at Presentation of Municipalities’ Best Practices kung saan nagbahagi ng kanilang mga programa at aktibidad ang Paluan at Magsaysay.

Inilahad din ni G. Jeorge Vicencio mula sa One Ecology World Corp. ang tungkol sa Solid Waste Gasification Machine (SWGM) bilang alternatibong teknolohiya sa pamamahala ng mga basura.

Kabilang sa mga dumalo sina PD Maria Victoria J. Del Rosario, CSEE - DILG, mga kinatawan ng MENROs, DepEd, DTI, DENR, DENR-EMB, at mga kawani ng Pamahalaang Panlalawigan.

SERBISYONG GANADO!
GANADO NA, MAS GAGANAHAN PA!