Governor ED Gadiano Occidental Mindoro

03/09/2026

𝐆𝐎𝐕. 𝐄𝐃 𝐆𝐀𝐃𝐈𝐀𝐍𝐎, 𝐍𝐀𝐆𝐊𝐀𝐋𝐎𝐎𝐁 𝐍𝐆 𝐅𝐈𝐍𝐀𝐍𝐂𝐈𝐀𝐋 𝐀𝐒𝐒𝐈𝐒𝐓𝐀𝐍𝐂𝐄 𝐒𝐀 𝐓𝐄𝐀𝐌 𝐍𝐄𝐗𝐎𝐑𝐀 𝐍𝐀 𝐍𝐀𝐆𝐊𝐀𝐌𝐏𝐄𝐎𝐍 𝐒𝐀 𝐔𝐍𝐈𝐈𝐂 𝐁𝐔𝐒𝐈𝐍𝐄𝐒𝐒 𝐂𝐇𝐀𝐋𝐋𝐄𝐍𝐆𝐄 𝟐𝟎𝟐𝟔

Bilang pagkilala at suporta sa tagumpay ng mga kabataang Mindoreño sa international stage, nagkaloob si Governor Eduardo B. Gadiano ng ₱15,000 financial assistance bawat isa kina Ms. Jessa P. Lacanaria at Ms. Trexie A. Pansalin mga studyante ng Occidental Mindoro State University- Mamburao Campus.

Sina Lacanaria at Pansalin, na kabilang sa Team Nexora, ay itinanghal na CHAMPION sa UNIIC Business Challenge 2026 na ginanap sa Ho Chi Minh City, Vietnam noong Agosto 19-21, 2026.

Ang ipinagkaloob na tulong pinansyal mula sa Pamahalaang Panlalawigan ay bahagi ng patuloy na suporta ni Gov. Ed sa mga kabataang nagpapamalas ng husay, talento at kakayahan sa iba’t ibang larangan, lalo na sa mga pagkakataong naitataas nila ang pangalan ng Occidental Mindoro sa pambansa at pandaigdigang kompetisyon.

Ipinagmamalaki ng Pamahalaang Panlalawigan ang tagumpay ng Team Nexora, na nagsisilbing inspirasyon sa kapwa kabataang Mindoreño na patuloy na mangarap, magsikap, at paunlarin ang kanilang kakayahan upang makamit ang tagumpay sa anumang larangang kanilang tatahakin.

𝗦𝗘𝗥𝗕𝗜𝗦𝗬𝗢𝗡𝗚 𝗚𝗔𝗡𝗔𝗗𝗢!
‎𝗚𝗔𝗡𝗔𝗗𝗢 𝗡𝗔, 𝗠𝗔𝗦 𝗚𝗔𝗚𝗔𝗡𝗔𝗛𝗔𝗡 𝗣𝗔!
‎
‎
‎

03/09/2026

𝐆𝐎𝐕. 𝐄𝐃, 𝐏𝐈𝐍𝐀𝐍𝐆𝐔𝐍𝐀𝐇𝐀𝐍 𝐀𝐍𝐆 𝐔𝐍𝐀𝐍𝐆 𝐁𝐒𝐏 𝐎𝐂𝐂𝐈𝐃𝐄𝐍𝐓𝐀𝐋 𝐌𝐈𝐍𝐃𝐎𝐑𝐎 𝐂𝐎𝐔𝐍𝐂𝐈𝐋 𝐄𝐗𝐄𝐂𝐔𝐓𝐈𝐕𝐄 𝐁𝐎𝐀𝐑𝐃 𝐌𝐄𝐄𝐓𝐈𝐍𝐆 𝐏𝐀𝐑𝐀 𝐒𝐀 𝟐𝟎𝟐𝟔

Patuloy ang suporta ni Governor Eduardo B. Gadiano sa mga programang naglalayong linangin ang kakayahan, pagpapahalaga at diwa ng paglilingkod ng kabataang Mindoreño sa pamamagitan ng Boy Scouts of the Philippines (BSP).

Bilang itinalagang Council Chair ng Boy Scouts of the Philippines-Occidental Mindoro Council, pinangunahan ni Gov. Ed ang 1st Council Executive Board Meeting for 2026 na ginanap sa Governor’s Office, Provincial Capitol, Mamburao.

Kasabay ng pagpupulong, pormal ding nanumpa si Gov. Ed bilang Council Chair sa pangunguna ni SL Felix M. Famaran, CESO VI, OIC-SDS at Council Scout Commissioner. Matapos nito, pinangunahan naman ng Gobernador ang panunumpa ng iba pang halal na opisyal ng konseho.

Sa kanyang mensahe, tiniyak ni Gov. Ed ang patuloy na suporta ng Pamahalaang Panlalawigan sa Scouting Movement at sa mga gawaing nakatutulong sa paglinang ng responsableng kabataan at mga susunod na lider ng lalawigan.

Tinalakay rin sa pagpupulong ang kasalukuyang kalagayan ng BSP-Occidental Mindoro Council, membership at registration, bilang ng mga trained personnel, financial statement, at Plan of Activities para sa School Year 2026-2027.

𝗦𝗘𝗥𝗕𝗜𝗦𝗬𝗢𝗡𝗚 𝗚𝗔𝗡𝗔𝗗𝗢!
‎𝗚𝗔𝗡𝗔𝗗𝗢 𝗡𝗔, 𝗠𝗔𝗦 𝗚𝗔𝗚𝗔𝗡𝗔𝗛𝗔𝗡 𝗣𝗔!
‎
‎
‎

02/09/2026

𝐆𝐎𝐕. 𝐄𝐃, 𝐏𝐈𝐍𝐀𝐓𝐈𝐁𝐀𝐘 𝐀𝐍𝐆 𝐏𝐀𝐊𝐈𝐊𝐈𝐈𝐒𝐀 𝐍𝐆 𝐎𝐂𝐂𝐈𝐃𝐄𝐍𝐓𝐀𝐋 𝐌𝐈𝐍𝐃𝐎𝐑𝐎 𝐒𝐀 𝐂𝐋𝐈𝐌𝐀𝐓𝐄 𝐉𝐔𝐒𝐓𝐈𝐂𝐄 𝐀𝐓 𝐑𝐄𝐍𝐄𝐖𝐀𝐁𝐋𝐄 𝐄𝐍𝐄𝐑𝐆𝐘

Patuloy na isinusulong ni Governor Eduardo B. Gadiano ang mga hakbang tungo sa mas ligtas, malinis at sustainable na kinabukasan para sa mga Mindoreño matapos lumagda sa isang Memorandum of Understanding (MOU) kasama ang Philippine Movement for Climate Justice (PMCJ).

Pinangunahan ni PMCJ National Coordinator Mr. Ian C. Rivera Jr., kasama ang iba pang miyembro ng organisasyon, ang courtesy visit at pakikipagpulong kay Governor Eduardo B. Gadiano upang talakayin ang kanilang mga adbokasiya at mga posibleng hakbang ng pagtutulungan sa pagsusulong ng climate justice at makatarungang transisyon tungo sa renewable energy.

Sa pamamagitan ng kasunduan, higit na palalakasin ang pagtutulungan ng Pamahalaang Panlalawigan at PMCJ sa pagsusulong ng mga programa at adbokasiyang tutugon sa epekto ng climate change, kasabay ng pagsusulong ng mabilis, makatarungan at patas na paglipat sa renewable energy.

Kabilang sa isinusulong na adhikain ang pagkakaroon ng 100% rapid shift to just and equitable renewable energy by 2030, bilang bahagi ng pangmatagalang hakbang upang mabawasan ang pagdepende sa fossil fuels at mapangalagaan ang kalikasan at kabuhayan ng mga mamamayan.

Para kay Gov. Ed, mahalagang ang pag-unlad ng lalawigan ay kaakibat ng pangangalaga sa likas na yaman at paghahanda sa patuloy na epekto ng nagbabagong klima, upang matiyak na ang mga hakbang ngayon ay magiging pakinabang din ng mga susunod na henerasyon ng Occidental Mindoreño.

𝗦𝗘𝗥𝗕𝗜𝗦𝗬𝗢𝗡𝗚 𝗚𝗔𝗡𝗔𝗗𝗢!
‎𝗚𝗔𝗡𝗔𝗗𝗢 𝗡𝗔, 𝗠𝗔𝗦 𝗚𝗔𝗚𝗔𝗡𝗔𝗛𝗔𝗡 𝗣𝗔!
‎
‎
‎

02/09/2026

01/09/2026

𝐒𝐓𝐀𝐓𝐄 𝐎𝐅 𝐂𝐀𝐋𝐀𝐌𝐈𝐓𝐘, 𝐈𝐃𝐈𝐍𝐄𝐊𝐋𝐀𝐑𝐀 𝐍𝐀 𝐒𝐀 𝐁𝐔𝐎𝐍𝐆 𝐎𝐂𝐂𝐈𝐃𝐄𝐍𝐓𝐀𝐋 𝐌𝐈𝐍𝐃𝐎𝐑𝐎

Opisyal nang idineklara sa ilalim ng State of Calamity ang buong lalawigan ng Occidental Mindoro matapos pagtibayin ng Sangguniang Panlalawigan, sa pamumuno ni Vice Governor Anecita Diana Apigo-Tayag, ang kaukulang resolusyon sa regular na sesyon ngayong araw, ika-1 ng Setyembre 2026.

Ang deklarasyon ay isinagawa kasunod ng pag-endorso ni Governor Eduardo B. Gadiano sa Sangguniang Panlalawigan ng Provincial Disaster Risk Reduction and Management Council (PDRRMC) Resolution No. 6, Series of 2026, na nagrerekomenda ng pagdedeklara ng State of Calamity sa buong lalawigan.

Ito ay bunsod ng malawak at matinding pinsalang idinulot ng habagat na lalo pang pinalakas ng Tropical Depressions Maymay at Neneng, na nakaapekto sa mga komunidad, kabuhayan, imprastraktura at iba pang sektor sa iba’t ibang bahagi ng Occidental Mindoro.

Sa pamamagitan ng deklarasyong ito, mas mapapabilis ang pagpapakilos ng mga kinakailangang pondo, programa at iba pang hakbang ng Pamahalaang Panlalawigan upang matugunan ang agarang pangangailangan ng mga apektadong mamamayan at masuportahan ang rehabilitasyon at pagbangon ng mga komunidad.

01/09/2026

‎𝐆𝐎𝐕. 𝐄𝐃, 𝐍𝐀𝐊𝐈𝐈𝐒𝐀 𝐒𝐀 𝐏𝐀𝐆𝐁𝐔𝐁𝐔𝐊𝐀𝐒 𝐍𝐆 𝐈𝐊𝐀-𝟏𝟐𝟔 𝐀𝐍𝐈𝐁𝐄𝐑𝐒𝐀𝐑𝐘𝐎 𝐍𝐆 𝐒𝐄𝐑𝐁𝐈𝐒𝐘𝐎 𝐒𝐈𝐁𝐈𝐋
‎
‎Bilang pagkilala sa mahalagang ambag ng mga kawani ng pamahalaan sa pag-unlad ng lalawigan at patuloy na paghahatid ng serbisyo sa mamamayan, opisyal nang sinimulan ng Pamahalaang Panlalawigan ng Occidental Mindoro ang isang buwang pagdiriwang ng ika-126 Philippine Civil Service Anniversary.
‎
‎Nakiisa si Governor Eduardo B. Gadiano sa ginanap na kick-off ceremony ngayong araw ika-1 ng Setyembre 2026, sa Tamaraw Hall, Provincial Capitol Main Building, Mamburao.
‎
‎Sa kanyang mensahe, binigyang-diin ni Gov. Ed ang mahalagang papel ng mga kawani ng pamahalaan sa paghahatid ng tapat, mahusay at may malasakit na serbisyo sa mamamayan. Hinikayat din niya ang bawat lingkod-bayan na patuloy na gampanan ang kanilang tungkulin nang may integridad at dedikasyon.
‎
‎Sinimulan ang programa sa pamamagitan ng isang Banal na Misa na pinangunahan ni NSDP Shrine Rector at Parish Priest Rev. Fr. Arnel T. Belamide.
‎
‎Nakiisa rin sa pagbubukas ng pagdiriwang sina Vice Governor Diana Apigo-Tayag; SP Member Alex R. Del Valle; Civil Service Commission Field Office–Occidental Mindoro Director II Atty. Angelina V. Faral; Provincial HRMO Marife T. Tañala; Board Members Ainah Baticados at Ryan Gadiano Sioson; mga Department Heads at mga kawani ng Pamahalaang Panlalawigan.
‎
‎Ngayong taon, isinusulong ng pagdiriwang ang temang “Puso, Dangal, at Galing Para sa Bayan,” na sumasalamin sa tunay na diwa ng makabuluhan at responsableng paglilingkod sa publiko.
‎
‎𝗦𝗘𝗥𝗕𝗜𝗦𝗬𝗢𝗡𝗚 𝗚𝗔𝗡𝗔𝗗𝗢!
‎𝗚𝗔𝗡𝗔𝗗𝗢 𝗡𝗔, 𝗠𝗔𝗦 𝗚𝗔𝗚𝗔𝗡𝗔𝗛𝗔𝗡 𝗣𝗔!
‎
‎
‎

01/09/2026

𝐆𝐎𝐕. 𝐄𝐃 𝐏𝐄𝐑𝐒𝐎𝐍𝐀𝐋 𝐍𝐀 𝐈𝐏𝐈𝐍𝐀𝐆𝐊𝐀𝐋𝐎𝐎𝐁 𝐀𝐍𝐆 𝟔 𝐌𝐈𝐋𝐘𝐎𝐍𝐆 𝐏𝐎𝐍𝐃𝐎 𝐏𝐀𝐑𝐀 𝐒𝐀 𝐌𝐆𝐀 𝐏𝐑𝐎𝐘𝐄𝐊𝐓𝐎𝐍𝐆 𝐏𝐀𝐍𝐆-𝐁𝐀𝐑𝐀𝐍𝐆𝐀𝐘 𝐒𝐀 𝐈𝐋𝐀𝐋𝐈𝐌 𝐍𝐆 𝐒𝐆𝐋𝐆𝐁 𝐈𝐍𝐂𝐄𝐍𝐓𝐈𝐕𝐄 𝐅𝐔𝐍𝐃𝐒 𝐒𝐀 𝐁𝐀𝐘𝐀𝐍 𝐍𝐆 𝐒𝐀𝐁𝐋𝐀𝐘𝐀𝐍 𝐀𝐓 𝐒𝐀𝐍𝐓𝐀 𝐂𝐑𝐔𝐙

‎Personal na ipinagkaloob ni Governor Eduardo B. Gadiano ang kabuuang ₱6,000,000.00 na pondo sa anim na barangay sa mga bayan ng Sablayan at Santa Cruz bilang suporta sa pagpapatupad ng iba’t ibang proyektong pangkaunlaran sa ilalim ng Seal of Good Local Governance for Barangay (SGLGB) Incentive Fund, na pinondohan ng Municipal and Barangay Affairs Office (MBAO) ng Pamahalaang Panlalawigan.

Kabilang sa mga proyektong pinondohan ang installation ng street lights at solar street lights, construction ng solar dryers, at concreting ng access road.

Ang bawat benepisyaryong barangay na tumanggap ay:
• Brgy. Kurtinganan, Sta. Cruz- Installation of Street Lights
• Barangay Batongbuhay, Sablayan- Construction of 2 units of Solar Dryer
• Barangay Pag-asa, Sablayan- Intallation of Street Lights
• Barangay Ligaya, Sablayan- Concreting of Access Road
• Barangay Sto. Niño, Sablayan- Installation of Solar Street Lights
• Barangay Poblacion, Sablayan- Installation of Solar Street Lights

Nakiisa rin sa programa si DILG Occidental Mindoro Provincial Director Maria Victoria J. Del Rosario, na nagbigay ng mensahe para sa mga benepisyaryong barangay. Binigyang-diin niya ang kahalagahan ng patuloy na pagsusulong ng mahusay at responsableng pamamahala sa antas ng barangay, gayundin ang maayos na paggamit ng mga pondong inilaan para sa kapakinabangan ng kanilang mga nasasakupan.

Sa pamamagitan ng pagkakaloob ng naturang pondo, patuloy na pinalalakas ng Pamahalaang Panlalawigan sa pangunguna ni Gov. Ed ang suporta sa mga barangay upang maisakatuparan ang mga proyektong tumutugon sa pangangailangan ng kani-kanilang komunidad.

𝗦𝗘𝗥𝗕𝗜𝗦𝗬𝗢𝗡𝗚 𝗚𝗔𝗡𝗔𝗗𝗢!
‎𝗚𝗔𝗡𝗔𝗗𝗢 𝗡𝗔, 𝗠𝗔𝗦 𝗚𝗔𝗚𝗔𝗡𝗔𝗛𝗔𝗡 𝗣𝗔!
‎
‎
‎

01/09/2026

𝐎𝐏𝐄𝐍 𝐃𝐎𝐎𝐑 𝐏𝐎𝐋𝐈𝐂𝐘 𝐍𝐈 𝐆𝐎𝐕. 𝐄𝐃, 𝐏𝐀𝐓𝐔𝐋𝐎𝐘 𝐒𝐀 𝐔𝐍𝐀𝐍𝐆 𝐀𝐑𝐀𝐖 𝐍𝐆 𝐒𝐄𝐓𝐘𝐄𝐌𝐁𝐑𝐄

Sa pagsisimula ng panibagong buwan, nananatiling bukas ang tanggapan ni Governor Eduardo B. Gadiano para sa mga nais personal na maipaabot ang kanilang mga hinaing, concern at pangangailangan sa Pamahalaang Panlalawigan.

Ngayong Lunes, ika-1 ng Setyembre, muling ipinagpapatuloy ni Gov. Ed ang kanyang Open Door Policy sa Provincial Governor’s Office, Provincial Capitol, Mamburao, kung saan personal niyang tinanggap at pinakinggan ang mga dumulog upang ilapit ang iba’t ibang usaping nangangailangan ng tugon at kaukulang aksyon.

Sa pamamagitan ng patuloy na Open Door Policy, pinananatili ni Gov. Ed ang direktang ugnayan sa mamamayan at isinusulong ang serbisyong bukas, madaling lapitan at handang tumugon sa kanilang mga pangangailangan.

𝗦𝗘𝗥𝗕𝗜𝗦𝗬𝗢𝗡𝗚 𝗚𝗔𝗡𝗔𝗗𝗢!
‎𝗚𝗔𝗡𝗔𝗗𝗢 𝗡𝗔, 𝗠𝗔𝗦 𝗚𝗔𝗚𝗔𝗡𝗔𝗛𝗔𝗡 𝗣𝗔!
‎
‎
‎

30/08/2026

𝐂𝐀𝐏𝐀𝐁𝐈𝐋𝐈𝐓𝐘 𝐁𝐔𝐈𝐋𝐃𝐈𝐍𝐆 𝐏𝐀𝐑𝐀 𝐒𝐀 𝐇𝐎𝐌𝐄𝐎𝐖𝐍𝐄𝐑𝐒’ 𝐀𝐒𝐒𝐎𝐂𝐈𝐀𝐓𝐈𝐎𝐍𝐒 𝐋𝐄𝐀𝐃𝐄𝐑𝐒, 𝐃𝐈𝐍𝐀𝐋𝐔𝐇𝐀𝐍 𝐍𝐈 𝐆𝐎𝐕𝐄𝐑𝐍𝐎𝐑 𝐄𝐃 𝐆𝐀𝐃𝐈𝐀𝐍𝐎

Patuloy na isinusulong ng Pamahalaang Panlalawigan ng Occidental Mindoro, sa pamumuno ni Governor Eduardo B. Gadiano, ang mga programang naglalayong palakasin ang kakayahan at kaalaman ng mga organisasyong katuwang ng pamahalaan sa pagpapaunlad ng mga komunidad.

Kabilang dito ang Capability Building Program para sa mga Homeowners’ Associations (HOAs) ng Occidental Mindoro na isinagawa nitong ika-25 ng Agosto, sa Siburan Municipal Hall, Sablayan. Nakibahagi rito si Gov. Ed, kasama ang mga HOA leaders, katuwang ang Pamahalaang Bayan ng Sablayan sa pangunguna ni Mayor Walter B. Marquez, Department of Human Settlements and Urban Development (DHSUD) MIMAROPA sa pamumuno ni Regional Director Mary Ann F. Policarpio, at ang PGO–Local Housing Development and Management Section (LHDMS).

Tampok sa programa ang mga talakayan hinggil sa Community Development at Republic Act No. 9904 o Magna Carta for Homeowners’ Associations, na naglalayong higit na mapalawak ang kaalaman ng mga HOA leaders tungkol sa kanilang mga karapatan, tungkulin, at responsibilidad sa pamamahala ng kanilang mga samahan.

Mahalagang katuwang ng pamahalaan ang mga homeowners’ associations sa pagpapanatili ng maayos, organisado, at maunlad na mga pamayanan. Sa pamamagitan ng mga ganitong pagsasanay, nabibigyan sila ng dagdag na kaalaman at kasanayang magagamit sa mas epektibong pamumuno at pakikilahok sa mga gawaing pangkomunidad.

𝗦𝗘𝗥𝗕𝗜𝗦𝗬𝗢𝗡𝗚 𝗚𝗔𝗡𝗔𝗗𝗢!
‎𝗚𝗔𝗡𝗔𝗗𝗢 𝗡𝗔, 𝗠𝗔𝗦 𝗚𝗔𝗚𝗔𝗡𝗔𝗛𝗔𝗡 𝗣𝗔!
‎
‎
‎

03/08/2026

𝐎𝐏𝐈𝐒𝐘𝐀𝐋 𝐍𝐀 𝐁𝐋𝐄𝐒𝐒𝐈𝐍𝐆 𝐂𝐄𝐑𝐄𝐌𝐎𝐍𝐘 𝐍𝐆 𝐁𝐀𝐆𝐎𝐍𝐆 𝐓𝐀𝐍𝐆𝐆𝐀𝐏𝐀𝐍 𝐍𝐆 𝐄𝐍𝐑𝐎, 𝐃𝐈𝐍𝐀𝐋𝐔𝐇𝐀𝐍 𝐍𝐈 𝐆𝐎𝐕. 𝐄𝐃
‎
‎Personal na dumalo si Governor Eduardo B. Gadiano sa isinagawang opisyal na Blessing Ceremony ng bagong tanggapan ng ENRO ngayong ika-3 ng Agosto, 2026. Pinangunahan ang pagpapasinaya at pagbabasbas sa bagong tanggapan ni Rev. Fr Arnel T. Belamide.
‎
‎Ang bagong tanggapan ay inaasahang magsisilbing mas maayos at mas episyenteng sentro ng mga programa at serbisyong may kaugnayan sa pangangalaga, pamamahala, at pangangalaga sa likas na yaman ng lalawigan.
‎
‎Sa kanyang pagdalo, ipinakita ni Governor Gadiano ang patuloy na suporta ng Pamahalaang Panlalawigan sa mga programang naglalayong mapangalagaan ang kalikasan at higit pang mapalakas ang paghahatid ng serbisyo para sa kapakanan ng mga mamamayan ng Occidental Mindoro.
‎
‎Ang pagpapasinaya at pagbabasbas sa bagong tanggapan ay sumisimbolo ng panibagong yugto tungo sa mas organisado, episyente, at mas matatag na pagpapatupad ng mga programang pangkalikasan sa lalawigan.

𝗦𝗘𝗥𝗕𝗜𝗦𝗬𝗢𝗡𝗚 𝗚𝗔𝗡𝗔𝗗𝗢!
‎𝗚𝗔𝗡𝗔𝗗𝗢 𝗡𝗔, 𝗠𝗔𝗦 𝗚𝗔𝗚𝗔𝗡𝗔𝗛𝗔𝗡 𝗣𝗔!
‎
‎
‎