PPDO Occidental Mindoro

26/08/2026

𝐈𝐬𝐚𝐧𝐠 𝐦𝐚𝐢𝐧𝐢𝐭 𝐧𝐚 𝐩𝐚𝐠𝐛𝐚𝐭𝐢 𝐬𝐚 𝐏𝐫𝐨𝐯𝐢𝐧𝐜𝐢𝐚𝐥 𝐆𝐨𝐯𝐞𝐫𝐧𝐦𝐞𝐧𝐭 𝐨𝐟 𝐎𝐜𝐜𝐢𝐝𝐞𝐧𝐭𝐚𝐥 𝐌𝐢𝐧𝐝𝐨𝐫𝐨 𝐬𝐚 𝐩𝐚𝐠𝐤𝐚𝐤𝐚𝐭𝐚𝐧𝐠𝐠𝐚𝐩 𝐧𝐠 𝐂𝐥𝐢𝐦𝐚𝐭𝐞 𝐂𝐡𝐚𝐧𝐠𝐞 𝐄𝐱𝐩𝐞𝐧𝐝𝐢𝐭𝐮𝐫𝐞 𝐓𝐚𝐠𝐠𝐢𝐧𝐠 (𝐂𝐂𝐄𝐓) 𝐀𝐜𝐤𝐧𝐨𝐰𝐥𝐞𝐝𝐠𝐞𝐦𝐞𝐧𝐭 𝐂𝐞𝐫𝐭𝐢𝐟𝐢𝐜𝐚𝐭𝐢𝐨𝐧 𝐦𝐮𝐥𝐚 𝐬𝐚 𝐂𝐥𝐢𝐦𝐚𝐭𝐞 𝐂𝐡𝐚𝐧𝐠𝐞 𝐂𝐨𝐦𝐦𝐢𝐬𝐬𝐢𝐨𝐧 (𝐂𝐂𝐂)! 🌱

Ang certification na ito ay pagkilala sa Provincial Government na ang isinumiteng Annual Investment Plan (AIP) para sa Fiscal Years 2025 at 2026 ay alinsunod sa mga pambansang patakaran at alituntunin sa climate change planning at budgeting.

Mahalaga ang CCET sapagkat tinutulungan nitong matukoy at maisama sa pagpaplano ang mga programa, proyekto, at aktibidad (PPAs) para sa climate change adaptation at mitigation. Sa ganitong paraan, mas naitutugma ang mga pamumuhunan ng Pamahalaang Panlalawigan sa mga panganib at hamong dulot ng climate change.

Ang pagkilalang ito ay nagpapakita ng patuloy na pagsunod ng Provincial Government sa climate-responsive planning at budgeting. Hinihikayat din ng CCC ang Probinsya na higit pang palakasin ang green practices at isulong ang lokal na pagpapatupad ng Philippine National Adaptation Plan (NAP) at Nationally Determined Contribution (NDC) sa mga susunod na PPAs.

Patuloy nating isulong ang mga hakbang tungo sa isang mas ligtas, sustainable, handa, at climate-resilient na probinsya! 🌱

Mabuhay ang Provincial Government of Occidental Mindoro!

𝐒𝐄𝐑𝐁𝐈𝐒𝐘𝐎𝐍𝐆 𝐆𝐀𝐍𝐀𝐃𝐎!
𝐆𝐀𝐍𝐀𝐃𝐎 𝐍𝐀, 𝐆𝐀𝐆𝐀𝐍𝐀𝐇𝐀𝐍 𝐏𝐀!

25/08/2026

𝐒𝐈𝐓𝐄 𝐈𝐍𝐒𝐏𝐄𝐂𝐓𝐈𝐎𝐍 𝐏𝐀𝐑𝐀 𝐒𝐀 𝐈𝐌𝐈𝐍𝐔𝐍𝐆𝐊𝐀𝐇𝐈𝐍𝐆 𝐏𝐕+𝐄𝐒𝐒 𝐏𝐑𝐎𝐉𝐄𝐂𝐓 𝐒𝐀 𝐋𝐀𝐋𝐀𝐖𝐈𝐆𝐀𝐍 𝐍𝐆 𝐎𝐂𝐂𝐈𝐃𝐄𝐍𝐓𝐀𝐋 𝐌𝐈𝐍𝐃𝐎𝐑𝐎
Agosto 18-19, 2026
Bilang bahagi ng Feasibility Study para sa proyektong “Establishment of an Eco-Friendly Power System (PV+ESS) for Responding to Climate Change in Occidental Mindoro,“ nagsagawa ang Korean Feasibility Study Team ng inspeksiyon sa mga iminungkahing lugar sa iba’t ibang bahagi ng lalawigan.

Noong hapon ng Agosto 18, 2026, binisita ng pangkat ang Provincial Evacuation Center at ang mga iminungkahing pampublikong pasilidad sa mga bayan ng Sta. Cruz at Mamburao.
Nakiisa sa inspeksiyon sa Sta. Cruz si Mayor Ernie Torreliza, kasama ang iba pang kinatawan ng LGU. Samantala sa bayan naman ng Mamburao ay nakiisa sina MPDC John Paul Aristotle Ramos, OIC-Municipal Engineer Ryan Tamolang, at iba pang kinatawan ng pamahalaang bayan.

Noong Agosto 19, bago ipinagpatuloy ang mga site inspection, bumisita muna ang Korean Team kasama ang PPDO sa pangunguna ni PPDC Anthony A. Dantis, sa tanggapan ng Occidental Mindoro Electric Cooperative, Inc. (OMECO) sa Mamburao at nakipagpulong kay Engr. John Dave C. Pascual, Area Operations Department Manager.

Tinalakay sa pagpupulong ang mahahalagang teknikal na impormasyong kailangan sa pagsusuri at posibleng integrasyon ng Solar Photovoltaic (PV) at Energy Storage System (ESS) sa mga target na pampublikong pasilidad.

Matapos ang pagbisita sa OMECO, nagtungo ang pangkat sa mga bayan ng Paluan at Abra de Ilog upang ipagpatuloy ang inspeksiyon. Sa Paluan, nakipag-ugnayan ang grupo kay Mayor Michael Diaz at sa mga kinatawan ng pamahalaang bayan para sa pagsusuri sa iminungkahing pasilidad.

Sa Abra de Ilog, nakipagpulong ang Team kay Mayor Maria Gloria M. Constantino at sa mga kinatawan ng LGU. Nagkataon namang nasa bayan din si Governor Eduardo B. Gadiano, kaya nagkaroon ang pangkat ng pagkakataong maiharap at maipaliwanag ang proyekto sa Gobernador, kasama rin si Bokal Ryan Sioson.

Sa isinagawang inspeksiyon, sinuri ng Korean Team ang aktuwal na kalagayan at kaangkupan ng mga iminungkahing lugar para sa paglalagay ng PV at ESS. Kabilang sa mga isinasaalang-alang ang magagamit na espasyo, kondisyon at lokasyon ng pasilidad, pangangailangan sa enerhiya, kasalukuyang koneksiyon sa kuryente, at iba pang teknikal na impormasyong mahalaga sa Feasibility Study.

Ang mga resulta ng site inspection, kasama ang mga datos na isinumite ng mga pamahalaang bayan at impormasyong ibinahagi ng OMECO, ay gagamitin sa pagbuo ng angkop na disenyo at mga rekomendasyong teknikal para sa proyekto.

Patuloy ang pakikipagtulungan ng Pamahalaang Panlalawigan upang maisulong ang paggamit ng malinis at maaasahang enerhiya at mapalakas ang katatagan ng mga pampublikong pasilidad laban sa mga epekto ng pagbabago ng klima.

𝐒𝐄𝐑𝐁𝐈𝐒𝐘𝐎𝐍𝐆 𝐆𝐀𝐍𝐀𝐃𝐎!
𝐆𝐀𝐍𝐀𝐃𝐎 𝐍𝐀, 𝐆𝐀𝐆𝐀𝐍𝐀𝐇𝐀𝐍 𝐏𝐀!

25/08/2026

𝐄𝐒𝐓𝐀𝐁𝐋𝐈𝐒𝐇𝐌𝐄𝐍𝐓 𝐎𝐅 𝐀𝐍 𝐄𝐂𝐎-𝐅𝐑𝐈𝐄𝐍𝐃𝐋𝐘 𝐏𝐎𝐖𝐄𝐑 𝐒𝐘𝐒𝐓𝐄𝐌 (𝐏𝐕+𝐄𝐒𝐒) 𝐅𝐎𝐑 𝐑𝐄𝐒𝐏𝐎𝐍𝐃𝐈𝐍𝐆 𝐓𝐎 𝐂𝐋𝐈𝐌𝐀𝐓𝐄 𝐂𝐇𝐀𝐍𝐆𝐄 𝐈𝐍 𝐎𝐂𝐂𝐈𝐃𝐄𝐍𝐓𝐀𝐋 𝐌𝐈𝐍𝐃𝐎𝐑𝐎
Agosto 18, 2026
Alcaide’s Grilled Burger and More, Brgy. 7, Mamburao, Occidental Mindoro

Isinagawa noong Agosto 18, 2026 sa Alcaide’s Grilled Burger and More, Brgy. 7, Mamburao, ang presentasyon at talakayan para sa proyektong “Establishment of an Eco-Friendly Power System (PV+ESS) for Responding to Climate Change in Occidental Mindoro.”

Napili ang proyekto upang sumailalim sa Feasibility Study sa ilalim ng Energy Official Development Assistance (ODA) Program ng Pamahalaan ng Republika ng Korea. Batay sa magiging resulta ng pag-aaral at sa mga kaukulang proseso ng pag-apruba, inaasahang maipagkakaloob ito bilang grant assistance.

Layunin ng proyekto na makapaglagay ng Solar Photovoltaic (PV) at Energy Storage System (ESS) sa Provincial Evacuation Center at sa tig-isang angkop na pampublikong pasilidad sa labing-isang bayan ng Occidental Mindoro. Inaasahang makatutulong ito sa pagsusulong ng renewable energy at pagpapatatag ng kakayahan ng mga komunidad na tumugon sa mga epekto ng pagbabago ng klima.

Nagbigay ng mensahe ng pagtanggap si Provincial Administrator Muriel M. Reguinding. Lumahok naman sa aktibidad, nang personal at sa pamamagitan ng Zoom, ang mga kinatawan ng 11 pamahalaang bayan at iba’t ibang tanggapan ng Pamahalaang Panlalawigan.

Pinangunahan ng Korean Feasibility Study Team ang presentasyon tungkol sa mga layunin, saklaw, at inaasahang benepisyo ng proyekto. Ipinaliwanag din ng pangkat ang proseso ng Feasibility Study, mula sa pangangalap at pagsusuri ng mga datos, pag-iinspeksiyon at pagtatasa sa mga iminungkahing lugar, hanggang sa pagbuo ng angkop na disenyo at mga rekomendasyong teknikal para sa paglalagay ng PV at ESS.

Binubuo ang Korean Feasibility Study Team nina Mr. Jinhyo Jeon at Ms. Eunhui Yu, kapwa CEO ng CarryGreen Co., Ltd.; at Mr. Sungbae Park, Project Manager, at Ms. Arang Bae, Manager, ng Korea Association of Machinery Industry (KOAMI).

Ang aktibidad ay isang mahalagang hakbang tungo sa pagsusulong ng isang mas malinis, maaasahan, at matatag na sistema ng enerhiya para sa mamamayan ng Occidental Mindoro.

𝐒𝐄𝐑𝐁𝐈𝐒𝐘𝐎𝐍𝐆 𝐆𝐀𝐍𝐀𝐃𝐎!
𝐆𝐀𝐍𝐀𝐃𝐎 𝐍𝐀, 𝐆𝐀𝐆𝐀𝐍𝐀𝐇𝐀𝐍 𝐏𝐀!

24/08/2026

𝐎𝐑𝐈𝐄𝐍𝐓𝐀𝐓𝐈𝐎𝐍 𝐎𝐍 𝐓𝐇𝐄 𝐂𝐎𝐌𝐏𝐑𝐄𝐇𝐄𝐍𝐒𝐈𝐕𝐄 𝐃𝐄𝐕𝐄𝐋𝐎𝐏𝐌𝐄𝐍𝐓 𝐏𝐋𝐀𝐍 (𝐂𝐃𝐏) 𝐅𝐎𝐑𝐌𝐔𝐋𝐀𝐓𝐈𝐎𝐍 𝐏𝐑𝐎𝐂𝐄𝐒𝐒 𝐀𝐍𝐃 𝐓𝐇𝐄 𝐑𝐎𝐋𝐄𝐒 𝐀𝐍𝐃 𝐑𝐄𝐒𝐏𝐎𝐍𝐒𝐈𝐁𝐈𝐋𝐈𝐓𝐈𝐄𝐒 𝐎𝐅 𝐓𝐇𝐄 𝐓𝐄𝐂𝐇𝐍𝐈𝐂𝐀𝐋 𝐀𝐒𝐒𝐄𝐒𝐒𝐌𝐄𝐍𝐓 𝐂𝐎𝐌𝐌𝐈𝐓𝐓𝐄𝐄 (𝐓𝐀𝐂)
August 12-13, 2026
DILG Provincial Office, Brgy. Payompon, Mamburao, Occidental Mindoro

Sa patuloy na pagpapalakas ng kapasidad sa pagpaplano ng kaunlaran, matagumpay na naisakatuparan ang dalawang araw na Orientation sa Comprehensive Development Plan (CDP) Formulation Process at ang mga Tungkulin ng Technical Assessment Committee (TAC). Ang mahalagang pagsasanay na ito ay pinangunahan ng Department of Interior and Local Government (DILG) at aktibong dinaluhan ng mga kinatawan mula sa iba't ibang tanggapan ng Pamahalaang Panlalawigan ng Occidental Mindoro.

Nagsilbing mga gabay at pangunahing tagapagsalita sina LGOO II Raul Benedick A. Sison, LGOO II Armando Golifardo, Jr., at Division Chief Cidney Pamela M. Bejasa ng DILG. Sila ay masusing ibinahagi ang kanilang kaalaman at gabay ukol sa mga opisyal na Assessment Tools at ang wastong paggamit nito sa pagsusuri ng mga development plan.

Naging sentro ng makabuluhang talakayan at hands-on na pagsasanay ang mga sumusunod:

• Malalim na oryentasyon sa sistematikong proseso ng pagbuo ng Comprehensive Development Plan (CDP) at malinaw na paglalatag sa mga kritikal na tungkulin at responsibilidad ng Technical Assessment Committee (TAC) sa pagtitiyak ng kalidad ng mga plano;
• Masusing paghimay at pagtalakay sa limang (5) pundasyong sektor ng pag-unlad: Social, Institutional, Economy, Infrastructure, at Environment na siyang nagsisilbing balangkas ng bawat CDP;
• Aktwal at hands-on assessment sa CDP ng bayan ng Looc gamit ang mga itinakdang Assessment Tools ng DILG na sumasaklaw sa apat na mahahalagang bahagi: Component I - Forms, Component II - Process, Component III - Content, at Component IV - Mainstreaming Concerns; at
• Makabuluhang pagbabahagi ng mga subok na estratehiya at pinakamahuhusay na pamamaraan na magagamit ng buong TAC sa mga susunod pang pagsusuri ng mga CDP sa iba't ibang bayan ng ating lalawigan.

Sa pamamagitan ng mga hands-on learning sessions at praktikal na aplikasyon ng mga pamantayang itinakda ng DILG, mas pinatibay ang kakayahan ng buong Technical Assessment Committee na magtulungan bilang isang nag-iisang puwersa. Sa ganitong paraan, hindi lamang napapabuti ang gawain ng bawat tanggapan, kundi ang kalidad ng pagpaplano sa buong lalawigan.

Patuloy na isinusulong ng Pamahalaang Panlalawigan ng Occidental Mindoro, sa pakikipagtulungan ng DILG, ang pagpapalakas ng kakayahan ng ating mga kawani sa pamamagitan ng mga makabuluhang pagsasanay na tulad nito.

𝐒𝐄𝐑𝐁𝐈𝐒𝐘𝐎𝐍𝐆 𝐆𝐀𝐍𝐀𝐃𝐎!
𝐆𝐀𝐍𝐀𝐃𝐎 𝐍𝐀, 𝐆𝐀𝐆𝐀𝐍𝐀𝐇𝐀𝐍 𝐏𝐀!

24/08/2026

𝐀𝐒𝐒𝐄𝐒𝐒𝐌𝐄𝐍𝐓 𝐍𝐆 𝐃𝐄𝐕𝐎𝐋𝐔𝐓𝐈𝐎𝐍 𝐓𝐑𝐀𝐍𝐒𝐈𝐓𝐈𝐎𝐍 𝐏𝐋𝐀𝐍 (𝐃𝐓𝐏) 𝟐𝟎𝟐𝟐-𝟐𝟎𝟐𝟒 𝐍𝐆 𝐏𝐑𝐎𝐕𝐈𝐍𝐂𝐈𝐀𝐋 𝐆𝐎𝐕𝐄𝐑𝐍𝐌𝐄𝐍𝐓 𝐎𝐅 𝐎𝐂𝐂𝐈𝐃𝐄𝐍𝐓𝐀𝐋 𝐌𝐈𝐍𝐃𝐎𝐑𝐎
August 11, 2026
DILG Provincial Office, Brgy, Payompon, Mamburao, Occidental Mindoro

Sa patuloy na pagpapatatag ng lokal na pamamahala tungo sa mas maayos na serbisyo publiko, matagumpay na naisakatuparan ang mahalagang Assessment ng Devolution Transition Plan (DTP) 2022-2024 ng Occidental Mindoro. Dinaluhan ang mahalagang pagtitipon nina Provincial Administrator Muriel M. Reguinding, Assistant Regional Director ng Department of the Interior and Local Government (DILG) MIMAROPA na si ARD Juanito D. Olave Jr., Provincial Director ng DILG Occidental Mindoro na si PD Maria Victoria J. Del Rosario, at mga kinatawan mula sa iba’t ibang tanggapan ng Pamahalaang Panlalawigan.

Nagsilbing pangunahing tagapagsalita at gabay sa buong pagpupulong si DILG Division Chief Cidney Pamela M. Bejasa. Ibinahagi niya ang malinaw na konteksto at kahalagahan ng Devolution Transition Plan, pati na ang wastong pag-unawa kung paano ito isinasabuhay at ipinatutupad sa kasalukuyang pamamalakad ng pamahalaan.

Naging sentro ng makabuluhang talakayan ang mga sumusunod:

• Oryentasyon sa mga pangunahing probisyon ng Executive Order No. 138, s. 2021 at Republic Act No. 7160 o ang Local Government Code ng 1991;
• Paglilinaw sa kahalagahan, konteksto, at wastong aplikasyon ng DTP sa kasalukuyang pamamahala at paghahatid ng serbisyo publiko;
• Masusing pagsusuri at pagsilip sa DTP ng bawat opisina mula sa Panlalawigang Pamahalaan ng Occidental Mindoro;
• Paggamit at pagsusuri sa mga Performance Monitoring Tools upang masubaybayan ang pagganap at pag-unlad ng DTP; at
• Pagbuo ng mga estratehiya at mga hakbang upang lalo pang mapabuti, mapalakas, at mapanatili ang kaayusan sa pagpapatupad nito.

Sa pamamagitan ng masusing pagsusuri sa bawat plano at mas malalim na pag-unawa sa kahulugan at praktikal na aplikasyon ng DTP, mas natitiyak ng buong pangkat na ang bawat hakbang ay naaayon sa layunin ng batas na magkaroon ng mas matatag na lokal na pamahalaan na may kakayahang maghatid ng mas mabilis, mas epektibo, at direktang serbisyo sa bawat mamamayan.

Patuloy na isinusulong ng Pamahalaang Panlalawigan ng Occidental Mindoro, sa pakikipagtulungan ng DILG, ang pagpapalakas ng ating mga plano at pamamaraan upang masiguro ang isang organisado, maunlad, at tunay na nakikinabang sa lahat na pamamahala.

𝐒𝐄𝐑𝐁𝐈𝐒𝐘𝐎𝐍𝐆 𝐆𝐀𝐍𝐀𝐃𝐎!
𝐆𝐀𝐍𝐀𝐃𝐎 𝐍𝐀, 𝐆𝐀𝐆𝐀𝐍𝐀𝐇𝐀𝐍 𝐏𝐀!

11/08/2026

10/08/2026

𝗪𝗢𝗥𝗞-𝗙𝗥𝗢𝗠-𝗛𝗢𝗠𝗘 𝗦𝗔 𝗠𝗚𝗔 𝗧𝗔𝗡𝗚𝗚𝗔𝗣𝗔𝗡 𝗡𝗚 𝗣𝗔𝗠𝗔𝗛𝗔𝗟𝗔𝗔𝗡 𝗔𝗧 𝗔𝗟𝗧𝗘𝗥𝗡𝗔𝗧𝗜𝗩𝗘 𝗟𝗘𝗔𝗥𝗡𝗜𝗡𝗚 𝗠𝗢𝗗𝗘𝗦 𝗦𝗔 𝗠𝗚𝗔 𝗣𝗔𝗔𝗥𝗔𝗟𝗔𝗡, 𝗣𝗔𝗧𝗨𝗟𝗢𝗬 𝗡𝗔 𝗜𝗣𝗔𝗧𝗨𝗧𝗨𝗣𝗔𝗗 𝗦𝗔 𝗢𝗖𝗖𝗜𝗗𝗘𝗡𝗧𝗔𝗟 𝗠𝗜𝗡𝗗𝗢𝗥𝗢 𝗡𝗚𝗔𝗬𝗢𝗡𝗚 𝗔𝗚𝗢𝗦𝗧𝗢 𝟭𝟭, 𝟮𝟬𝟮𝟲

Patuloy na ipatutupad ang Work-From-Home (WFH) arrangement sa mga tanggapan ng pamahalaan sa Occidental Mindoro ngayong araw ng Agosto 11, 2026, alinsunod sa bagong Memorandum Circular No. 124 mula sa Tanggapan ng Pangulo.

Ang direktiba ay ipinatutupad bilang paghahanda sa inaasahang patuloy na malakas na pag-ulan dulot ng Southwest Monsoon (Habagat), kasunod ng rekomendasyon ng National Disaster Risk Reduction and Management Council (NDRRMC).

Kabilang ang Lalawigan ng Occidental Mindoro sa mga lalawigang sakop ng naturang direktiba, kasama ang Zambales at Bataan.

Samantala, ipatutupad din ang alternatibong learning modes para sa mga klase sa lahat ng antas sa mga pampubliko at pribadong paaralan sa mga nasabing lugar.

Ang mga tanggapang nangangasiwa sa basic at health services, disaster preparedness and response, at iba pang mahahalagang serbisyo ay inaatasang magpatuloy sa kanilang operasyon upang matiyak ang tuloy-tuloy na paghahatid ng kinakailangang serbisyo sa publiko.

Pinapaalalahanan ang lahat na manatiling alerto, patuloy na sumubaybay sa mga opisyal na abiso, at higit na unahin ang kaligtasan ng bawat isa habang nagpapatuloy ang masamang panahon.

SOURCE: https://www.facebook.com/share/p/19FhSzZChb/

05/08/2026

29/07/2026

𝐏𝐃𝐂 𝐅𝐔𝐋𝐋 𝐂𝐎𝐔𝐍𝐂𝐈𝐋 𝐒𝐏𝐄𝐂𝐈𝐀𝐋 𝐌𝐄𝐄𝐓𝐈𝐍𝐆
July 28, 2026
Provincial Capitol Training Center, Mamburao, Occidental Mindoro

Ang naturang mahalagang pagtitipon ay pinalakas sa pangunguna at pakikibahagi nina Governor Eduardo B. Gadiano (PDC Chairperson), Provincial Administrator Muriel M. Reguinding (Vice Chairperson), Hon. Jose Franco C. Mendiola (SP Committee Chairperson on Appropriations), at Hon. Ainah F. Baticados (SK Federation President). Dumalo rin sa pagpupulong ang PDC Full Council Members, mga Municipal Mayors at kanilang kinatawan, Accredited CSOs, at mga Department Heads.

Naging highlight ng meeting ang presentasyon ng mga invited partner agencies:

• Philippine Statistics Authority (PSA) - Occidental Mindoro: Tinalakay ang paghahanda at proseso para sa 2027 Community-Based Monitoring System (CBMS).

• Department of the Interior and Local Government (DILG): Ibinahagi ang mahalagang paksa ukol sa "Building the Investment Pipeline: Integrating MLGU and RDC Development Priorities" pati na rin ang "From Participation to Partnership: CSOs as Partner in Local Governance."

Nagpresenta rin ang Provincial Planning and Development Office (PPDO) ng mga pangunahing usapin at prayoridad para sa tuloy-tuloy na kaunlaran ng probinsya:

• Requirements and Project Types for RDIP FY 2028
• Presentation of Priority PPAs for inclusion in RDIP FY 2028
• Request for Indorsement DPWH RBP 2027 Infrastructure Program
• FY 2026 Supplemental Annual Investment Program (SAIP) No. 5
• FY 2027 Supplemental Annual Investment Program (SAIP) No. 1

Sa pamamagitan ng pagtutulungan ng ating mga opisyal, national agencies, at civil society organizations, patuloy nating isinusulong ang mas maayos, inklusibo, at maunlad na kinabukasan para sa buong Occidental Mindoro!

𝐒𝐄𝐑𝐁𝐈𝐒𝐘𝐎𝐍𝐆 𝐆𝐀𝐍𝐀𝐃𝐎!
𝐆𝐀𝐍𝐀𝐃𝐎 𝐍𝐀, 𝐆𝐀𝐆𝐀𝐍𝐀𝐇𝐀𝐍 𝐏𝐀!