13/12/2024
Operasyon sa Bicol Central Station, normal pa; Mga paputok, bawal isakay sa mga bus.
Piglalaoman na an pagruso kan mga pasahero mauli o mabakasyon sa masurunod na semana sa Bicol Central Station (BCS) katakod naman kan selebrasyon kan kapaskuhan asin bagong taon.
Segun sa manihamiento kan BCS, sa ngunyan nasa normal pa an operasyon kan terminal asin padagos na pigmo-monitor an mga biyaheng nagaabot sa ciudad nin Naga urog na sa masunod na semana.
Nin huli kan piglalaoman na pagruso kan mga biyahero, pige-engkaminar kan manihamiento kan BCS na mag-book na ning ticket nin amay para dae maabala sa biyahe. Siring man, nagpagirumdom man sinda sa mga mawot mabakal nin mga paputok na dae pwede isakay sa mga bus an mga ini urog na si mga pang negosyo nin huli ta delekado ini nin huli ta mainit an compartments kan mga bus.
