City Health Department - Mandaluyong City

22/09/2026

DOH: HIGIT 9,000 NA MGA PILIPINO ANG NADI-DIAGNOSE NG PROSTATE CANCER BAWAT TAON

Ayon sa datos mula sa Department of Health (DOH) at Global Cancer Observatory (GLOBOCAN), tinatayang higit 9,000 na bagong kaso ng prostate cancer ang naitala sa bansa, partikular sa mga kalalakihang may edad 50 pataas. Dahil madalas ay walang nararamdamang sintomas sa maagang antas nito, mahalagang magkaroon ng regular na konsultasyon at pagsusuri tulad ng Prostate-Specific Antigen (PSA) test at Digital Re**al Examination (DRE).

Tandaan: Ang maagang pagtukoy ay susi sa mas mataas na pagkakataon ng paggaling. Kung may nararanasang pagbabago sa pag-ihi, huwag mag-atubiling kumonsulta agad sa pinakamalapit na health center o primary care physician.

22/09/2026

DOH: ALAMIN ANG MGA DAPAT GAWIN SA PANAHON NG EMERGENCY UPANG MAPANATILING LIGTAS ANG SARILI AT ANG IBA SA PAARALAN

Detalye sa comment section.

22/09/2026

21/09/2026

Sa kanyang mahabang panahon ng paglilingkod, nasaksihan natin ang pagbabago at pag-unlad ng ating lungsod. Ang kanyang pangalan at mga naging ambag ay bahagi na ng kasaysayan ng Mandaluyong at mananatiling alaala ng mga taong kanyang napaglingkuran.

Higit sa isang alkalde, siya ay naging bahagi ng paghubog sa Mandaluyong na ating kinagisnan at minamahal ngayon.

Maligayang kaarawan, Mayor Ben Abalos Sr., ang inyong paglilingkod at pagmamahal sa Mandaluyong ay inspirasyon namin sa araw-araw.

Stay Healthy and Wish you all the best Mayor! Namamahal galing sa Opisina ng Kalusugan.

15/09/2026

Not all heroes wear capes. Sometimes, they donate blood. 🦸🩸
Be a blood donor! Every drop counts. 🩸🩸🩸
Makakatulong ka na, magiging healthy ka pa. Kita-kits!

MANDALUYONG, MULING NAGSAGAWA NG MASS BLOOD DONATION

Bilang patunay sa patuloy na pakikiisa sa National Voluntary Blood Service Program, muling nagsagawa ang Pamahalaang Lungsod ng Mandaluyong, sa pamamagitan ng City Health Department, ng Mass Blood Donation katuwang ang Bureau of Fire Protection (BFP), Bureau of Jail Management and Penology (BJMP), at Philippine National Police (PNP) – Mandaluyong.

🩸 MASS BLOOD DONATION
📅 Setyembre 15, 2026
⏰ 8:00 AM – 3:00 PM
📍 Atrium, Executive Building

Hinihikayat ang mga Mandaleño na makiisa at maghandog ng dugo—dahil sa bawat donasyon, may buhay na maaaring mailigtas. Dugo mo, dugtong-buhay!

14/09/2026

Nakiisa ang Pamahalaang Lungsod ng Mandaluyong, sa pangunguna ni Mayor Menchie Abalos, sa simultaneous “Handog ng Pangulo: Serbisyong Sapat Para sa Lahat,” isang programa ng Pambansang Pamahalaan sa ilalim ng direktiba ni Pangulong Ferdinand Marcos Jr., bilang bahagi ng pagdiriwang ng kanyang kaarawan.

Sa pamamagitan ng programa, naging mas malapit at mas madaling maabot ng mga Mandaleño ang iba’t ibang serbisyong hatid ng pamahalaan.

Kasabay nito ang 3rd Tranche ng pamamahagi ng tig-10 kilo ng bigas mula sa Seal of Good Local Governance Incentive Fund (SGLGIF) para sa mga TODA drivers at senior citizens. Isinagawa rin ang payout ng Assistance to Individuals in Crisis Situation (AICS) mula sa Department of Social Welfare and Development (DSWD), na nagbigay ng karagdagang tulong sa mga kwalipikadong benepisyaryo.

Naghatid din ang Department of Health (DOH), katuwang ang City Health Department (CHD), ng iba’t ibang serbisyong medikal at pangkalusugan, kabilang ang medical consultation at iba pang serbisyong makatutulong sa pangangalaga ng kalusugan ng mga Mandaleño.

Nakiisa rin ang iba’t ibang tanggapan at ahensya ng Pambansang Pamahalaan, na nagdala ng kani-kanilang serbisyo at programa para sa komunidad—mula sa kalusugan, social services, livelihood, employment, legal assistance, at iba pang serbisyo ng gobyerno.

14/09/2026

🇵🇭💙 HANDOG NG PANGULO: SERBISYONG SAPAT PARA SA LAHAT

Mandaluyong City, Kaisa sa Sabayang Pagbibigay-Serbisyo sa Mamamayan

Ngayong September 14, 2026, kaisa ang Mandaluyong City Health Department, kasama ang iba’t ibang departamento ng Pamahalaang Lungsod ng Mandaluyong, sa nationwide simultaneous activity na “Handog ng Pangulo: Serbisyong Sapat Para sa Lahat.”

Ang aktibidad ay bahagi ng pagdiriwang ng Birthday ni Pangulong Ferdinand R. Marcos Jr., na binibigyang-kahulugan sa pamamagitan ng isang makabuluhang handog—ang paglilingkod sa mamamayan.

Sa Lungsod ng Mandaluyong, sama-samang nagkakaisa ang iba’t ibang departamento upang maihatid ang mga serbisyo at programa na tumutugon sa pangangailangan ng ating mga kababayan.

🩺 Serbisyong pangkalusugan
🤝 Serbisyong panlipunan at pangkomunidad
📋 Iba’t ibang serbisyo ng Pamahalaang Lungsod

Sa pamamagitan ng pagkakaisa at pagtutulungan, patuloy nating inilalapit ang serbisyo ng pamahalaan sa bawat Mandaluyongeno.

Sapagkat ang tunay na diwa ng “Handog ng Pangulo” ay ang sama-samang pagkilos upang makapaghatid ng serbisyong may malasakit, serbisyong kailangan, at serbisyong para sa lahat.

🇵🇭 HANDOG NG PANGULO: SERBISYONG SAPAT PARA SA LAHAT!

Mula sa Pamahalaang Lungsod ng Mandaluyong, para sa bawat Mandaluyongeno. 💙