PLEB Manila

29/03/2026

29/03/2026

23/03/2026

TARA NA SA BINONDO!

Makisaya sa pagdiriwang ng 432 taon ng kasaysayan, kultura, at tradisyon sa puso ng Binondo!

Sama-samang tuklasin ang makukulay na kuwento ng Chinatown ng Maynila—mula sa masasarap na pagkain hanggang sa makasaysayang lugar at masasayang aktibidad para sa buong pamilya.

Halina’t ipagdiwang ang pamana ng Binondo at damhin ang pagsasama ng kulturang Pilipino at Tsino sa isang espesyal na pagdiriwang!

18/03/2026

The long wait is over! 🔑🏠

Nakatakdang isagawa ng Pamahalaang Lungsod ng Maynila ang Grand Raffle para sa In-City Vertical Housing Projects ng lungsod, kung saan kabuuang 100 housing units ang ipagkakaloob, ngayong Marso 18 (Miyerkules), ganap na alas-1:30 ng hapon.

Sa kabuuang bilang, 50 units ang bubunutin para sa San Lazaro Residences, habang tig-25 units naman ang bubunutin para sa Pedro Gil at San Sebastian Residences.

Pangungunahan ni Manila Mayor Francisco “Isko” Moreno Domagoso ang aktibidad na layong magbigay ng pagkakataon sa mga kwalipikadong pamilyang Manileño na magkaroon ng sariling bahay sa ilalim ng Manila City Ordinance No. 8730, na nagtatag ng housing program para sa mga residente ng lungsod.

Ang public draw of lots na ito ay pagpapatuloy ng open governance at transparency sa pagpili ng mga kwalipikadong aplikante sa pabahay, kasabay ng pagsisikap na matugunan ang kakulangan sa tirahan at maiangat ang antas ng pamumuhay ng mga residente ng lungsod.

Mapapanood ang naturang kaganapan sa pamamagitan ng live streaming sa official pages ng Manila Public Information Office (MPIO), City Government of Manila, at ni Mayor Isko Moreno Domagoso.

18/03/2026

Simula Marso 9, ipinatupad na sa Pamahalaang Lungsod ng Maynila ang apat na araw na workweek o condensed workweek para sa mga kawani ng Manila City Hall.

Ito ay alinsunod sa Executive Order No. 8, Series of 2026 na pinirmahan ni Manila Mayor Francisco “Isko” Moreno Domagoso, at bilang pagtupad din sa Memorandum Circular No. 114 na inilabas ng Office of the President na nag-uutos sa mga tanggapan ng pamahalaan na magsagawa ng mga hakbang sa pagtitipid ng enerhiya, lalo na sa gitna ng kaguluhan sa Middle East.

Sa ilalim ng bagong iskedyul, ang pasok ng mga empleyado ng City Hall ay mula Lunes hanggang Huwebes, simula 7:00 ng umaga hanggang 7:00 ng gabi.

Wala namang pasok tuwing Biyernes upang magkaroon din ng mas maraming oras ang mga kawani para sa kani-kanilang pamilya.

Gayunpaman, magpapatuloy ang operasyon ng mga tanggapan na nagbibigay ng essential services upang matiyak ang tuloy-tuloy na paghahatid ng serbisyo sa mga Manileño.

24/02/2026

PAGPAPAGAWA NG BINONDOMINIUM 2, SISIMULAN NA!

Bilang pagpapatuloy sa kanyang mga programang pabahay, pangungunahan ni Manila Mayor Francisco "Isko" Moreno Domagoso, bukas, February 24, sa Delpan Street, Binondo ang groundbreaking ceremony para sa 15-storey Binondominium.

Matatandaan na sa ilalim ng kanyang unang termino ay natapos ang Basecommunity, Tondominium 1 at 2, at Binondominium 1. Nakapag-groundbreaking ceremony din ang alkalde noon para sa San Lazaro Residences, San Sebastian Residences at Pedro Gil Residences bagama't may pandemya ng mga panahong ito.

Kaalinsabay ng pagpapagawa ng Binondominium 2 ang iba pang mga kasalukuyang ipinapagawa at itinatayong mga gusali ng Pamahalaang Lungsod katulad ng pagpapatuloy ng konstruksiyon ng Ramon Magsaysay High School, pagpapagawa ng San Nicolas Health Center, at ang de-kalidad at modernong Pamantasan ng Lungsod ng Maynila College of Allied Health Sciences.

Ang patuloy na pagpapagawa ng mga pabahay sa lungsod ay bahagi ng pagtugon ng alkalde sa Minimum Basic Needs o MBN ng mamamayan, kabilang na ang pagbibigay ng disente at maayos na tahanan sa bawat pamilyang Manileño.

24/02/2026

13/02/2026

𝗗𝗼𝘂𝗯𝗹𝗲 𝘁𝗵𝗲 𝗟𝗼𝘃𝗲, 𝗚𝗲𝘁 𝗣𝘂𝗹𝗮 𝗕𝗲𝗮𝗿! 🧸

​Celebrate Valentine's day with the Philippine Red Cross and take home a symbol of your heroism. We’re giving away our 𝘴𝘱𝘦𝘤𝘪𝘢𝘭 𝘗𝘙𝘊 𝘗𝘶𝘭𝘢 𝘉𝘦𝘢𝘳 to the 𝘧𝘪𝘳𝘴𝘵 50 𝘸𝘢𝘭𝘬-𝘪𝘯 𝘥𝘰𝘯𝘰𝘳𝘴!

​𝙒𝙝𝙚𝙧𝙚: PRC National Blood Center in 𝘔𝘢𝘯𝘥𝘢𝘭𝘶𝘺𝘰𝘯𝘨 and 𝘔𝘢𝘯𝘪𝘭𝘢
𝙒𝙝𝙚𝙣: February 14, 2026
𝙃𝙤𝙪𝙧𝙨: 8:00 AM – 5:00 PM (We are open daily, including holidays!)

​Nothing spreads love quite like saving a life. 𝗧𝗮𝗴 𝗮 𝗳𝗿𝗶𝗲𝗻𝗱 𝘄𝗵𝗼 𝗻𝗲𝗲𝗱𝘀 𝘁𝗼 𝘀𝗲𝗲 𝘁𝗵𝗶𝘀!

Let’s make this Valentine's brighter for those who need it most.

​

12/02/2026

PABATID SA PUBLIKO | Para sa kaalaman at wastong paggabay ng lahat, simula sa Lunes, ika-9 ng Pebrero, ang Regular Sessions ng Ika-13 Sangguniang Panlungsod ng Maynila ay isasagawa na sa bagong skedyul:

Lunes – ika-10 ng umaga
Miyerkules – ika-2 ng hapon