https://tinyurl.com/BePartofBUKLURAN

Bukluran ng Progresibong Mag-aaral - PUP Chapter, Manila (2026)

12/06/2026

🇵🇭 𝗔𝗥𝗔𝗪 𝗡𝗚 𝗞𝗔𝗟𝗔𝗬𝗔𝗔𝗡 𝟮𝟬𝟮𝟲: 𝗧𝗨𝗡𝗔𝗬 𝗡𝗔 𝗣𝗔𝗚𝗟𝗔𝗬𝗔 𝗔𝗧 𝗣𝗔𝗚𝗧𝗔𝗧𝗔𝗡𝗚𝗚𝗢𝗟 𝗦𝗔 𝗔𝗧𝗜𝗡𝗚 𝗦𝗢𝗕𝗘𝗥𝗔𝗡𝗬𝗔 🇵🇭

128 na taon na ang nakalilipas mula nang iwagayway ang ating bandila, ngunit nananatili ang hamon sa ating kalayaan sa gitna ng mas sopistikadong anyo ng dayuhang kontrol. Sa kasalukuyan, hindi na lamang pisikal na pananakop ang ating kinakaharap kundi ang banta ng "Pax Silica"—ang modernong geopolitikal na tunggalian kung saan ang mga makapangyarihang bansa ay nag-uunahan sa pagkontrol sa teknolohiya, digital na imprastraktura, at mga kritikal na suplay tulad ng semiconductors. Sa ilalim ng huwad na kapayapaang ito, patuloy na nagmamaniobra ang mga dayuhang entidad upang pasukin at manmanan ang ating mga digital na sistema habang sabay na nagpapakita ng agresyon sa ating mga teritoryo tulad ng West Philippine Sea. Ang ganitong imperyalistang interes ay naglalayong panatilihin ang Pilipinas bilang tagatustos lamang ng hilaw na materyales at consumer ng dayuhang teknolohiya, habang ninanakawan tayo ng karapatang pakinabangan ang sarili nating likas na yaman.

Bilang mga progresibong mag-aaral sa ilalim ng Bukluran, mariin nating kinokondena ang sistematikong infiltrasyon at pagsasalaula sa ating pambansang patrimonya. Ang tunay na paglaya ay hindi magaganap hangga't ang ating mga karagatan ay pinipigilang mapangisdaan ng sarili nating mamamayan at ang ating digital na soberanya ay nakasandig sa interes ng mga dayuhang korporasyon at estado. Panahon na upang magkaisa ang kabataan at ang buong sambayanan upang buwagin ang tanikala ng modernong kolonisasyon. Atin ang Pinas! Atin ang West Philippine Sea! Ipagtanggol ang soberanya at ipaglaban ang tunay, malawakan, at progresibong kalayaan ng bayan!

Patuloy tayong makialam, lumabas, at makibuklod! Tara na sa Bukluran!
🔗 https://tinyurl.com/PREREGBUKLURAN
🔗 https://tinyurl.com/PREREGBUKLURAN
🔗 https://tinyurl.com/PREREGBUKLURAN
𝙎𝙖 𝙠𝙖𝙥𝙖𝙠𝙖𝙣𝙖𝙣 𝙣𝙜 𝙚𝙨𝙩𝙪𝙙𝙮𝙖𝙣𝙩𝙚 𝙖𝙩 𝙠𝙖𝙗𝙖𝙩𝙖𝙖𝙣, 𝙨𝙖 𝙠𝙖𝙥𝙖𝙠𝙖𝙣𝙖𝙣 𝙣𝙜 𝙢𝙜𝙖 𝙤𝙧𝙙𝙞𝙣𝙖𝙧𝙮𝙤𝙣𝙜 𝙢𝙖𝙢𝙖𝙢𝙖𝙮𝙖𝙣. ✨

04/06/2026

🏳️‍🌈 𝗕𝗔𝗞𝗟𝗔, 𝗞𝗔𝗦𝗔𝗠𝗔 𝗞𝗔 𝗦𝗔 𝗣𝗔𝗚𝗕𝗔𝗕𝗔𝗚𝗢 𝗡𝗚 𝗟𝗜𝗣𝗨𝗡𝗔𝗡! 🏳️‍🌈

Pagpupugay sa komunidad ng sangkabaklaan! Maligayang Buwan ng Pride!

Mahalagang tandaan na ang Pride ay hindi nagsimula bilang isang selebrasyon. Ito ay isinilang mula sa paglaban. Noong 1969, lumaban ang mga LGBTQIA+ sa panggigipit at diskriminasyon sa pamamagitan ng pag-aaklas sa Stonewall Inn sa New York. Mula noon, naging simbolo ang Pride ng kolektibong pakikibaka para sa pagkilala, karapatan, at dignidad.

Hanggang ngayon, nananatiling hamon ang diskriminasyon, karahasan, at hindi pantay na pagtrato sa LGBTQIA+ community. Kaya ang Pride ay hindi lamang pagdiriwang ng ating pagkakakilanlan, ito rin ay panawagan para sa pagkilos.

Sa buwan na ito, alalahanin natin ang kasaysayan ng ating pakikibaka at ipagpatuloy ang laban para sa isang lipunang tunay na inklusibo at makatarungan. Makiisa sa mga kampanya para sa karapatang pantao, suportahan ang mga panukalang nagtataguyod ng pagkakapantay-pantay, at maging bahagi ng mga pagkilos para sa pagbabago.

Dahil ang Pride ay protesta noon, at nananatiling protesta hanggang ngayon.

Mabuhay ang sangkabaklaan! Mabuhay ang pakikibaka para sa pagkakapantay-pantay at katarungan!

Patuloy tayong makialam, lumabas, at makibuklod! Tara na sa Bukluran!
🔗 https://tinyurl.com/PREREGBUKLURAN
🔗 https://tinyurl.com/PREREGBUKLURAN
🔗 https://tinyurl.com/PREREGBUKLURAN

𝙎𝙖 𝙠𝙖𝙥𝙖𝙠𝙖𝙣𝙖𝙣 𝙣𝙜 𝙚𝙨𝙩𝙪𝙙𝙮𝙖𝙣𝙩𝙚 𝙖𝙩 𝙠𝙖𝙗𝙖𝙩𝙖𝙖𝙣, 𝙨𝙖 𝙠𝙖𝙥𝙖𝙠𝙖𝙣𝙖𝙣 𝙣𝙜 𝙢𝙜𝙖 𝙤𝙧𝙙𝙞𝙣𝙖𝙧𝙮𝙤𝙣𝙜 𝙢𝙖𝙢𝙖𝙢𝙖𝙮𝙖𝙣. ✨

27/04/2026

𝗠𝗔𝗬𝗢 𝗨𝗡𝗢 𝗠𝗢𝗕𝗜𝗟𝗜𝗭𝗔𝗧𝗜𝗢𝗡, 𝗔𝗡𝗢 𝗧𝗔𝗥𝗔? ✊

Sa gitna ng tuloy-tuloy na pagtaas ng presyo ng bilihin at nananatiling mababang sahod, muling nananawagan ang uring manggagawa para sa tunay na pagbabago. Sa darating na Mayo Uno, sama-sama nating ipanawagan ang karapatan, dignidad, at makatarungang kabuhayan para sa lahat.

Hindi makatarungan ang provincial rate na naghahati-hati sa sahod ng manggagawa depende sa lugar—panahon na para ito’y buwagin. Hindi rin dapat pasan ng mamamayan ang bigat ng excise tax at VAT na lalong nagpapamahal sa pangunahing bilihin at serbisyo. Sa halip, dapat ibaba ang presyo ng mga batayang pangangailangan upang mabuhay nang may dignidad ang bawat pamilya.

Kasabay nito, malinaw ang ating paninindigan: panagutin ang mga nasa kapangyarihan na nagnanakaw sa kaban ng bayan. Lahat ng kurakot, ikulong! At habang naghihirap ang nakararami, hindi dapat palampasin ang hindi patas na yaman ng iilan—mga bilyonaryo, buwisan!

📍 Mass Up: 6:00 AM
📌 Welcome Rotonda, Quezon City

Sumali sa ating Messenger Coordination GC!

🔗 Link: https://m.me/ch/AbY0GxP6IMHKzOMf/?send_source=cm:copy_invite_link

Dalhin ang inyong mga kasama, ang inyong paninindigan, at ang inyong boses. Sama-sama nating igiit ang makatarungan at makataong lipunan.

𝙎𝙖 𝙠𝙖𝙥𝙖𝙠𝙖𝙣𝙖𝙣 𝙣𝙜 𝙚𝙨𝙩𝙪𝙙𝙮𝙖𝙣𝙩𝙚 𝙖𝙩 𝙠𝙖𝙗𝙖𝙩𝙖𝙖𝙣, 𝙨𝙖 𝙠𝙖𝙥𝙖𝙠𝙖𝙣𝙖𝙣 𝙣𝙜 𝙢𝙜𝙖 𝙤𝙧𝙙𝙞𝙣𝙖𝙧𝙮𝙤𝙣𝙜 𝙢𝙖𝙢𝙖𝙢𝙖𝙮𝙖𝙣. ✨

08/03/2026

𝗕𝗔𝗕𝗔𝗘, 𝗔𝗡𝗚 𝗟𝗨𝗚𝗔𝗥 𝗠𝗢 𝗔𝗬 𝗣𝗔𝗞𝗜𝗞𝗜𝗕𝗔𝗞𝗔 ✊

Maligayang Buwan ng Kababaihan!

Sa bawat yugto ng kasaysayan, napatunayan ng kababaihan na ang kanilang lakas, talino, at tapang ay mahalagang bahagi ng pakikibaka para sa katarungan at tunay na pagbabago. Mula sa tahanan, paaralan, komunidad, hanggang sa mga pabrika at lansangan, patuloy na pinatutunayan ng kababaihan na sila ay hindi lamang kalahok kundi mahalagang tagapagtaguyod ng isang progresibong lipunan.

Sa kabila ng patuloy na diskriminasyon, karahasan, at hindi pantay na oportunidad, nananatiling matatag ang kababaihan sa paggiit ng kanilang mga karapatan—lalo na ang pantay na sahod para sa pantay na paggawa, dignidad sa paggawa, at isang lipunang kumikilala sa tunay na halaga ng kanilang ambag sa ekonomiya at lipunan.

Ngayong Buwan ng Kababaihan, kinikilala at pinaparangalan natin ang kanilang ambag sa lipunan at ang kanilang walang humpay na pakikibaka para sa pagkakapantay-pantay. Makibaka para sa pantay na sahod!

Sumama sa pagkilos! ✊
📅 March 9, 2026 | 1:00 PM
📍 South Gate, House of Representatives

𝙎𝙖 𝙠𝙖𝙥𝙖𝙠𝙖𝙣𝙖𝙣 𝙣𝙜 𝙚𝙨𝙩𝙪𝙙𝙮𝙖𝙣𝙩𝙚 𝙖𝙩 𝙠𝙖𝙗𝙖𝙩𝙖𝙖𝙣, 𝙨𝙖 𝙠𝙖𝙥𝙖𝙠𝙖𝙣𝙖𝙣 𝙣𝙜 𝙢𝙜𝙖 𝙤𝙧𝙙𝙞𝙣𝙖𝙧𝙮𝙤𝙣𝙜 𝙢𝙖𝙢𝙖𝙢𝙖𝙮𝙖𝙣. ✨

07/03/2026

𝗣𝗔𝗡𝗧𝗔𝗬 𝗡𝗔 𝗦𝗔𝗛𝗢𝗗 𝗣𝗔𝗥𝗔 𝗦𝗔 𝗣𝗔𝗡𝗧𝗔𝗬 𝗡𝗔 𝗣𝗔𝗚𝗢𝗗 🔥✊🏻

Ang Bukluran ng Progresibong Mag-aaral–PUP Chapter ay nagpahayag ng suporta para sa pagpasa ng National Minimum Wage Act o House Bill 8081 na nagsusulong na buwagin ang hindi pagkakapantay-pantay ng sahod ng mga manggagawa sa bansa.

Sa pamamagitan ng 𝗥𝗲𝘀𝗼𝗹𝘂𝘁𝗶𝗼𝗻 𝗡𝗼. 𝟬𝟬𝟭 𝗦𝗲𝗿𝗶𝗲𝘀 𝗼𝗳 𝟮𝟬𝟮𝟲, pormal na ipinahayag ng organisasyon ang pakikiisa sa panawagan ng mga manggagawa para sa isang pambansang minimum na sahod na magtitiyak ng makatarungan at sapat na kita para sa lahat, anuman ang rehiyon. Layunin nitong wakasan ang sistemang rehiyonal na nagdudulot ng malaking agwat sa sahod sa kabila ng magkakatulad na antas ng paggawa at pagod ng mga manggagawa.

Naninindigan ang Bukluran na ang makatarungang sahod ay mahalagang hakbang upang matiyak ang disenteng pamumuhay ng uring manggagawa at ng kanilang mga pamilya.

Ang laban para sa pambansang minimum na sahod ay laban para sa dignidad, katarungan, at tunay na kaunlaran para sa lahat.

𝙎𝙖 𝙠𝙖𝙥𝙖𝙠𝙖𝙣𝙖𝙣 𝙣𝙜 𝙚𝙨𝙩𝙪𝙙𝙮𝙖𝙣𝙩𝙚 𝙖𝙩 𝙠𝙖𝙗𝙖𝙩𝙖𝙖𝙣, 𝙨𝙖 𝙠𝙖𝙥𝙖𝙠𝙖𝙣𝙖𝙣 𝙣𝙜 𝙢𝙜𝙖 𝙤𝙧𝙙𝙞𝙣𝙖𝙧𝙮𝙤𝙣𝙜 𝙢𝙖𝙢𝙖𝙢𝙖𝙮𝙖𝙣. ✨

25/02/2026

𝟰𝟬 𝗧𝗔𝗢𝗡: 𝗔𝗣𝗔𝗧 𝗡𝗔 𝗗𝗘𝗞𝗔𝗗𝗔 𝗡𝗚 𝗣𝗔𝗡𝗜𝗡𝗜𝗡𝗗𝗜𝗚𝗔𝗡 𝗔𝗧 𝗣𝗔𝗚-𝗔𝗟𝗔𝗟𝗔! ✊

Ngayong ika-25 ng Pebrero, 2026, nakikiisa ang Bukluran ng Progresibong Mag-aaral sa buong sambayanan sa paggunita ng ika-40 na Anibersaryo ng EDSA People Power Revolution. Apat na dekada na ang lumipas mula nang yanigin ng lakas ng pagkakaisa ang pundasyon ng diktadurya, ngunit ang hamon ng kasaysayan ay nananatiling buhay at nag-uutos: 𝗛𝘂𝘄𝗮𝗴 𝗸𝗮𝗹𝗶𝗺𝘂𝘁𝗮𝗻. 𝗛𝘂𝘄𝗮𝗴 𝗵𝗮𝘆𝗮𝗮𝗻𝗴 𝗺𝗮𝗯𝗮𝗼𝗻 𝘀𝗮 𝗹𝗶𝗺𝗼𝘁.

Ang apat na pung taon ay hindi lamang bilang ng panahon; ito ay testamento ng patuloy na pag-igpaw ng katotohanan laban sa makinarya ng disimpormasyon at rebisyunismo. Sa gitna ng mga sistematikong pagtatangkang baluktutin ang ating mga aral, ang gampanin nating mga estudyante at kabataan ay lalong tumitindi—ang maging tanglaw sa madilim na sulok ng propaganda at tagapagtanggol ng ating demokratikong espasyo.

Hindi natatapos ang EDSA sa mga pahina ng libro. Buhay ito sa bawat kilos-protesta, sa bawat diskusyong pang-edukasyon, at sa bawat pagtindig laban sa korap na sistema. Sa ating paglingon sa nakaraan, baon natin ang alab ng mga nauna sa atin upang siguruhing ang kalayaang kanilang ipinaglaban ay hindi basta-basta mababawi o madadaya.

Sa ika-apat na dekada ng ating pag-alala, muli nating itinatanong sa bawat Pilipino:
"𝐊𝐮𝐧𝐠 𝐡𝐢𝐧𝐝𝐢 𝐮𝐦𝐚𝐥𝐬𝐚 𝐚𝐧𝐠 𝐦𝐚𝐬𝐚, 𝐦𝐚𝐲 𝐤𝐚𝐥𝐚𝐲𝐚𝐚𝐧 𝐤𝐚 𝐤𝐚𝐲𝐚𝐧𝐠 𝐧𝐚𝐭𝐚𝐭𝐚𝐦𝐚𝐬𝐚?"

Panindigan ang katotohanan. Ipagtanggol ang demokrasya. Ituloy ang laban!

𝙎𝙖 𝙠𝙖𝙥𝙖𝙠𝙖𝙣𝙖𝙣 𝙣𝙜 𝙚𝙨𝙩𝙪𝙙𝙮𝙖𝙣𝙩𝙚 𝙖𝙩 𝙠𝙖𝙗𝙖𝙩𝙖𝙖𝙣, 𝙨𝙖 𝙠𝙖𝙥𝙖𝙠𝙖𝙣𝙖𝙣 𝙣𝙜 𝙢𝙜𝙖 𝙢𝙖𝙢𝙖𝙢𝙖𝙮𝙖𝙣, 𝙨𝙖 𝙝𝙖𝙣𝙖𝙮 𝙣𝙜 𝘽𝙐𝙆𝙇𝙐𝙍𝘼𝙉! ✊🔥

14/02/2026

📸 𝗛𝗜𝗡𝗗𝗜 𝗟𝗔𝗡𝗚 𝗜𝗧𝗢 𝗟𝗔𝗥𝗢: 𝗜𝗦𝗔𝗡𝗚 𝗣𝗔𝗚𝗕𝗔𝗕𝗔𝗟𝗜𝗞-𝗧𝗔𝗡𝗔𝗪 📸

Natapos na ang forum, ngunit ang hamon ay kasisimula pa lamang. Noong February 12, binuksan natin ang diskurso sa tunay na mukha ng sistemang ating ginagalawan—isang board game kung saan ang mga patakaran ay nakapabor sa iilan at dehado ang karamihan.

Mula sa matatalas na pagsusuri ng ating mga tagapagsalita hanggang sa masiglang pakikilahok ng bawat Iskolar ng Bayan, napatunayan nating:

✊ 𝗔𝗻𝗴 𝗸𝗼𝗿𝗮𝗽𝘀𝘆𝗼𝗻 𝗮𝘆 𝗵𝗶𝗻𝗱𝗶 𝗮𝗸𝘀𝗶𝗱𝗲𝗻𝘁𝗲; 𝗶𝘁𝗼 𝗮𝘆 𝘀𝗶𝘀𝘁𝗲𝗺𝗮𝘁𝗶𝗸𝗼.
✊ 𝗔𝗻𝗴 𝗲𝗱𝘂𝗸𝗮𝘀𝘆𝗼𝗻 𝗮𝘁 𝗸𝗮𝗿𝗮𝗽𝗮𝘁𝗮𝗻 𝗻𝗴 𝗺𝗮𝗻𝗴𝗴𝗮𝗴𝗮𝘄𝗮 𝗮𝘆 𝗵𝗶𝗻𝗱𝗶 𝗱𝗮𝗽𝗮𝘁 𝗶𝘀𝗶𝗻𝘂𝘀𝘂𝗴𝗮𝗹.
✊ 𝗔𝗻𝗴 𝗸𝗮𝗯𝗮𝘁𝗮𝗮𝗻 𝗮𝗻𝗴 𝗺𝗮𝘆 𝗹𝗮𝗸𝗮𝘀 𝗻𝗮 𝗯𝗮𝗴𝘂𝗵𝗶𝗻 𝗮𝗻𝗴 𝗱𝗮𝗹𝗼𝘆 𝗻𝗴 𝗹𝗮𝗿𝗼.

Maraming salamat sa lahat ng dumalo at nakiisa sa "POV: Nasa Korap na Sistema Ka." Ang ating pagkilos ay hindi nagtatapos sa Bulwagang Bonifacio; dadalhin natin ang aral na ito sa lansangan, sa komunidad, at sa bawat sulok ng lipunan.

𝗛𝗶𝗻𝗱𝗶 𝘁𝗮𝘆𝗼 𝗺𝗮𝗻𝗮𝗻𝗮𝘁𝗶𝗹𝗶𝗻𝗴 𝗺𝗮𝗻𝗹𝗮𝗹𝗮𝗿𝗼 𝗹𝗮𝗺𝗮𝗻𝗴. 𝗧𝗮𝘆𝗼 𝗮𝗻𝗴 𝗯𝗮𝗯𝗮𝗸𝗹𝗮𝘀 𝘀𝗮 𝗯𝘂𝗹𝗼𝗸 𝗻𝗮 𝘀𝗶𝘀𝘁𝗲𝗺𝗮! 🎲🔥

𝙎𝙖 𝙠𝙖𝙥𝙖𝙠𝙖𝙣𝙖𝙣 𝙣𝙜 𝙚𝙨𝙩𝙪𝙙𝙮𝙖𝙣𝙩𝙚 𝙖𝙩 𝙠𝙖𝙗𝙖𝙩𝙖𝙖𝙣, 𝙨𝙖 𝙠𝙖𝙥𝙖𝙠𝙖𝙣𝙖𝙣 𝙣𝙜 𝙢𝙜𝙖 𝙤𝙧𝙙𝙞𝙣𝙖𝙧𝙮𝙤𝙣𝙜 𝙢𝙖𝙢𝙖𝙢𝙖𝙮𝙖𝙣. ✨

11/02/2026

🎙️ 𝗞𝗜𝗟𝗔𝗟𝗔𝗡𝗜𝗡 𝗔𝗡𝗚 𝗔𝗧𝗜𝗡𝗚 𝗠𝗚𝗔 𝗧𝗔𝗚𝗔𝗣𝗔𝗚𝗦𝗔𝗟𝗜𝗧𝗔

Hindi sapat na alam mo lang kung kailan ititira ang dice. Sa gitna ng isang sistemang korap at mapang-api, kailangan ng gabay upang makita ang tunay na galaw sa likod ng mga patakaran.

Kilalanin ang mga boses na maglilinaw sa atin kung paano binubuo, pinapatakbo, at kung paano natin mababaklas ang “POV: Nasa Korap na Sistema Ka.” Sila ang ating mga makakasama sa paghimay ng katotohanan sa likod ng mga numero, polisiya, at pakikibaka ng uring manggagawa at kabataan.

🃏 “𝗣𝗢𝗩: 𝗡𝗮𝘀𝗮 𝗞𝗼𝗿𝗮𝗽 𝗻𝗮 𝗦𝗶𝘀𝘁𝗲𝗺𝗮 𝗞𝗮.” Ang Sistematikong Korapsyon at Sistemang Nagpapahirap sa Uring-Manggagawa’t Edukasyon
🕙 10:00 AM – 2:00 PM
📅 February 12, 2026
📍 Bulwagang Bonifacio

Hindi lang ito simpleng pakikinig; ito ay paghahanda para sa mas malaking laban sa labas ng apat na sulok ng paaralan.

Handa ka na bang kilalanin ang mga katuwang natin sa pagbuwag ng korap na sistema? Magkita-kita tayo!✊

𝙎𝙖 𝙠𝙖𝙥𝙖𝙠𝙖𝙣𝙖𝙣 𝙣𝙜 𝙚𝙨𝙩𝙪𝙙𝙮𝙖𝙣𝙩𝙚 𝙖𝙩 𝙠𝙖𝙗𝙖𝙩𝙖𝙖𝙣, 𝙨𝙖 𝙠𝙖𝙥𝙖𝙠𝙖𝙣𝙖𝙣 𝙣𝙜 𝙢𝙜𝙖 𝙤𝙧𝙙𝙞𝙣𝙖𝙧𝙮𝙤𝙣𝙜 𝙢𝙖𝙢𝙖𝙢𝙖𝙮𝙖𝙣. ✨

10/02/2026

🎲✨ 𝗪𝗘𝗟𝗖𝗢𝗠𝗘 𝗧𝗢 𝗧𝗛𝗘 𝗚𝗔𝗠𝗘 𝗢𝗙 𝗣𝗢𝗪𝗘𝗥 ✨🎲

Sa isang board game, malinaw ang mga patakaran. May dice. May pera. May titulo ng lupa. May kulungan. May “Chance.” Paano kung ang board na ginagalawan mo ay hindi laro kundi ang mismong sistemang humuhubog sa iyong kinabukasan?

Sa ilalim ng sistemang kapitalista, ang yaman at kapangyarihan ay nakasentro sa iilan, dagdag pa ang ugnayan ng negosyo at pulitika ang nagtatakda kung sino ang panalo. Ang estado, imbes na tagapangalaga ng mamamayan, ay nagiging instrumento ng pribadong interes.

🎲 May mga “property” na hindi mo mabibili.
💸 May mga bayaring ikaw ang sasalo.
🚨 At may mga patakarang hindi mo isinulat—pero ikaw ang apektado.

Ang sistematikong korapsyon ay hindi lang gawa ng iilang tiwali; ito ay nakaugat sa mismong estruktura ng sistema. Mga pondong para sana sa serbisyo publiko ang naililihis, habang sa edukasyon ay kapos ang pasilidad at suporta, at sa paggawa ay laganap ang mababang sahod at kawalan ng seguridad.

📣 SUMAMA AT MATUTO! 🎓✊

🃏 “𝗣𝗢𝗩: 𝗡𝗮𝘀𝗮 𝗞𝗼𝗿𝗮𝗽 𝗻𝗮 𝗦𝗶𝘀𝘁𝗲𝗺𝗮 𝗞𝗮.” Ang Sistematikong Korapsyon at Sistemang Nagpapahirap sa Uring-Manggagawa’t Edukasyon

🕙 10:00 AM – 2:00 PM
📅 February 12, 2026
📍 Bulwagang Bonifacio

Handa ka na bang lumaro—hindi para manatiling manlalaro, kundi para unawain at baguhin ang laro?

𝙎𝙖 𝙠𝙖𝙥𝙖𝙠𝙖𝙣𝙖𝙣 𝙣𝙜 𝙚𝙨𝙩𝙪𝙙𝙮𝙖𝙣𝙩𝙚 𝙖𝙩 𝙠𝙖𝙗𝙖𝙩𝙖𝙖𝙣, 𝙨𝙖 𝙠𝙖𝙥𝙖𝙠𝙖𝙣𝙖𝙣 𝙣𝙜 𝙢𝙜𝙖 𝙤𝙧𝙙𝙞𝙣𝙖𝙧𝙮𝙤𝙣𝙜 𝙢𝙖𝙢𝙖𝙢𝙖𝙮𝙖𝙣.

Bukluran ng Progresibong Mag-aaral - PUP Chapter

12/06/2026

04/06/2026

27/04/2026

08/03/2026

07/03/2026

25/02/2026

14/02/2026

11/02/2026

10/02/2026

Address

Website

Alerts

Contact The Organization

Shortcuts

Share

Category

Listing takedown request