https://www.facebook.com/226393920716555/

Development Studies Society, College of Arts and Sciences, P. Faura Street, Manila (2026)

Q: What is the address?

College Of Arts And Sciences, P. Faura Street

31/08/2026

𝐖𝐄𝐋𝐂𝐎𝐌𝐄 𝐓𝐎 𝐃𝐄𝐕𝐒𝐎𝐂! 🔻

The long wait is over. The Development Studies Society (DevSoc) officially welcomes its new and re-affirmed members for this academic year! 🎉

Welcome to a space where learning does not end inside the classroom. Here in DevSoc, our questions are meant to unsettle, our ideas are meant to be put into action, and our understanding of genuine and alternative development is meant to confront the realities faced by the masses.

We shall continue to stand and engage in praxis, when critical thought meets collective action and remains grounded in the struggles of the masses.

Lagi't lagi para sa bayan!

Serve the People.
𝐏𝐚𝐝𝐚𝐲𝐨𝐧, 𝐃𝐞𝐯𝐒𝐭𝐮𝐝! ✊🔻

31/08/2026

Kung mayroon man tayong natutunan sa ating mga bayani mula sa kasaysayan, ito ay ang pagkamulat na ang kabayanihan ay hindi lamang basta-basta naipapakita sa pamamagitan ng pagsasakripisyo ng buhay. Nagbunga ito mula sa ipinamalas na katapangan sa pagbaliktad ng bulok na sistema, paghihikayat sa mga kapwa Pilipino na lumihis at labanan ang opresyon, at pinagtibay na puso na paulit-ulit para sa kalayaan at hustisya.

Ang pagdiriwang ng araw na ito ay hindi lamang nakatingala sa mga bayaning ating nakilala sa ating mga libro at silid-aralan. Sa kasalukuyang panahon, hindi mahirap makita kung sino ang totoong mga bayaning nagmamahal sa Inang Bayan. Madalas natin itong nasasaksihan sa masang anakpawis na lumalaban ng patas upang protektahan ang kanilang kabuhayan at komunidad, mga grupo mula sa iba’t ibang sektor na nag-oorganisa at bumoboses laban sa mapanlinlang na imperyalismo, pyudalismo, burukrata-kapitalismo at pasismo ng rehimeng US-Marcos at Duterte, at sa bawat Pilipino na tumutuligsa sa sistemang naglulubog sa atin sa kahirapan.

Ngayong Pambansang Araw ng mga Bayani, taas-kamaong nakikiisa ang Development Studies Society (DevSoc) sa pagkilala sa mga tunay na bayani ng nakaraan, ngunit lalong-lalo na ang mga bayani sa kasalukuyan. Patuloy ang panawagan para sa sapat na suporta para sa sektor ng agrikultura, makatao at nakabubuhay na sweldo para sa uring manggagawa, pagtigil sa panunupil sa pambansang minorya, akses sa edukasyon at serbisyong pangkalusugan, at tunay na demokrasya para sa sambayanan. Nawa’y ang araw na ito ay magsilbi ring paalala sa atin na maging mapanuri at kilalanin ang tunay na nagsisilbi sa interes ng masang anakpawis.

Sapagkat, hindi natin bayani ang naghaharing-uri. Hindi rin natin bayani ang mga sumumpa sa bayan ngunit pinagsisilbihan ang interes ng iilan. At higit sa lahat, hindi dapat na tawaging bayani ang mga nagtatago sa alyas upang pagtakpan ang harap-harapang pagnanakaw sa kaban at kinabukasan ng bayan.

Ating bigyang pugay ang mga bayaning nag-alay ng kanilang buhay noon at ang mga patuloy na isinusulong ang pambansang kalayaan at demokrasya. Pagpupugay sa mga tunay na bayani ng sambayanang Pilipino!

30/08/2026

𝐏𝐚𝐡𝐚𝐲𝐚𝐠 𝐬𝐚 𝐏𝐚𝐧𝐝𝐚𝐢𝐠𝐝𝐢𝐠𝐚𝐧𝐠 𝐀𝐫𝐚𝐰 𝐧𝐠 𝐦𝐠𝐚 𝐃𝐞𝐬𝐚𝐩𝐚𝐫𝐞𝐜𝐢𝐝𝐨 | 𝐀𝐠𝐨𝐬𝐭𝐨 30

Ngayong ika-30 ng Agosto, ginugunita natin ang Pandaigdigang Araw ng mga Biktima ng Sapilitang Pagkawala, bilang pagkilala sa mga desaparecido at pakikiisa sa kanilang mga pamilya na patuloy na naghahanap ng katotohanan at katarungan.

Ang sapilitang pagkawala ay tahasang paglabag sa karapatang pantao at isang anyo ng pampulitikang panunupil na hindi maaaring bigyang-katwiran sa ilalim ng anumang batas o kalagayan. Sa bawat kaso ng sapilitang pagkawala, ikinukubli ang kinaroroonan, at ipinagkait sa kaniyang pamilya ang katotohanan, nilalabag hindi lamang ang karapatan ng biktima kundi maging ang karapatan ng kaniyang pamilya sa katarungan.

Sa ilalim ng 𝗥𝗲𝗽𝘂𝗯𝗹𝗶𝗰 𝗔𝗰𝘁 𝗡𝗼. 10353 o 𝐀𝐧𝐭𝐢-𝐄𝐧𝐟𝐨𝐫𝐜𝐞𝐝 𝐨𝐫 𝐈𝐧𝐯𝐨𝐥𝐮𝐧𝐭𝐚𝐫𝐲 𝐃𝐢𝐬𝐚𝐩𝐩𝐞𝐚𝐫𝐚𝐧𝐜𝐞 𝐀𝐜𝐭 𝐨𝐟 2012, malinaw na kinikilala ng batas ng Pilipinas ang sapilitang pagkawala bilang isang krimen. Itinataguyod nito ang pananagutan ng Estado na pigilan ang ganitong paglabag, tiyaking maayos na na imbestigahan ang mga kaso, matukoy ang kinaroroonan ng mga desaparecido, at mapanagot ang mga salarin.

Subalit sa kabila ng umiiral na batas, patuloy na nagaganap ang sapilitang pagkawala sa bansa. Batay sa datos ng Karapatan (2025), 17 𝗯𝗶𝗸𝘁𝗶𝗺𝗮 ng sapilitang pagkawala ang naitala sa ilalim ng pamahalaan ni Ferdinand Marcos Jr. Ang patuloy na paglitaw ng mga kasong ito ay manipestasyon ng umiiral na kultura ng impunidad at ng kabiguan tiyakin ng Estado ang ganap na proteksiyon sa kalayaan, karapatan sa buhay, at seguridad ng mamamayan.

Kabilang sa mga kasong ito ang pagkawala nina 𝗚𝗲𝗻𝗲 𝗥𝗼𝘇 𝗝𝗮𝗺𝗶𝗹 “𝗕𝗮𝘇𝗼𝗼” 𝗗𝗲 𝗝𝗲𝘀𝘂𝘀 at 𝗗𝗲𝘅𝘁𝗲𝗿 𝗖𝗮𝗽𝘂𝘆𝗮𝗻, kapwa dating lider-estudyante ng UP Baguio na naging aktibo sa pagsusulong ng karapatan ng mga estudyante, makamasang edukasyon, at malayang pamamahayag. Ang kanilang pagkawala ay patuloy na humihingi ng malinaw na kasagutan at agarang pagpapalitaw, habang naghihintay ang kanilang mga pamilya at mga kasama sa pagkilos.

Hindi mapaghihiwalay ang mga kaso ng sapilitang pagkawala sa mas malawak na kalagayan ng pampulitikang panunupil sa bansa. Sa mahabang kasaysayan ng estado ng karahasan at impunidad, naging kasangkapan ang sapilitang pagkawala upang patahimikin ang mga nagsusulong ng kanilang mga karapatan, nakikibaka para sa kanilang kabuhayan, at nagtataguyod ng makatarungang pagbabago sa lipunan. Mula sa panahon ng diktadurang Marcos hanggang sa kasalukuyan, patuloy na hinaharap ng mga pamilya ng desaparecido ang kawalan ng katarungan habang nananatiling hindi napapanagot ang mga responsable.

Higit sa lahat, hindi maaaring ituring na nagwawakas ang krimen sa mismong sandali ng pagkawala. Hangga't hindi natutukoy ang kinaroroonan at kapalaran ng desaparecido, nagpapatuloy ang pagkakait ng katotohanan at katarungan. Tungkulin ng Estado na hanapin ang mga nawawala, tiyakin ang agarang at masusing imbestigasyon, itaguyod ang karapatan ng mga pamilya sa katotohanan, at panagutin ang sinumang may pananagutan sa krimen, anuman ang kanilang posisyon o katungkulan.

Hindi sapat ang pagkakaroon ng batas kung nananatiling papel lamang ang proteksiyong ipinangako nito. Walang saysay ang mga institusyong itinayo upang magbigay ng katarungan kung ang mga biktima ay patuloy na nawawala, ang kanilang mga pamilya ay patuloy na naghihintay, at ang mga salarin ay patuloy na nakalalakad nang malaya. Ang kawalang-pananagutan sa mga nagkasala ay hindi kawalan ng kakayahan lamang ng Estado. Isa itong pagkabigo nitong tuparin ang pangunahing tungkulin nitong pangalagaan ang karapatan at dignidad ng mamamayan.

Ang pagkawala ng isang tao ay hindi dapat maging pagkawala rin ng pananagutan.

Sa araw na ito, huwag nating hayaang malunod sa katahimikan ang mga pangalan at kuwento ng mga desaparecido. Ipalaganap ang panawagan ng kanilang pamilya, ilantad ang katotohanan sa likod ng bawat sapilitang pagkawala, at igiit ang agarang pagpapalitaw sa mga desaparecido.

𝐒𝐔𝐑𝐅𝐀𝐂𝐄 𝐀𝐋𝐋 𝐃𝐄𝐒𝐀𝐏𝐀𝐑𝐄𝐂𝐈𝐃𝐎𝐒!
𝐍𝐓𝐅-𝐄𝐋𝐂𝐀𝐂, 𝐁𝐔𝐖𝐀𝐆𝐈𝐍!
𝐏𝐎𝐍𝐃𝐎 𝐒𝐀 𝐄𝐃𝐔𝐊𝐀𝐒𝐘𝐎𝐍, 𝐇𝐈𝐍𝐃𝐈 𝐒𝐀 𝐏𝐀𝐒𝐈𝐒𝐌𝐎!

29/08/2026

𝗡𝗢 𝗧𝗢 𝗗𝗘𝗩𝗘𝗟𝗢𝗣𝗠𝗘𝗡𝗧 𝗔𝗚𝗚𝗥𝗘𝗦𝗦𝗜𝗢𝗡!

Kahapon, ika-28 ng Agosto, nanghimasok ang North Luzon Mineral Resources Corporation (NLMRC) sa Brgy. Pacquet, Kasibu, Nueva Vizcaya. Katuwang ng NLMRC ang Philippine National Police (PNP) sa pagkasira ng ating kalikasan. Walang habas na pinaghuhuli ng PNP ang 13 na residente ng Kasibu na nagbabarikada upang pigilan ang panghihimasok ng minahan sa kanilang komunidad. Malinaw ang tindig ng mga residente na hindi sila kailanman makikinabang sa minahan dahil tanging mga korporasyon lamang ang makikinabang dito kapalit ang pagkasira ng ating kalikasan.

Mariing tinututulan ng Development Studies Society ang patuloy na panghihimasok ng mga minahan sa ating kalikasan. Ang patuloy na ugnayan ng mga korporasyon sa pwersa ng estado katulad ng PNP ay isang malinaw na manipestasyon kung sino nga ba ang tunay nilang pinagsisibilhan. Ang patuloy na presensya ng PNP ay malinaw na pamamasismo ng ating estado at pananakot laban sa mga tumitindig para sa karapatan at kalikasan. Ang barikada ng mamamayan ng Kasibu ay higit na makatarungan dahil ito ang kanilang malayang pagtindig laban sa mapanirang minahan.

Naniniwala ang Development Studies Society na hindi matatawag na “development” kung mayroong komunidad na sapilitang mapapalayas at kalikasan na masisira. Bilang mga Iskolar ng Bayan, lalo’t higit bilang mag-aaral ng Araling Pangkaunlaran, tungkulin natin ang pagsulong ng isang kaunlaran na tunay na nagsisilbi sa masang Pilipino.

Nanawagan kami na palayain ang ilegal na pag-aresto sa 13 na residente ng Kasibu! Palayasin ang mga minahan sa ating kalikasan! Hindi isang krimen ang pagdepensa sa lupain at kalikasan. Ang tunay na krimen ay ang patuloy na panghihimasok ng mapanirang minahan, at ang ilegal na pag-aresto sa mamamayang lumalaban!

DEFEND ENVIRONMENTAL DEFENDERS!
DEFEND NUEVA VIZCAYA!
DEFEND THE BARRICADE!
NO TO MINING!

20/08/2026

𝗡𝗔𝗚𝗞𝗔𝗞𝗔𝗜𝗦𝗔𝗡𝗚 𝗣𝗔𝗛𝗔𝗬𝗔𝗚 𝗡𝗚 𝗞𝗢𝗡𝗦𝗘𝗛𝗢 𝗡𝗚 𝗠𝗔𝗚-𝗔𝗔𝗥𝗔𝗟 𝗔𝗧 𝗠𝗚𝗔 𝗢𝗥𝗚𝗔𝗡𝗜𝗦𝗔𝗦𝗬𝗢𝗡 𝗦𝗔 𝗞𝗔𝗦: 𝗣𝗔𝗡𝗜𝗡𝗜𝗡𝗗𝗜𝗚𝗔𝗡 𝗣𝗔𝗥𝗔 𝗦𝗔 𝗟𝗜𝗚𝗧𝗔𝗦 𝗔𝗧 𝗠𝗔𝗟𝗔𝗬𝗔𝗡𝗚 𝗞𝗔𝗠𝗣𝗨𝗦 𝗛𝗜𝗡𝗚𝗚𝗜𝗟 𝗦𝗔 𝗙𝗢𝗥𝗨𝗠 𝗡𝗚 𝗖𝗔𝗦 𝗡𝗔 “𝗦𝗔𝗙𝗘 𝗖𝗔𝗠𝗣𝗨𝗦: 𝗔𝗖𝗧𝗜𝗩𝗘 𝗧𝗛𝗥𝗘𝗔𝗧 𝗔𝗡𝗗 𝗦𝗛𝗢𝗢𝗧𝗜𝗡𝗚 𝗣𝗥𝗘𝗣𝗔𝗥𝗘𝗗𝗡𝗘𝗦𝗦 𝗧𝗥𝗔𝗜𝗡𝗜𝗡𝗚 𝗙𝗢𝗥 𝗖𝗢𝗟𝗟𝗘𝗚𝗘 𝗦𝗧𝗨𝗗𝗘𝗡𝗧𝗦”

‼️ TRIGGER WARNING: Mentions of gun violence in schools and universities. ‼️

Sa kakatapos lamang na dayalogo ng Konseho ng mga Mag-aaral ng KAS sa administrasyon ng Kolehiyo, malinaw na nakita ang kabiguan nitong konsultahin ang sangkaestudyantehan at ang mga lehitimong kinatawan nito bago magpatupad ng programang direktang nakaaapekto sa ating seguridad at kapakanan. Sa dayalogo ng Konseho at administrasyon, kinilala mismo ang kakulangan sa konsultasyon, ngunit ipinagtanggol ang pagpapatuloy ng programa dahil umano sa urgent na kahilingan ng mga magulang at sa “unethical” na pagkansela sa aktibidad matapos magbigay ng kumpirmasyon ang mga speaker. Ngunit ang urgency ay hindi lisensya upang lampasan ang demokratikong proseso. Kung may panahon upang magplano, mag-imbita ng tagapagsalita, at maghanda ng programa, may panahon ding kumonsulta sa mga estudyanteng direktang maaapektuhan nito.

Mas lalong kailangang suriin ang paglahok ng isang uniformed state security force (Philippine Coast Guard) sa loob ng pamantasan. Maaaring sabihin ng administrasyon na hindi ito programa para sa militarisasyon, ngunit hindi sapat ang deklarasyon ng intensyon upang burahin ang lehitimong pangamba sa epekto ng presensya ng armadong institusyon ng estado sa isang akademikong espasyo. Ang tanong ay hindi lamang kung “militarisasyon” ba ang tawag dito, kundi kung bakit patuloy na itinuturing na kinakailangang bahagi ng campus safety ang mga armadong institusyon, habang isinasantabi ang boses ng mismong mag-aaral ng Unibersidad, lalong lalo na sa kasaysayan ng presensya ng mga uniformed personnel sa Pamantasan. Katulad na lamang ni Cobbie Jan Canda at mga kasamahan nito sa rehiyon ng UP Mindanao na patuloy ang paniniktik ng kapulisan kung saan nilagay sa “wanted active persons” ang mga kabataang aktibista.

Tinututulan namin ang isang security framework na nag-nonormalisa sa presensya ng mga armadong puwersa sa kampus at sabay na ipinapasa sa mga estudyante ang bigat ng paghahanda para sa karahasang dapat pinipigilan ng institusyon. Hindi sapat na turuan ang kabataan kung paano tumugon sa isang shooting habang hindi sapat ang pagtutok sa prevention, mental health services, counseling, psychosocial support, student welfare, at regulasyon sa akses sa armas. Ang campus safety ay hindi dapat maging simpleng “survival training” para sa mga estudyante. Hindi responsibilidad ng kabataan na maghanda para sa kabiguang maprotektahan ng Unibersidad ang kanilang nasasakupan.

Tinututulan din ng Konseho ang pananaw na sapat nang magkaroon ng konsultasyon “sa susunod.” Ang konsultasyon ay hindi dapat maging damage control matapos mailabas ang isang kontrobersyal na programa. Ito ay karapatan ng sangkaestudyantehan at kinakailangang bahagi ng demokratikong proseso sa pag-organisa ng Pamantasan. Ang boses ng mga mag-aaral ay hindi dapat pakinggan lamang kapag tapos na ang desisyon.

Sa halip na gawing sentro ng campus safety ang presensya ng uniformed state forces, nananawagan kami para sa holistiko, maagap, nakasentro sa mag-aaral, at demokratikong sistema ng seguridad. Palawakin at gawing aksesible ang mental health at counseling services, palakasin ang psychosocial at emergency response mechanisms, bumuo ng malinaw na prevention protocols, at tiyaking may sapat na suporta sa mga estudyanteng nangangailangan nito. Ipaglaban ang mahigpit na regulasyon sa akses at pagmamay-ari ng armas at tugunan ang mga ugat ng gun violence, hindi lamang ang mga sintomas nito.

Higit sa lahat, hinihingi namin ang institusyonalisadong konsultasyon sa CASSC at mga organisasyon ng mag-aaral para sa lahat ng programang may direktang epekto sa seguridad at kapakanan ng sangkaestudyantehan. Ang commitment ng administrasyon na kumonsulta sa mga susunod na programa ay dapat maging aktuwal na pagbabago sa proseso, hindi lamang pangako matapos ang isang lapse.

Ang tunay na ligtas na kampus ay hindi nasusukat sa dami ng unipormadong puwersang ipinapasok dito. Nasusukat ito sa lawak ng serbisyong naibibigay, sa lakas ng mekanismong pumipigil sa karahasan at kultura ng impunidad, at sa lawak ng demokratikong partisipasyon ng mga taong bumubuo sa pamantasan. Ang KAS ay para sa malayang pagkatuto at paglaya ng kaisipan, hindi para sa normalisasyon ng presensya ng mga armadong puwersa ng estado. 𝗛𝗶𝗻𝗱𝗶 𝘁𝘂𝗻𝗮𝘆 𝗻𝗮 𝗹𝗶𝗴𝘁𝗮𝘀 𝗮𝗻𝗴 𝗽𝗮𝗺𝗮𝗻𝘁𝗮𝘀𝗮𝗻𝗴 𝗵𝗶𝗻𝗮𝗵𝗮𝘆𝗮𝗮𝗻𝗴 𝗺𝗮𝗴𝗶𝗻𝗴 𝗽𝘂𝗴𝗮𝗱 𝗻𝗴 𝗺𝗶𝗹𝗶𝘁𝗮𝗿𝗶𝘀𝗮𝘀𝘆𝗼𝗻 𝗮𝘁 𝗽𝗮𝘀𝗶𝘀𝗺𝗼, 𝗽𝗮𝗴𝗹𝗮𝗯𝗮𝗻 𝗮𝗻𝗴 𝗱𝗲𝗺𝗶𝗹𝗶𝘁𝗮𝗿𝗶𝘀𝗮𝗱𝗼, 𝗺𝗮𝗹𝗮𝘆𝗮 𝗮𝘁 𝗱𝗲𝗺𝗼𝗸𝗿𝗮𝘁𝗶𝗸𝗼𝗻𝗴 𝗨𝗻𝗶𝗯𝗲𝗿𝘀𝗶𝗱𝗮𝗱!

MULI, MARIING NANANAWAGAN ANG SANGKAESTUDYATEHAN NG UNIBERSIDAD NG PILIPINAS MANILA NA IHINTO ANG GAWAING FORUM NG CAS NA “SAFE CAMPUS: ACTIVE THREAT AND SHOOTING PREPAREDNESS TRAINING FOR COLLEGE STUDENTS”

MILITAR SA PAMANTASAN, PALAYASIN! UPHOLD UP-DND ACCORD

20/08/2026

PAHAYAG NG KONSEHO NG MGA MAG-AARAL NG UP MANILA, ORGANISASYON, AT MGA LOKAL NA KONSEHO HINGGIL SA PAGPAPAPASOK SA MGA PUWERSANG ESTADO SA LOOB NG PAMANTASAN

Noong Agosto 19, naglabas ng imbitasyon ang administrasyon ng Kolehiyo ng Agham at Sining hinggil sa forum na pinamagatang “SAFE CAMPUS: Active Threat and Shooting Preparedness for College Students” sa August 25, kung saan nakapaloob dito ang “active threat and shooting incident preparedness” na siyang tahasang kinikilala ang pagpapasok ng armas sa loob ng pamantasan.

Kanina, 1 PM ng Agosto 20, namataan ang mga pwersa ng estado na may hawak na baril at rifle sa loob at paligid ng UP Manila. Patuloy na nagpapagala-gala ang mga kapulisan na siyang nagpapahiwatig ng pagbabanta sa mga mag-aaral ng UP Manila. Dagdag pa rito, ang pagmamatyag at matagal na presensya ng police mobile sa gate ng Pedro Gil.

Mariing kinukundena ng Konseho ng Mag-aaral ng UP Manila, mga organisasyon, at mga lokal na konseho ang pagpapapasok at patuloy na pakikipag-ugnayan sa mga armadong puwersa ng estado ng admin sa loob ng UP Manila. Ang parehas na pagpapapasok ng pwersa ng estado ay hindi man lang nakaabot sa mga mag-aaral, basta na lamang ito pinahintulutan ng administrasyon. Hindi SAFE CAMPUS ang pamantasan kung pinapapasok nito ang mga pasistang militar na siyang kumitil sa buhay ng mga mamamayang Pilipino na ipinaglalaban lamang ang karapatan. Gayundin sa forum na isasagawa, ito ay hindi tunay na lulutas sa patuloy na represyon at paglala ng kultura ng pamamasismo na pinasisimulan ng AFP at PNP! Hindi SAFE CAMPUS ang pamantasan kung ang mismong kapulisan ay may hawak na baril at umaaligid sa loob pa mismo ng tambayan ng mga mag-aaral!

Sa administrasyon ng UP Manila at ng Kolehiyo ng Agham at Sining, dinggin niyo ang mga mag-aaral na patuloy na pinaglalaban ang aming karapatan sa akademikong pangkalayaan. Ang pagpapapasok ng pasistang pwersang estado ay tahasang pag-apak at pagpapasidhi ng mga banta sa ating akademikong pangkalayaan. Walang lugar ang kahit anong uri ng karahasan, pamamasismo, at pag-apak sa demokratikong karapatan sa UP Manila!

Ang sigaw ng mga mag-aaral ng UP Manila: UPHOLD UP-DILG ACCORD! REINSTATE UP-DND ACCORD! MILITAR SA PAMANTASAN, PALAYASIN!

Signatories:
UP Manila University Student Council
UP Office of the Student Regent
KASAMA SA UP

League of College Student Councils
UP Manila College of Arts and Science Student Council (CASSC)
UP Manila College of Dentistry Student Council (DSC)
UP Manila College of Allied Medical Professions (CAMPSC)
Nursing Student Council (NSC)
College of Public Health Student Council (CPHSC)
UP Pharmaceutical Association Student Council (UPPhA SC)
UP Medicine Student Council (MSC)

Coalition of Organizations, Fraternities, and Sororities
Sulong UP Manila
Kabataan Partylist - UP Manila
League of Filipino Students UP Manila
Sigma Delta Pi Sorority - UP Manila
UP Sigma Kappa Pi Fraternity - Manila
NNARA Youth - UP Manila
Gabriela Youth UP Manila
Agham Youth UP Manila
UP Vector
Development Studies Society UP Manila
Kabataan para sa Tribung Pilipino - UP Manila Chapter
UP Manila Sining at Kalinangang Lahi
UP Manila Pre-Law Society
Samahan ng mga Progresibong Iskolar na Naglalayong Makinig at Makisandig (SANDIG)l
Pangkalusugang Lingkod Bayan
UPCD Proxima

18/08/2026

LUBOG NA NAMAN ANG SAMBAYANAN! LUSOB PARA SA PANANAGUTAN!

Binabaha na naman ang mga kalsada ng Taft Avenue at kalakhan ng Maynila nang dahil sa kawalang pananagutan ng gobyerno at kapalpakan sa kanilang flood control projects. Ang mga lungsod at komunidad ay lubog, at ang mga mamamayan ay napipilitang lumusong sa baha, habang sina Marcos Jr. ay naghahari-harian sa palasyo ng Malacañang, ipinagsasawalang-bahala ang mga mamamayang patuloy niyang nilulubog sa kahirapan.

Kamakailan lamang ay kinaltasan ang budget allocation sa buong University of the Philippines (UP) System mula 29.5 billion ngayong 2026 hanggang ₱26.5 billion sa susunod na taon. Kadugtong dito ang pagkaltas din ang pondo para sa Philippine General Hospital sa kabila ng kakulangan sa maayos na pasilidad at mababang pasahod para sa mga healthcare workers.

Sa pagkaltas ng pondo para sa sektor ng edukasyon at pangkalusugan, lumobo naman ang pondo na nilaan sa DPWH para sa mga proyektong pang-imprastraktura gaya na lamang ng kadusta-dustang flood control projects na hindi naman nadarama ng mga mamamayang Pilipino. Gayundin ang pondo para sa mga ahensya para sa disaster preparedness ay kinaltasan din sa 2027 National Expenditure Program. Mula rito, malinaw na ang tindig ni Marcos Jr. ay hindi para pagsilbihan ang mga mamamayan nito.

Mariing kinukundena ng konseho ng mag-aaral ng UP Manila ang kawalang bahala at pananagutan ng administrasyon ni Marcos Jr. sa paglustay at misalokasyon ng pondo ng mamamayan. Isang taon na ang nakalilipas mula sa palpak na flood control, subalit wala pa ring nakukulong sa mga sangkot sa korapsyon at patuloy ang pagbaha sa mga komunidad.

Sa kabila ng mga banta at hamon na ito, patuloy na susuong ang mga hanay ng kabataan upang itaguyod ang karapatan ng mga mamamayan at panagutin ang mga nasa itaas–mananatiling iskolar ng bayan na patuloy na lalaban at para sa bayan. Tuloy-tuloy ang pag-oorganisa at militanteng pagkilos hangga’t hindi nananagot ang mga nanunungkulan tulad ni Marcos Jr. na walang ibang ginawa kundi ilubog sa kahirapan ang mga mamamayang PIlipino.

Inaanyayahan natin ang mga iskolar ng bayan na makiisa at kumilos! Magmulat, patuloy na makialam, at sumandig sa masang nangangailangan sa hagupit ng panahon.

Ang UP Manila University Student Council ay kasalukuyang nangangalap ng donasyon (monetary or in-kind) para sa mga kababayan natin na apektado ng sakuna.

Monetary donations:
GCASH, GoTyme
018849742206 (Aeron Kim D.S.)

MariBank
19896906126 (Ian Brenard M.)

In-kind donations
Sa in-kind donations, maaaring umugnay sa UPM USC email ([email protected]) o maaaring magmessage sa FB page na ito upang makipag-ugnayan.

16/08/2026

Ang pagbabalik sa klase ay hindi lamang pagbabalik sa akademiko kundi isang panawagan sa mga suliraning kinakaharap ng ating lipunan. Kabilang dito ang kakulungan sa kaukulang badyet at espasyo para sa mga mag-aaral ng UP System. Muling itatambol ang mga pasanin ng mga mamamayan: mula sa patuloy na pagbaha, paglulunsad ng Pax Silica, hanggang sa patuloy na pag-angkin ng lupang ninuno at lupang sakahan ng pasistang estado.

Kasabay nito, nararanasan ng bansa ang malubhang krisis sa ekonomiya na nagpapahirap sa bawat mamamayan dahil sa mababang sahod at mataas na presyo ng mga bilihin. Hindi na sapat ang kinikita ng mga manggagawa para sa nakabubuhay na antas ng pamumuhay dahil sa talamak na kontraktwalisasyon at kawalan ng pambansang industriyalisasyon. Ang araw-araw na kita ay mabilis na nilalamon ng nagtataasang pamasahe, bayad sa kuryente, at tubig habang ang presyo ng mga pangunahing pagkain ay patuloy na hindi naaabot ng ordinaryong pamilya. Ito rin ang realidad ng mga magsasaka sa kanayunan, na sadlak pa rin dahil sa kawalan ng lupa na ninakaw ng mga panginoong maylupa at komprador. Lumalala rin ang pamamasista ng estado sa kanayunan na siyang sanhi ng kapahamakan at pagpaslang sa mga lider-magsasaka at peasant advocates tulad nila Maureen Santuyo at Alyssa Alano sa Toboso, Negros Occidental.

Kamakailan lamang, ibinida sa SONA ang paglulunsad ng Pax Silica na makatutulong diumano sa pagbibigay ng maraming trabaho at pagpapaunlad ng industriya. Gayunpaman, ito ay sumasalamin sa patuloy na pagsunod ng administrasyong Marcos sa imperyalistang interes at isinasawalang-bahala ang mga mamamayan na nais nitong paglingkuran. Bukod pa rito, patuloy pa rin ang impeachment trial ni Sara Duterte at hindi pa rin napananagot sa paggastos ng pondo ng bayan.

Dagdag pa rito, bitbit natin ang panawagan na tumutugon sa lumalalang panunupil sa akademikong kalayaan at karapatan ng mga estudyante na matuto kasama ang mamamayan. Bahagi ng malayang edukasyon ang pagkakaroon ng sapat na espasyo para sa community integrations at practicum, kung saan naiuugnay ng mga estudyante ang kanilang mga natutuhan sa loob ng apat na sulok ng silid-aralan sa pamamagitan ng pakikipamuhay at pag-aaral ng kongkretong kalagayan ng lipunan. Sa halip na hadlangan ang mga ganitong proseso, nararapat na suportahan ang mga espasyong nagpapalalim sa kritikal na pagkatuto at pakikipag-ugnayan ng mga estudyante sa iba’t ibang sektor ng lipunan at mula sa realidad ng sambayanan.

𝗞𝗮𝘆𝗮 𝗻𝗮𝗺𝗮𝗻 𝘀𝗮 𝗱𝗮𝗿𝗮𝘁𝗶𝗻𝗴 𝗻𝗮 𝗔𝗴𝗼𝘀𝘁𝗼 𝟭𝟳, 𝗶𝗻𝗮𝗮𝗻𝘆𝗮𝘆𝗮𝗵𝗮𝗻 𝗮𝗻𝗴 𝗯𝘂𝗼𝗻𝗴 𝘀𝗮𝗻𝗴𝗸𝗮𝗲𝘀𝘁𝘂𝗱𝘆𝗮𝗻𝘁𝗲𝗵𝗮𝗻 𝗻𝗮 𝗯𝘂𝗼𝗻𝗴-𝗹𝗮𝗸𝗮𝘀 𝗻𝗮 𝗺𝗮𝗸𝗶𝗹𝗮𝗵𝗼𝗸 𝘀𝗮 𝗙𝗶𝗿𝘀𝘁 𝗗𝗮𝘆 𝗥𝗮𝗴𝗲. Magtipon tayo upang ipanawagan ang sapat na pondo para sa kalusugan at edukasyon, at wakasan ang lumalalang krisis sa pampublikong serbisyo. Higit sa lahat, pagkakataon itong pag-isahin ang tinig ng kabataan at ng mas malawak na masa— mga manggagawa, magsasaka, at katutubo sa paglaban para sa tunay na pambansang demokrasya at katarungang panlipunan.

11:00 AM | CAS Tambayan
12:50 PM | PGH Oblation Plaza

Pag-isahin natin ang ating mga lakas at tinig upang mag-alingawngaw ang mga hinaing at hiling ng masang Pilipino.

𝗗𝗘𝗙𝗘𝗡𝗗 𝗔𝗖𝗔𝗗𝗘𝗠𝗜𝗖 𝗙𝗥𝗘𝗘𝗗𝗢𝗠!
𝗠𝗔𝗥𝗖𝗢𝗦, 𝗦𝗜𝗡𝗚𝗜𝗟𝗜𝗡!
𝗗𝗨𝗧𝗘𝗥𝗧𝗘, 𝗣𝗔𝗡𝗔𝗚𝗨𝗧𝗜𝗡!
𝗜𝗠𝗣𝗘𝗥𝗬𝗔𝗟𝗜𝗦𝗠𝗢, 𝗜𝗕𝗔𝗚𝗦𝗔𝗞!

15/08/2026

𝗢𝗼𝗽𝘀𝘀.. 𝗢𝗼𝗽𝘀𝘀… 𝗔𝗻𝗱𝘆𝗮𝗻 𝗻𝗮 𝘀𝗶𝗹𝗮! 🙊🙊

Sinalubong at dumaan na sa red carpet ang mga bagong Iskolar ng Bayan ng Araling Pangkaunlaran sa ating Salubong noong August 13, 2026! 🎉🥳

Mula sa pagtalakay ng curriculum, mga highlight at events na dapat nilang abangan, pag-aaral sa kasalukuyang lagay ng agrikultura’t edukasyon tungo sa ating fun and memorable games bilang pagsalubong sa kanilang paglalakbay sa Araling Pangkaunlaran! 🤩

Handa na silang sumulong sa hamon ng panahon at sagutin ang tanong na “𝗸𝗮𝘂𝗻𝗹𝗮𝗿𝗮𝗻 𝗽𝗮𝗿𝗮 𝗸𝗮𝗻𝗶𝗻𝗼?”

𝗣𝗮𝗴𝗯𝗮𝘁𝗶, 𝗺𝗴𝗮 𝗯𝗮𝗴𝗼𝗻𝗴 𝗜𝘀𝗸𝗼𝗹𝗮𝗿 𝗻𝗴 𝗕𝗮𝘆𝗮𝗻! 🔻

09/08/2026

𝐑𝐞𝐚𝐝𝐲 𝐧𝐚 𝐛𝐚 𝐚𝐧𝐠 𝐫𝐞𝐝 𝐜𝐚𝐫𝐩𝐞𝐭 𝐩𝐚𝐫𝐚 𝐬𝐚 𝐚𝐭𝐢𝐧𝐠 𝐟𝐫𝐞𝐬𝐡𝐞𝐬𝐭 𝐟𝐫𝐞𝐬𝐡𝐢𝐞𝐬? ⭐️

Ngayong 𝗔𝘂𝗴𝘂𝘀𝘁 𝟭𝟯, 𝟮𝟬𝟮𝟲 ay sasalubungin na ang mga bagong estudyante ng Development Studies Program na handa nang kumilos at suriin ang ugat ng problema ng lipunan tungo sa tunay na kaunlaran!

Sa DevSoc Salubong, you will get the gist and overview of what’s to come during your stay in DevStud! Mula sa mga highlight ng freshman year, hanggang sa mga tips paano ma-survive at mag-enjoy sa DevStud mula sa ating mga senior students!

Marami kang matututuhan sa DevStud, but one thing is for sure: lalo kang mamumulat sa kalagayan ng ating lipunan—that the struggles of the broader masses are always connected to our struggles.

🗓️ 𝗔𝘂𝗴𝘂𝘀𝘁 𝟭𝟯, 𝟮𝟬𝟮𝟲
🕰️ 𝟮:𝟯𝟬 - 𝟱:𝟬𝟬 𝗣𝗠
📍 𝗥𝗶𝘇𝗮𝗹 𝗛𝗮𝗹𝗹 𝟯𝟬𝟯

𝐊𝐚𝐲𝐚 𝐢-𝐫𝐞𝐚𝐝𝐲 𝐧𝐚 𝐚𝐧𝐠 𝐫𝐞𝐝 𝐜𝐚𝐫𝐩𝐞𝐭, 𝐛𝐞𝐜𝐚𝐮𝐬𝐞 𝐭𝐡𝐞𝐲 𝐚𝐫𝐞 𝐧𝐨𝐰 𝐨𝐧 𝐭𝐡𝐞 𝐰𝐚𝐲 𝐭𝐨 𝐬𝐞𝐫𝐯𝐞 𝐭𝐡𝐞 𝐩𝐞𝐨𝐩𝐥𝐞! ✊

Development Studies Society

31/08/2026

31/08/2026

30/08/2026

29/08/2026

20/08/2026

20/08/2026

18/08/2026

16/08/2026

15/08/2026

09/08/2026

Address

Website

Alerts

Contact The Organization

Shortcuts

Share

Listing takedown request