20/03/2026
ICYMI | Kahapon, Marso 19, matagumpay na nailunsad ang unang araw ng transport strike bilang bahagi ng dalawang araw na protestang bayan na layuning irehistro ang kolektibong panawagan ng masang api para sa pagpababa ng presyo ng langis at kagyat na subsidiya sa mga pinakaapektadong sektorโ ang mga tsuper, magsasaka, at mangingisda.
Mula sa Petron, Pedro Gil, nagbuklod-lakas ang mga multisektoral na grupo upang militanteng ipahayag ang absolutong pagkundena sa imperyalistang US at Zionistang Israel sa kanilang walang pakundangang pambubuyo ng gyerang agresyon sa South America at Middle East. Gayundin, mariing binatikos ang hayagang pagsusulsol at pakikipagsabwatan ng rehimeng US-Marcos sa mga krisis na pakana ng kanyang among USโ salik sa bangag at makupad na pagtugon ng pamahalaan sa lehitimong daing ng mamamayan.
Sa halip na tugunan ang krisis, nananatiling nakatali ang pamahalaan sa mga mapupurol, panandalian, at pantapal-butas na hakbang tulad ng compressed work week, emergency powers, at limitadong fuel subsidy na hindi sapat at huli nang maipatutupad. Sa ganitong kalagayan, lalong lumilitaw ang kawalan ng seryosong intensyon na maglatag ng pangmatagalan, komprehensibo, at maka-mamamayang solusyon sa patuloy na pagsirit ng presyo ng langis at batayang bilihin. Dahil dito, kaisa ang NNARA Youth - PUP, sama-samang nilisan ng mamamayan ang kanilang mga trabaho at klase upang igiit ang kanilang mga panawagan mula sa pagwawakas ng gyerang agresyon ng US-Israel sa Iran, hanggang sa pagpapataas ng sahod, pagkontrol sa presyo ng langis at mga pangunahing bilihin, pagtanggal ng excise tax at 12% VAT, pagbibigay ng sapat na ayuda, at pagbabasura sa Oil Deregulation Law.
Ngayong araw ang ikalawa at huling bugso ng protestang bayan. Inaanyayahan ang lahat na makiisa sa pagkilos sa Welcome Rotonda, 12 NN, bilang bahagi ng mas malawak na panawagan para sa lupa, buhay, at kabuhayan. Mula rito, magmamartsa ang hanay patungong Mendiola para sa susunod na programa sa ganap na alas-3 ng hapon. Ating ipamalas ang patuloy na lumalawak na pagkikibakang mamamayan laban sa krisis at kapabayaan ng estado.
๐ฝ๐จ๐ป ๐๐ ๐ฌ๐๐๐๐๐ ๐ป๐๐, ๐๐๐๐๐๐๐๐๐!
๐ท๐๐๐๐๐ ๐๐ ๐๐๐๐๐๐, ๐๐๐๐๐!
๐ถ๐๐ ๐ซ๐๐๐๐๐๐๐๐๐๐๐ ๐ณ๐๐, ๐๐๐๐๐๐๐!
๐ฐ๐๐๐๐๐ ๐๐๐ ๐๐๐๐๐๐๐๐๐๐๐๐๐๐ ๐๐๐๐ ๐๐ ๐๐๐๐๐๐๐๐!
