13/10/2025
Isang forum ang ginanap para sa mga magulang ng mga batang may intellectual, learning disabilites at Global Development Delay noong Oktubre 2, 2025.
Ang forum ay pinamagatang Gabay at Suporta: Forum para sa mga Magulang ng mga Batang may Natatanging Pangangailangan.
Ang forum ay dinaluhan ng 40 magulang na nabigyan ng pagkakataong ibahagi sa kapwa magulang nila ang mga hamon na kanilang hinaharap dahil sa natatanging pangangailangan ng kanilang mga anak.
Layon ng forum na mas maintindihan ng mga magulang ang kapansanan ng kanillang mga anak upang sila ay mas maunawaan, matulungan at mabigyan ng naaayon na pagpapasensya. Hangad din ng forum bigyang pag-asa at lakas ng loob ang mga magulang na umaagapay sa kanilang mga anak.
Sa pamamagitan ng mga resource persons, natutunan ng mga magulang ang mga sintomas at gawi ng mga anak nilang may kapansanan. Binigyan din sila ng mga mungkahi kung paano harapin ang pang-araw-araw na stress na kanilang nararanasan at mga paraan para kanilang maalagaan at ma-train ang mga bata sa kanilang mga bahay.
Bilang resulta ng forum, napagtanto ng mga magulang na kailangan nila ng komunidad o grupo para suportahan ang bawat isa kaya bumuo sila ng kanilang organisasyon at bumoto ng kanilang mga officers.
Ang mga naging resource persons na nagbigay kaalaman sa kanila ay sina Ms. Chona Vibar, Ms. Ritchy Logronio and Ms. Arlene Quibate, mga g**o mula sa Department of Education.
Dumalo sa nasabing programa at nagbigay ng mensahe ng suporta sina Municipal Councilor Arly Guiriba at Mayor Jerry Arizapa.
Ang activity na ito ay resulta ng pagtutulungan ng Persons with Disabilities Organization of Manito, Municipal Social Welfare and Development at LGU Manito.
