NFA LASUR

20/08/2026

“Warehouse Inspection at NFA LASUR GID Warehouse”

Nagsagawa ng inspeksyon sa GID Warehouse sina Regional Manager Lilibette P. Ignacio, Assistant Regional Manager Lydia I. Arsad at RSQAO Ben Ali Sarip upang matiyak ang isang ligtas, organisado, at mahusay na lugar ng trabaho habang naghahanda para sa mga operasyon sa hinaharap partikular na ang Palay Procurement. Sa pamamagitan ng pagtukoy sa mga potensyal na panganib, pagsuri sa mga pasilidad at kagamitan, at pagtugon sa mga lugar na maaaring pagbutihin, pinapalakas natin ang ating kahandaan para sa mga operasyon sa hinaharap.

Ang hakbang na ito ay napakahalaga upang mapabuti at mapanatiling ligtas at maayos ang bodega para sa maayos at matagumpay na operasyon sa hinaharap.

“𝘛𝘪𝘺𝘢𝘬 𝘢𝘯𝘨 𝘉𝘪𝘨𝘢𝘴, 𝘗𝘢𝘯𝘢𝘵𝘢𝘨 𝘢𝘯𝘨 𝘉𝘶𝘬𝘢𝘴.”

29/07/2026

🌾Mula sa opisina, patungo sa palayan. Isang karanasang hindi malilimutan🌾

Lumabas ng opisina ang mga empleyado ng NFA Lanao del Sur at nagtungo sa palayan upang lumahok sa Rice Planting Immersion.

Ipinaliwanag ni MAFAR Municipal Agriculture Officer Faisal Sarip at ng mga magsasaka ng Barangay Bubonga Didaagun, Municipality of Bubong, Lanao del Sur ang sunud-sunod na proseso ng pagtatanim ng palay at aktwal na naisagawa ng mga empleyado ang pagtatanim nito sa palayan. Higit pa sa mismong pagtatanim, mas napahalagahan ang dedikasyon, katatagan, at pagsisikap ng ating mga magigiting na magsasaka.

Pinagtibay ng karanasang ito ang pagpapakumbaba, ang hangarin upang makatulong sa mga lokal na magsasaka at pagpupugay sa mga kamay na nagpapakahirap upang magkaroon ng bigas ang bawat hapag-kainan.

“Tiyak ang Bigas, Panatag ang Bukas.”

25/07/2026

24/06/2026

Farmer’s Ugnayan and Consultative Meeting with local Farmers regarding NFA's Plan to Utilize Purchase Order on Palay Procurement

Ang NFA Lanao del Sur Branch office ay nagsagawa ng Consultative Meeting sa mga lokal na Magsasaka tungkol sa Plano ng NFA ng Gamit ng Purchase Order sa Palay Procurement sa naganap na Farmer's Ugnayan sa Barangay Rogero, Municipality ng Bubong, Lanao del Sur.

(𝘛𝘪𝘯𝘨𝘯𝘢𝘯 𝘢𝘯𝘨 𝘤𝘰𝘮𝘮𝘦𝘯𝘵 𝘴𝘦𝘤𝘵𝘪𝘰𝘯 𝘱𝘢𝘳𝘢 𝘴𝘢 𝘬𝘢𝘣𝘶𝘶𝘢𝘯𝘨 𝘶𝘭𝘢𝘵)

“Tiyak ang Bigas, Panatag ang Bukas.”

20/06/2026

15/06/2026

Muling Pagpapatupad ng ₱20 Benteng Bigas
Program sa Lanao del Sur!*

Handa na ulit ang NFA Lanao del Sur para sa pagbabalik ng ₱20 Benteng Bigas Program ngayong Miyerkules, June 17, 2026 (Wednesday). Sa patuloy na pagtaas ng presyo ng mga bilihin kabilang ang bigas, ang Benteng Bigas Program ng Department of Agriculture (DA) katuwang ang Food Terminal Incorporated (FTI) at ang National Food Authority (NFA) ay patuloy na sinusuportahan ang mga mamamayan, lalo na ang mga nasa vulnerable sectors, sa pamamagitan ng pagbibigay ng abot-kayang bigas.

Maaari kang bumili ng bigas sa halagang bente kada kilo kung ikaw ay isa sa mga sumusunod;

Senior Citizens
Solo Parents
Person with Disabilities (PWD)
Indigent Households
(kabilang ang Aktibong 4Ps Beneficiaries)

(RSBSA Beneficiaries)
All Farmers
Farm Workers

Fisherfolk

(LGU franchise/Plate)
Jeepney Drivers
Tricycle Drivers

Huwag mag-atubiling pumunta sa aming tanggapan upang makabili ng bigas para sa inyong pamilya. Dalhin lamang ang inyong valid ID o anumang dokyumentaryo bilang patunay.

📍NFA Lanao del Sur Branch Office, Barrio Green, Marawi City

“Tiyak ang Bigas, Panatag ang Bukas.”