10/05/2022
“Akong dakong katahuran kaninyong tanan kay wala gayud ninyo ako pasagdi sa akong ikaduhang pag pa pili. Sa ika duhang higayon, ge hatagan ko ninyo sa inyong gugma og pag salig nga mag dumala sa Marihatag isip inyong Mayor. Ang inyong pag salig, gehatag ninyo kanamong tanan diri sa TEAM GUGMA MARIHATAG mao kanang nag resulta og 10/0 nga kadaugan sa atong lungsod.
Sulod sa akong kasing kasing, kabalo ako nga kitang tanan nangandoy gyud og tinuoray nga kalambuan sa Marihatag. Mao kanang suklian namo ang inyong pag salig og sinsero gyud nga panerbisyo para ma padayun ta ang na sugdan tang pag palambo sa atong lungsod. Tungod sa among panaghi-usa nakita sab ninyo ang resulta sa gesugdan namong programa sa pag pa lambo sa Marihatag.
Salamat nga wala kamo mo tuo sa mga bakak nga istorya batok kanamo. Kundili inyo nuon kining gebuligan og dakong pag salig kanamo. Mata na ang mga katawhan sa Marihatag og andam na kitang tanan mag tinabangay para sa ika lambo sa atong lungsod.
Wala kamo maka dungog kanako nga nang daut og maski si kinsa nga kaatbang namo sa politika, kay ang tinuod nga panginahanglan gyud sa katawhan ang maong prioridad sa among administrasyon. Dili ang pag daut o pag guba sa pagkatao sa atong isig ka-isa.
Siguroon ko nga kining inyong pag salig kanamo ibalik namo kaninyo pinaagi sa mga serbisyong pampubliko. Labaw sa tanan ang pag apud apud og oportunidad sa ika lambo sa atong mga katawhan og sa ilang panginabuhian.
Duyugi kami ninyo sa pag pa tuman sa mga programa nga among ge han-ay para sa tanan. Sa tanan nga ni salig kanako uban kang Vice Mayor Jovita Umapas og ang atong mga bag-ong miembro sa Sanggunian -- daghang salamat sa inyong dakong gugma, sa inyong sakripisyo og inyong ge pakita nga dedikasyon sukad sa pag sugod sa kampanya hangtod sa niaging piniliay wala kami ninyo pasagdi. Tuguti sab kami karon nga ma suklian kining tanan.
Dako sad akong pasalamat kang Congressman Butch Pichay ug Mayor Carla Lopez - Pichay sa walay hunong nga pag supporta ug pagmahal sa Marihatag. Pinangga kaayo mo sa Marihatag!”❤️
-Mayor JMP-
❤️
