Marikina Bikeways Office

07/09/2026

Sino ang Marikina biker? 🚲

Siya na papasok sa trabaho.
Siya na may grocery na uwi.
Siya na nag-eehersisyo.
Siya na simpleng bumibiyahe araw-araw.

Iba-iba man ang destinasyon, iisa ang daan—para sa mas ligtas, mas maayos, at mas bike-friendly na Marikina. 💙🧡🚲

03/09/2026

Mas Maliwanag. Mas Ligtas.

📍Concepcion Dos – Balanti Bike Lane

Abangan ang mas maliwanag at mas ligtas na daan para sa bawat siklista!

Bahagi ito ng patuloy na programa ng Marikina Bikeways Office kasama ang DOTr, alinsunod sa hangarin ni Mayor Maan Teodoro na mapabuti ang kaligtasan at karanasan ng bawat siklista sa lungsod.

Tuloy-tuloy ang pagkilos para sa mas ligtas na pagbibisikleta.

31/08/2026

Bike Lane Clean Up

Bilang pakikiisa sa paglilinis ng mga kalsadang naapektuhan ng baha, nagsagawa rin ang Marikina Bikeways Office ng paglilinis sa mga bike lanes, alinsunod sa direktiba ni Mayor Maan Teodoro.

Para sa malinis, ligtas, at maayos na bike lanes para sa bawat siklista.

28/08/2026

Bike-Friendly Schools

Alinsunod sa direktiba ni Mayor Maan Teodoro, nagsasagawa ang Marikina Bikeways Office ng karagdagang bike racks para sa mga paaralan, upang magkaroon ng mas maayos at organisadong bike parking para sa ating mga mag-aaral.

Sa Marikina, bisikleta ay bahagi ng ligtas at mas maayos na paglalakbay ng bawat mag-aaral.

Tuloy-tuloy ang suporta sa Bike-to-School Program!

16/08/2026

BIKE COUNT

Bilang bahagi ng programa ng ating Mayor Maan Teodoro sa pagsusulong ng active mobility, isinasagawa ng Marikina Bikeways Office ang Bike Count sa iba’t ibang bahagi ng lungsod.

Layunin nito na makalap ang datos tungkol sa bilang at paggamit ng mga bisikleta bilang gabay sa pagpaplano at pagpapabuti ng bike lanes, infrastructure, at mga programa para sa kaligtasan ng mga siklista.

📊 Bawat bilang, mahalaga sa mas maayos at ligtas na pagbibisikleta sa Marikina.

11/08/2026

Clearing Operation

Matapos ang pananalasa ng malalakas na pag-ulan dulot ng Habagat, agad nating isinagawa ang clearing operations upang alisin ang mga debris at iba pang sagabal sa mga bike lane.

Layunin nating maibalik agad ang malinis, ligtas, at maayos na bike lanes para sa ating mga siklista. 💙🚲

Patuloy ang pagkilos para sa ligtas na pagbibisikleta sa Marikina!

05/08/2026

𝗜𝗡 𝗣𝗛𝗢𝗧𝗢𝗦 | 𝗧𝘂𝗿𝗻𝗼𝘃𝗲𝗿 𝗼𝗳 𝟭𝟬𝟬 𝗖𝗹𝗶𝗰𝗸𝗲𝗿𝘀 🚴‍♀️

Bilang paghahanda sa nalalapit na Bike Count, personal na tinanggap ni Mayor Maan Teodoro at ng Marikina Bikeways Office ang 100 manual bike counters (clickers) mula sa 350 Pilipinas Sustainable Transport and Clean Air Campaign.

Kasabay nito, nagkaroon ng talakayan ukol sa mga programa at inisyatibong makatutulong sa patuloy na pagpapalakas ng active transport sa lungsod.

Patuloy na isinusulong ng Pamahalaang Lungsod ng Marikina ang mga programang nagtataguyod ng ligtas, maayos, at mas sustainable na paglalakbay para sa bawat siklista at mamamayan.

29/07/2026

Tampok ang Marikina BMX Day 2026 sa programa ni Marc Logan sa TV5!

Maraming salamat sa TV5 sa pag-feature ng ating event at sa lahat ng nakiisa at sumuporta. Panoorin ang feature at balikan ang masasayang sandali ng Marikina BMX Day 2026!

🎥 Video courtesy of TV5 – Mga Kwentong Marc Logan.

21/07/2026