VAWC - Barangay Tumana

29/08/2026

📢 ANNOUNCEMENT | RE-SCHEDULE

Dahil sa masamang panahon, ang Solo Parent General Assembly ng Barangay Tumana na nakatakda sa August 30, 2026 (Sunday) ay ipinagpapaliban muna.

🌧️ Para sa kaligtasan at kapakanan ng lahat ng Solo Parents, magkakaroon ng bagong schedule na iaanunsyo sa lalong madaling panahon.

📌 Abangan ang aming opisyal na announcement para sa bagong petsa at oras.

Maraming salamat sa inyong pang-unawa at pakikiisa. ❤️
Stay safe, Solo Parents ng Tumana! 🙏

28/08/2026

MAHIGPIT NA KINOKONDENA NG VAWC - Barangay Tumana

Ang anumang bastos, mapanlait, mapanghamak, mapanirang-puri, o mapang-abusong pahayag laban sa isang babae sa personal man o sa social media ay hindi dapat gawing biro o paraan upang yurakan ang kanyang pagkatao at dignidad.

Mag-isip bago magsalita. Mag-isip bago mag-post.

Ang mga online na pangha-harass at pambabastos na may kaugnayan sa kasarian ay maaaring pumasok sa saklaw ng Republic Act No. 11313 o Safe Spaces Act (Bawal Bastos Law).

Samantala, ang paninirang-puri na ginawa sa pamamagitan ng computer system o social media, kung taglay nito ang mga elemento ng libel sa ilalim ng batas, ay maaaring maging Cyberlibel sa ilalim ng Republic Act No. 10175 o Cybercrime Prevention Act of 2012.

Ang paulit-ulit na verbal abuse, harassment, public ridicule o humiliation, at iba pang gawaing nagdudulot ng mental o emotional suffering ay kinikilala sa ilalim ng Republic Act No. 9262 (Anti-VAWC Act of 2004) bilang mga anyo ng psychological violence, depende sa mga pangyayari at sa saklaw ng batas.

HINDI LIBRENG LISENSYA ANG SOCIAL MEDIA PARA MANLAIT, MANG-INSULTO O MANIRA NG PAGKATAO.

HINDI KATANGGAP-TANGGAP ANG PANANAKIT SA SALITA. HINDI KATANGGAP-TANGGAP ANG PAMBABASTOS. IGALANG ANG KABABAIHAN. IPAGTANGGOL ANG KANILANG DIGNIDAD.

Respeto sa kababaihan.
Respeto sa dignidad ng bawat tao.
Maging responsable sa bawat salita, komento at post.

VAWC BARANGAY TUMANA
Para sa ligtas, marangal at respetadong kababaihan.

27/08/2026

📢SOLO PARENT GENERAL ASSEMBLY 2026 👨‍👩‍👧‍👦

Inaanyayahan ang lahat ng Solo Parents ng Barangay Tumana na makiisa sa ating SOLO PARENT GENERAL ASSEMBLY 2026!

Sa pangunguna ni Kapitana Akiko Centeno at ng buong Barangay Tumana Council, katuwang ang Committee on Gender and Development (GAD) at Committee on Women, Children, Family Affairs and Social Services, sa pangunguna ni Kagawad Khel Nuñez, kasama ang Solo Parent Organization of Tumana (SPOT) sa pangunguna ni President Juvy Giltendez. Nobleza Juvy

Isang makabuluhang pagtitipon para sa Orientation on the Expanded Solo Parents Welfare Act (Republic Act No. 11861) at sa Latest Guidelines and Policies on Solo Parent Registration.

🗓️ AUGUST 30, 2026 | SUNDAY
🕗 8:00 AM – 12:00 NN
📍 New Barangay Hall Covered Court, Doña Petra, Barangay Tumana, Marikina City

Sa temang: “NAGKAKAISANG SOLO PARENTS NG TUMANA: TUNGO SA MAS MATATAG, EMPOWERED, AT INCLUSIVE NA KOMUNIDAD”

Narito ang inyong pagkakataon upang:

✅ Alamin ang inyong mga legal na karapatan bilang Solo Parent
✅ Tuklasin ang mga benepisyo at suportang maaaring makamit mula sa pamahalaan
✅ Malaman ang proseso ng pagpaparehistro at pagkuha ng Solo Parent ID
✅ Makibahagi at makiisa sa isang komunidad na handang umalalay at sumuporta

Hindi ka nag-iisa. ❤️

Ang bawat Solo Parent ay mahalaga, kinikilala, at may karapatang mabigyan ng sapat na suporta, proteksyon, at oportunidad para sa kanilang sarili at kanilang pamilya. Sama-sama nating palakasin ang ating mga pamilya at bumuo ng mas maunlad at inklusibong komunidad.

📌 Para sa registration at iba pang impormasyon, magtungo lamang sa VAWC - Barangay Tumana at bisitahin ang Solo Parent Desk.

✨ KNOW YOUR RIGHTS. EMPOWER YOURSELF.
🤝 SHARE. LEARN. GROW. TOGETHER AS ONE.
🛡️ STRONG PARENTS. STRONGER COMMUNITY.

25/08/2026

15/08/2026

MALIGAYANG KAARAWAN, MS. MARGARETH S. TUMBAGA

Nawa’y maging masaya, makulay at puno ng pagpapala ang inyong espesyal na araw!

Maraming salamat sa inyong dedikasyon, malasakit at tapat na paglilingkod bilang Department Head ng Anti-Gender Based Violence Office (AGBVO). Ang inyong pagsisikap na maprotektahan at mapaglingkuran ang ating mga kababaihan, pamilya at iba pang nangangailangan ay tunay na kahanga-hanga.

Nawa’y patuloy kayong pagkalooban ng mabuting kalusugan, lakas, tagumpay at mas marami pang biyaya upang patuloy na maging inspirasyon sa ating komunidad.

Maligayang Kaarawan, Ms. Margareth!
Patuloy na maging ilaw at lakas sa paglilingkod sa ating kapwa.

Taos-pusong pagbati mula kina:
Kapitana Akiko Centeno
Kagawad Khel Nuñez
at buong AGBVO Family 💜

13/08/2026

10/08/2026

𝐀𝐍𝐆 𝐈𝐍𝐀𝐁𝐀𝐍𝐆𝐀𝐍 𝐀𝐓 𝐏𝐀𝐓𝐔𝐋𝐎𝐘 𝐍𝐀 𝐌𝐀𝐓𝐔𝐓𝐔𝐍𝐆𝐇𝐀𝐘𝐀𝐍, 𝐍𝐀𝐑𝐈𝐓𝐎 𝐍𝐀!

With our utmost gratitude and honor, we proudly present to you—💡𝗦𝗠𝗔𝗥𝗧 𝗞𝗮𝗯𝗮𝘁𝗮𝗮𝗻: Sustainable. Movement. for Active Youth. and Responsible Tumanians.

Halina’t samahan niyo kami sa bawat bukas na darating at kilatisin ang bawat miyembro upang matunghayan ang aming munting lakbayin kasama ang aming adhikain.

Sa mga araw na darating ating tuklasin ang bawat kakayahan at tagumpay ng mga 𝗦𝗠𝗔𝗥𝗧 𝗞𝗮𝗯𝗮𝘁𝗮𝗮𝗻. Isang bagong kwento ng bawat kabataang handang humarap sa laban at mananatiling tapat sa hamon ng reyalidad.

💡 Think 𝗦𝗠𝗔𝗥𝗧.
🤝 Act 𝗦𝗠𝗔𝗥𝗧.
🌱 Lead 𝗦𝗠𝗔𝗥𝗧.

31/07/2026

📢 ANUNSYO | EDU ACTION – TUMANIANS SCHOLAR A.Y. 2026–2027

📚 Mahalagang Paalala sa mga Aplikante ng Eduaction Tumanians Scholar (2nd Batch)

Ang Screening at Interview ay PARA LAMANG sa mga aplikanteng nabigyan ng Application Form at kumpleto nang nakapagsumite ng mga kinakailangang requirements para sa EduACtion Tumanians Scholar Educational Financial Assistance Program.

Ang programang ito ay para sa mga sumusunod na benepisyaryo:
✅ Anak ng Persons with Disability (PWD)
✅ Anak ng Solo Parent
✅ PWD Members
✅ Working Students

🗓️ ISKEDYUL NG SCREENING AT INTERVIEW

🎓 Senior High School Applicants
📅 Agosto 1, 2026 (Sabado)

🎓 College Applicants
📅 Agosto 2, 2026 (Linggo)

🕙 Oras: 10:00 AM – 5:00 PM
📍 Lugar: 2nd Floor, New Building, New Barangay Hall, Barangay Tumana

📌 PAALALA:
✔️ Dalhin ang inyong valid ID at mga orihinal na dokumento para sa beripikasyon kung kinakailangan.
✔️ Dumating nang 30 minuto bago ang inyong iskedyul at magsuot ng maayos at disenteng kasuotan.

Ang Eduaction Tumanians Scholar ay isang programang naglalayong makatulong sa mga kabataang Tumanian na nangangailangan ng suporta upang maipagpatuloy ang kanilang pag-aaral.

Sa pangunguna ni Punong Barangay Akiko Centeno at ng buong Sangguniang Barangay ng Tumana, katuwang si Kagawad Khel Lalaguna Nuñez, Chairperson ng Komite sa Edukasyon, patuloy nating isinusulong ang mga programang nagbibigay ng pantay na oportunidad sa edukasyon para sa ating mga mag-aaral.

💚 Good luck sa lahat ng mga aplikante! Sama-sama nating abutin ang mas maliwanag na kinabukasan sa pamamagitan ng edukasyon.

30/07/2026

Happy Birthday Ms. Delaila Leones Soriano

Sa araw na ito, nais po naming iparating ang aming taos-pusong pagbati at pasasalamat sa inyong walang sawang dedikasyon, malasakit, at tapat na paglilingkod bilang ating masipag at mapagkalingang BCPC Desk Officer.

Kayo po ay tunay na inspirasyon sa aming komunidad dahil sa inyong kabutihan, lakas ng loob, at malasakit sa bawat mamamayan na inyong natutulungan lalo na sa mga Bata at kabataan. Nawa’y patuloy kayong pagpalain ng Poong Maykapal ng mabuting kalusugan, mahabang buhay, kapayapaan ng isip, at higit pang tagumpay kasama ang inyong pamilya at mga mahal sa buhay.

Maraming salamat po sa inyong pagmamahal at serbisyo sa ating barangay. Hangad namin ang mas marami pang masasayang alaala at biyayang darating sa inyong buhay.

Muli, Maligayang Kaarawan po! ✨
Lubos na pagbati mula sa inyong AGBVO/VAWC Tumana Family at ni Kagawad Khel Nuñez.

20/07/2026

Maraming Salamat!! Kap. Akiko Centeno at sa buong Barangay Council kgwd. Nuñez Lalaguna Michael...
Kwentong positibo at inspirasyon na hindi kailan man hadlang ang mga bigat at Hindi magandang karanasan sa Buhay upang mawalan ng pag-asang ipagpatuloy ang pangarap. Isang patunay ang isang batang lalaki na naging biktima ng pang-aabuso at naging pansamantalang tahanan ang ating barangay VAWC office sa loob ng ilang buwan. Katuwang ang ating mga VAWC officers na naging kanyang pamilya sa pamumuno ni Ms. Em-Em Tumbaga San Juan na tumayong pansamantalang guardian,Hindi man naging madali para sa kanya ang naging kanyang laban nakahanap parin ng mga mabubuting tao para magbigay ng gabay,pagmamahal at suporta para magpatuloy sa kanyang Buhay.Bilang sukli sya ay nag aaral ng mabuti nakapgtapos ng Junior High School with Honors at Hanggang Ngayon ay patuloy parin pinagbubuti ang kanyang pag-aaral,

Dahil sa kagustuhan na mas mapaunlad ang kanyang sarili minabuti nyang bumukod at tustusan na ang kanyang personal na pangangailan,
Sa pagninegosyo ng "musubi" katuwang ang kanyang kaibigan ay sinisikap niyang maitaguyod ang Sarili.Ngayon ay masaya na niyang naibabahagi na kahit masakit at mahirap ang kanyang pinagdaanan ay heto sya na positibong lumalaban ng patas para mabuhay.

Mula sa kanyang mensahe sya ay buong pusong nagpapasalamat! Sa buong Barangay Council sa Pamumuno ng ating Kap. Akiko Centeno,kgwd khel Nunez at sa buong VAWC officers na naging kanyang pamilya at naging parte ng kanyang laban,sa lahat ng taong tumulong at nagbigay suporta,Ma'am Floy, Ma'am Hope bilang kanyang tagapagtanggol at Ma'am Nitz,Saludo Po sa inyong lahat❤️❤️❤️