Mariveles Command Center

07/03/2024

𝗠𝗮𝗴𝗹𝗶𝗹𝗶𝗻𝗴𝗸𝗼𝗱 𝗻𝗮𝗻𝗴 𝗺𝗮𝘆 𝗕𝘂𝗼𝗻𝗴 𝗞𝗮𝘁𝗮𝗽𝗮𝘁𝗮𝗻 𝘀𝗮 𝗕𝗮𝘆𝗮𝗻 𝗻𝗴 𝗠𝗮𝗿𝗶𝘃𝗲𝗹𝗲𝘀.

Natanggap po ng inyong lingkod at ibang opisyal ng ating bayan ang kautusan ng Ombudsman na kami ay preventively suspended muna ng anim na buwan. Atin pong hinihintay ang instruksyon ng Department of Interior and Local Government (DILG), ang implementing agency ng ganitong order, para sa maayos na transition at continuity ng mga serbisyo ng lokal na pamahalaan sa ating mga kababayan.

May tatlong punto lang tayo na gustong ilahad:

Una, 𝗮𝗻𝗴 𝗽𝗿𝗲𝘃𝗲𝗻𝘁𝗶𝘃𝗲 𝘀𝘂𝘀𝗽𝗲𝗻𝘀𝗶𝗼𝗻 𝗮𝘆 𝗵𝗶𝗻𝗱𝗶 𝗳𝗶𝗻𝗱𝗶𝗻𝗴 𝗼𝗳 𝗴𝘂𝗶𝗹𝘁. Iniuutos po ito ng Ombudsman para malaya nilang maimbestigahan ang isyu. Sinabihan po natin ang buong pwersa ng munisipyo na makipagtulungan sa anumang dokumento o testimonya na kakailanganin ng Ombudsman.

Pangalawa, nag-ugat ang kaso sa pasya ng Bayan ng Mariveles na magbigay ng business permit sa isang kumpanya na kumpleto ang application at lubos itong tinututulan ng isa namang kumpanya. 𝗠𝗮𝗹𝗶𝗻𝗮𝘄 𝗽𝗼 𝗻𝗮 𝘀𝗶𝗻𝘂𝗻𝗼𝗱 𝗻𝗮𝘁𝗶𝗻 𝗮𝗻𝗴 𝗽𝗿𝗼𝗯𝗶𝘀𝘆𝗼𝗻 𝗻𝗴 𝗘𝗮𝘀𝗲 𝗼𝗳 𝗗𝗼𝗶𝗻𝗴 𝗕𝘂𝘀𝗶𝗻𝗲𝘀𝘀 𝗔𝗰𝘁 𝗸𝘂𝗻𝗴 𝘀𝗮𝗮𝗻 𝘀𝗶𝗻𝗮𝘀𝗮𝗯𝗶𝗻𝗴 𝗺𝗶𝗻𝗶𝘀𝘁𝗲𝗿𝗶𝗮𝗹 𝗻𝗮 𝗹𝗮𝗻𝗴 𝗽𝗮𝗿𝗮 𝘀𝗮 𝗶𝘀𝗮𝗻𝗴 𝗟𝗚𝗨 𝗻𝗮 𝗺𝗮𝗴-𝗶𝘀𝘀𝘂𝗲 𝗻𝗴 𝗯𝘂𝘀𝗶𝗻𝗲𝘀𝘀 𝗽𝗲𝗿𝗺𝗶𝘁 𝗸𝘂𝗻𝗴 𝗸𝘂𝗺𝗽𝗹𝗲𝘁𝗼 𝗮𝗻𝗴 𝗺𝗴𝗮 𝗱𝗼𝗸𝘂𝗺𝗲𝗻𝘁𝗼 𝗻𝗴 𝗶𝘀𝗮𝗻𝗴 𝗮𝗽𝗹𝗶𝗸𝗮𝗻𝘁𝗲. Hindi kunsiderasyon sa Ease of Doing Business Act ang anumang hidwaan ng mga negosyo. Dito sa Mariveles, malugod nating tutulungan ang sinumang nais magnegosyo basta’t naaayon ito sa mga panuntunan ng batas.

Pangatlo, 𝗶𝗻𝗶𝗿𝗲𝗿𝗲𝘀𝗽𝗲𝘁𝗼 𝗻𝗮𝘁𝗶𝗻 𝗮𝗻𝗴 𝗽𝗿𝗼𝘀𝗲𝘀𝗼 𝗻𝗴 𝗢𝗺𝗯𝘂𝗱𝘀𝗺𝗮𝗻. Ngunit bilang abogado at bilang ama ng ating bayan, maninindigan po tayo na ginawa lang natin ang nararapat ayon sa batas. Ang kapakanan ng ating bayan at hindi ang interes ng iilan ang prayoridad natin sa bawat aksyon natin.

Muli, ginawaga natin ang lahat para walang patid ang serbisyo ng ating pamahalaang lokal sa ating mga kababayan. Patuloy na maglilingkod nang may buong katapatan ang buong pamahalaang lokal sa Bayan ng Mariveles.

𝗡𝗮𝘀𝗮 𝗽𝗮𝗻𝗶𝗴 𝗻𝗮𝘁𝗶𝗻 𝗮𝗻𝗴 𝗸𝗮𝘁𝗼𝘁𝗼𝗵𝗮𝗻𝗮𝗻,
𝗠𝗮𝘆𝗼𝗿 𝗞𝘂𝘆𝗮 𝗔𝗝 𝗖𝗼𝗻𝗰𝗲𝗽𝗰𝗶𝗼𝗻

21/10/2023

Pagbati mula sa Mariveles Command Center sa ating masipag na Lingkod Bayan ang ating Ama ng Bayan ng Mariveles Mayor Atty Kuya AJ Concepcion ng isang Maligayang Kaarawan!

Dalangin po namin ang inyong kaligtasan at marami pang kaarawan ang inyong maipagdiwang. Nawa'y biyayaan pa po kayo ng ating Panginoon ng lakas at magandang kalusugan upang mapag lingkuran ang ating mahal na bayan na Mariveles.

03/10/2023

BASIC LIFE SUPPORT ORDINANCE, PASADO NA SA IKATLONG PAGBASA! | Oktubre 2, 2023

Maluwalhati nang nakapasa sa Ikatlo at Huling Pagbasa ang Draft Municipal Ordinance No. 52 o ang "Basic Life Support and Standard First Aid Training Ordinance of Mariveles" sa botong 10-0 noong ika-57 Regular na Sesyon ng Sangguniang Bayan ng Mariveles.

Layunin po ng ordinansang ito na ating iniakda kasama si Konsehal Vonnel Isip na turuan ang iba't-ibang pangunahing sektor ng cardiopulmonary resuscitation para makapag dugtong-buhay, at magkaroon ng Public Access Defibrillator (PAD) sa mga pampublikong lugar, upang maihanda rin ang ating bayan para maging isang CPR-ready Municipality.

Tayo po ay nagpapasalamat sa ating mga kasama sa Sangguniang Bayan ng Mariveles sa pamumuno ng ating mahal na Vice Mayor Lito Rubia na kung hindi dahil sa kanilang buong suporta ay hindi natin maisusulong ang ating panukala para sa ating mga kababayan.

Ito po ay isusumite na sa Tanggapan ng Punong Bayan para sa kanyang konsiderasyon.

25/07/2023

Ang lakas ng ay nagbibigay ng malakas na pag ulan. Dulot nito ang pagkakaroon ng madulas na daanan. Sa ganap na 9:23 ng gabi Hulyo 24, 2023 isang kotse ang aksidenteng dumulas habang tinatahak ang bahagi ng Zigzag Road Mariveles, Bataan.
Ang pangyayaring ito ay agad nirespondehan ng ating mga kasamahan sa Public Safety Office at MDRRMO. Sa kabutihang palad ay wala namang natamong anumang sugat ang driver ng nasabing kotse.

25/07/2023

BAGYONG EGAY PALAPIT SA NORTHERN LUZON, MAULAN AT MAHANGING PANAHON ASAHAN SA LUZON AT VISAYAS ⚠️

Hanggang sa mapaminsalang na hangin, buhos na ulan, at daluyong, ang aasahan sa Northern Luzon sa pagdaan ng ( ) mamayang gabi-bukas. Mahangin at maulan na rin sa malaking bahagi ng Luzon at Visayas.

⚠️ Ang pinakamalalakas na hangin at ulan ng bagyong EGAY ay posibleng pinakaramdam sa Cagayan, Apayao, Ilocos Norte, at Batanes.

KASALUKUYANG IMPORMASYON SA BAGYO (4:00 AM):

• LOKASYON NG SENTRO: 350 km East of Tuguegarao City, Cagayan
• PAGKILOS: West Northwestward at 15 km/h
• LAKAS NG HANGIN MALAPIT SA GITNA: 175 km/h
• PAGBUGSO: 215 km/h
• LAWAK NG MALALAKAS NA HANGIN: 680 km mula sa sentro

MGA DAPAT MALAMAN:

[1] NASAAN NA ANG BAGYO?

➡ Ang sentro ng bagyo ay nasa Philippine Sea sa silangan ng Cagayan. Ito ay palapit na sa kalupaan.

[2] ANO ANG INAASAHAN NGAYONG ARAW?

➡ Unti-unti nang magiging masungit ang panahon sa NORTHERN LUZON dahil sa paglapit ng bagyo. Asahan na ang pabugsu-bugsong malalakas na hangin, malalakas na pag-ulan, daluyong, at malalakas na alon sa mga susunod na oras. Titindi ang epekto nito pagsapit ng hapon at gabi.

➡ Inaasahang simula mamayang gabi hanggang bukas tatawirin ng bagyo ang Extreme Northern Luzon, kaya asahan ang hanggang sa mapaminsalang hangin, matitinding ulan sa mga oras na ito.

➡ May pabugsu-bugsong hangin at ulan na rin sa nalalabing bahagi ng Luzon, kasama ang Metro Manila, at inaasahang titindi ito pagsapit ng hapon/gabi at magpapatuloy bukas.

➡ Ang habagat na pinalalakas ng bagyong EGAY naman ang magdudulot ng makulimlim na panahon, pabugsu-bugsong ulan at hanggang sa minsang malalakas na hangin sa malaking bahagi ng Visayas at Mindanao.

[3] LALAKAS PA BA ITO?

➡ Patuloy ang paglakas ng bagyong EGAY at mataas pa rin ang tiyansang umabot pa ito sa 'SUPER TYPHOON' intensity mamayang umaga o hapon.

[4] SAAN ITO TATAMA?

➡ Sa sususunod na 12 oras inaasahang patuloy na lalapit ang sentro ng bagyong EGAY sa Cagayan at posibleng unang dumaplis sa hilagang bahagi nito mamayang gabi o bukas ng madaling araw.

➡ Ngayong gabi hanggang hanggang Miyerkoles ng umaga ay inaasahang tatawirin nito ang Extreme Northern Luzon at pinakamakakaapekto sa Cagayan, Batanes, Ilocos Norte, at Apayao. Hanggang Tropical Cyclone Wind Signal (TCWS) No. 5 ang posibleng itaas.

➡ Sa nakalipas na mga update, bahagyang bumaba pa ang track ng bagyo, kung saan posibleng sa dulong bahagi na ng mainland Luzon (Cagayan) ito mag-landfall. Kung bumaba pa ang track, mas malaki ang epekto sa Luzon.

[5] ANONG EPEKTO NG BAGYO?

➡ Ang sirkulasyon ng bagyo ay patuloy na magdudulot na ng maulang panahon at pabugsu-bugsong hangin malaking bahagi ng Luzon.

➡ Dahil sa inaasahan paglapit at pagtawid ng bagyo sa Extreme Northern Luzon mamayang hapon hanggang bukas, inaasahang magiging masungit ang panahon sa Northern Luzon, partikular sa Cagayan, Isabela, Batanes, Apayao, Abra, Ilocos Norte, Ilocos Sur, at La Union.

➡ Simula ngayong araw hanggang sa bukas ay malaking bahagi ng Luzon (kasama ang Metro Manila) ang makakaranas ng mahangin at at maulang panahon dahil sa lawak ng sirkulasyon ng bagyo.

[6] ANO ANG INAASAHAN SA HABAGAT?

➡ Ang bagyong EGAY ay inaasahang patuloy na palalakasin ang habagat sa mga susunod na araw.

➡ PAG-ULAN: Makulimlim na panahon na ang dulot ng habagat sa malaking bahagi ng Visayas at Mindanao. Mas madalas ang mga pag-ulan sa kanlurang mga bahagi ng Southern Luzon at Visayas.

➡ PAGBUGSO NG HANGIN: Magpapatuloy ang pabugsu-bugsong malakas na hangin sa halos buong Southern Luzon, Visayas, at Mindanao sa susunod na 2-3 araw. May tiyansang ito ay maging malakas at makasira ng payong o ilang imprastraktura.

ℹ️ Patuloy na inaabisuhan ang lahat na patuloy na mag-antabay sa mga susunod na updates ukol sa inaasahang lagay ng panahon. Ingat!

PANAHONKONEK SPECIAL UPDATE NO. 03 FOR EGAY (DOKSURI)
5:30 AM PhST | 25 July 2023
Main Reference: PAGASA/JMA
Model Reference: ECMWF and GFS

25/07/2023

Kasabay ng ating pagpupulong sa Baguio City Tourism, nagkaroon rin po tayo ng pagkakataong masilip ang Baguio Creative Smart City Command Center kung saan ang teknolohiyang gamit nila dito ay mula sa Cisco na nagtatag ng komprehensibong Smart City platform na kinabibilangan ng Command and Control Center, Video Management System (VMS) na may Video Analytics, Computer-Aided Dispatch (CAD)Unified Communication Platform (ICP), Geographical Information System (GIS), at big data analytics.
Ito ay isang paraan kung paano ginagamit ang teknolohiya sa pag-unlad ng isang bayan o lungsod, at mas lalong magpapalakas pag-asa para sa mas marami pang mga proyekto at inobasyon na maaaring maging gabay para sa lungsond at bayan sa hinaharap. Mas mapapalakas pa nito ang pagresponde at pagpigil sa mga emergency at kalamidad, pagpapabilis ng serbisyo, at ang pagpapabuti ng ating health systems at pagpoprotekta ng buhay at mga ari-arian.

25/07/2023

EGAY IS NOW A SUPER TYPHOON⚠️
Tropical Cyclone ( ) intensifies further and is now having max sustained winds of up to 185 km/h near the center and gustiness of up to 230km/h while heading towards Northern Luzon, as per PAGASA.
Stay safe, Mariveleños!

EGAY IS NOW A SUPER TYPHOON⚠️

Tropical Cyclone ( ) intensifies further and is now having max sustained winds of up to 185 km/h near the center and gustiness of up to 230km/h while heading towards Northern Luzon, as per PAGASA.

Stay safe, Mariveleños!

25/07/2023

BRIEFING AND SCHEDULING OF POSTING FOR PUBLIC SAFETY OFFICE PERSONNEL
Ika-24 Hulyo, 2023
Upang matiyak na palaging may nag babantay sa kaligtasan ng ating mga kababayan sa lahat ng oras, pinangunahan ng ating Deputy for Operation Benito Versoza Jr. ang pagkakaroon ng BRIEFING AND SCHEDULING OF POSTING para sa Public Safety Office PERSONNEL na nakatalaga sa Batangas II at Cabcaben.
Ang isinagawang briefing at scheduling na ito ay makapagbibigay seguridad na ang ating mga kasamahan sa Public Safety Office is always on duty, alerto at handa sa mga anumang pangyayari sa ating lugar at maaaring hingan ng tulong anumang oras.
Maaari pong tumawag sa ating opisina kung mangangailangan ng dagliang tulong.
Public Safety Office: ☎️09564409125

14/07/2023

Para po sa mga kababayan nating nangangailangan ng tulong narito po ang ating Hotline numbers o maaari po kayong mismong mag pm sa ating FB Page pati narin po sa ating FB Account.
Mananatili pong nakasubaybay ang mga sangay ng ating Pamahalaan Bayan ng Mariveles upang tumugon sa mga pangangailangan ng ating mga kababayan.

Manatili po tayong ligtas!
Maraming Salamat po.

25/05/2023

Para po sa mga kababayan nating nangangailangan ng tulong narito po ang ating mga Hotline Numbers, o maaari po kayo mismong mag pm sa ating FB Page. pati na rin sa FB account ng MDRRMO Mariveles https://www.facebook.com/MDRRMOMarivelesBataan

Mananatili pong nakasubaybay ang mga sangay ng Ating Pamahalaang Bayan upang tumugon sa mga pangangailangan ng ating mga kababayan.

Manatili po tayong Ligtas.