Municipal Government of Mariveles

01/09/2026

𝗖𝗼𝗺𝗺𝗶𝘁𝘁𝗲𝗲 𝗛𝗲𝗮𝗿𝗶𝗻𝗴 𝗮𝘁 𝗠𝗲𝗲𝘁𝗶𝗻𝗴 | 𝗔𝘂𝗴𝘂𝘀𝘁 𝟮𝟳, 𝟮𝟬𝟮𝟲

Ginanap ang Committee Hearing at Meeting na pinangunahan ni Konsehal Ivan Ricafrente. Tinalakay sa Committee Hearing ang status ng mga opened plantilla positions at ang proseso ng Human Resource Merit Promotion and Selection Board (HRMPSB), na layuning matiyak ang maayos, patas, at transparent na proseso sa pagpili at paghirang sa mga kwalipikadong aplikante.

Isinagawa rin ang meeting kasama ang mga opisyal ng Hypertensive and Diabetic Club Federation upang mapakinggan ang kanilang mga concerns, pangangailangan, at mga mungkahing makatutulong sa kanilang mga miyembro.

Patuloy ang Sangguniang Bayan sa pakikipag-ugnayan sa iba’t ibang sektor at institusyon upang matugunan ang mga mahahalagang usapin at maisulong ang mga hakbang para sa kapakanan ng ating mga kababayan.

01/09/2026

𝗣𝗨𝗕𝗟𝗜𝗖 𝗖𝗢𝗡𝗦𝗨𝗟𝗧𝗔𝗧𝗜𝗢𝗡 𝗣𝗔𝗥𝗔 𝗦𝗔 𝗕𝗔𝗧𝗔𝗔𝗡-𝗖𝗔𝗩𝗜𝗧𝗘 𝗜𝗡𝗧𝗘𝗥𝗟𝗜𝗡𝗞 𝗕𝗥𝗜𝗗𝗚𝗘 𝗣𝗥𝗢𝗝𝗘𝗖𝗧

Isinagawa noong Agosto 27, 2026 ang Public Consultation para sa Bataan-Cavite Interlink Bridge (BCIB) Project – Contract Package 1 (Bataan Land Approach) sa Mt. Tarak Guest House and Restaurant, Barangay Alas-asin, Mariveles, Bataan.

Dumalo sa nasabing gawain si Mayor Ace Jello C. Concepcion, kasama si Kapitan Dante Malimban ng Alas-asin, gayundin ang mga kinatawan ng Department of Public Works and Highways (DPWH) na pinangunahan nina Engr. Gil P. Manuel, Engr. Junnel Ray Bautista, at Engr. Ken John Barcelona, at mga residente na maaapektuhan ng BCIB.

Layunin ng konsultasyon na maipaliwanag sa mga residente ang mahahalagang detalye ng proyekto, kabilang ang mga probisyon ng Land Acquisition and Resettlement Plan (LARP) para sa mga posibleng maapektuhang ari-arian at kabuhayan, gayundin ang mga hakbang para sa pangangalaga ng kalikasan alinsunod sa Environmental Impact Statement.

Tinalakay rin ang Grievance Redress Mechanism (GRM) upang matiyak na may malinaw at opisyal na paraan ang mga mamamayan upang maipaabot ang kanilang mga katanungan, saloobin, at iba pang usapin kaugnay ng proyekto.

Patuloy ang pakikipag-ugnayan ng Pamahalaang Bayan ng Mariveles sa DPWH at iba pang kinauukulang ahensya upang maisakatuparan ang proyekto nang maayos, malinaw, ligtas, at isinasaalang-alang ang kapakanan ng mga mamamayan at komunidad.

01/09/2026

𝗢𝗽𝗲𝗻 𝗚𝗼𝘃𝗲𝗿𝗻𝗺𝗲𝗻𝘁 𝗣𝗮𝗿𝘁𝗻𝗲𝗿𝘀𝗵𝗶𝗽 (𝗢𝗚𝗣) 𝗟𝗼𝗰𝗮𝗹𝗶𝘇𝗮𝘁𝗶𝗼𝗻 𝗣𝗿𝗼𝗴𝗿𝗮𝗺 𝗣𝗿𝗼𝗯𝗹𝗲𝗺-𝗦𝗼𝗹𝘂𝘁𝗶𝗼𝗻 𝗪𝗼𝗿𝗸𝘀𝗵𝗼𝗽

Bilang bahagi ng patuloy na pagpapatupad ng Open Government Partnership (OGP) Localization Program ng Department of the Interior and Local Government (DILG), isinagawa noong Agosto 27, 2026 ang On-Site OGP Localization Program Problem-Solution Workshop sa Marylan Hall, Romalaines Seafood Restaurant and Leisure Park.

Dumalo sina Mayor Kuya AJ Concepcion, MGLOO VI Ma. Jasmis Bartolo, Att. Marife Andal-Concepcion, mga department head, at kinatawan ng Civil Society Organizations (CSOs) sa Mariveles.

Tinalakay sa workshop ang Co-Creation of Flagship Programs and Actions at mga konkretong solusyon sa mga lokal na hamon, sa pangunguna ng mga facilitators na sina Mr. Mark Angelo T. Pumares, Ms. Aleira Eunice V. Taguines, at Mr. Aldrian Balmelero.

Layunin nitong palakasin ang pagtutulungan ng LGU at CSOs sa pagsusulong ng open government, collaborative governance, at citizen participation para sa mas inklusibong mga programa at serbisyo.

01/09/2026

𝗙𝗹𝗮𝗴 𝗥𝗮𝗶𝘀𝗶𝗻𝗴 𝗖𝗲𝗿𝗲𝗺𝗼𝗻𝘆
𝗠𝘂𝗻𝗶𝗰𝗶𝗽𝗮𝗹 𝗟𝗼𝗯𝗯𝘆
𝟭 𝗦𝗲𝗽𝘁𝗲𝗺𝗯𝗲𝗿 𝟮𝟬𝟮𝟲

Pinangunahan ng Municipal Assessor’s Office, katuwang ang iba’t ibang departamento at tanggapan ng Pamahalaang Bayan ng Mariveles, ang Flag Raising Ceremony ngayong umaga bilang panimula sa panibagong linggo ng tapat at sama-samang paglilingkod sa ating mga kababayan.

Bilang pakikiisa sa ika-126 Anibersaryo ng Civil Service Commission, nagsisilbi itong mahalagang paalala sa mahalagang papel ng serbisyo sibil sa pagsusulong ng integridad, propesyonalismo, pananagutan, at kahusayan sa paglilingkod sa publiko. Patuloy nating isabuhay ang mga pagpapahalagang ito sa araw-araw na pagtupad sa ating tungkulin para sa kapakanan ng bawat Mariveleño.

Bilang bahagi rin ng seremonya, ibinahagi ni OIC-Municipal Administrator Jesus Russell Maninang ang mga nakahandang programa at aktibidad para sa nalalapit na pagdiriwang ng Kapistahan ni Apo Kulas. Kabilang dito ang mga gawaing inihanda ng Pamahalaang Bayan upang maging makabuluhan, masaya, at ligtas ang pagdiriwang para sa ating mga Mariveleño.

Sa patuloy na pagtutulungan at pagkakaisa ng bawat tanggapan, sama-sama nating isinusulong ang episyente, maayos, at makataong serbisyo para sa bawat Mariveleño.

31/08/2026

Mariveleños, bukas, Martes, Setyembre 1, 2026, sa lahat ng antas ng pampubliko at pribadong paaralan sa buong Lalawigan ng Bataan, alinsunod sa Memorandum Circular No. 133 ng Malacañang. Hinihikayat naman ang mga paaralan na ipatupad ang nararapat na Alternative Learning Modes, gaya ng online o modular learning.

Samantala, ipatutupad ang alternative work arrangements sa mga tanggapan ng Pamahalaang Bayan ng Mariveles, alinsunod sa nasabing Memorandum.

Patuloy namang magbibigay-serbisyo ang mga tanggapang nangangasiwa sa basic at health services, disaster preparedness and response, at iba pang mahahalagang serbisyo.

Ang anunsyong ito ay bunsod ng patuloy na malalakas na pag-ulan dulot ng Enhanced Southwest Monsoon o Habagat. Ayon sa pinakahuling ulat ng PAGASA ngayong 5:00 PM, inaasahang nasa ilalim pa rin ng Yellow Rainfall Warning ang Lalawigan ng Bataan bukas.

Para naman sa pribadong sektor, ang pagpapatupad ng suspension o alternative work arrangements ay nasa pagpapasya ng kani-kanilang management.

Patuloy po tayong mag-ingat, manatiling alerto, at sumubaybay sa mga opisyal na abiso.

Mag-ingat po tayong lahat, Mariveleños!

31/08/2026

𝗠𝗔𝗚𝗔𝗡𝗗𝗔𝗡𝗚 𝗔𝗥𝗔𝗪, 𝗠𝗔𝗥𝗜𝗩𝗘𝗟𝗘𝗡̃𝗢𝗦!

Atin pong ipinapaalam sa ating mga kababayan na magkakaroon ng 𝗦𝗔𝗠𝗘 𝗗𝗔𝗬 𝗥𝗘𝗤𝗨𝗘𝗦𝗧, 𝗦𝗔𝗠𝗘 𝗗𝗔𝗬 𝗥𝗘𝗟𝗘𝗔𝗦𝗘 ng 𝗣𝗦𝗔-𝗔𝘂𝘁𝗵𝗲𝗻𝘁𝗶𝗰𝗮𝘁𝗲𝗱 𝗕𝗶𝗿𝘁𝗵, 𝗠𝗮𝗿𝗿𝗶𝗮𝗴𝗲, 𝗮𝘁 𝗗𝗲𝗮𝘁𝗵 𝗖𝗲𝗿𝘁𝗶𝗳𝗶𝗰𝗮𝘁𝗲𝘀 sa Huwebes ng umaga, September 3, 2026, sa Municipal Lobby.

Ang serbisyong ito ay libre at para lamang po sa 𝘂𝗻𝗮𝗻𝗴 𝟭𝟱𝟬 𝗮𝗽𝗹𝗶𝗸𝗮𝗻𝘁𝗲𝗻𝗴 𝗺𝗮𝗸𝗮𝗸𝗮𝗽𝗮𝗴𝗽𝗮𝗿𝗲𝗵𝗶𝘀𝘁𝗿𝗼. Magdala ng Birth Certificate at Valid ID.

Sa pakikipagtulungan ng Philippine Statistics Authority (PSA) at ng Lokal na Pamahalaan ng Mariveles sa pamamagitan ng Local Civil Registry Office (LCRO), patuloy po nating isinusulong ang digitalization ng mga serbisyo upang mapabilis at mapadali ang pagkuha ng mahahalagang dokumento para sa ating mga mamamayan.

Inaanyayahan po natin ang lahat na samantalahin ang programang ito. Maraming salamat po.

31/08/2026

Anong chika, mga mars? 👀💬

Hindi lahat ng “chika” ay chismis—minsan, 𝒉𝒆𝒂𝒍𝒕𝒉 𝒔𝒊𝒈𝒏𝒂𝒍 pala! Kapag paulit-ulit o maraming nakakaranas ng parehong sintomas, 𝐈𝐏𝐀𝐑𝐀𝐓𝐈𝐍𝐆, 𝐇𝐔𝐖𝐀𝐆 𝐈𝐊𝐀𝐋𝐀𝐓.

I-report sa 𝐡𝐞𝐚𝐥𝐭𝐡 𝐜𝐞𝐧𝐭𝐞𝐫 𝐨 𝐡𝐞𝐚𝐥𝐭𝐡 𝐰𝐨𝐫𝐤𝐞𝐫 para ma-check at maagapan kung kailangan.

𝐓𝐚𝐦𝐚𝐧𝐠 𝐢𝐦𝐩𝐨𝐫𝐦𝐚𝐬𝐲𝐨𝐧 → 𝐭𝐚𝐦𝐚𝐧𝐠 𝐭𝐚𝐨 → 𝐭𝐚𝐦𝐚𝐧𝐠 𝐚𝐤𝐬𝐲𝐨𝐧. ✅

31/08/2026

𝗠𝗮𝗹𝗶𝗴𝗮𝘆𝗮𝗻𝗴 𝗞𝗮𝗮𝗿𝗮𝘄𝗮𝗻, 𝗠𝘂𝗻𝗶𝗰𝗶𝗽𝗮𝗹 𝗔𝗰𝗰𝗼𝘂𝗻𝘁𝗮𝗻𝘁 𝗭𝗼𝗿𝗶𝗻𝗮 𝗚𝗿𝗮𝗰𝗲 𝗧. 𝗥𝗼𝗺𝗲𝗿𝗼!

Nawa’y patuloy kayong pagkalooban ng magandang kalusugan, kaligayahan, at tagumpay sa inyong buhay at paglilingkod sa Pamahalaang Bayan ng Mariveles.

Nawa’y maging makabuluhan at puno ng biyaya ang inyong espesyal na araw.

Maligayang kaarawan po, Ma’am Grace!

31/08/2026

𝗡𝗔𝗧𝗜𝗢𝗡𝗔𝗟 𝗛𝗘𝗥𝗢𝗘𝗦 𝗗𝗔𝗬

Ngayong National Heroes Day, ating pinararangalan hindi lamang ang mga bayani ng kasaysayan, kundi pati ang mga makabagong bayani na patuloy na naglilingkod, nagsasakripisyo, at nagbibigay ng malasakit para sa kapwa at bayan.

Saludo sa lahat ng ating mga bayani, noon at ngayon!

30/08/2026

PUBLIC ADVISORY: FAB CENTRAL TERMINAL TRIP STATUS

Agosto 30, 2026

Ipinababatid sa publiko ang kasalukuyang status ng mga biyahe sa FAB Central Terminal:

LONGHAUL TRIPS (Genesis & Bataan Express)
NORMAL OPERATIONS
Walang kanselasyon o pagbabago sa biyahe. Regular na umaalis ang mga bus kada 30–40 minuto.

MINIBUS – SM BALANGA ROUTE
LIMITED OPERATIONS
May mga biyahe ngunit limitado ang schedule dahil sa masamang panahon at pagbaha sa ilang bahagi ng Roman Highway, Cabcaben, at Balanga.

TRICYCLES & PUJs – LOCAL TRANSPORT
LIMITED OPERATIONS
Limitado ang biyahe dahil sa pagbaha, partikular sa Balon, San Isidro, Ipag, Cabcaben, Townsite, Camaya Breakwater, at mga sitio ng Sisiman.

PAALALA SA MGA MANLALAKBAY: Asahan ang posibleng pagkaantala sa biyahe. Maglaan ng sapat na oras, planuhin ang inyong paglalakbay, at unahin ang kaligtasan lalo na sa mga lugar na madaling bahain.

Mag-ingat po tayong lahat. Salamat sa inyong pang-unawa at pakikiisa.

🚨 PUBLIC ADVISORY: FAB CENTRAL TERMINAL TRIP STATUS 🚨

🗓 Date: August 30, 2026
Please be guided by the current operational status of transport services at the FAB Central Terminal:
🚌 Longhaul Trips (Genesis & Bataan Express)
* Status: Normal Operations
* Details: No changes or cancellations. Buses are departing regularly at approximately 30 to 40-minute intervals.
*🚐 Minibus (SM Balanga Route)
* Status: Limited Operations
* Details: Trips are available but running on a limited schedule due to adverse weather and localized flooding along Roman Highway, Cabcaben, and Balanga.
🛺 Tricycles & PUJs (Local Transport)
* Status: Limited Operations
* Details: Service is available but restricted due to flooded areas, particularly in:
* Balon
* San Isidro
* Ipag
* Cabcaben
* Townsite
* Camaya Breakwater
* Sitios of Sisiman

⚠️ Traveler Advisory: Expect potential delays, plan your trips ahead, and prioritize safety when traveling through flood-prone zones.
Thank you for your patience and cooperation. Stay safe!