29/10/2025
Maayung balita katawhan sa Barangay New Murcia.
Ang pagpaningkamot sa katawhan sa Barangay sa nahitabong Purok Beautification Contest nakahatag ug pansin ug positibong feedback sa atong lokal nga panggamhanan sa Lungsod sa Matanao.
Nakita sa katawhan dili lang sa mga lumolopyo sa barangay kung dili apil na usab sa mga kasikbit nga barangay ug sa mga molabay sa atong kadalanan sa barangay ang kaanindot sa gehimo nato nga Purok Beautification. Apil na dinhi ang pagdayeg sa kadaghanan mahitungod sa kalimpyo sa atong kadalanan.
Dugang usab niana ang atuang Municipal Tourism Office nihatag ug maayung ideya ug opurtunidad sa atuang pila ka mga miyembro sa Purok nga makahimo ug dugang panginabuhian nila pinaagi sa paghimo ug locally made woven products ug mabaligya isip souvenir items o uban pang pwede mapalit sa atuang mga turista sa Matanao.
Nakitaan sa taga Tourism Office ug potensyal ang atuang duha ka residente sa barangay nga mohimo ug mas mapalambo pa nila ang ilahang kahibalo sa paghimo ug woven products aron usab kini atuang ma promotar ug mamahimong another source of income sa barangay.
Katawhan sa barangay, kining tanan bunga kini sa atuang pag panaghiusa, kooperasyon ug gugma sa atuang barangay. Atua kining ipadayon, aron sa niana kining atong mga nakab-ot maka benepisyo pa ang sumusunod nga henerasyon sa atuang barangay.
Tinuod gayud ang tema sa atuang ika 68 nga anibersaryo sa barangay nga "Ang panaghiusa ang dalan sa kalambuan sa Barangay New Murcia".
Daghang salamat katawhan sa Barangay New Murcia ❤
