02/09/2026
Personal nga gitunol ni Mayor Joel Mayo Almario ang cash reward alang sa informant nga nakatudlo sa suspek nga misulay sa pagpanglugos sa usa ka menor de edad niadtong milabay nga semana.
Karong buntaga gitunol ni Mayor ang P100,000 nga reward money gikan sa City Government of Mati ug dugang nga P50,000 nga gitampo sa tag-iya sa TAN-TAN Hardware, nga mipataas sa kinatibuk-ang reward ngadto sa P150,000.
Boluntaryong mitunol ang informant, nga taga-Barangay Don Martin Marundan, og P20,000 ngadto sa pamilya sa menor de edad isip tabang sa padayon nga pag-atiman ug medikal nga panginahanglanon niini.
Aduna sab hinabang nga gi preparara si Mayor Almario sa biktima alang sa pagpadayong recovery niini.
Gipasalamatan ni Acting Chief of Police PLTCOL Frederick Sa-Ao ang People's Administration, ang TAN-TAN Hardware, ug ang informant, ingon man ang ubang mitabang sa paghatag og impormasyon nga nakatampo sa paspas nga pag-uswag sa imbestigasyon. | CIO
Together, Yes We Protect
Para Sa Tanan
